Lajmet

​Konjufca: Ndihemi të kërcënuar nga pretendimet e Serbisë mbi shtetin tonë

Ai ka folur para 311 rekrutëve që janë betuar për shërbim në Forcën e Sigurisë së Kosovës.

Published

3 years ago

on

Kryetari i Kuvendit të Kosovës, Glauk Konjufca ka thënë se Kosova nuk është shtet që ka pretendime territoriale, por ndjehet e kërcënuar nga pretendime të tilla prej Serbisë. Ai ka thënë se nuk mund të ketë paqe dhe stabilitet të qëndrueshëm në tokën evropiane derisa Rusia nuk heq dorë nga Ukraina dhe Serbia nga Kosova. Ai ka folur para 311 rekrutëve që janë betuar për shërbim në Forcën e Sigurisë së Kosovës. Ndërsa ministri i Mbrojtjes, Armend Mehaj bëri të ditur se më 28 nëntor hapet konkursi për pranimin e mbi 600 ushtarëve të rinj.

Kreu i Kuvendit ka thënë se liria e Kosovës i ka rrënjët në luftën e lavdishme të UÇK-së.

“Ne nuk jemi shtet që kemi pretendime territoriale. Ne jemi republikë demokratike. Por ne ndihemi të kërcënuar nga pretendimet e Serbisë mbi shtetin tonë. Zonja e zotërinj, paqja në botë sot po rrezikohet seriozisht nga agresioni i paprovokuar ushtarak i Federatës Ruse mbi Ukrainën. Ne jemi rreshtuar fuqishëm dhe pa asnjë dilemë përkrah Ukrainës dhe luftës së saj të drejtë kundër okupimit rus. Nuk mund të ketë paqe dhe stabilitet të qëndrueshëm në tokën evropiane pa hequr dorë Rusia nga Ukraina dhe pa hequr dorë Serbia nga Kosova”, ka thënë kryetari i Kuvendit.

Konjufca ka thënë se orientimi i Kosovës është i qartë në synimin e saj për anëtarësim në NATO. Ai ka theksuar se shteti i Kosovës është i barabartë për të gjithë qytetarët pa dallim etnie, feje apo përkatësive të tjera.

“Për ta mbrojtur lirinë e shtetit tonë e kemi FSK-në, e cila po ndërtohet sipas principeve të një ushtrie moderne e profesionale. Ne jemi plotësisht të vetëdijshëm si popull se gjithçka që arritëm, e bëmë së bashku me miqtë tanë të çmuar, ShBA-të dhe shtetet tjera të botës demokratike evropiane dhe perëndimore. Prandaj orientimi ynë është i qartë. Ne duam të jemi pjesë e Aleancës Ushtarake të Atlantikut Verior, aleancës më të fuqishme në botë e cila përfshin ushtritë e vendeve demokratike”, ka thënë Konjufca.

Në ceremoninë e betimit të rekrutëve, ministri i Mbrojtjes, Armend Mehaj ka bërë të ditur se më 28 nëntor do të hapet konkursi për pranimin e mbi 600 ushtarëve të rinj.

Ndërsa rekrutëve ai u ka folur për luftën dhe sakrificën e ushtarëve të UÇK-së në krye me komandantin legjendar, Adem Jasharin, duke u thënë se nuk mund të ecin përpara nëse nuk e nderojnë të kaluarën.

“Konkursin e radhës për pranimin e mbi 600 ushtarëve të rinj do të hapim me datën 28 nëntor. Kjo është e nevojshme, kjo është e domosdoshme për të zhvilluar më tutje ushtrinë tonë dhe për të forcuar kapacitetet tona për mbrojtje të vendit…Atdheu është pasuria jonë me e madhe, për të jetojmë dhe për të vdesim, Ushtarë të dashur, gjatë shërbimit tuaj brenda dhe jashtë vendit, ecni gjithmonë me kokën lartë, sepse ushtria jonë nuk ka luftuar kurr për të pushtuar territore tw huaja, por gjithnjë ka mbrojtur me shpirt vendin e vet. Dijeni mirë se në venat tuaja, keni ADN-në e Ushtrisë Çlirimtare të Kosovës, keni ADN e komandantit legjendar Adem Jashari, ushtria e Adem Jasharit nuk dorëzohet, është e pathyeshme dhe e pamposhtur”, ka thënë Mehaj.

E për ata që dhanë betimin ky është një prej momenteve më të mira që kanë përjetuar ndonjëherë.

“Ndjenjë e mirë, është privilegj me pas këtë ndjenjë, dhe u them të gjithë të rinjve të aplikojnë në FSK… Nder krenari për vendin, gjithmonë urdhrat e presidentit do t’i zbatojmë”, ka thënë rekrut Petrit Neziri.

Betimi i rekrutëve u bë në praninë e familjarëve të tyre të cilët e përcollën atë me emocione të mëdha.

“Po ndjehem shumë mirë, ma mirë nuk ka si, ma i fortë nuk kam qenë asnjëherë, 78-vjeçar jam, por më duket sikur me i pas 30 vjeç, pasi i kemi këta ushtarë”, ka thënë Shefqet Krasniqi, i cili po ndiqte betimin e nipit të tij.

Ceremonia e betimit të rekrutëve u zhvillua në Kazermën “Adem Jashari” në Prishtinë dhje kjo është gjenerata e tretë e stërvitjes ushtarake bazë për vitin 2022. Aty u tha se ky është grupi më i madh i certifikuar ndonjëherë në ushtrinë e Kosovës. 

Related Topics:
Continue Reading

Lajmet

Arrestohen tre zyrtarë policorë në Klinë, dyshohen se keqtrajtuan një qytetar gjatë arrestimit

Published

9 hours ago

on

June 30, 2025

By

Prokuroria Themelore në Pejë njofton se në koordinim me Inspektoratin Policor të Kosovës, pas grumbullimit të provave dhe analizimit të tyre, kanë arrestuar sot tre zyrtarë policorë, të cilët dyshohen se gjatë arrestimit të një personi kanë tejkaluar autorizimet e tyre dhe kanë keqtrajtuar fizikisht të njëjtin derisa i njëjti ishte i prangosur.

“Me urdhër të prokurorit të shtetit, tre të dyshuarit (zyrtarë policorë) janë ndaluar për 48 orë për veprën penale “Keqtrajtim gjatë ushtrimit të detyrës zyrtare ose autorizimeve publike”, thuhet në njoftim, raporton “Betimi për Drejtësi“.

Bëhet e ditur se hetuesit e IPK-së me autorizim të Prokurorisë Themelore në Pejë do të ndërmarrin edhe veprime tjera hetimore drejt ndriçimit të plotë të të gjitha rrethanave që ndërlidhen me këtë rast.

Një ditë më parë, Inspektorati Policor i Kosovës (IPK) njoftoi se i ka rekomanduar Policisë së Kosovës suspendimin e tre zyrtarëve policorë të Stacionit Policor të Klinës.

Në njoftim thuhej se incidenti ku dyshohet se janë përfshirë tre zyrtarët policorë raportohet të ketë ndodhur më 28 qershor 2025 në rrugën “Ismail Qemajli” në qytetin e Klinës, përkatësisht në oborrin e shtëpisë së një qytetari.

“Bazuar nga të gjeturat e hetimit fillestar ekziston dyshimi se zyrtarët policorë kanë tejkaluar autorizimet e tyre gjatë përdorimit të forcës ndaj një qytetari përderisa në deklaratat e tyre dhe në raportet zyrtare është prezantuar një version që rezulton të jetë në kundërshtim të plotë me pamjet e incizuara dhe provat faktike. Në bazë të kompetencave të përcaktuara me Ligjin për Inspektoratin Policor të Kosovës, hetuesit e IPK-së kanë rekomanduar suspendimin ndaj tre zyrtarëve policorë të përfshirë si të dyshuar për veprën penale “Keqtrajtim gjatë ushtrimit të detyrës zyrtare ose autorizimeve publike”, njoftoi IPK-ja.

Continue Reading

Lajmet

Nga 1 Korriku nis patrullimi i përbashkët mes Policisë së Kosovës dhe asaj të Shqipërisë

Published

10 hours ago

on

June 30, 2025

By

Në kuadër të sezonit veror dhe rritjes së fluksit të qytetarëve që udhëtojnë nga Kosova drejt Shqipërisë, nga data 1 korrik 2025 do të nisë zyrtarisht patrullimi i përbashkët ndërmjet Policisë së Shtetit dhe Policisë së Kosovës në territorin shqiptar.

Ky zhvillim vjen pas nënshkrimit të një Memorandumi Bashkëpunimi nga Drejtori i Përgjithshëm i Policisë së Shtetit, Ilir Proda, dhe homologu i tij nga Kosova, Kolonel Gazmend Hoxha.

“Qëllimi i këtij bashkëpunimi është forcimi i sigurisë rrugore, menaxhimi më efikas i trafikut në akset kryesore që lidhin të dy vendet, si dhe parandalimi i shkeljeve dhe aksidenteve rrugore gjatë muajve të verës”, thuhet në njoftimin e policisë së shtetit.

Continue Reading

Lajmet

​Osmani do t’i ftojë në takim liderët e partive, kërkon zbatim të aktgjykimit të Kushtetueses

Published

10 hours ago

on

June 30, 2025

By

Presidentja Vjosa Osmani do t’i ftojë liderët e partive politike në takime në ditët në vijim, tha për KosovaPress, këshilltari për media, Bekim Kupina.

Ai tha se Osmani pret që partitë e përfaqësuara në Kuvend ta zbatojnë Aktgjykimin e Gjykatës Kushtetuese dhe ta përfundojnë seancën konstituive brenda 30 ditësh, siç ka kërkuar gjykata.

“Nëse paraqitet nevoja, presidentja mbetet e gatshme t’i drejtohet Gjykatës Kushtetuese për sqarime shtesë”, tha ai.

Continue Reading

Lajmet

Temperaturat e larta në Pallatin e Drejtësisë, dy gjykata reduktojnë orarin e punës

Published

10 hours ago

on

June 30, 2025

By

Temperaturat e larta në objektin e Pallatit të Drejtësisë në Prishtinë kanë bërë që të reduktohet, përkohësisht, orari i punës në dy gjykata.

Gjykata Themelore në Prishtinë njoftoi se do të reduktojë orarin e punës nga ora 08:00 deri në 14:00.

Shërbimet administrative do të mbeten funksionale edhe pas orës 14.00, vetëm me staf të kufizuar, sipas rotacionit të përcaktuar nga udhëheqësit përkatës, njoftoi gjykata të hënën, më 30 qershor.

“Seancat gjyqësore të cilat janë të caktuara pas orës 14:00, do të zhvillohen sipas orarit të paraparë, përveç rasteve kur gjyqtari i rastit apo trupi gjykues vlerëson se kushtet e punës nuk e lejojnë mbajtjen e tyre. Stafi i Gjykatës Themelorë në Prishtinë, të cilët janë të diagnostifikuar me sëmundje kronike lirohen nga puna nga ora 12:00”.

Këto masa janë të përkohshme dhe do të vlerësohen në mënyrë të vazhdueshme, duke mundësuar zgjatjen apo ndryshimin e tyre, varësisht nga zhvillimet klimatike dhe vlerësimet e menaxhmentit të gjykatës.

Masat e aplikuara do të zgjasin deri më datë 25 korrik, me mundësi rishikimi.

Gjykata tha se këto masa të përkohshme janë ndërmarrë si pasojë e “kushteve të rënduara të punës në objektin e Pallatit të Drejtësisë, temperaturave të larta dhe mungesës së klimatizimit, me qëllim të mbrojtës së shëndetit të stafit dhe palëve pjesëmarrëse në procedurë”.

Edhe Gjykata Supreme njoftoi se kryetari Fejzullah Rexhepi, ka vendosur që të reduktohet puna në këtë institucion.

“Gjyqtarët dhe stafi mbështetës me probleme shëndetësore nga mesdita janë liruar nga puna. Këto masa do të rishikohen në vazhdimësi, varësisht nga ndryshimet klimatike dhe sanimi i problemeve nga Ministria e Punëve të Brendshme, si përgjegjëse për menaxhimin e objektit”.

Continue Reading

Të kërkuara