Lajmet

​Kurti për paralajmërimet e Serbisë për tërheqje nga dialogu: Dikush në Bruksel mund të jetë trembur

Këto komente ai i bëri pas pjesëmarrjes së tij në tryezën “Kosova si shoqëri shumëgjuhëshe”.

Published

on

Kryeministri i Kosovës, Albin Kurti deklaroi se dikush në Bruksel mund të jetë trembur pasi presidenti i Serbisë, Aleksandër Vuçiq tha se mund të tërhiqen nga dialogu mes dy vendeve.

Gjithashtu, kryeministri foli edhe për komentet e të dërguarit special të BE-së për dialogun Prishtinë-Beograd, Miroslav Lajçak, që shprehu se situata tashmë ka ndryshuar pas vendimit qeveritar për reciprocitet për letërnjoftime dhe për afatin për regjistrimin e veturave me targa të vjetra.

“Edhe Lajcak ka qenë vazhdimisht i njoftuar me veprimet tona. Unë e di qe ekziston një plan për takime edhe të kryenegociatorëve ndoshta edhe më shumë se aq, vetëm ta shohim se si dhe sa do të mund të përgatiten në Bruksel. Jemi të gatshëm dhe të interesuar për marrëveshje ligjërisht të obligueshme, të qëndrueshme dhe njohje reciproke në qendër. Por problemi mbase qëndron tek paralajmërimet nga Beogradi se ata mund te dalin nga dialogu. Mendoj se po bëjnë gabim dhe kjo mund ta ketë trembur pak dikë në Bruksel”, tha ai.

Këto komente ai i bëri pas pjesëmarrjes së tij në tryezën “Kosova si shoqëri shumëgjuhëshe”.

Lajmet

Një burrë në Skenderaj raporton se persona të panjohur ia dogjën 400 trupa arrash

Published

on

Policia e Kosovës ka njoftuar për një rast të shkaktimit të rrezikut të përgjithshëm që ka ndodhur në Leqinë të Skenderajt të shtunën.

Sipas raportit 24-orësh të Policisë, një burrë ka raportuar se persona të panjohur ia kanë djegur 400 trupa arrash dhe ia kanë dërmuar sistemin e ujitjes.

“Është raportuar se nga persona të panjohur ankuesit mashkull kosovar i janë djegur 400 trupa me arra, si dhe i është dëmtuar sistemi i ujitjes. Lidhur me rastin është njoftuar prokurori”, thuhet në raportin e Policisë. Rasti thuhet se është nën hetime.

Continue Reading

Bota

Mbi 1300 të vdekur nga luftimet në Siri

Published

on

Udhëheqësi i Sirisë, Ahmed al-Sharaa, është zotuar se do të mbajë përgjegjës këdo që është i përfshirë në vrasjen e civilëve disa ditë pasi forcat siriane të sigurisë dyshohen se vranë qindra civilë nga pakica fetare alevite.

Një monitorues me bazë në Mbretërinë e Bashkuar ka njoftuar se 830 civilë janë vrarë në “masakrat” që synonin këtë komunitet në bregun perëndimor vetëm gjatë së premtes dhe të shtunës, raportoi BBC-ja. Teksa që nga e enjtja kur edhe kanë filluar luftimet, sipas Observatorit Sirian për të Drejtat e Njeriut, numri i përgjithshëm i të vdekurve ka shkuar në 1,311.

Nga këto luftime, raportohet se janë vrarë gjithashtu 231 anëtarë të forcave të sigurisë dhe 250 të tjerë pro-Asad. Alevitët, sekti i të cilëve është një degë e Islamit Shiit, përbëjnë rreth 10% të popullsisë së Sirisë, e cila është shumica myslimane sunitë.

Continue Reading

Lajmet

​Arrestohen dy persona dhe konfiskohen armë e municion në Leposaviq

Published

on

By

Policia e Kosovës njoftoi se ka arrestuar dy persona si dhe ka konfiskuar armë e municion në komunën e Leposaviqit në veri të vendit.

Një rast kanosje është raportuar të dielën më 9 mars në Stacionin Policor në Leposaviq.

Sipas Policisë së Kosovës, ngjarja ka ndodhur në fshatin Vuçë ku një person është ankuar se është kanosur nga i dyshuari G.K 54 vjeç.

Pas kësaj, policia ka ndërmarrë veprime e nevojshme dhe gjatë kontrollit në shtëpinë e tij dhe të vëllait të tij R.K 52 vjeç, ka gjetur dhe sekuestruar armë dhe fishekë.

“Një pushkë me tytë të gjatë [karabinë], 126 fishekë të kalibrit 11.53 mm, 229 fishekë të kalibrit 7.62 mm, një bajonetë (thikë pushke) me gjatësi 37 cm, Një thikë me gjatësi 23 cm”.

Sipas njoftimit të Policisë së Kosovës, të dyshuarit janë arrestuar dhe shoqëruar në stacion policor ku i dyshuari G.K në prezencën e avokatit ka ushtruar të drejtën për t’u mbrojtur në heshtje. Me urdhër të Prokurorit të Shtetit, ai është ndaluar për 48 orë.

Ndërkaq, i dyshuari R.K. është liruar në procedurë të rregullt.

Rasti është iniciuar si “Kanosje” dhe “Mbajtja në pronësi, kontroll ose posedim i paautorizuar i armëve”.

Ky rast, sipas autoriteteve, mbetet nën hetime të mëtejme në Stacionin Policor Leposaviq.

Continue Reading

Lajmet

​Hendboll/ Kosova para sfidës vendimtare me Ukrainën

Published

on

By

Me mendje te ndeshja e së enjtes me Ukrainën, ka nisur grumbullimi i Kombëtares A të Kosovës në hendboll.

Nën urdhrat e selektorit Bujar Qerimi në stërvitjen e parë që u zhvillua të dielën ishin shumica e lojtarëve, ndërsa grupi pritet të kompletohet sot.

Stërvitja nuk ishte me ngarkesë të madhe për shkak të angazhimit të të gjithë lojtarëve në ditët e kaluara. Tri ditët e ardhshme do të shfrytëzohen maksimalisht që të enjten nga ora 20:15, Kombëtarja të jetë në formën më të mirë të mundshme.

Ndeshja me Ukrainën zhvillohet në Pallatin e Rinisë dhe Sportit në Prishtinë. Ndeshja i takon fazës së dytë të kualifikimeve për Euro 2026.

Continue Reading

Të kërkuara