Lajmet

LDK: Qeveria ndan lëmoshë për qytetarët

LDK-ja mbështet tërheqjen e një pjese të mjeteve nga Trusti.

Published

3 years ago

April 12, 2022

Betim Gashi

Lidhja Demokratike e Kosovës (LDK) ka reaguar sot ndaj zotimit të Qeverisë së Kosovës për ndarjen e 100 eurove për punëtorët në sektorin privat e publik, pensionistët dhe studentët.

Anëtari i Kryesisë së LDK-së, Besian Mustafa në një konferencë për media theksoi se në mungesë të vizionit për zhvillim ekonomik, kjo qeveri po iu ndanë qytetarëve lëmoshë.

“Në mungesë të vizionit për zhvillim ekonomik afatgjatë dhe të investimeve kapitale që sjellin të mira, kjo qeveri po iu shpërndanë qytetarëve lëmoshë nga 100 euro vetëm për muajin prill. Kjo qeveri është vonuar, në fakt, nuk kishte vepruar fare për të zbutur rritjen enorme të çmimeve. Ndaj, 100 euro politike nuk i mbulojnë krizat dhe as nuk ofrojnë zgjidhje ekonomike. Ne si LDK me muaj të tërë i kemi ofruar qeverisë zgjidhje konkrete përmes zvogëlimit të tatimeve, si TVSH dhe akciza në produktet esenciale, ku në këtë mënyrë do të zvogëloheshin çmimet e këtyre produkteve, si ushqimi, energjia elektrike dhe karburantet… Qeveria po i ndanë 100 euro milionerit dhe 100 euro pensionistit”, theksoi Mustafa.

Deputeti Mustafa theksoi se LDK mbështet ndryshimet ligjore për tërheqjen e një përqindje të caktuar të mjeteve prej Trustit.

“Sa i përket Trustit, LDK e përkrah si ide në mungesë dhe paaftësi të qeverisë. LDK vlerëson se i vetmi opsion mbetet tani më që t’u lejohet qytetarëve të tërheqin një përqindje të caktuar të mjeteve në Trust. Por, për t’u analizuar në mënyrë të qëndrueshme financiare, LDK insiston që qeveria fillimisht të përcaktojë nivelin e përqindjes së përballueshme për Trustin dhe t’u ofrohet qytetarëve një garanci që këto fonde pastaj do të rimbursohen në Trust, dhe kjo të ndodhë në plan afatshkurtër, në mënyrë që ata qytetarë që i tërheqin mjetet të mos shndërrohen në raste sociale”, theksoi ai.

Gjatë ditës, edhe parti të tjera opozitare kanë cilësuar masat e reja të qeverisë një lëmoshë për qytetarët dhe vendim populist.

Lajmet

Osmani në Sofje, takoi presidentin bullgar dhe mbretin e Jordanisë

Published

38 minutes ago

April 4, 2025

UBTNews

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Lajmet

Rivarrosen mbetjet mortore të 10 viktimave të luftës

Published

54 minutes ago

April 4, 2025

UBT NEWS

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Bota

Shpërthejnë përleshjet në Sudanin e Jugut, 30 të vdekur

Published

2 hours ago

April 4, 2025

UBT NEWS

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

2 hours ago

April 4, 2025

UBT NEWS

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.