Magazinë

​Llojet e orareve të punës në Kosovë: Me cilat orare mund të punoni?

Orari mund ta varet po ashtu edhe bazuar në kohën e vitit.

Published

3 years ago

on

“Orari i punës nënkupton periudhën kohore, gjatë së cilës i punësuari kryen punë ose shërbime në të mirë të punëdhënësit”, kështu thuhet në nenin 20 të Ligjit të punës në Kosovë. Pra, nëse keni menduar që orari i punës konsiderohet vetëm puna 8-orëshe në ditë, atëherë është koha të njiheni më shumë në lidhje me këtë.

Edhe në Kosovë, kompani të ndryshme japin orare të ndryshme të punës, bazuar nga organizata dhe pozita. Orari mund ta varet po ashtu edhe bazuar në kohën e vitit. Pra, e njëjta punë, mund të ndryshojë varësisht nga sezoni.

Si bëhet ndarja e orarit të punës?

Java e punës mund të organizohet ndryshe, në rast se punëdhënësi e organizon punën me ndërrime, gjatë natës ose kur natyra e punës e kërkon një gjë të tillë. Punëdhënësi, është i obliguar që ta informojë të punësuarin për ndarjen dhe ndryshimin e orarit të punës, së paku shtatë ditë para fillimit të punës.

Llojet e orareve të punës:

Pune me orar të plotë

Me ligj të Republikës së Kosovës, orari i plotë i punës zgjat 40 orë në javë, për personat mbi moshën 18 vjeçare, ndërsa për personat nën këtë moshë orari i plotë nuk mund të jetë më shumë se 30 orë në javë.

Për shkak të orari të gjatë, punonjësit kanë përfitime të ndryshme. Kjo përfshin ditët e lira për shkak të gjendjes shëndetësore, sigurim shëndetësor dhe përfitime të tjera. Orari i plotë i punës ndryshon nga kompania në kompani. Por shumicën e kohës, punonjësit punojnë në të njëjtin ndërrim çdo javë. Më i zakonshmi është ai prej orës 9:00 deri në 17:00, nga e hëna deri të premten, pra duke i plotësuar të 40 orët në javë.

Puna me orar të shkurtuar

Si e shpjegon Ligji i punës këtë orar? “Orari i shkurtuar i punës caktohet për punët dhe detyrat e punës, për të cilat edhe përkundër aplikimit të masave mbrojtëse, punëtori nuk mund të mbrohet nga ndikimet e dëmshme për shëndetin e tij”. Pra, orari i punës shkurtohet në përpjesëtim me rrezikshmërinë e shëndetit dhe aftësisë së punonjësit për punë.

Shkurtimi mund të bëhet më së shumti në 20 orë në javë, për punët me shkallë të lartë të rrezikshmërisë.

Përfitimet që mund t’i kenë punonjësit nga ky orar është sepse për shkak të fleksibilitetit më të madh, ata mund të merren edhe me përgjegjësi të tjera jashtë punës, mirëpo në shumicën e rasteve nuk përfshihen në përfitime që kanë punonjësit me orar të plotë të punës. Gjithashtu edhe orët mund të ndryshojnë nga java në javë.

Një shembull i punës me orar të shkurtuar është nga e hëna deri të mërkurën nga ora 7:00 deri në 11:00 dhe të shtunën dhe të dielën nga ora 11:00 deri në orën 19:00.

Orari i pandryshueshëm i punës

Ky orar është një ndërrim, për të cilin janë pajtuar si punëdhënësi ashtu edhe punonjësi. Pra punonjësi do të punojë për orë të njëjta në kohë të njëjtë çdo javë. Një shembull për këtë lloj të orarit është ndërrimi nga e hëna deri të premten nga ora 8:30 deri në 17:00, ose nga e enjtja deri të dielën prej orës 15:00 deri në orën 23:00.

Orari fleksibil

Në ditët e sotme më i kërkuari është orari fleksibil. Pra, ai nuk është i ngurt si orari fiks. Punonjësit dhe punëdhënësit kanë një marrëveshje duke e përcaktuar së bashku numrin e orëve dhe ditëve të javës që punonjësi do të punojë. Në varësi nga marrëveshja punonjësi mund të punojë me një numër shumë të vogël të orëve, mund të punojë bllok disa ditë, ose mund të ndërrohet me kolegë të tjerë sa herë që ka nevojë.

Oraret me ndërrime

Ky është lloji i orarit që shumë kompani e bëjnë, sepse për shkak të natyrës së punës u duhet të punojnë më gjatë se kompanitë që i mbyllin dyert në orën 17:00. Në raste të tilla këto kompani e rregullojnë orarit në atë mënyrë që secili punonjës t’i provojë të gjitha ndërrimet javë pas jave.

Sfidë e këtij orari janë ndryshimet e gjumit, të ushqimit dhe takimeve me familje, për shkak të ndërrimeve të vazhdueshme. /Akademi Pune

Related Topics:
Continue Reading

Magazinë

Moment emocional në Fashion Awards në Londër, Sienna Miller zbulon se është shtatzënë

Published

45 minutes ago

on

December 2, 2025

By

Aktorja britanike Sienna Miller ka qenë larg syrit të publikut muajt e fundit, dhe arsyeja u zbulua së fundmi gjatë Fashion Awards në Londër.

Ylli i famshëm konfirmoi se është shtatzënë dhe po pret fëmijën e saj të tretë – të dytin me aktorin Ollie Green. Miller duket se zgjodhi ceremoninë e ndarjes së çmimeve të modës për të shpallur lajmin e lumtur.

Në tapetin e kuq, Sienna shkëlqeu me një fustan transparent nga koleksioni Pranverë/Verë 2026 i Givenchy, që kombinoi elementë nostagjikë të viteve 2000 me stil bohemik, duke i dhënë një ndjesi të ngjashme me estetikën e këngëtares Stevie Nicks.

Sienna Miller ka dy fëmijë: vajzën e saj të parë, Marlowe Sturridge, e lindur në 2012 me ish-partnerin Tom Sturridge, me të cilin ishte në lidhje nga 2011 deri në 2015, dhe një vajzë të dytë me Ollie Green, e konfirmuar për mediat në fillim të vitit 2024. /A.Z/UBT News/

Continue Reading

Magazinë

Mbrëmje emocionale! Dua Lipa i dedikon këngë Shakirës, ajo i kthen përgjigjen me lavde

Published

2 hours ago

on

December 2, 2025

By

Gjatë koncertit të saj në Bogota, pjesë e turneut “Radical Optimism” që shënoi shfaqjen e fundit të gjysmës së dytë të turneut këngëtarja shqiptare me famë botërore, Dua Lipa dhuroi një performancë elektrizuese, duke mahnitur publikun.

Ndërsa këndonte, Dua befasoi fansat duke bërë një dedikim të ëmbël për këngëtaren kolumbiane fituese e Grammyt, Shakira, duke interpretuar me shpirt hitin e saj të vitit 1995, “Antologia”.

“Jam e prekur që po e dëgjoj këngën time me zërin e Duas, në të njëjtin qytet ku e kam shkruar vite më parë. Shihni si na bashkon muzika? Një vajzë nga Londra, një tjetër nga Barranquilla! Faleminderit @dualipa! Çfarë kënaqësie!”, ka shkruar Shakira në Instagram.

Postimi u shoqërua me një video ku Dua Lipa këndonte” Antologia” në skenë, duke shkaktuar një valë reagimesh të gëzuara nga fansat. /A.Z/UBT News/

Continue Reading

Magazinë

Ylli i serialit “Home Improvement”, Zachery Ty Bryan, është arrestuar sërish

Published

3 hours ago

on

December 2, 2025

By

Sipas policisë,  Zachery Ty Bryan u ndalua të shtunën në Eugene, Oregon, për shkelje të dyshuar të kushteve të lirimit me kusht, të lidhura me një dënim të mëparshëm për dhunë në familje.

Ai u dërgua në burgun e Qarkut Lane e po mbahet pa mundësi lirimi me garanci, në dokumente thuhet se Bryan do të lirohet më 3 dhjetor.

E fejuara e tij, Johnnie Faye Cartwright, ndodhet në paraburgim, duke u përballur me pesë akuza: një për drejtim mjeti në gjendje të dehur, tre për rrezikim të pakujdesshëm dhe një për tentativë sulmi të shkallës së parë. Ajo është arrestuar që nga data 30 nëntor.

Nuk dihet ende nëse Bryan apo Cartwright kanë angazhuar avokat përfaqësues.

Ky arrestim vjen pas një incidenti në janar në Myrtle Beach, Karolina e Jugut, ku Bryan u akuzua për dhunë në familje të shkallës së dytë.

Sipas raportit të policisë, e fejuara e tij u raportua se ishte mbytur dhe goditur disa herë me grusht nga aktori.

Çifti ka tre fëmijë së bashku: vajzën Kennedy dhe binjakët Parker dhe Sequoia.

Bryan është arrestuar dy herë të tjera gjatë vitit 2024 për drejtim mjeti nën ndikimin e alkoolit — një herë në shkurt dhe një herë në tetor.

Një vit më parë u përball dhe me akuza për sulm të shkallës së katërt, grabitje të shkallës së tretë dhe ngacmim të rëndë. /A.Z/UBT News/

Continue Reading

Magazinë

Dame Judi Dench zbulon arsyen e tërheqjes nga filmi dhe televizioni

Published

18 hours ago

on

December 1, 2025

By

Aktorja legjendare britanike, Dame Judi Dench, ka treguar pse vitet e fundit ka vendosur të tërhiqet nga skena e filmit dhe televizionit.

Në moshën 90-vjeçare, aktorja e njohur që filloi karrierën e saj në vitin 1957 si Ofelia në “Hamlet” dhe fitoi famë botërore me rolin e M në serialin “James Bond”, po përballet me një problem serioz shëndetësor që e ka detyruar të ulë aktivitetin profesional.

Gjatë karrierës së saj të pasur, Dench ka luajtur në rreth 60 filma dhe ka fituar një Oscar për rolin në Shakespeare in Love, si dhe shumë çmime BAFTA për filmat Iris, Mrs. Brown dhe A Handful of Dust.

Vitet e fundit, Dench është larguar nga syri i publikut pasi u diagnostikua me degjenerim makular të lidhur me moshën (AMD), një sëmundje e syrit që përkeqësohet gradualisht.

Sipas ekspertëve, AMD shkaktohet nga dëmtimi i makulës, pjesa qendrore e retinës, dhe është një nga shkaqet kryesore të humbjes së përhershme të shikimit tek personat mbi 50 vjeç.

Ndërsa kjo gjendje nuk shkakton verbëri të plotë, ajo ndikon ndjeshëm në shikim dhe e vështirëson punën e aktorit.

Dench u diagnostikua me këtë sëmundje më 2012, ajo ka lidhje familjare, edhe nëna e saj kishte një gjendje të ngjashme. /A.Z/UBT News/

Continue Reading

Të kërkuara