Lajmet

Lajçak: Po përgatitemi për takim të nivelit të lartë në Bruksel

Lajçak tha se çdo marrëveshje që është nënshkruar në të kaluarën duhet të zbatohet.

Published

4 years ago

February 6, 2023

Betim Gashi

Përfaqësuesi special i Bashkimit Evropian për dialogun Kosovë-Serbi, Miroslav Lajçak, ka thënë se me kryeminstrin Albin Kurti kanë biseduar edhe për kushtet e tij për themelimin e Asociacionit. Megjithëse tha se ia paraqiti qëndrimin e BE-së për to, ai nuk i bëri publike të njëjtat. Mirëpo nënvizoi se çdo marrëveshje që është nënshkruar në të kaluarën duhet të zbatohet.

Pas takimit mbi dyorësh me Kurtin, Lajcak para gazetarëve tha se janë duke bërë përgatitje për një takim konstruktiv të nivelit të lartë në Bruksel mbi planin e BE-së, apo të ashtuquajturin plani franko-gjerman për dialogut.

“Vizita e sotme në Prishtinë është vazhdimësi e një përpjekjeje diplomatike aktive për të arritur progres në normalizimin e marrëdhënieve ndërmjet Kosovës dhe Serbisë bazuar në propozimin zhvillimor. Kjo është në fakt vizita ime e 10-të që nga shtatori, dhe sigurisht, kemi diskutuar propozimin dhe gjithashtu përgatitjen për një takim konstruktiv në nivelin më të lartë ndërmjet kryeministrit Kurti dhe presidentit Vuçiq, dhe misioni im sot do të vazhdojë me takimin me presidenti Vuçiq, më vonë sonte në Beograd”, tha ai.

Para gazetarëve, Lajçak përmendi edhe kushtet e Kurtit për themelimin e Asociacionit.

“Ne diskutuam për këtë çështje dhe e njoftova Kryeministrin për qëndrimin tonë, por nuk dua tani të bëj publike ndonjë analizë juridike, mendoj se ishte e dobishme që e bëmë këtë diskutim këtu. Ajo që unë dua ta përsërisë është se gjithçka që është rënë dakord në dialog duhet të zbatohet, ngase kështu do të ndërtohet normalizimi”, tha ai.

Pavarësisht kësaj, Lajçak shtoi se baza e diskutimit në takim ishte propozimi i BE-së për dialogun.

“Siç thashë, ne diskutojmë gjithçka që është në propozim, diskutojmë gjithçka që është në axhendën e dialogut, por baza e diskutimit tonë është propozimi që kam paraqitur më 9 shtator….Siç thashë, ne duam të sigurohemi që të ecim përpara në bazë të këtij propozimi dhe kur t’i sjellim dy liderët në Bruksel, takimi të jetë konstruktiv. Unë nuk flas në emër të kryeministrit tuaj, mund ta pyesni vetë atë”, tha ai.

Takimit mes Kurtit dhe Lajçak iu bashkua edhe ambasadori i SHBA-së në Prishtinë, Jeffrey Hovenier. Por, as ai dhe as kryeministri Albin Kurti nuk u pronocuan para mediave.

Related Topics:be Bruksel Miroslav Lajcak

Up Next

Kërcënim me bombë në aeroportin e Prishtinës

Don't Miss

Themeluesi i grupit Wagner sfidon Zelenskyn në një duel ajror

Vendi

Justina Shiroka-Pula zgjidhet presidente e Kosovës

Published

48 minutes ago

October 7, 2026

UBT News

Justina Shiroka-Pula është zgjedhur presidente e Republikës së Kosovës.

Në votimin e zhvilluar në Kuvendin e Kosovës, për Shiroka-Pulën kanë votuar 81 deputetë, ndërsa dy fletëvotime janë shpallur të pavlefshme. Një votë i është dhënë deputetes Eliza Hoxha.

Pas zgjedhjes në këtë pozitë, presidentja e re ka mbajtur fjalimin e saj para deputetëve të Kuvendit, duke thënë se e pranon detyrën me nder dhe përgjegjësi.

“Sot e pranoj me nder të madh dhe me përgjegjësi të plotë detyrën e presidentes së Republikës së Kosovës. Ky mandat nuk i përket vetëm një personi; ai i përket qytetarëve tanë, institucioneve tona dhe shtetit për të cilin shumë breza sakrifikuan”, tha Shiroka-Pula.

Ajo u zotua se do të jetë presidente e të gjithë qytetarëve, pavarësisht përkatësisë politike, etnike apo shoqërore.

“Do të jem presidente e të gjithë qytetarëve, do të dal pa dallim politik, etnik apo shoqëror. Do të punoj për unitet, drejtësi, zhvillim dhe përforcimin e institucioneve tona”, u shpreh ajo.

Në fjalimin e saj, Shiroka-Pula theksoi edhe orientimin euroatlantik të Kosovës dhe rëndësinë e marrëdhënieve me aleatët.

“Do ta mbroj Kushtetutën, interesin e Republikës dhe dinjitetin e qytetarëve tanë. Besoj në Kosovën, besoj në njerëzit e saj dhe besoj se së bashku mund të ndërtojmë një të ardhme më të mirë për brezat që vijnë”, tha presidentja e re./A.K/

Lajmet

Justina Shiroka-Pula zgjidhet presidente e Kosovës

Published

1 hour ago

October 7, 2026

UBTNews

Kuvendi i Kosovës ka zgjedhur Justina Shiroka-Pulën presidente të re të vendit me 81 vota pro, duke i dhënë fund një sage politike dyvjeçare. Zgjedhja e saj u bë në minutat e fundit të datës 6 tetor, afati i fundit kushtetues për të shmangur zgjedhjet e reja parlamentare.
Procesi u zhvillua në një atmosferë me tensione dhe protesta jashtë Kuvendit për ndryshimet në Ligjin për Gjykatën Speciale.

Pak pas mesnatës, presidentja e re mbërriti në Kuvend, ku u prit me duartrokitje e lule, dha betimin zyrtar dhe përmbylli seancën me intonimin e himnit shtetëror./E.A/

Vendi

Kurti propozon për presidente ish-ministren e PDK-së, Justina Shiroka-Pulën

Published

10 hours ago

October 6, 2026

UBTNews

Në orët e fundit para përfundimit të afatit kushtetues për zgjedhjen e kryetarit të shtetit, Kryeministri Albin Kurti ka bërë një lëvizje të re drejt PDK-së.

Kurti ka deklaruar se është i gatshëm të votojë ndryshimin e Ligjit për Dhomat e Specializuara – një kërkesë kjo e kahershme e PDK-së.

Përmes kësaj oferte, Kurti i ka bërë thirrje PDK-së që të hyjë në seancë, duke propozuar si kandidate për presidente ish-deputeten dhe ish-ministren nga radhët e PDK-së, Justina Shiroka-Pula.

Ky propozim vjen pasi kryetari i PDK-së, Bedri Hamza, refuzoi emrat e propozuar më parë, si Feride Rushiti dhe Glauk Konjufca. Kurti iu drejtua opozitës me thirrjen për bashkëpunim në Kuvend për të votuar së pari ligjin e kërkuar dhe më pas kandidaturën e Shiroka-Pulës për të shmangur zgjedhjet e jashtëzakonshme.