Lajmet

​Mbrojtja e quan të papranueshme që Prokuroria të dorëzojë dosjen paraprake në shtator

Published

5 years ago

on

Në konferencën e sotme mbi ecurinë e çështjes ndaj ish-krerëve të UÇK-së në Dhomat e Specializuara, mbrojtja e të akuzuarve ka kërkuar që sa më parë të marrin dosjen paraprake, në mënyrë që të fillojnë punën e tyre. Vonimi i dorëzimit të dosjes paraprake deri në shtator është cilësuar si e papranueshme.

Gjykatësi ka kërkuar nëse mund të ketë një datë të përafërt se kur mund të dorëzohet dosja parapake dhe ka kërkuar datë përfundimtare për përfundimin e hetimeve të pazhvilluara.

Prokurorja Claire Lawson tha se do të jenë në gjendje që deri në javën e dytë të shtatorit 2021 të dorëzojnë dosjen paraprake, pasi që tha se nënkategorizimi i materialeve kërkon kohë.

“Ne parashikojmë që materialet sipas rregullës së 95 t’i dorëzojmë deri në javën e dytë të shtatorit 2021. Arsyeja për këtë ndryshim në afatin kohor është për shkak të afateve të reja që keni vënë ju i nderuar gjykatës në vendimin tuaj për rikategorizimin e provave. Ndonëse ne jemi të fokusuar te detyrimet që kemi sa i përket nxjerrjes dhe e kemi fokusuar të gjitha burimet në këtë aspekt, nënkategorizimi i materialeve kërkon kohë dhe burime të tjera të konsiderueshme që e zgjatë kohën e përfundimit të kësaj procedure”, tha ajo.

Avokati i Hashim Thaçit, David Hooper tha se çfarë nevoje ka tash ZPS të bëjë hetime në këtë fazë të procedurës që ndodhen. Ai përmendi se në një ditë si kjo, 22 vjet më parë NATO ka bërë bombardime për të ndaluar agresionin serb kundër Kosovës.

“Më çudit ajo që e thotë prokurorja sa i përket hetimeve, së pari çfarë nevoje ka për të bërë hetime në këtë fazë që jemi, jemi këtu sot është data 24 mars, 22 vjet pasi NATO bëri bombardimin për të ndaluar agresionin serb kundër Kosovës, 22 vjet më parë, dhe ja ku jemi sot në vitin 2021 me një aktakuzë që ua ka parashtruar deri në imtësi, çfarë nevoje ka që prokuroria të bëjë hetime të mëtejshme, më duket se këtë e bëjnë për të përforcuar një dosje që nuk është aq e fortë, si mund të thonë që kjo nuk mund të pengojë gjykatën në punën e saj, si mund të thonë që nuk do të ketë pasoja në kohën kur do të fillojë gjykimi”, tha ai.

Ndërkaq, avokati i Kadri Veselit, Ben Emmerson tha se në parashtrimet e tij kishte kërkuar që të bëjë shkëputjen e lidhjes që ka prokuroria me dosjen paraprake dhe datës së fillimit të gjyqit. Ai tha se për mbrojtjen është shumë e rëndësishme që sa më shpejt t’u dorëzohet dosja paraprake.

“Është shumë e rëndësishme për mbrojtjen që të fillojë përgatitjet e saj që të ketë dosjen paraprake dhe sa më shpejt që të jepet kjo dosje paraprake aq më e lehtë bëhet puna jonë. Ne i përmbahemi këtij pozicioni dhe ju kërkojmë juve që të merrni vendim në lidhje me të. Ne nuk do të diskutojmë kur fillon gjykimi, por të paktën përkohësisht të jepet një lloj rendi, sepse kolegu tha se prokuroria po i bën fazat dhe dhënien e materialeve në mënyrë të shkëputur dhe rastësore dhe ne themi që Prokuroria të paktën deri në mes të qershorit të na thotë hapur çfarë pozicioni ka dhe të na japë një dosje të detajuar paraprake… Smith e tha herën e kaluar që Prokuroria ose u duk qartë nga Smith që Prokuroria po e bënë enkas që të vonojë dhënien e dosjes paraprake dhe ta japi atë sa më pak kohë para fillimit të gjykimit”, tha Emmerson.

Emmerson tha se është e rëndësishme që të ketë një datë për dorëzimin e dosjes paraprake, në mënyrë që mbrojtja të fillojë punën e saj.

Ndërsa, avokati që mbron Rexhep Selimin, David Young, tha se Prokuroria ka pasur pesë vjet kohë për të hetuar këtë çështje, ndërsa tha se është e papranueshme vonimi i dorëzimit të dosjes paraprake deri në shtator.

“Ne e dimë që Prokuroria ka pasur së paku 5 vjet kohë për ta hetuar këtë çështje sa duhet dhe që ta vonojë dorëzimin e dosjes paraprake deri në shtator të këtij viti është e papranueshme. Të pandehurit në këtë çështje kanë të drejtën të dinë se çka është thënë kundër tyre, çfarë akuzash ka kundër tyre dhe kjo dosje duhet t’i jepet në dispozicion”, tha ai.

Mbrojtjes i ka dhënë përgjigje prokurorja Claire Lawson, e cila tha se Prokuroria ka një mandat të qartë dhe do të vazhdojë të bëjë hetime në bazë të atij mandati. Sa i përket kërkesës që mbrojtja të ketë dosjen paraprake, tha se ata kanë një aktakuzë të hollësishme, përmbledhje të detajuar prej 600 faqesh dhe tha se kanë konfirmimin e aktakuzës prej 200 faqesh.

Sa i përket hetimeve të mbrojtjes, gjykatësi ka pyetur ata se nëse mund t’i fillojnë hetimet e tyre në mes të prillit.

Avokati i Hashim Thaçit, Pierre Richard Prosper, tha se ata nuk janë në gjendje të fillojnë hetimet seriozisht në prill, e kjo tha se është për dy arsye.

“Ne nuk jemi në gjendje të fillojmë punët hetimore seriozisht në prill për dy arsye, e para është në lidhje me nxjerrjen e materialeve, ne duhet të marrim materialet njëherë që të dimë çfarë të hetojmë sidomos për sa i përket deklaratave, dokumenteve që janë marrë nga organizata të ndryshme, nuk e dimë çfarë janë këto materiale, nëse janë selektive apo kërkohet hetim më i gjerësishëm i tyre… Ne nuk jemi në gjendje të përmbushim përgjegjësitë tona, sepse nuk kemi informacion. Desha të them që kjo nuk është thjesht çështje procedurale është edhe çështje e të drejtave të njeriut, dhe mund të citoj konventa ndërkombëtare…Në qoftë se hetimet vazhdojnë dhe ato hetime nuk lidhen me ne, atëherë kjo pengon punën tonë. Unë vërej që Prokuroria e ka dorëzuar gati një vit përpara aktakuzën dhe thonë që ende janë duke kryer hetime, ky pohim i tyre më duket i çuditshëm”, tha ai.

Gjithashtu, si sfidë e ka përmendur edhe pandeminë, ku tha se nuk kanë qenë në gjendje të udhëtojnë dhe të takohen. Ai përmendi se nuk është takuar me klientin e tij që prej kohës kur është ngritur aktakuza, derisa tha se nuk dëshirojnë të diskutojnë gjëra sensitive në ZOOM, pasi siç tha ai, as Prokuroria nuk e përdor këtë platformë për shkak të sigurisë.

Mbrojtja e Thaçit deklaruan se një vizitë në Kosovë do të përpiqen që ta bëjnë në muajin prill.

Lidhur me hetimet është deklaruar edhe avokati i Kadri Veselit, Ben Emmerson, i cili tha se hetuesi kryesor është infektuar me COVID-19, e që tha se ua ka vështirësuar punët.

“Kemi ende për të kaluar në fazën operative të përparësive, por fakti se hetuesi kryesor ka qenë i sëmurë nuk kemi proceduar më tej me këtë pistë. Sa i takon çështjes së alibisë apo masave speciale hetimore, është shumë herët t’i përgjigjemi kësaj pyetje dhe ky do të jetë pozicioni ynë derisa të shohim dosjen”, tha Emmerson.

Në anën tjetër, avokati i Rexhep Selimit, David Young, tha se një pjesë e hetimeve mund të fillojë në prill, derisa përmendi se edhe pandemia COVID-19 po e bllokon punën e tyre. Ai përmendi që Kosova është i vetmi vend që ende nuk ka marrë asnjë dozë të vaksinës antiCOVID-19.

“Në teori një pjesë e hetimeve mund të fillojnë në prill, megjithatë procesi është ngadalësuar për arsye që shkojnë përtej fuqisë tonë, për shembull hetimet për mbrojtjen tonë mund të pengohen. Ndërkohë sa i takon redaktimeve për akt-padinë dhe një arsye tjetër është që një vagulli e përgjithshme e të gjithë aktakuzës që e bën në tërësi aktakuzën të vështirë që të çojë në hetime të caktuara, pavarësisht se faqet e aktakuzës janë voluminoze… Për shkak të pandemisë globale do të kemi një hap më të ngadaltë të hetimeve, veçanërisht situata në Kosovë. Kosova është prekur si pjesët e tjera të botës, por nga ana tjetër fatkeqësisht për Kosovën nuk ka një plan për vaksinimin e vendit dhe është i vetmi vend në Evropë që deri më sot nuk ka marrë asnjë vaksinë”, tha ai.

Avokatja e Jakup Krasniqit, Venkateswari Alagendra, tha se shpresojnë që hetimet të fillojnë në fund të muajit prill, megjithatë ajo tha se kjo do të varet nga vështirësi të ndryshme.

“Ne shpresojmë që të fillojmë hetimet në fund të prillit, megjithatë kjo varet nga vështirësi të ndryshme”, tha ajo.

Në konferencën e sotme mbi ecurinë e çështjes, u bë e ditur se mbrojtja e Thaçit dhe Veselit kanë kërkuar urdhër nga ZPS-ja që të nxjerrë të gjithë regjistrimet audio dhe video për të gjithë dëshmitarët dhe intervistat e të akuzuarve.

Prokuroja Vlaire Lawson, tha se ka incizime audio-vizive për pjesën më të madhe të intervistave të bëra nga Prokuroria. Ajo tha se kur është bërë transkriptimi i janë vendosur në dispozicion mbrojtjes.

Në fund të konferencës mbi ecurinë e çështjes gjyqësore ndaj ish-krerëve të UÇK-së, gjyqtari paraprak Nicolas Guillou ka dhënë urdhrat për palët në procedurë.

Related Topics:
Continue Reading

Lajmet

Aksion për rrënimin e objekteve pa leje në Rezallë të Zubin-Potokut

Published

6 minutes ago

on

September 4, 2026

By

Një aksion ka nisur në orët e para të mëngjesit në fshatin Rezallë të Zubin-Potokut, ku po bëhet rrënimi i disa objekteve të ndërtuara pa leje, përfshirë shtëpi-pushime.

Zëvendësdrejtori i Policisë së Kosovës për rajonin e veriut, Veton Elshani, ka konfirmuar se Policia po asiston Ministrinë e Mjedisit gjatë aksionit.

Sipas tij, njësitë përkatëse policore po ofrojnë asistencë për inspektorët e Ministrisë së Mjedisit, ndërsa aksioni është ende në zhvillim.

Ky nuk është aksioni i parë i këtij lloji në veri. Në korrik, disa objekte të ndërtuara ilegalisht u rrënuan edhe në zonën e Liqenit të Ujmanit, me kërkesë të ndërmarrjes publike “Ibër-Lepenci”, e cila thotë se toka është pronë publike e Kosovës./A.K/

Continue Reading

Lajmet

Nëntë ditë nën rrënoja, dy persona gjenden të gjallë në një tunel në Nepal – pamje

Published

8 minutes ago

on

September 4, 2026

By

Dy persona u shpëtuan nga një tunel i hidrocentralit, nëntë ditë pasi përmbytjet katastrofike goditën Nepalin, me më shumë se 4,000 njerëz ende të zhdukur.

Ekipet e shpëtimit, me ndihmën e më shumë se 500 inxhinierëve të mbledhur në një grup në WhatsApp, po vazhdojnë të kërkojnë të zhdukurit.

Në grup, ata shkëmbejnë skica të hidrocentraleve dhe tuneleve dhe informacione rreth planimetrisë së tyre për të ndihmuar ekipet e shpëtimit të gjejnë hyrje dhe të përcaktojnë se ku mund të ketë të mbijetuar.

Kërkimi po vështirësohet nga fakti se përmbytja ndryshoi terrenin përreth tuneleve dhe solli sasi të mëdha balte, shkëmbinjsh dhe materialesh të tjera në to.

Përmbytja la rreth 2.2 milion ton sedimente dhe mbeturina në luginë, dhe në disa vende hyrjet e tuneleve janë varrosur plotësisht.

Më shumë se 1,200 njerëz vdiqën në përmbytjet e shkaktuara nga shembja e akullnajës dhe më shumë se 4,000 njerëz ende rezultojnë të zhdukur.

Fatkeqësia shkatërroi rreth dhjetë përqind të kapacitetit të prodhimit të energjisë elektrike të Nepalit./A.K/

 

Continue Reading

Lajmet

Ditari: Lajmet kryesore që shënuan datën 4 shtator 1993-1998

Published

2 hours ago

on

September 4, 2026

By

Në rubrikën Ditari, kemi përzgjedhur disa nga lajmet më të rëndësishme të kësaj dite, në periudhën 1993-1998.

4 shtator 1995

Kumtesë e KMDLNJ lidhur me gjendjen e të drejtave të njeriut në Kosovë

Krahas kolonizimit të Kosovës me serbë nga Kraina e Kroacisë, regjimi serb i Beogradit, po vazhdon përpjekjet që përmes dhunës, të krijojë gjendje të padurueshme dhe të paperspektivë për popullin shqiptar dhe të provokojë konflikte, të cilat mund të kenë pasoja të paparashikueshme, thuhet në fillim të kumtesës së KMDLNJ-së për gjendjen aktuale në Kosovë.

Përveç disa qindra rasteve individuale dhe kolektive të ushtrimit të dhunës në komunat e Podujevës, Vushtrrisë, Prishtinës, Gllogocit, Kaçanikut, Gjilanit, Mitrovicës, Skënderajt, Ferizajt etj., që shënojnë një rritje të dukshme të dhunës, policia dhe ushtria serbe janë duke bërë provokime të hapëta, si me rastin e vrasjes mizore të Ymer Devish Agushit (22 vjeçar) baba i një fëmije, nga Gërçina e Gjakovës, më 26 gusht.

Në kumtesë më tutje thuhet se me arrestimin dhe keqtrajtimin e dhjetëra qyetarëve të pafajshëm shqiptarë të fshatrave Radavc, Jabllanicë e Madhe, Jabllanicë e Vogël dhe Novosellë, gjoja në kërkim të kriminelëve pas gjetjes së një kufome të masakruar në Bjeshkën e Zhlepit të Pejës; e mësimdhënësve dhe qytetarëve në lokalet e shkollës “Zenel Hajdini” në Prishtinë; të veprimtarëve për të drejtat e njeriut dhe atyre politikë; shqetësimin dhe keqtrajtimin e dasmorëve në Ferizaj; përzënien e shqitparëve nga Kosova, si në rastin e Gani Bajraktarit nga Ferizaj, më 9 gusht; mohimin e dokumenteve personale qytetarëve shqiptarë në komunën e Obiliqit dhe komunat tjëera të Kosovës; hapjen e proceseve të reja gjyqëesore dhe dëenimin e aktivistëve politikë dhe të atyre për të drejtat e njeriut si dhe të qytetarëve të pafajshëm shqiptarë; uzurpimin me dhunë të shtëpive të qytetarëve shqiptarë nga kolonët serbë nga Kraina me lejen e policisë dhe të organeve shtetërore serbe; nxjerrjen para gjyqit të Ganimet Podvoricës, i cili akuzohet për vepër terroriste; lajmet e shpifura mbi vrasjen e policëve në komuna të ndryshme të Kosovës dhe keqtrajtimi masiv i qytetarëve shqitparë; akuzat e pabaza ndaj shqitparëve për vrasjen e ushtarëve serbë në kufirin shqiptaro-serb e kështu me radhë, synohet mbjellja e psikozës së frikës dhe jetës së padurueshme për shqiptarët në Kosovë, me qëllim të ikjes së tyre nga Kosova”.

Në tendosjen e situatës jashtëzakonisht të acaruar në Kosovë, armata serbe luan një rol gjithnjë e më të ndjeshëm, thuhet më tutje në kumtesë.

“Më 22 gusht 1995 rreth orës 17:00 në Ferizaj, në lagjen “Prizreni”, nga kazerma e qytetit, ushtarët serbë me trombllonë mbi 50 herë gjuajtën në shtëpitë e qytetarëve shqiptarë, të cilat gjenden në afërsi të kazermës.

Shtëpitë e qytetarëve shqiptarë gjenden në afërsi të kazermës. Nga trombllonët e ushtrisë serbe, u dëmtuan shtëpitë e Faik Rizanit, Rifat Bekteshit, Isa Halimit, Ismet, Shefki e Ilmi Ukzajmit etj.

Policët që bënë shikimin e vendit dhe mblodhën mbi 20 trombllone më tepër ishin të shqetësuar pse predhat nuk e kishin goditur fotografinë e kryetarit të Republikës së Kosovës, Dr. Ibrahim Rugova, të vendosura në muret e shtëpive të qytetarëve, se sa për rrezikun që u kërcënohej qytetarëve. Për të qenë ironia edhe më e madhe, policët u propozojnë të dëmtuarëve që herave të tjera, në rastet e ngjashme, që duhet të priten në të ardhmen, të lajmërojnë organet ushtarake të kazermës.

Këshilli pëer Mbrojtjen e të Drejtave dhe Lirive të Njeriut, që nga themelimi vazhdimisht ka tërhequr dhe vemendjen e opinionit për shkeljet e rënda të të drejtave individuale dhe kolektive të njeriut në Kosovë, me theks të posaçëm në brutalitetin dhe vrazhdësinë e sjelljeve të organeve policore, ushtarake dhe të organeve tjera shtetërore serbe në Kosovë.

Duke pasur parasysh seriozitetin e situatës së tillë, KMDLNJ edhe kësaj radhe apelon te të gjitha organizatat simotra në botë dhe Komiteti Ndërkomëtar, të ndërmarrin atë ç’ është e mundur për t’i dhënë fund dhunës dhe veprimeve provokative të policisë, ushtrisë dhe organeve shtetërore serbe në Kosovë, në mënyrë që të parandalohet konflikti i mundshëm, që do të sillte tragjedi të reja në Ballkan.

 

4 shtator 1997

Të shtëna enigmatike në stacionin e policisë në Kërpimeh të Podujevës

Mbrëmë, rreth orës 23. 45 minuta, në afërsi të stacionit të policisë në Kërpimeh të Podujevës, u dëgjuan të shtëna armësh. Në njoftimin e Komisionit për Informim të Degës së LDK-së në Podujevë thuhet se të shtënat zgjatën rreth një orë, ndërsa gjatë kësaj kohe u dëgjua edhe një detonim.

Gjurmët e të shtënave vërehen edhe në shtëpitë përreth këtij stacioni.

Nga Podujeva njoftohet se për në Kërpimeh kanë shkuar forca të shtuara të policisë, me vetura dhe me autoblindë. Gjendja në këtë lokalitet është e rëndë, ndërsa policia e vendosur në katër punkte po kontollon të gjitha veturat dhe kalimtarët. Lëvizje të shtuara të policisë vërehen sot edhe në Podujevë.

Tash për tash nuk ka njoftime më të hollësishme për këtë situatë të pasqaruar as për epilogun e saj.

 

4 shtator 1998

Prizren: Para stacionit të policisë serbe u sollën mbi 30 shqiptarë të arrestuar

Prishtinë, 4 shtator (QIK)

Sot në orën 10:30, para stacionit të policisë serbe në Prizren, policia serbe solli me autobus mbi 30 shqiptarë të arrestuar, të cilët nga policët serbë detyroheshin që t’i ngritnin tre gishta lartë, njofton KI i Degës së LDK-së në Prizren.

I njëjti burim konfirmon se policia serbe ka arrestuar edhe disa civilë të tjerë shqiptarë.

 

Në Lubizhdë vdiq një foshnje 6 muajshe

Në Lubizhdë të Malishevës gjatë ditëve të fundit janë vendosur shumë banorë të ikur nga fshatrat e sulmuara, Sferka, Llapçeva, Panorci etj.

Njoftohet se, për shkak të kushteve të rënda të jetës, në këtë fshat sot në mëngjes vdiq foshnja gjashtëmuajshe Besart Tafaj nga Carraleva.

 

Klinë: Granatime të fshatrave – 8 mijë banorë pa kulm mbi kokë

Edhe sot që nga orët e hershme të mëngjesit e deri në mesditë, forcat serbe kanë vazhduar së granatuari me armë të rënda artilerike fshatrat Gremnik, Çupevë e Lartë, Çupevë e Ulët, Volljak, Sferkë e fshatra të tjera, bën të ditur KI i Degës së LDK-së në Klinë.

Në këto fshatra deri tash janë plaçkitur e djegur qindra shtëpi shqiptare, ndërsa rreth 8 mijë banorë shqiptarë kanë mbetur pa kulm mbi kokë. Banorët e këtushëm janë vendosur në malet rreth Panorcit e Llapçevës, ku gjenden edhe mijëra të zhvendosur të tjerë shqiptarë pa ushqime, ilaçe e gjësende të tjera më elementare për jetë.

Njoftohet gjithashtu se gjatë ofensivës së fundit të forcave serbe në fshatrat e Klinës, në fshatin Çabiq patën mbetur tri plaka dhe Halime Gashi (53), e sëmurë e cila vdiq para dy ditësh.

Bëhet e ditur se e ndjera Halime Gashi ishte e palëvizshme dhe e sëmurë nga kanceri, ndërsa ajo është varrosur në oborrin e shtëpisë së saj nga tri plakat tjera shqiptare që mbetën në këtë fshat.

 

Continue Reading

Lajmet

Shqipëria ndalon importin e mishit nga Brazili, rriten shqetësimet për shtrenjtim të çmimeve

Published

2 hours ago

on

September 4, 2026

By

Shqipëria ka ndaluar zyrtarisht importin e mishit nga Brazili, në zbatim të një direktive të kërkuar nga Bashkimi Europian. Ky vendim prek drejtpërdrejt tregun vendas, ku shteti latin mbulonte një të tretën e furnizimit të përgjithshëm me mish.

Sipas të dhënave zyrtare, përgjatë periudhës janar-korrik të këtij viti, nga 28 mijë tonë mish të importuar në Shqipëri, rreth 9.200 tonë (apo 33%) kishin origjinë braziliane. Prania e mishit brazilian në tregun shqiptar ka shënuar rritje të vazhdueshme ndër vite, nga 16% që ishte në vitin 2021 në 29% gjatë vitit 2025.

Me mbylljen e kësaj rruge tregtare, importuesit vendas detyrohen të gjejnë tregje të reja furnizimi. Ekspertët paralajmërojno se kalimi në alternativa më të shtrenjta mund të krijojë presion për rritjen e çmimeve të mishit për konsumatorin përfundimtar. /E.A/

 

Continue Reading

Të kërkuara