

Lajmet
Kurti shpreh gatshmëri për takime të radhës në Bruksel
Kurti u takua sot me emisarë të njohur ndërkombëtarë.
Published
3 years agoon
By
Betim GashiKryeministri Albin Kurti ka shprehur gatishmërinë e tij për të zhvilluar takime tjera të nivelit të lartë politik, në kuadër të procesit dialogues me Serbinë, duke iu referuar takimeve me presidentin e Serbisë, Aleksandar Vuçiq.
Kështu u tha në njoftimin për media të Kryeministrisë, pas takimit që ky i fundit bashkë me zëvendësin e tij, Besnik Bislimi, zhvilluan me pesëshen e emisarëve ndërkombëtarë gjatë ditës së sotme.
“I falënderoi të gjithë emisarët dhe vendet e tyre për përkushtimin dhe angazhimin në procesin e dialogut dhe rrugën përpara, duke shprehur gatishmërinë e tij për takime të radhës të nivelit të lartë politik dhe intensifikim të procesit”, u theksua në njoftimin e Kryeministrisë.
“Kryeministri i Republikës së Kosovës, Albin Kurti i shoqëruar nga zëvendëskryeministri i parë, Besnik Bislimi u takua sot me përfaqësuesin Special të Bashkimit Evropian për Dialogun Kosovë-Serbi, Miroslav Lajčák, këshilltarët për polikë të jashtme dhe siguri të Kancelarit të Gjermanisë, Olaf Scholz dhe të Presidentit të Francës, Emmanuel Macron, z. Jens Plötner dhe z. Emmanuel Bonne, këshilltarin diplomatik të Kryeministres së Italisë, Giorgia Meloni, Francesco Maria Talò dhe Zëvendës Ndihmës Sekretarin e Shteteve të Bashkuara për Çështje Evropiane dhe Euroaziatike dhe njëherësh të dërguarin e posaçëm të Shteteve të Bashkuara të Amerikës për Ballkanin Perëndimor, Gabriel Escobar”, thuhet në njoftim.
Më tej në njoftim thuhet se kjo është hera e dytë që kryeministri Kurti priti në takim këshilltarët për politikë të jashtme dhe siguri, Plötner dhe Bonne, pas takimit të parë më 9 shtator 2022. Kësaj radhe atyre iu bashkëngjitën edhe këshilltari diplomatik i Kryeministres së Italisë, Talò dhe emisari amerikan, Escobar. Për më shumë se dy orë u diskutua për propozimin evropian, të cilën Kryeministri Kurti e vlerëson si bazë të mirë për diskutim të mëtejshëm për të ecur përpara drejt normalizimit të plotë të marrëdhënieve ndërmjet Kosovës dhe Serbisë, me njohje reciproke në qendër. U diskutua edhe për të drejtat e pakicave, për çka kryeministri ka shprehur konsideratën edhe në kornizën e përgjithshme për marrëveshje të propozuar nga vetë ai me 18 gusht 2022 në Bruksel. Kryeministri Kurti, ndër të tjerash, theksoi nevojën e Kosovës për njohjen nga shtetet mosnjohëse dhe anëtarësimin në organizata kyçe ndërkombëtare dhe trans-atlantike.
Ai i njoftoi emisarët për të arriturat dhe sukseset e Kosovës në vitin që lamë pas në fushën e sundimit të ligjit, për reformat e ndërmarra, progresin demokratik dhe ekonomik, si dhe për aplikimin e Kosovë në Këshillin e Evropës në maj të vitit të kaluar dhe në Bashkimin Evropian në dhjetor, si hapa historik për Kosovën.
I falënderoi të gjithë emisarët dhe vendet e tyre për përkushtimin dhe angazhimin në procesin e dialogut dhe rrugën përpara, duke shprehur gatishmërinë e tij për takime të radhës të nivelit të lartë politik dhe intensifikim të procesit.
Pas këtij takimi, emisarët udhëtuan për në kryeqytetin e fqinjit verior të Republikës së Kosovës.
Lajmet
Dy raste dhune në familje brenda një dite në Pejë
Published
6 minutes agoon
August 11, 2025By
UBTnews
Policia e Kosovës ka njoftuar për dy raste të dhunës në familje të raportuara gjatë ditës së djashme në qytetin e Pejës.
Rasti i parë është regjistruar, rreth orës 04:30 të mëngjesit, kur është arrestuar një i dyshuar mashkull kosovar. Sipas policisë, i dyshuari mashkull nën ndikimin e alkoolit, kishte fyer dhe kanosur dy viktima meshkuj kosovarë. Pas intervistimit, dhe me vendim të prokurorit kujdestar, i dyshuari është dërguar në mbajtje.
“Është arrestuar i dyshuari mashkull kosovar pasi që nën ndikim të alkoolit kishte fyer dhe kanosur dy viktimat meshkuj kosovarë. Pas intervistimit me vendim të prokurorit kujdestar i dyshuari është dërguar në mbajtje” thuhet në njoftim.
Ndërkohë, rasti i dytë ka ndodhur po të njëjtën ditë, rreth orës 22:30, kur pas një mosmarrëveshjeje mes një femre dhe një mashkulli kosovar, njësitet policore i kanë shoqëruar të dy palët në stacion policor. Viktima ka refuzuar trajtimin mjekësor, ndërsa i dyshuari, pas konsultimit me prokurorin, është liruar në procedurë të rregullt.
“Pas pranimit të informatave për një mosmarrëveshje në mes një femre dhe një mashkulli kosovar, njësiti policor të njëjtit i ka shoqëruar në stacion policor. Lidhur me rastin viktima ka refuzuar tretmanin mjekësor, i dyshuari në konsultim me prokurorin është liruar në procedurë të rregullt.” thuhet në njoftim./UBTnews
Lajmet
Policia në rajonin e Ferizajt javën e kaluar shqiptoi afër 2 mijë gjoba, pezulloi 22 patentë shoferë
Published
18 minutes agoon
August 11, 2025By
UBTnews
Policia në rajonin e Ferizajt ka njoftuar se javën e kaluar ka shqiptuar 1921 gjoba dhe ka pezulluar 22 patentë shoferë.
Po ashtu janë raportuar 94 aksidente trafiku, ku janë lënduar 45 persona.
“Policia Rajonale e Ferizajt do të vazhdojë me aktivitete të shtuara për të parandaluar aksidentet dhe apelon tek të gjithë drejtuesit e automjeteve që të jenë të kujdesshëm dhe të respektojnë rregullat e trafikut. tojmë qytetarët që të bashkëpunojnë me policinë dhe të raportojnë çdo kundërvajtje në trafik përmes: -Stacionit më të afërt policor – Aplikacionit digjital “Lajmëro Policinë” – Numrave : 192, 0290/326-250 & 0290/322-406. Të dhënat e raportuara do të trajtohen me konfidencialitet të plotë.”, thuhet në njoftim.
Lajmet
Elezi: Deri më tani aplikuan 10 subjekte politike me 64 kandidatë
Published
37 minutes agoon
August 11, 2025By
UBTnews
Dhjetë subjekte politike, prej të cilave dy iniciativa qytetare dhe tetë kandidatë të pavarur, kanë dorëzuar në Komisionin Qendror të Zgjedhjeve aplikimin e tyre për t’u certifikuar për pjesëmarrje në Zgjedhjet Lokale të 12 tetorit.
Këto të dhëna janë bërë të ditura për EkonomiaOnline nga zëdhënësi i KQZ-së, Valmir Elezi, i cili ka njoftuar se kanë mbetur vetëm edhe tri ditë deri në përfundimin e afatit për dorëzimin e listës me emrat e kandidatëve.
“Deri më tani, 10 subjekte politike, prej të cilave 2 iniciativa qytetare dhe 8 kandidatë të pavarur, kanë aplikuar për t’u certifikuar për pjesëmarrje në zgjedhjet locale, të cilat do të mbahen më 12 tetor 2025. Numri i përgjithshëm i kandidatëve, që përfaqësojnë këto subjekte politike, është: 64 kandidatë, prej të cilëve 5 kandidatë për kryetarë të komunave dhe 59 për anëtarë të kuvendeve komunale”, njoftoi Elezi.
Sipas tij, në mbledhjen e radhës, KQZ do të shqyrtojë rekomandimet e përgatitura nga Zyra për Regjistrim, Certifikim dhe Kontrollin Financiar të Subjekteve Politike dhe do të marrë vendime të veçanta për secilin aplikim.
“Pasi ka pranuar këto aplikime, Zyra për Regjistrim, Certifikim dhe Kontrollin Financiar të Subjekteve Politike (ZRCKFSP) ka ndërmarrë hapat ligjorë për verifikimin e kandidatëve në bashkëpunim me institucionet e ndryshme shtetërore sipas përgjegjësive të tyre ligjore dhe ka përgatitur rekomandimet për certifikim. Në mbledhjen e radhës, KQZ do të shqyrtojë dhe do të marrë vendime të veçanta për secilin aplikim”, tha Elezi.
Sipas Elezit, subjektet politike kanë të drejtën e plotë të vendosin në cilat komuna do të marrin pjesë në zgjedhje dhe të përcaktojnë vetë nëse do të garojnë vetëm në zgjedhje për kryetar komune ose për Kuvend Komunal apo për të dyja njëkohësisht në një komunë të caktuar.
Bota
Dronët e Ukrainës godasin rafinerinë Lukoil, 2000 kilometra në thellësi të Rusisë
Published
1 hour agoon
August 11, 2025By
UBT News
Dronët e operuar nga Drejtoria Kryesore e Inteligjencës e Ministrisë së Mbrojtjes së Ukrainës (GUR) kryen një sulm ndaj rafinerisë së naftës Lukoil në Republikën ruse Komi, e cila ndodhet dy mijë kilometra nga kufiri ukrainas.
Informacioni u konfirmua nga burime në shërbimin e inteligjencës ukrainase, shkruan Ukrainska Pravda.
Objekti i synuar në Komi është thelbësor për furnizimin e forcave ruse me karburant dhe lubrifikantë.
Burimet e inteligjencës ukrainase zbuluan se dronët goditën një rezervuar për produktet e naftës.
Po ashtu, u dëmtua një njësi përpunimi gazi dhe kondensate gazi që përdoret për të prodhuar propan-butan dhe benzinë.

Dy raste dhune në familje brenda një dite në Pejë

Policia në rajonin e Ferizajt javën e kaluar shqiptoi afër 2 mijë gjoba, pezulloi 22 patentë shoferë

Si përdoret opsioni i ri “Repost” në Instagram?

Elezi: Deri më tani aplikuan 10 subjekte politike me 64 kandidatë

Harroni kremrat e shtrenjta, hani fruta kundër rrudhave

Dronët e Ukrainës godasin rafinerinë Lukoil, 2000 kilometra në thellësi të Rusisë

Arrestohet i dyshuari për vrasjen me thikë në Zhur të Prizrenit

22 zjarre aktive në Kosovë, situatë e rënduar në Kçiq të Mitrovicës

Sulmi izraelit vret katër gazetarë në Gaza
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit