Lajmet

​Komunat nuk po përmbushin obligimin për njoftimin e konsultimeve publike

Published

5 years ago

on

Pavarësisht se ekzekutivi i komunës është i obliguar që në çdo proces të konsultimit publik të organizojë konsultime me shkrim, të publikojë njoftimet për konsultime publike dhe që të mbajë të paktën një dëgjim publik, një gjë e tillë nuk po ndodh.

Vetëm katër komuna kanë mbajtur të paktën një takim publik gjatë procesit të draftimit të kornizës afatmesme buxhetore. IKD dhe INPO në nëntë komuna kanë monitoruar procesin e planifikimit buxhetor komunat për vitin 2021.

Problematike mbetet edhe pjesëmarrja e qytetarëve, ku në nëntë komuna të monitoruara janë evidentuar tri dëgjime buxhetore në të cilat nuk ka marrë pjesë asnjë qytetar.

Instituti i Kosovës për drejtësi në bashkëpunim me organizatën Iniciativa për Progres kanë publikuar raportin “Planifikimi i Buxhetit Komunal për vitin 2021”.

Hulumtuesi nga IKD, Gëzim Shala tha se në nëntë komuna është monitoruar procesi i planifikimit buxhetor komunal për vitin 2021 dhe përfshirjen e qytetarëve në këtë proces. Ai shtoi se theks i veçantë i është kushtuar përfshirjes së qytetarëve në këto procese. Ai ka bërë të ditur që këto nëntë komuna nuk kanë zbatuar formën e komunikimit në draftimin e kornizës afatmesme.

“Sa i përket obligimit për të publikuar draft-dokumentin dhe për të njoftuar për konsultimet publike, këtë obligim e ka përmbushur vetëm dy prej këtyre nëntë komunave të monitoruara. Sa i përket mbajtjes së dëgjimeve publike me qytetarët për draftimin e këtij dokumenti, IKD dhe INPO kanë gjetur se vetëm katër prej këtyre komunave kanë organizuar të paktën një takim publik, ndërsa këtë nuk e kanë bërë pesë komuna të tjera. Krahas kornizën afatmesme buxhetore sa i përket dëgjimeve buxhetore në rastin e hartimit të buxhetit për vitin 2021, prapë problematike mbetet çështja e konsultimeve me shkrim. Për arsye se nga nëntë komunat e monitoruara ka qenë vetëm një komunë që ka zhvilluar këtë formë të komunikimit publik”, tha ai.

Krahas monitorimit të nëntë komunave është vërejtur se vetëm një komunë ka përmbushur obligimin për publikimin e dokumentit dhe njoftimin për konsultim publik.

Ndërsa, Arrita Rezniqi nga Iniciativa për Progres ka vënë theksin në pjesëmarrjen e ulët të qytetarëve në dëgjimet publik. Ka shtuar se struktura gjinore e pjesëmarrësve nuk është e balancuar, meqë gjashtëfish më shumë ka burra se gra pjesëmarrëse në këto dëgjime publike.

“Prej nëntë komunave të monitoruara kemi evidentuar tri dëgjime buxhetore në të cilat nuk ka marrë pjesë asnjë qytetar. Dhe këtu duket që informimi jo i mjaftueshëm i publikut për të drejta, mundësi dhe rëndësinë e pjesëmarrjes në fazën e buxhetimit është edhe një prej arsyeve kryesore të kësaj pjesëmarrje të ulët të qytetarëve në këto dëgjime buxhetore. Ne në këtë raport e kemi adresuar këtë çështje duke kërkuar që të trajtohet në mënyrë institucionale dhe strategjike, dhe të informohet publiku mbi të drejtat, rëndësinë dhe mundësinë për pjesëmarrje”, tha Rezniqi.

Më tej, Rezniqi tha se në Prishtinë ka qenë numri më i vogël i qytetarëve pjesëmarrës, ku kanë qenë pesë dëgjime buxhetore të organizuara me tre pjesëmarrës. E komuna më pjesëmarrje më të madhe të qytetarëve në dëgjime buxhetore ka qenë ajo e Deçanit.

“Kemi parë një disbalancë të aspekteve buxhetore, për shkak se struktura gjinore e pjesëmarrësve në dëgjimet buxhetore, identifikohet në formën ku shumica dërmuese është burra dhe një numër i kufizuar janë gra. Nga të gjithë pjesëmarrësit në dëgjime buxhetore, numri i pjesëmarrësve burra është mbi gjashtëfish më i lartë se i atyre gra. Përkatësisht, në të gjitha dëgjimet publike buxhetore 428 pjesëmarrës kanë qenë burra, ndërsa vetëm 70 kanë qenë gra”, tha Rezniqi.

Në këtë raport janë monitoruar komuna e Prishtinës, Vushtrrisë, Pejës, Deçanit, Hani i Elezit, Kaçaniku, Gjakova, Rahoveci dhe Juniku.

IKD dhe INPO kanë kërkuar nga institucionet që të organizohen të paktën një dëgjim buxhetore dhe që të ketë përfshirje në të gjitha fshatrat. Po ashtu, që të ketë edhe balancim gjinor të përfshirjes së tyre në këto dëgjime. 

Related Topics:
Continue Reading

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

13 hours ago

on

October 21, 2025

By

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

“Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Continue Reading

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

13 hours ago

on

October 21, 2025

By

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

“Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

“Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Continue Reading

Lajmet

Rrahje dhe gjuajtje me armë zjarri në qendër të Podujevës, policia jep detaje

Published

13 hours ago

on

October 21, 2025

By

Pak qaste më parë ka ndodhur një rrahje dhe gjuajtje me armë zjarri në Podujevë.

Lajmin e ka konfirmuar Flora Ahmeti zëdhënëse e Policisë së Kosovës për Rajonin e Prishtinës.

Sipas Ahmetit lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast.

Ajo tha se sot rreth orës 14:30 është pranuar informata për një rrahje dhe shkrepje të armës në Podujevë.

“Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes nga një mjet i fortë (shkop) është lënduar një person i cili është dërguar për trajtimin e nevojshëm mjekësor. Lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast”, thuhet në përgjigjen e zëdhënëses Ahmeti.

Ajo ka shuar se aktualisht policia po vazhdon punën për zbardhjen e rrethanave dhe motiveve që karakterizojnë ngjarjen./KP

Continue Reading

Lajmet

​Vdes në moshën 29-vjeçare kampioni amerikan i shahut

Published

14 hours ago

on

October 21, 2025

By

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/

Continue Reading

Të kërkuara