Lajmet

​Komuna e Prishtinës: Rrugët të kalueshme, shoferët mos të na fajësojnë vetëm neve

Nga komuna thonë se kompanitë e kontraktuara kanë qenë në terren me 27 makineri përkatëse që kur janë shfaqur reshjet.

Published

4 years ago

on

Komuna e Prishtinës thotë se të gjitha rrugët në qytet dhe periferi janë të qarkullueshme. Për këtë, sipas tyre, po kujdesen 11 kompani të kontraktuara që në nëntor të vitit të kaluar, ku 7 prej tyre janë të angazhuar në rrugët e qytetit, ndërsa katër të tjera për rrugët periferike.

“Tani në momentin kur po deklarojmë, rrugët janë të qarkullueshme për trafik. Vlen të theksohet se puna e kompanive në terren gjatë tërë kohës është mbikëqyrë dhe është koordinuar nga zyrtarët e drejtorisë. Gjendja e rrugëve në përgjithësi është stabile dhe lehtë e qarkullueshme”, thuhet në komunikatën e komunës së Prishtinës.

Komuna thotë se kompanitë e kontraktuara kanë qenë në terren me 27 makineri përkatëse që kur janë shfaqur reshjet në orët e para të së hënës dhe kanë vazhduar edhe sot me pastrimin e rrugëve.

“Nga koha e fillimit të reshjeve të gjitha kompanitë i kemi pasur në teren me makinerinë e nevojshme. Po ashtu në mëngjesin e të hënës të gjitha rrugët i kemi pasur me të qarkullueshme. Mandej, dje ditë e hënë prapë kanë filluar reshjet e borës në orët e pasdites rreth orës 15:00, dhe kanë vazhduar deri në mes të natës. Kompanitë ashtu siç kanë qenë në punë gjatë ditës kanë vazhduar punën në teren pa ndërprerë, ku kanë qenë 27 automjete të borës të cilat largojnë borën dhe hedhin përzierjen e kripës dhe rërës”, vijon komunikata.

Megjithatë, komuna e Prishtinës kërkon nga drejtuesit e mjeteve të jenë të përgatitur për stinën e dimrit dhe mos ta bartin fajin vetëm tek ata për gjendjen e rrugëve.

“Dihet se gjatë dimrit ngasësit duhet të jenë të përgatitur me goma dimri e jo krejt fajin ta gjuajnë te organet, mbasi edhe ngasja e veturave duhet të bëhet në kushte dimri me kujdes të shtuar dhe të përgatitur”, thuhet në komunikatë.

Related Topics:
Continue Reading

Lajmet

Vritet një person pas një rrahjeje në Dragash, i dyshuari në arrati

Published

18 minutes ago

on

June 30, 2026

By

Një person ka humbur jetën si pasojë e plagëve të marra nga një mjet i mprehtë pas një rrahjeje që ka ndodhur në fshatin Zlipotok të Dragashit.

Sipas Policisë së Kosovës, rasti ndodhi pasi disa persona u përfshinë në një përleshje, ku viktima, mashkull kosovar, dyshohet se u godit me një mjet të mprehtë.

I lënduari u dërgua për trajtim mjekësor në Qendrën Kryesore të Mjekësisë Familjare (QKMF) në Dragash, por mjeku kujdestar konstatoi vdekjen e tij.

Policia ka bërë të ditur se i dyshuari për rastin është identifikuar, por ndodhet në arrati. Rasti është cilësuar si “Vrasje e rëndë”, ndërsa hetimet për kapjen e të dyshuarit janë duke vazhduar./A.K/

Continue Reading

Lajmet

Humb jetën një person pasi ra në një bunar në Gjilan

Published

20 minutes ago

on

June 30, 2026

By

Një person ka humbur jetën pasi ka rënë në një bunar në fshatin Dobërqan të Gjilanit.

Sipas Policisë së Kosovës, viktima, mashkull kosovar, dyshohet se ka rënë në bunar derisa ishte duke e pastruar atë.

Në vendin e ngjarjes kanë dalë njësitë relevante policore dhe ekipet e zjarrfikësve, të cilët kanë arritur ta nxjerrin viktimën, por ai ishte pa shenja jete. Vdekja është konstatuar nga mjeku në vendin e ngjarjes.

Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion, ndërsa rrethanat e rastit po hetohen./A.K/

Continue Reading

Lajmet

Dy të dyshuar arrestohen për tentim-vrasje në Prishtinë, dorëzohet arma që dyshohet se u përdor në rast

Published

24 minutes ago

on

June 30, 2026

By

Policia e Kosovës ka arrestuar dy persona të dyshuar në lidhje me një rast të vrasjes së rëndë në tentativë dhe mbajtjes në pronësi, kontroll ose posedim të paautorizuar të armës, që kishte ndodhur në rrugën “Ahmet Krasniqi” në Prishtinë.

Sipas policisë, dy të dyshuarit janë paraqitur në stacionin policor së bashku me avokatët e tyre mbrojtës. Njëri prej tyre ka dorëzuar një armë zjarri – pistoletë, e cila dyshohet se është përdorur gjatë kryerjes së veprës penale.

Pas intervistimit, me vendim të prokurorit, të dy të dyshuarit janë arrestuar dhe janë dërguar në mbajtje, ndërsa hetimet për rastin vazhdojnë./A.K/

Continue Reading

Lajmet

Gjashtë raste të dhunës në familje brenda dy ditësh, pesë persona arrestohen

Published

26 minutes ago

on

June 30, 2026

By

Policia e Kosovës ka raportuar gjashtë raste të dhunës në familje të regjistruara në komuna të ndryshme të vendit, ku pesë persona janë arrestuar, ndërsa viktimat kanë pranuar trajtim mjekësor dhe në një rast një i mitur është dërguar në strehimore.

Në Prishtinë, një burrë u arrestua pasi dyshohet se sulmoi fizikisht djalin e tij të mitur. Pas trajtimit mjekësor, i mituri u dërgua në strehimore, ndërsa i dyshuari u lirua në procedurë të rregullt me vendim të prokurorit.

Në Graçanicë, një grua raportoi se ishte keqtrajtuar nga bashkëshorti i saj pas një mosmarrëveshjeje. I dyshuari u shoqërua në stacionin policor dhe rasti u procedua në procedurë të rregullt.

Në Kaçanik, policia arrestoi një burrë që dyshohet se kishte sulmuar fizikisht një grua pas një mosmarrëveshjeje. Viktima mori trajtim mjekësor, ndërsa i dyshuari u dërgua në mbajtje.

Në Istog, një person u arrestua nën dyshimin se kishte kanosur dy gra. Pas intervistimit, ai u dërgua në mbajtje me vendim të prokurorit.

Në Gjakovë, policia arrestoi një të dyshuar në lidhje me një rast të mëhershëm të dhunës në familje. Me urdhër të prokurorit, ai u dërgua në mbajtje.

Ndërkohë, në Mitrovicën e Jugut, një burrë u arrestua pasi dyshohet se kishte ushtruar dhunë ndaj bashkëshortes së tij. Pas intervistimit, edhe ai u dërgua në mbajtje me vendim të prokurorit./A.K/

Continue Reading

Të kërkuara