Lajmet

​Kurti në Paris për marrëveshjen me Serbinë: S’ka lëshime që e ndajnë vendin në vija etnike

Kreu qeveritar tha se paqja dhe siguria në Evropë nuk po sfidohet vetëm nga Rusia, por edhe nga Serbia.

Published

2 years ago

on

Kryeministri Albin Kurti ka thënë se Kosova është gati t’ia shtrijë dorën Serbisë dhe të krijojë marrëdhënie të mira fqinjësore, nëse ata janë të gatshëm të çlirojnë grushtin. Megjithatë ka theksuar se Kosova nuk ofron lëshime të mëtejshme që ndajnë vendin në vija etnike dhe fetare.

Në Forumin për Paqe në Paris të Francës, kreu qeveritar tha se paqja dhe siguria në Evropë nuk po sfidohet vetëm në lindje nga Rusia, por edhe në juglindje nga Serbia.

“Kosova ka filluar normalizimin e marrëdhënieve me Serbinë në vitin 2011, 11 vjet më pas, sot në shumë aspekte marrëdhëniet nuk janë më të mira se një dekadë më parë, dhe ka një arsye për këtë, Serbia ka dështuar të demokratizohet dhe ajo ende kërkon konflikte në vend të bashkëpunimit, ajo ende lavdëron kriminelët e luftës në vend që t’i gjykojë dhe t’i dënojë. Kam frikë se Serbia sot nuk është as demokratike, as e pavarur, është një regjim që udhëhiqet nga kisha ortodokse dhe dominohet nga Rusia e Putinit. Kosova dëshiron marrëdhënie paqësore dhe të fqinjësisë së mirë me Serbinë dhe ne jemi të gatshëm t’i shtrijmë dorën një vendi që ka kryer gjenocid ndaj popullit tonë, nëse ai vend është i gatshëm të lirojë grushtin”, tha ai.

Para të pranishmëve, kryeministri Kurti nënvizoi sërish se marrëveshja finale me Serbinë duhet të ketë njohjen reciproke në qendër të saj. Ai i bëri thirrje edhe pesë vendeve të BE-së që nuk e njohin Kosovën ta bëjnë një gjë të tillë.

“Ajo që ne nuk ofrojmë janë lëshime të mëtejshme të krijuara për të ndarë shoqërinë dhe vendin tonë në vija etnike dhe fetare, por nëse Serbia nuk është e gatshme të na njohë, siç e përsërisin çdo ditë, pesë anëtarët e BE-së nuk duhet të presin, ata mund të ndihmojnë që Serbia të njeh Kosovën më shpejt nëse ato vende na njohin të parat. Unë jam i vetëdijshëm për frikën e tyre, por gjykata më e lartë në botë “Gjykata Ndërkombëtare e Drejtësisë” deklaroi se shpallja e pavarësisë së Kosovës nuk ka shkelur të drejtën ndërkombëtare. Prandaj, debati ligjor për legjitimitetin e shpalljes së pavarësisë në thelb ka përfunduar. Të gjithë në Evropë kanë përgjegjësi për të kontribuar në forcimin e paqes dhe sigurisë në Evropë dhe dua të falënderoj BE-në për të gjithë ndihmën që na kanë dhënë, dhe që po na japë, dhe në veçanti Francën për kontributin e saj për paqen, demokracinë dhe zhvillimin në rajon në përgjithësi, dhe në Kosovë në veçanti”, shtoi ai.

Në anën tjetër, Kurti tha se ekziston rrezik përreth kufijve me Serbinë, por shtoi se Kosova mbështetet në NATO-n.

“Rreth kufirit të Kosovës, në Serbi, në të ashtuquajturën zonë e madhe e sigurisë, e cila është pesë kilometra e gjerë, që nga intervenimi i NATO-s në vitin 1999 që ka pasur për qëllim ndalimin e gjenocidit ndaj popullit shqiptar, janë 48 baza operacionale të Serbisë me 50-150 ushtarë. 28 prej tyre janë të gjandarmërisë dhe 20 prej tyre janë ushtarake. Pra, ky është një rrezik i madh për vendin tonë dhe ne jemi shumë vigjilentë, por asnjëherë të frikësuar. Kosova nuk është në NATO, por Kosova e ka NATO-n brenda, dhe historia e Kosovës dhe ajo e NATO-s janë të ndërthurura, por edhe e ardhmja jonë është e ndërthurur. Prandaj, ne duam t’i bashkohemi programit të partneritetit për paqe dhe sa më shpejt që të jetë e mundur duam të anëtarësohemi në NATO”, theksoi Kurti.

Related Topics:
Continue Reading

Bota

Ish-udhëheqësi i Hezbollah do të varroset të dielën

Published

22 hours ago

on

February 21, 2025

By

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Continue Reading

Lajmet

Arrestohet ish-kryetarja e Nishit, Dragana Sotirovski

Published

23 hours ago

on

February 21, 2025

By

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Continue Reading

Lajmet

KQZ: Votat me kusht dhe ato nga Diaspora numërohen javën e ardhshme

Published

23 hours ago

on

February 21, 2025

By

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

 “Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Continue Reading

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

24 hours ago

on

February 21, 2025

By

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.

Continue Reading

Të kërkuara