Sport

​Kurti viziton KOK-un: Presim që rezultatet e sportistëve të mos ndalen

Krasniqi tha se vizita e kryeministrit Kurti është e rëndësishme.

Published

on

Kryeministri i Kosovës, Albin Kurti, vizitoi Komitetin Olimpik të Kosovës (KOK), ku shprehu mbështetjen ndaj këtij institucioni sportiv dhe nënvizoi pritjet për organizimin e lojërave mesdhetare në Kosovë “Prishtina 2030”.

Ai tha se pret që rezultatet e sportistëve dhe sportisteve të mos ndalen, por vetëm të shtohen të arriturat.

“Unë jam shumë mirënjohës për punën sistematike që po e bëjnë, për kontributin që po e japin dhe besoj se tash e tutje do të kemi edhe më shumë suksese, nga bashkëpunimi ynë si qeveri dhe institucion shtetëror. Presim që si rezultatet e sportistëve dhe sportisteve tona, ashtu edhe pjesëmarrjes së Kosovës në arenën ndërkombëtar, si pjesëmarrëse dhe tash edhe si kandidate për të qenë nikoqir i lojërave mesdhetare këtu në Kosovë “Prishtina 2030”, nuk do të na ndalen por vetëm sa do të na shtohen të arriturat”, tha ai.

Ndërkaq, presidenti i KOK-ut, Ismet Krasniqi, tha se vizita e kryeministrit Kurti është e rëndësishme, sidomos para vendosjes për organizimin e lojërave mesdhetare 2030.

“Kjo vizitë është shumë e rëndësishme, pikërisht para (kandidaturës) për lojërat mesdhetare në të cilat me 8 shtator shpresojmë që të jemi nikoqir i këtyre lojërave. Falënderove kryeministrin dhe zëvendësministren e Sportit për përkrahjen dhe besoj se shumë shpejtë të gjithë ne së bashku do të festojmë marrjen zyrtare të lojërave mesdhetare më 8 shtator, kur prezentë do të jemi edhe ne, kryeministri dhe shumica e anëtarëve të bordit të KOK-ut”, shtoi Krasniqi.

Më 8 shtator gjatë asamblesë gjenerale të ISMG-së, do të vendoset për Lojërat e 21-ta Mesdhetare dhe për Lojërat e katërta Mesdhetare në Plazh.

Kryeqyteti i Kosovës, Prishtina, mund të jetë mikpritëse e mijëra sportistëve që do të marrin pjesë në këtë garë prestigjioze.

Kosova është treguar mjaft e suksesshme në pjesëmarrjet e saj në Lojërat Mesdhetare, mbi të gjitha në sportin e xhudos, duke fituar medalje të arta, të argjendta dhe të bronzta.

Sport

Driton Kuka: Sporti kosovar ka nevojë për gjeneratë të re elitare dhe më shumë fokus te rezultatet

Published

on

By

Trajneri i mirënjohur i xhudos kosovare, Driton Kuka, ka ngritur shqetësime për gjendjen aktuale të sportit në Kosovë, duke theksuar nevojën për krijimin e një gjenerate të re sportistësh elitarë dhe përqendrimin e institucioneve te rezultatet konkrete sportive.

Përmes një reagimi publik, Kuka bëri të ditur se prioritet i ekipit të tij është përgatitja e gjeneratës së re të xhudistëve, e cila sipas tij pritet të jetë konkurruese në ciklet olimpike 2028-2032. Në kuadër të këtij projekti, sportistët e rinj po zhvillojnë kampe stërvitore në Austri, Slloveni dhe Kroaci.

“Prioritet i yni tashmë është kjo gjeneratë që realisht do të jetë e gatshme në ciklin olimpik 2028-2032”, ka shkruar Kuka, duke shtuar se po punohet më shumë se kurrë për ndërtimin e garuesve të rinj që mund të arrijnë rezultate elitare në arenën ndërkombëtare.

Ai vlerësoi se sporti kosovar po përballet me sfidën e ndërrimit të gjeneratave, ndërsa sukseset në xhudo vazhdojnë të mbështeten kryesisht te kampionët aktualë. Sipas Kukës, fakti që Distria Krasniqi ishte e vetmja medaliste e Kosovës në Kampionatin Evropian tregon qartë nevojën për krijimin e emrave të rinj.

“Kur një sportiste e madhe si Distria Krasniqi vazhdon ta mbajë primatin dhe në Kampionatin Evropian ishte e vetmja që fitoi medalje, kjo flet shumë për gjendjen në federatën tonë”, theksoi ai.

Kuka nuk i kurseu kritikat as ndaj institucioneve sportive, duke kërkuar më shumë përgjegjësi dhe fokus te rezultatet e prekshme. Sipas tij, vëmendja nuk duhet të përqendrohet te aktivitetet formale apo promovimet personale, por te arritjet sportive dhe sportistët që kanë potencial për të konkurruar në nivelet më të larta.

“Në qendër të të gjitha institucioneve duhet të jetë rezultati sportiv. Duhet të flitet për të arriturat dhe për sportistët me vlera. Vlera janë normat olimpike, medaljet olimpike, botërore dhe evropiane”, u shpreh trajneri kosovar.

Në fund, ai theksoi se Kosova aktualisht ka shumë pak rezultate të nivelit më të lartë në sportet olimpike gjatë këtij viti, duke shprehur shpresën se pjesa e dytë e vitit do të sjellë më shumë medalje dhe suksese për sportistët kosovarë.

Continue Reading

Sport

FIFA konfirmon rregulla të reja për Kupën e Botës 2026

Published

on

By

FIFA ka zyrtarizuar një paketë ndryshimesh të rëndësishme në rregullat e lojës, të cilat do të aplikohen për herë të parë në 2026 FIFA World Cup. Qëllimi kryesor i këtyre masave është luftimi i humbjes së kohës dhe rritja e kohës efektive të lojës.

Një nga ndryshimet më të rëndësishme ka të bëjë me rivëniet anësore dhe goditjet nga porta. Gjyqtarët do të kenë të drejtën të nisin një numërim pesësekondësh kur vlerësojnë se një ekip po vonon qëllimisht rifillimin e lojës. Nëse rivënia anësore nuk ekzekutohet brenda afatit, topi do t’i kalojë kundërshtarit, ndërsa vonesa në goditjen nga porta do të ndëshkohet me akordimin e një goditjeje këndi për ekipin rival.

Ndryshime të ndjeshme janë bërë edhe te zëvendësimet. Futbollistët e zëvendësuar do të kenë vetëm 10 sekonda për të lënë fushën nga pika më e afërt. Në rast se tejkalojnë këtë afat, lojtari që duhet të hyjë në lojë nuk do të lejohet të futet për të paktën një minutë dhe skuadra do të mbetet përkohësisht me një lojtar më pak.

Rregullat e reja prekin edhe trajtimin mjekësor. Lojtarët që marrin ndihmë nga stafi mjekësor gjatë ndeshjes do të duhet të qëndrojnë jashtë fushës për 60 sekonda para se të rikthehen në lojë. Përjashtim do të bëhet për portierët, dëmtimet serioze dhe rastet kur kundërshtari ndëshkohet me karton të verdhë ose të kuq.

Në aspektin disiplinor, FIFA ka ashpërsuar masat ndaj sjelljeve konfrontuese. Futbollistët që mbulojnë gojën gjatë debateve apo përplasjeve me kundërshtarët mund të përballen edhe me karton të kuq, si pjesë e përpjekjeve për të rritur transparencën dhe për të luftuar sjelljet e papërshtatshme në fushë.

Gjithashtu, kompetencat e sistemit VAR janë zgjeruar. Teknologjia tashmë do të mund të ndërhyjë për të korrigjuar vendime të qarta të gabuara lidhur me goditjet e këndit, rastet e identitetit të gabuar dhe kartonët e dytë të verdhë që çojnë në përjashtim nga loja, për sa kohë ndërhyrja bëhet shpejt dhe pa penguar rrjedhën normale të ndeshjes.

Këto risi pritet të debutojnë në turneun më të madh të futbollit botëror, që do të zhvillohet në United States, Canada dhe Mexico, duke e bërë edicionin e vitit 2026 një nga më të veçantët në historinë e Kupës së Botës.

Continue Reading

Sport

Aziz Yıldırım premton rikthimin e Vedat Muriqit te Fenerbahçe

Published

on

By

Kandidati për president të Fenerbahçe S.K., Aziz Yıldırım, ka premtuar se do të realizojë transferimin e sulmuesit kosovar Vedat Muriqi nëse fiton zgjedhjet në klub.

Gjatë një konference për shtyp të mbajtur të martën, Yıldırım bëri të ditur se negociatat për afrimin e Muriqit janë në fazën përfundimtare.

“Jemi në bisedime me dy lojtarë, Vedat Muriqin dhe Serhou Guirassyn. Kemi arritur në fazën finale të negociatave”, deklaroi ai.

Interesimi i Fenerbahçes për Muriqin vjen në një moment kur sulmuesi ka kërkuar largimin nga RCD Mallorca, pas rënies së skuadrës nga elita e futbollit spanjoll.

Muriqi zhvilloi një sezon të shkëlqyer me Mallorcan në edicionin 2025/26 të La Ligës, duke realizuar 23 gola dhe duke qenë një nga lojtarët më të spikatur të ekipit. Paraqitjet e tij kanë tërhequr vëmendjen e disa klubeve, ndërsa Fenerbahçe duket e vendosur për ta rikthyer sulmuesin në futbollin turk.

Kujtojmë se Muriqi ka luajtur më parë në Turqi, ku ka lënë gjurmë me paraqitjet e tij pikërisht me fanellën e Fenerbahçes, para se të transferohej në Spanjë.

Continue Reading

Sport

Valon Berisha,historia e një futbollisti që nuk harroi rrënjët

Published

on

By

Valon Berisha është një nga futbollistët më të rëndësishëm në historinë e Kosovës. I lindur më 7 shkurt 1993 në Malmö të Suedisë, ai u rrit në Norvegji dhe karrierën e nisi te Viking FK, ku u dallua si një prej mesfushorëve më premtues të vendit.

Gjatë karrierës së tij ka luajtur për klube të njohura evropiane si Viking, Red Bull Salzburg, Lazio, Fortuna Düsseldorf, Stade Reims, LASK Linz dhe së fundmi FC Zurich në Zvicër. Periudhën më të suksesshme e pati me Salzburgun, ku fitoi disa tituj kampioni dhe kupa të Austrisë, duke qenë një nga lojtarët kyç të ekipit që arriti deri në gjysmëfinalen e Ligës së Evropës.

Me klubet e tij, Berisha ka zhvilluar mbi 450 ndeshje zyrtare, ka shënuar mbi 70 gola dhe ka dhuruar dhjetëra asistime. Ai njihet për energjinë, pasimet precize dhe aftësinë për të udhëhequr skuadrën në mesfushë.

Në nivel ndërkombëtar, Berisha fillimisht përfaqësoi Norvegjinë, duke zhvilluar 20 ndeshje me ekipet përfaqësuese të saj. Megjithatë, në vitin 2016 vendosi të luante për Kosovën, vendim që e mori për shkak të lidhjes së fortë me familjen dhe rrënjët e tij shqiptare. Deri më tani ka regjistruar mbi 50 paraqitje me fanellën e Kosovës dhe ka realizuar 4 gola.

Një nga momentet më të paharrueshme të tij me Kosovën ishte ndeshja ndaj Anglisë në Southampton, ku shënoi dy gola kundër një prej kombëtareve më të forta në botë. Berisha ka qenë pjesë e gjeneratës që e ngriti Kosovën në skenën ndërkombëtare dhe vazhdon të jetë një nga liderët kryesorë të ekipit.

Së fundmi, ai iu bashkua FC Zurich, ku po tregon formë të mirë. Në një ndeshje të rëndësishme kundër Thunit, Berisha kontribuoi me dy asistime në fitoren 2-1 të ekipit të tij, duke dëshmuar se edhe në moshën 33-vjeçare mbetet një futbollist me ndikim të madh në lojë.

Me përvojën, përkushtimin dhe sukseset e arritura, Valon Berisha konsiderohet një nga futbollistët më të suksesshëm që ka nxjerrë Kosova.

Continue Reading

Të kërkuara