Magazinë

​Llojet e orareve të punës në Kosovë: Me cilat orare mund të punoni?

Orari mund ta varet po ashtu edhe bazuar në kohën e vitit.

Published

3 years ago

on

“Orari i punës nënkupton periudhën kohore, gjatë së cilës i punësuari kryen punë ose shërbime në të mirë të punëdhënësit”, kështu thuhet në nenin 20 të Ligjit të punës në Kosovë. Pra, nëse keni menduar që orari i punës konsiderohet vetëm puna 8-orëshe në ditë, atëherë është koha të njiheni më shumë në lidhje me këtë.

Edhe në Kosovë, kompani të ndryshme japin orare të ndryshme të punës, bazuar nga organizata dhe pozita. Orari mund ta varet po ashtu edhe bazuar në kohën e vitit. Pra, e njëjta punë, mund të ndryshojë varësisht nga sezoni.

Si bëhet ndarja e orarit të punës?

Java e punës mund të organizohet ndryshe, në rast se punëdhënësi e organizon punën me ndërrime, gjatë natës ose kur natyra e punës e kërkon një gjë të tillë. Punëdhënësi, është i obliguar që ta informojë të punësuarin për ndarjen dhe ndryshimin e orarit të punës, së paku shtatë ditë para fillimit të punës.

Llojet e orareve të punës:

Pune me orar të plotë

Me ligj të Republikës së Kosovës, orari i plotë i punës zgjat 40 orë në javë, për personat mbi moshën 18 vjeçare, ndërsa për personat nën këtë moshë orari i plotë nuk mund të jetë më shumë se 30 orë në javë.

Për shkak të orari të gjatë, punonjësit kanë përfitime të ndryshme. Kjo përfshin ditët e lira për shkak të gjendjes shëndetësore, sigurim shëndetësor dhe përfitime të tjera. Orari i plotë i punës ndryshon nga kompania në kompani. Por shumicën e kohës, punonjësit punojnë në të njëjtin ndërrim çdo javë. Më i zakonshmi është ai prej orës 9:00 deri në 17:00, nga e hëna deri të premten, pra duke i plotësuar të 40 orët në javë.

Puna me orar të shkurtuar

Si e shpjegon Ligji i punës këtë orar? “Orari i shkurtuar i punës caktohet për punët dhe detyrat e punës, për të cilat edhe përkundër aplikimit të masave mbrojtëse, punëtori nuk mund të mbrohet nga ndikimet e dëmshme për shëndetin e tij”. Pra, orari i punës shkurtohet në përpjesëtim me rrezikshmërinë e shëndetit dhe aftësisë së punonjësit për punë.

Shkurtimi mund të bëhet më së shumti në 20 orë në javë, për punët me shkallë të lartë të rrezikshmërisë.

Përfitimet që mund t’i kenë punonjësit nga ky orar është sepse për shkak të fleksibilitetit më të madh, ata mund të merren edhe me përgjegjësi të tjera jashtë punës, mirëpo në shumicën e rasteve nuk përfshihen në përfitime që kanë punonjësit me orar të plotë të punës. Gjithashtu edhe orët mund të ndryshojnë nga java në javë.

Një shembull i punës me orar të shkurtuar është nga e hëna deri të mërkurën nga ora 7:00 deri në 11:00 dhe të shtunën dhe të dielën nga ora 11:00 deri në orën 19:00.

Orari i pandryshueshëm i punës

Ky orar është një ndërrim, për të cilin janë pajtuar si punëdhënësi ashtu edhe punonjësi. Pra punonjësi do të punojë për orë të njëjta në kohë të njëjtë çdo javë. Një shembull për këtë lloj të orarit është ndërrimi nga e hëna deri të premten nga ora 8:30 deri në 17:00, ose nga e enjtja deri të dielën prej orës 15:00 deri në orën 23:00.

Orari fleksibil

Në ditët e sotme më i kërkuari është orari fleksibil. Pra, ai nuk është i ngurt si orari fiks. Punonjësit dhe punëdhënësit kanë një marrëveshje duke e përcaktuar së bashku numrin e orëve dhe ditëve të javës që punonjësi do të punojë. Në varësi nga marrëveshja punonjësi mund të punojë me një numër shumë të vogël të orëve, mund të punojë bllok disa ditë, ose mund të ndërrohet me kolegë të tjerë sa herë që ka nevojë.

Oraret me ndërrime

Ky është lloji i orarit që shumë kompani e bëjnë, sepse për shkak të natyrës së punës u duhet të punojnë më gjatë se kompanitë që i mbyllin dyert në orën 17:00. Në raste të tilla këto kompani e rregullojnë orarit në atë mënyrë që secili punonjës t’i provojë të gjitha ndërrimet javë pas jave.

Sfidë e këtij orari janë ndryshimet e gjumit, të ushqimit dhe takimeve me familje, për shkak të ndërrimeve të vazhdueshme. /Akademi Pune

Related Topics:
Continue Reading

Magazinë

E akuzuar për vdekjen e Elvis Presley-t, reagon avokati i bashkëshortes së artistit legjendar

Published

51 minutes ago

on

September 8, 2025

By

Priscilla Presley po përballet me një betejë ligjore të ashpër, pasi ish-partnerët e saj të biznesit, Brigitte Kruse dhe Kevin Fialko, e kanë ndryshuar padinë duke pretenduar se ajo është përgjegjëse për vdekjen e Elvis Presley-t.

Padia, e siguruar nga TMZ, kërkon 50 milionë dollarë dhe përmban akuza të rënda kundër ish-gruas së Elvisit.

Sipas dokumenteve, Kruse dhe Fialko thonë se Priscilla ushtronte presion mbi Elvisin dhe vendosi një peng mbi Graceland më pak se katër muaj para se ai të vdiste, duke e shtyrë artistin drejt vdekjes më 16 gusht 1977. Ata gjithashtu pretendojnë se ajo e përdori pengun për të detyruar babanë e Elvisit, Vernon Presley, që ta bënte atë bashkëekzekutuese të pasurisë së Elvisit.

Ish-partnerët e biznesit e akuzojnë Priscilla-n edhe për vdekjen e Lisa Marie Presley, duke pretenduar se i’a hoqi dorë vajzës nga aparati i mbajtjes në jetë, pavarësisht një direktive të nënshkruar. Ata e përshkruajnë si sociopate e mjeshtre mashtrimi, që shfrytëzon emrin Presley për përfitim personal.

Avokati i Priscilla-s, Marty Singer, i tha TMZ-së: “Këto pretendime janë absurde dhe qesharake. Ne presim që amendamenti i radhës të pretendojë se Priscilla është përgjegjëse për vdekjen e John F. Kennedy. Brigitte Kruse dhe komplotistët e saj akuzohen se kanë përfituar nga Priscilla dhe kanë përvetësuar 1 milion dollarë. Ne do ta mbrojmë fuqishëm klienten tonë.”

Tani, Riley Keough, vajza e Lisa Marie, është përgjegjëse për pasurinë  e zotëron një pjesë të konsiderueshme të pasurive të Elvis Presley-t, pas pagesës së miliona dollarëve ndaj Priscilla-s për të zgjidhur një mosmarrëveshje mbi fondin. Padia e ndryshuar përfshin edhe mesazhe të supozuara midis Riley-t dhe Priscilla-s, ku Riley i kujton gjyshes së saj pse Lisa Marie donte që ajo të hiqej nga besimi që në fillim.

Kjo çështje vazhdon të theksojë përplasjet e mëdha brenda familjes Presley, duke përfshirë akuzat e ashpra, pretendimet për përfitim personal dhe një betejë ligjore që ka marrë jehonë të gjerë mediatike.

 

Continue Reading

Magazinë

Jessica Simpson habit fansat me fytyrën ‘e ngrirë’: ‘Duket sikur ka pësuar alergji

Published

2 hours ago

on

September 8, 2025

By

Jessica Simpson la fansat e saj të hutuar kur u shfaq në tapetin e kuq të VMA-ve 2025 të dielën.

Edhe pse ylli i pop-it shkëlqeu me një fustan të hollë rrjetë nga Christian Siriano, ishte fytyra e saj e ndryshuar që nxiti biseda.

“A është kjo Jessica Simpson? Nuk duket si ajo! Por duket bukur,” shkroi një fans në X.

Disa të tjerë e krahasuan me yje shumë më të rinj, si Addison Rae apo modelen Brooks Nader.

Fansat u hutuan kur Simpson i dorëzoi Ricky Martin çmimin e parë Latin Icon, duke nxjerrë në pah fytyrën “e tërhequr”.

Një përdorues shkroi: “Jessica Simpson duket si t’i ketë bërë reaksion alergjik ndonjë konservë e skaduar,” duke kujtuar një moment në reality show-n e saj. Të tjerë sugjeruan se ndryshimi i madh mund të jetë për shkak të tërheqjes së fytyrës ose filler-ave të shumtë.

Megjithatë, disa fansa e mbrojtën pamjen e re të saj.

“Jessica Simpson duket mahnitëse, mbyllni gojën ju,” shkroi një përdorues. Një tjetër theksoi: “Duket fantastike! Ajo është 45 vjeç dhe nuk jemi më në vitet 2000.” Kujtojmë se në dhjetor 2024, Simpson habiti fansat kur ndau një foto të pashfaqur më parë në Instagram, duke promovuar albumin e saj të parë pas një dekade.

Në kujtimet e vitit 2020, rrëfeu për dy operacione, përfshirë një që e la të shtruar në spital për nëntë ditë për shkak të një infeksioni.

“Kirurgjia plastike nuk zgjidh atë që ke brenda,” shkroi ajo.

Continue Reading

Magazinë

Jessie J rikthehet në skenë pas operacionit për kancerin

Published

4 hours ago

on

September 8, 2025

By

Këngëtarja britanike Jessie J është rikthyer në skenë me një performancë të fuqishme dhe emocionale në “Radio 2 In The Park” në Essex, vetëm 11 javë pasi iu nënshtrua një operacioni për kancerin e gjirit në fazë të hershme.

Në një moment prekës gjatë koncertit, 37-vjeçarja ndau me publikun betejën shëndetësore, duke u shprehur mirënjohëse që po rikthehej për të performuar për fansat e saj.

“Disa prej jush mund ta dini, disa jo, por para 11 javësh kam kaluar një operacion për kancer gjiri,” tha Jessie para turmës.

“Jam ende në proces rikuperimi, por jam jashtëzakonisht mirënjohëse që jam këtu sot.”

Ajo theksoi se muzika e ka ndihmuar të qëndrojë e fortë gjatë kësaj periudhe dhe se nuk kishte ndërmend të ndalonte pas diagnozës.

“Jeta është të qëndrosh në stuhi me çadrën hapur dhe të ecësh përpara,” u shpreh ajo.

Jessie J emocionoi publikun duke sjellë në skenë djalin e saj dyvjeçar, Sky, i cili për herë të parë e pa nënën e tij duke kënduar live.

Ajo performoi këngën e re “Living My Best Life”, të cilën e kishte publikuar pak pas marrjes së diagnozës. Me këtë këngë dhe me mesazhin e saj të fuqishëm, Jessie J dha një dëshmi të vërtetë të forcës, shpresës dhe dashurisë për jetën.

“Sepse kurrë nuk e dimë kur do të jetë dita jonë e fundit – prandaj përqafojeni jetën dhe njerëzit që i doni,” tha ajo në përfundim.

Rikthimi i saj është vlerësuar nga publiku dhe mediat, si simbol i guximit dhe vendosmërisë për të mos u dorëzuar përballë sfidave më të mëdha të jetës.

Continue Reading

Magazinë

A ka Meghan Markle një vajzë sekrete? Dukesha u përgjigjet thashethemeve

Published

5 hours ago

on

September 8, 2025

By

Një nga thashethemet më të çuditshme mbretërore të vitit 2024 pretendonte se Meghan Markle kishte një “vajzë sekrete”.

Teoria e pabazë, e amplifikuar në internet dhe nga tabloidët, u rishfaq me nisjen e sezonit të dytë të shfaqjes së saj të stilit të jetesës në Netflix, ‘With Love, Meghan’ (28 gusht 2025).

Në vend që ta injoronte, Meghan e talli me shaka thashethemin gjatë një episodi me Chrissy Teigen, duke bërë shaka për një fëmijë të sajuar me emrin “Honsworth”. Fansat e vlerësuan humorin e saj, duke vënë në dukje si i shndërroi thashethemet në argëtim.

Dukesha dhe Princi vazhdojnë jetën në Montecito me fëmijët e tyre, Archie, 6 vjeç, dhe Lilibet, 4 vjeç. Harry qeshi me thashethemet për fëmijën sekret në Lojërat Invictus, duke thënë se dy fëmijë janë “ndoshta mjaftueshëm”.

Me 12 milionë shikues për episod, seriali Netflix i Meghan tregon talentin e saj për të kthyer skandalet në momente të lehta – atë që The Guardian e quajti “zgjuarsia dhe autenticiteti si mbrojtjet më të forta”.

 

 

 

Continue Reading

Të kërkuara