Lajmet

Kuvendi nis punën, të enjten debati parlamentar për grevat

Pas pushimit mbi një mujor, Kuvendi sot i është rikthyer punës, duke filluar sesionin vjeshtor.

Published

3 years ago

September 12, 2022

UBT.News

Deputetët e Kuvendit të Kosovës do të mbajnë seancën e parë plenare për sesionin vjeshtor të enjten më 15 shtator, ku do të mbahet debati parlamentar për grevat e përgjithshme në vend.

Kjo u caktua me vendim të kryetarit të Kuvendit, Glauk Konjufca, pasi në mbledhjen e së hënës së Kryesisë së Kuvendit nuk pati kuorum për vendimmarrje për shkak të mungesës së nënkryetares nga Lëvizja Vetëvendosje dhe atij nga Lista Serbe.

Partia Demokratike e Kosovës, që inicioi debatin parlamentar, por edhe AAK kritikuan Qeverinë për mungesë të dialogut social me sindikatat, kryesisht për shkak, siç thanë të kryeneçësisë nga kryeministri Albin Kurti.

Shefi i Grupit Parlamentar të PDK-së, Abelard Tahiri, tha se palët duhet të diskutojnë për të gjetur një zgjidhje, pasi dëmi më i madh po iu bëhet nxënësve dhe arsimit në përgjithësi.

“S’ka si të fillojë ndryshe ky sesion vjeshtor parlamentar pa një debat rreth grevave në Republikën e Kosovës. Kjo është java e tretë, e hëna e tretë që do të duhej të fillonte mësimi, por si rezultat i një kryeneçësie nga kryeministri dhe Qeveria e Kosovës, mungesë të një dialogu social me sindikatat kemi ardhur në një situatë ku greva po vazhdon dhe ata që po humbin më së shumti janë fëmijët tanë”, tha ai.

Nga ana tjetër, shefi i Grupit Parlamentar të AAK-së, Besnik Tahiri paraqiti disa nga prioritetet e tyre në sesionin e ri vjeshtor të Kuvendit. Ai tha se është i domosdoshëm miratimi i Projektligjit për paga dhe zbatimi i tij prej datës 1 janar 2023.

Për sa i përket dialogut Kosovë-Serbi, ai tha se duhet të përfundojë me njohje reciproke në lidershipin e ShBA-së.

“Në këtë sesion vjeshtor i kemi disa prioritete. Prioriteti i parë për ne është miratimi i Projektligjit për paga dhe fillimi i zbatimit të tij më 1 janar. Nuk ka logjikë që ky ligj të vazhdojë të jetë në konsultime publike dhe të thuhet se do të hyjë në fuqi vetëm në fund të vitit të ardhshëm. Pra, prioriteti i parë është miratimi, sjellja në Kuvend, diskutimi dhe hyrja në fuqi më 1 janar. Çështja e dytë është aspekti që ndërlidhet me energji. Ju e dini se ne kemi pasur tryeza, diskutime dhe debate. Mendojmë se ngritja e vetëdijes, debatit në Kuvend rreth kësaj teme është me rëndësi të veçantë. E treta ka të bëjë me sektorin që neve të sektorit publik na i japin rrogat, i cili është sektori privat. Ekonomia, bizneset e mesme dhe të vogla janë buzë falimentimit. Mos trajtimi i kësaj teme dhe neglizhimi i sektorit privat është problematik…Çështja e dialogut po ashtu është e një rëndësie të veçantë. Ne kërkojmë që sa më shpejt që është e mundshme që Kosova të arrijë një marrëveshje finale, e cila është ligjërisht e obligueshme dhe krijon njohjen reciproke në lidershipin e ShBA-së”, tha Tahiri.

Ndërsa, ushtruesja e detyrës së shefes së Grupit Parlamentar të Lëvizjes Vetëvendosje, Mimoza Kusari-Lila, tha se në seancën e së enjtes do të jenë në rend të ditës edhe tri projektligje për FSK-në.

“Projektligji në lexim të parë për shërbimin në Forcën dhe Sigurinë e Kosovës. Projektligji në lexim të parë për FSK-në dhe Projektligji në lexim të parë për Ministrinë e Mbrojtjes”, tha ajo.

Pas pushimit mbi një mujor, Kuvendi sot i është rikthyer punës, duke filluar sesionin vjeshtor.

Lajmet

Ahmeti reagon pas bllokadës në Trafikun Urban

Published

5 hours ago

November 25, 2025

UBTnews

Ish kryetari i Prishtinës, Shpend Ahmeti ka reaguar pas bllokadës financiare që e la të bllokuar transportin publik në kryeqytet.

Ahmeti përmes një postimi në Facebook tha se transporti publik falas për shumë kategori është barrë financiare për Komunën e Prishtinës duke thënë se “nuk mundesh me liru nga pagesa në fushatë e mas tre ditëve me met pa pare”.

“Kur dikush nga komuna thotë lirimi nga pagesa nuk ka ndikim – rren. Ti mundesh me liru kategori nga pagesa por dikush duhet të paguajë. Ne kemi liru nga pagesa penzionerë, por si komunë kemi paguar për secilin penzionist që kemi liruar, sepse modeli e kërkon. Nuk mundesh me liru nga pagesa në fushatë e mas tre ditëve me met pa pare“, ka shkruar Ahmeti.

Kujtojmë se Komuna e Prishtinës dhe Qeveria në detyrë përkatësisht Ministria e Financave i kanë vënë fajin njëra-tjetrës për alokimin e buxhetit të kryeqytetit./KP

Lajmet

Rahovec: Vajza e mitur largohet nga shtëpia, raportohet e zhdukur në polici

Published

5 hours ago

November 25, 2025

UBTnews

Një qytetar nga Rahoveci ka raportuar në polici se vajza e tij e mitur është larguar nga shtëpia dhe aktualisht nuk dihet vendndodhja e saj.

Rasti është paraqitur më 20 nëntor 2025, rreth orës 13:30, në stacionin policor në rrugën “Xhelal Hajda”. Sipas ankuesit, vajza është larguar nga shtëpia dhe deri tani nuk ka informacione se ku mund të ndodhet.

“Ankuesi mashkull kosovar, ka raportuar se vajza e tij e mitur është larguar nga shtëpia dhe nuk dihet asgjë për vendndodhjen e saj“, thuhet në raportin e Policisë së Kosovës.

Lajmet

Leposaviq: Arrestohet një person pasi sulmoi babanë e tij nën ndikim të alkoolit

Published

5 hours ago

November 25, 2025

UBTnews

Një rasti i dhunës në familje ka ndodhur mbrëmjen e 23 nëntorit në Leposaviq, ku një mashkull kosovar është arrestuar nga Policia e Kosovës pasi dyshohet se ka sulmuar fizikisht babanë e tij.

Sipas njoftimit zyrtar, sulmi ka ndodhur rreth orës 23:00, në momentin kur i dyshuari ishte nën ndikim të alkoolit. Pavarësisht incidentit, viktima – babai i tij – ka refuzuar që të marrë trajtim mjekësor.

Me vendim të prokurorit, i dyshuari është dërguar në mbajtje në stacionin policor deri në këndellje.

“Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet“, thuhet në raportin e Policisë së Kosovës./KP

Lajmet

Dhjetë raste të dhunës në familje raportohen brenda një dite, viktimë gratë

Published

5 hours ago

November 25, 2025

UBTnews

Gratë vazhdojnë të përjetojnë dhunën nga bashkëshortët e tyre. Një rast i rëndë u raportua të hënën ku në fshatin Gadime të Lipjanit një grua u sulmua me sëpatë nga ish-bashkëshorti, për çka policia ka njoftuar si rasti “vrasje në tentativë”.

Mirëpo në raportin 24 orësh, policia ka njoftuar edhe për dhjetë (10) raste të dhunës në familje e ku në shumë prej nëntë prej tyre viktimë janë gratë, në një rast tjetër që raportohet në Leposaviq viktimë ishte babai.

Në tri prej rasteve, të dyshuarit janë liruar në procedurë të rregullt

Rastet e dhunës në familje të raportuara vetëm brenda një dite

· Prishtinë 24.11.2025-02:00. Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

· Prishtinë 24.11.2025-05:00. Raportohet se viktima femër kosovare, ka pësuar dhunë nga bashkëshorti i saj. Me vendim të prokurorit, pas intervistimit palët janë liruar dhe rasti shkon në procedurë të rregullt.

· Fushë Kosovë 24.11.2025-16:00. Është arrestuar i dyshuari mashkull kosovar, pasi që i njëjti ka ushtruar dhunë fizike ndaj bashkëshortes se tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit lirohet në procedurë të rregullt.

· Prishtinë 23.09.2025-NN. Me 24.11.2025 ankuesi mashkull kosovar, ka raportuar se ka dhunë psikike të vazhdueshme nga ish bashkëshortja e tij edhe pse ka urdhër mbrojtës. E dyshuara është arrestuar dhe pas intervistimit me vendim të prokurorit është liruar në procedurë të rregullt.

· Podujevë 24.11.2025-20:00 . Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

DHUNË NË FAMILJE

· Gjilan 24.11.2025-09:15. Është arrestuar i dyshuari mashkull kosovar, pasi që kishte ushtruar dhunë fizike ndaj bashkëshortes së tij. Nuk raportohet për të lënduar, ndërsa me vendim të prokurorit, i dyshuari është dërguar në mbajtje.

· Gjilan 24.11.2025-14:30. Është arrestuar i dyshuari mashkull kosovar, pasi që kishte ushtruar dhunë ndaj bashkëshortes së tij. Viktima ka pranuar tretman mjekësor, ndërsa me vendim të prokurorit, i dyshuari është dërguar në mbajtje.

DHUNË NË FAMILJE

· Pejë 24.11.2025 – 07:30. Ankuesja femër kosovare, ka informuar se djali i saj i dyshuari mashkull kosovar, ka ushtruar dhunë psikike ndaj saj. Pas intervistimit me vendim të prokurorit palët janë liruar dhe rasti shkon në procedurë të rregullt.

· Pejë 24.11.2025-22:00. Është arrestuar i dyshuari mashkull kosovar, pasi që i njëjti nën ndikim të alkoolit ka kanosur bashkëshorten e tij, duke shkelur edhe urdhrin mbrojtës. Me vendim të prokurorit, i dyshuari është dërguar në mbajtje.

DHUNË NË FAMILJE

Leposaviq 23.11.2025-23:00. Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet.