Lajmet

​Kurti: Caku ynë është që të përmirësojmë kushtet arsimore dhe të ngrisim cilësinë

Mëngjesin e së enjtes, kryeministri e ministrja e Arsimit morën pjesë në përurime të shkollave në Podujevë.

Published

2 years ago

on

Kryeministri Albin Kurti dhe ministrja e Arsimit Arbërie Nagavci kanë marrë pjesë në përurimin e objektit të ri të shkollës “Luigj Gurakuqi” dhe sallës së edukatës fizike.

Në paralelen e ndarë të kësaj shkolle në Batllavë të Podujevës, Kurti ka thënë se nxënësit e mësimdhënësit do të kenë kushte më cilësore për arsim. Po ashtu, shefi i ekzekutivit u zotua se deri në fund të vitit do të finalizohen 17 objekte parashkollore ku do të arsimohen rreth 1800 fëmijë.

Mëngjesin e së enjtes, kryeministri e ministrja e Arsimit morën pjesë në përurime të shkollave në Podujevë.

Kryeministri Albin Kurti tha se duke krijuar kushte më të mira infrastrukturore për procesin arsimor do të ngritët edhe cilësia në arsim.

“Me këtë objekt të ri shkollor me sipërfaqe të përgjithshme prej 1100 metra katror, ju presin 10 dhoma mësimi të pajisura me inventar bashkëkohor, të cilat do të jenë në shërbim të nxënësve dhe të komunitetit. Tani ato dhoma mësimi duhet të gumëzhijnë me tinguj pune. Aty duhet të nxitet kureshtja e nxënësve për dije që nesër të kemi profesionistë të mirë e qytetarë të përgjegjshëm. Të tillë që do t’i kontribuojnë zhvillimit të kësaj ane dhe gjithë vendit tonë. Më herët ishim edhe në përurimin të sallës së edukatës fizike me sipërfaqe prej 700 metra katror. Sepse në shkollat tona na duhen edhe librat e bankat për mësimin, por edhe sallat sportive dhe gjimnastika për shëndetin. Për një trup të disiplinuar dhe të shëndetshëm të fëmijëve tanë. Për një mendje të kthjellët e të ditur të nxënësve tanë, na duhen që të dyja”, ka thënë Kurti.

Më tej, ai foli edhe për rolin e mësimdhënësve, ku tha se roli i tyre është i pazëvendësueshëm.

“Arsimi është shtylla jonë qendrore mbi të cilën zhvillohen të gjitha fushat tjera të shtetit dhe shoqërisë. Ne po punojmë me një qasje shumëdimensionale që ta forcojmë arsimin në vend. Caku ynë është që të përmirësojmë kushtet arsimore, por edhe ta ngrisim cilësinë. Për këtë qëllim e kemi ngritur buxhetin e arsimit në këtë vit për 12 për qind. Deri në fund të këtij viti priten të finalizohen 17 objekte parashkollore ku do të arsimohen dhe edukohen rreth 1800 fëmijë. Ndërkaq për tri vitet e ardhshme tani më kemi siguruar 18 milionë euro për investime fillestare në teknologjinë e informacionit dhe komunikimit në infrastrukturën përkatëse në shkolla”, ka shtuar ai.

Edhe ministrja e Arsimit, Arbërie Nagavci është zotuar se kanë prioritet arsimin cilësor dhe gjithëpërfshirës.

“Krahas politikave arsimore ne po vazhdojmë të përmirësojmë infrastrukturën shkollore gjithandej në komunat e Republikës së Kosovës. Duke e ditur rolin e rëndësishëm që e ka ambienti shkollor në mësimnxënie e mësimdhënie. Po punojmë pa u ndalur dhe me përkushtim të madh në shumë drejtime, duke i kaluar një nga një të gjitha vështirësitë në mënyrë që secila shkollë, secila klasë, secili mësues në Kosovë të jetë i gatshëm dhe i motivuar për të punuar dhe për t’i ndihmuar secilit fëmijë që të arrij potencialin e plot të tij ose të saj. Në këtë objekt shkollor tash e tutje nxënësit e paraleles së ndarë të shkollës “Luigj Gurakuqi” do të arsimohen e do të kenë mundësinë të zhvillojnë mësimin në kushte moderne në këtë objekt bashkëkohor” , tha Nagavci.

Kryetari i Komunës së Podujevës, Shpejtim Bulliqi tha se me qeverisjen në këtë komunë, prioritet mbetet ofrimi i kushteve më cilësore për fëmijët në shkolla duke ndërtuar objekte të reja shkollore, salla sportive e kabinete.


“Ka qenë nevojë dhe kërkesë e kahershme e kësaj ane. Kjo shkollë me infrastrukturë të kompletuar, moderne do të ofrojë mundësi të reja për mësimdhënie dhe mësimnxënie për nxënësit e fshatit Batllavë dhe fshatrave përreth. Investimi më i mirë dhe më i duhur është pikërisht investimi në arsimin dhe edukimin e brezave të rinj. Sepse janë pikërisht ata të cilët me dijen e fituar do të kontribuojnë në ndërtimin e së tashmes dhe të ardhmes së komunës dhe shtetit tonë”, ka thënë ai.

Kujtojmë se as në shkollën e fshatit Lluga dhe as në atë Batllavës sot nuk është duke u zhvilluar mësimi për shkak të grevës së përgjithshme në arsim tash e 14 ditë. Në shkollën fillore në Lluga mësimdhënësit kanë ndarë vetëm tekstet shkollore për nxënësit.

Related Topics:
Continue Reading

Bota

Ish-udhëheqësi i Hezbollah do të varroset të dielën

Published

2 days ago

on

February 21, 2025

By

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Continue Reading

Lajmet

Arrestohet ish-kryetarja e Nishit, Dragana Sotirovski

Published

2 days ago

on

February 21, 2025

By

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Continue Reading

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

on

February 21, 2025

By

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

 “Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Continue Reading

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

on

February 21, 2025

By

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.

Continue Reading

Të kërkuara