Lajmet

​Ky është qyteti më i mirë për të jetuar, sipas EIU

Bëhet fjalë për Vjenën.

Published

on

Njësia e Inteligjencës Economist (EIU) ka renditur dhjetë vendet më të mira dhe dhjetë më të këqijat për të jetuar në botë në vitin 2022. Indeksi vlerësoi 172 qytete në pesë kategori: kulturë, kujdes shëndetësor, arsim, infrastrukturë dhe argëtim.

Qytetet evropiane dhe kanadeze dominojnë falë faktorëve të tillë si stabiliteti dhe infrastruktura e mirë.

Banorët e këtyre qyteteve kanë mundësi të shumta për kulturë dhe argëtim. Vit pas viti, qytetet në Austri dhe Zvicër renditen lart në listat e cilësisë së jetës falë një ekonomie social-kapitaliste të zhvilluar mirë.

Nuk ka asnjë qytet nga Shtetet e Bashkuara të Amerikës në krye të listës dhe Atalanta renditet më e mira në vendin e 26-të.

Vjena u shpall vendi më i mirë për të jetuar. Vjena kryesoi listën për 2018 dhe 2019, por zbriti në vendin e 12-të në vitin 2021. Në përgjithësi, Vjena mori një rezultat prej 95.5/100. Vjena mori 95 pikë për stabilitetin, 83.3 për kujdesin shëndetësor, 98.6 për kulturën dhe mjedisin dhe 100 për arsimin dhe infrastrukturën.

Në vendin e dytë është kryeqyteti i Danimarkës, Kopenhaga, i treti është Cyrihu, Zvicër, i katërti dhe i pesti janë qytetet kanadeze të Cagliarit dhe Vankuverit, i gjashti është Gjeneva, i shtati është Frankfurti, i teti Toronto, i nënti Amsterdami dhe vendi i dhjetë është i përbashkët – Osaka e Melburni.

Lista e dhjetë qyteteve më të këqija për të jetuar dominohet nga qytete nga Azia dhe Afrika.

Përveç Damaskut, i cili është më i keqi për të jetuar dhe Lagosi që vijon, lista e dhjetë qyteteve më të këqija për të jetuar përfshin gjithashtu Tripoli, Algjeri, Karaçi, Port Morsby, Daka, Harare, Duala dhe Teherani.

Lajmet

Dështimi i 53-të, deputetët mblidhen sonte prapë në orën 22:00

Published

on

By

As në përpjekjen e 53-të, deputetët nuk e konstituan Kuvendin e Kosovës, të dalë nga zgjedhjet e 9 shkurtit.

Kryesuesi Avni Dehari ua ndërpreu fjalën deputeit të PDK-së Abelard Tahirit, deputetes së LDK-së Jehona Lushaku Sadriu dhe deputetes së AAK-së Time Kadrijaj.

Kryesuesi i seancës konstituive, Avni Dehari, tha se seanca do të mbahet sonte në orën 22:00.

Gjykata Kushtetuese e Kosovës ka vendosur masë të përkohshme, që do të jetë në fuqi nga 27 korriku deri më 8 gusht, periudhë në të cilën deputetëve u ndalohet të ndërmarrin çdo vendim apo veprim për konstituimin e Kuvendit, të dalë nga zgjedhjet e shkurtit.Palët vazhdojnë të mos gjejnë një kompromis.

Continue Reading

Lajmet

​Zemaj: Nuk pres të ketë diçka as pas dy javësh

Published

on

By

Deputeti i Lidhjes Demokratike të Kosovës (LDK), Armend Zemaj tha se nuk pret dalje nga bllokada institucionale as pas dy javësh.

Para fillimit të përpjekjes së 53-të për konstituim të kuvendit, Zemaj tha para mediave se “kryeneçësia e Vetëvendosjes po i kushton Kosovës”.

Kryeneçësia e Vetëvendosjes, ose më mirë të them kryeneçësia e tyre për të qenë në një pushtet absolut është ka i kushton Kosovës dhe sot jemi në muajin e pestë të mos konstituimit të kuvendit dhe të krijimit të qeverisë së re të Kosovës. tash kemi hyrë edhe në atë që quhet përgjigje legale nga Gjykata Kushtetuese, sot është dita e fundit deri në atë që do ta marrim si masë të përkohshme dhe të presim datën 8”, u shpreh ai.

Gjykata Kushtetuese ka vendosur masa të përkohshme nga data 27 korrik deri më 8 gusht, ku deputetëve u ndalohet të ndërmarrin çdo veprim e vendim që lidhet me konstituim të kuvendit.

Zemaj tha se nuk pret ndryshim as pas dy javëve.

Duhet shfrytëzuar çdo moment, çdo minutë që të kemi institucione të reja. Por me këtë logjikë dhe me këtë bllokadë që është evidente nga VV-ja, nuk pres që mund të ketë diçka edhe pas dy jave,” ka thënë Zemaj.

Continue Reading

Lajmet

Limaj: S’po shoh ndonjë mundësi për ndryshim sot

Published

on

By

Kryetari i Nismës Socialdemokrate, Fatmir Limaj, është pyetur sot nëse pret të kandidohet për kryetar të Kuvendit të Kosovës, në kuadër të zhvillimeve rreth seancës konstituive.

Në një deklaratë të shkurtër dhënë para fillimit të seancës, Limaj u përgjigj shkurtimisht: “S’po shoh ndonjë mundësi për ndonjë ndryshim sot.

Kjo deklaratë vjen në një moment të tensionuar, kur partitë opozitare dhe Lëvizja Vetëvendosje ende nuk kanë arritur një konsensus për konstituimin e Kuvendit. Mospajtimet e vazhdueshme kanë penguar zgjedhjen e kryetarit të Kuvendit, ndërsa afati kushtetues për këtë proces përfundon sonte në mesnatë.

Continue Reading

Lajmet

Murati: Nuk është problem që të sigurohen votat për të tejkaluar këtë ngërç

Published

on

By

Deputeti i Lëvizjes Vetëvendosje (LVV), Hekuran Murati tha se nuk është problem që të sigurohen votat për tejkalim të ngërçit politik.

Ai para fillimit të seancës konstituive, e cila është përpjekja e fundit para vendosjes së masës së Gjykatës Kushtetuese, tha se pret që të ketë vullnet nga partitë opozitare për konstituim të kuvendit.

Po shpresoj që meqë është seanca e fundit apo vazhdimi i fundit që do të mbahet para pezullimit nga Gjykata Kushtetuese, shpresoj dhe uroj që të gjendet vullneti nga partitë opozitare, por edhe tek deputetët individualisht që më në fund të kemi konstituimin e kuvendit. Na duhet që patjetër që të formohen institucionet. Ne tashmë siç e keni parë jemi te numri 57 në vazhdimësi, me votat e NISMA-s bëhemi 60, jemi shumë afër 61. Me votat e Veton Berishës dhe Duda Baljes bëhemi 62, me votën e Lutfi Hazirit që ka thënë do të bëhesha vota 61 bëhemi 63, e madje edhe me votën e Bekë Berishës bëhen 64. Nuk është problem që të jenë dhe të sigurohen votat për të tejkaluar këtë ngërç, vetëm duhet vullnet politik qoftë i subjekteve opozitare, qoftë edhe i deputetëve individualisht”, deklaroi Murati.

Continue Reading

Të kërkuara