Sport

Kurti e Hyseni flasin për ndërtimin e stadiumit të Gjilanit

Kurti ka deklaruar se punimet janë ndalur për shkak të disa shkeljeve të gjetura në projektin e mëparshëm.

Published

3 years ago

October 10, 2022

Betim Gashi

Stadiumi i Gjilanit, përkatësisht ndërtimi i tij është njëra nga çështjet më të diskutuara sa i përket infrastrukturës sportive.

Në këtë stadium i zhvillojnë ndeshje dy prej skuadrave më të mëdha në futbollit kosovar si Drita dhe Gjilani, andaj mungesa e kushteve të nevojshme po ua vështirëson punën këtyre klubeve.

Në lidhje me këtë çështje, sot kanë folur kryeministri i Kosovës, Albin Kurti dhe kryetari i Gjilanit, Alban Hyseni. Kurti ka deklaruar se punimet janë ndalur për shkak të disa shkeljeve të gjetura në projektin e mëparshëm dhe se duhet të korrigjohen ato gabime në mënyrë që procesi të mos ketë shkelje.

“Disa projekte që i kemi gjetur me shkelje përbrenda nuk kemi mund t’i vazhdojmë sepse ne nuk mund të bëjmë mbindërtim në shkeljet e gjetura, ne duhet të bëjmë edhe korrigjim për ndërtim të mbarë. E kam fjalën për stadiumin e Gjilanit i cili është projekt i yni, por duhet të jetë i tillë që edhe përfundohet me sukses dhe pa shkelje në proces”, theksoi Kurti.

Kurse Hyseni tha se punimet momentalisht janë ndërprerë për shkak se mungon një projekt i detajuar, ndërsa premtoi se në pranverën e vitit të ardhshëm do të bëhen punime intensive për ndërtimin e këtij stadiumi.

“Sa i përket stadiumit tashmë është një çështje shumë e diskutuar. Dihet që e kemi ndërprerë kontratën për shkak të shkeljeve që janë gjetur, ndërkohë që për një projekt të kategorisë së katërt siç është ky në Gjilan nuk ka projekt përfundimtar dhe detal. Ne jemi duke u marrë me projektin aktualisht dhe shpresoj që pranvera e vitit të ardhshëm, me fillimin e sezonës së punimeve do të mund të na gjejë me punë intensive sa i përket stadiumit”, tha Hyseni.

Përveç stadiumit të Gjilanit, probleme për ndërtimin e tyre ka edhe në stadiumin “Adem Jashari” në Mitrovicë, stadiumin e Pejës dhe atë të Prizrenit.

Related Topics:Albin Kurti Drita gjilani

Up Next

Pioli paralajmëron ndryshime për sfidën me Chelsean

Don't Miss

UEFA ia beson një tjetër ndeshje të madhe gjyqtarit Genc Nuza

Sport

Zyrtare: Ferizaj përforcohet në qendër të mbrojtjes, prezantojnë Ardit Iljazin

Published

1 day ago

June 5, 2025

Albina Zeneli

Ferizaj ka filluar me përforcime për sezonin e ri në Albi Mall Superligën e Kosovës në futboll.

‘Ujqit’ janë përforcuar në qendër të mbrojtjes, ku kanë nënshkruar me qendërmbrojtësin Ardit Iljazi.

24-vjeçari i bashkohet Ferizajt pasi më parë ka luajtur edhe për Gostivarin, Shkupin, Erzenin, Teutën dhe Voska Sport.

Njoftimi i plotë nga FC Ferizaj:

Zyrtare: Ardit Iljazi bashkohet me FC Ferizajn

FC Ferizaj ka kënaqësinë të prezantojë përforcimin më të ri në repartin defensiv Ardit Iljazin, i cili do të jetë pjesë e skuadrës bardhekaltër për sezonin e ri.

Arditi luan në pozitat qendër mbrojtës dhe mbrojtës i djathtë, ndërsa gjatë karrierës së tij ka qenë pjesë e disa klubeve të njohura si Erzeni, Shkupi dhe Voska, duke grumbulluar përvojë të vlefshme në futbollin rajonal.

Ardit Iljazi: “Është kënaqësi për mua t’i bashkohem FC Ferizajt. Jam i motivuar dhe i gatshëm të jap maksimumin për klubin dhe për tifozët.”

Mirë se erdhe Ardit, dhe shumë suksese me fanellën bardhekaltër!

Sport

FSHF: Vijon procesi i shpërndarjes së biletave përmes shortit elektronik për ndeshjen Shqipëri – Serbi

Published

1 day ago

June 5, 2025

UBTnews

Federata e Futbollit njoftoi sot se vijon procesi i shpërndarjes së biletave përmes shortit elektronik për ndeshjen Shqipëri – Serbi.

FSHF thekson se, të gjithë personat që janë shpallur fitues dhe kanë fituar të drejtën për të blerë bileta duhet të veprojnë sa më shpejt, pasi linku i dërguar është i vlefshëm vetëm për 24 orë nga momenti i marrjes.

Pas këtij afati, linku bëhet i pavlefshëm dhe biletat nuk mund të blihen.

Për këtë arsye, FSHF u bën thirrje të gjithë fituesve të përfundojnë procesin e blerjes brenda afatit, duke kryer pagesën përkatëse.

Ndeshja Shqipëri – Serbi, e vlefshme për kualifikueset e Kupës së Botës 2026, do të zhvillohet të shtunën, më 7 qershor, në orën 20:45, në stadiumin “Arena Kombëtare”. /atsh

Sport

Ardian Ismajli mund t’i bashkohet Rashicës te Besiktasi?

Published

1 day ago

June 5, 2025

Albina Zeneli

Mbrojtësi i Kombëtares së Shqipërisë, Ardian Ismajli do të largohet nga Empoli pas ndeshjeve ndërkombëtare.

28-vjeçari mbetet pa kontratë në fund të këtij muaji dhe tashmë ka filluar kërkimin e një klubi të ri.

Mediat e huaja raportojnë se lojtari “kuqezi” mund të transferohet në Superligën e Turqisë.

Besiktasi ku luan Ernest Muçi dhe Milot Rashica për momentin po i prinë garës për mbrojtësin shqiptar.

Ismajli është në grumbullim te Shqipëria për dy ndeshjet e muajit qershor, ndaj Serbisë dhe Letonisë.

Sport

Zyrtare: Inzaghi firmosi me Al-Hilalin

Published

1 day ago

June 5, 2025

Albina Zeneli

Tashmë është zyrtare. Trajneri i njohur italian, Simone Inzaghi ka firmosur me skuadrën arabe Al Hilal. Trajneri i deritashëm i Interit firmosi të mërkurën mbrëma për dy vjet e gjysmë.

Të hyrat vjetore për Inzaghin do të jenë 26 milionë euro neto.

Inzaghi ka firmosur në Paris, pasi i dha fund bashkëpunimit me Interin. Ai e udhëhoqi Interin deri në finale të Ligës së Kampionëve.

Inzaghi është prej trajnerëve më të vlerësuar në futboll.