Sport

​Komiteti Paralimpik i Kosovës anëtarësohet në atë Paralimpik Ndërkombëtar, Emini thirrje qeverisë për investim në infrastrukturë

Emini thotë se në institucionin që ajo e drejton bëjnë pjesë të gjitha minoritetet.

Published

4 years ago

on

Që nga 16 korriku i këtij viti, Komiteti Paralimpik i Kosovës është pranuar me të drejta të plota në Komitetin Paralimpik Ndërkombëtar.

Ky po vlerësohet të jetë një lajm shumë i mirë për të gjithë sportistët me aftësi të kufizuara në Kosovë, pasi ata tashmë do të kenë të drejtë të marrin pjesë në garat ndërkombëtar.

Kryetarja e Komitetit Paralimpik të Kosovës, Njomza Emini, ka rrëfyer rrugën e vështirë nëpër të cilën është dashur të kalohet për të arritur deri te ky objektiv.

“Një rrugë e gjatë ka qenë deri te pranimi i Komitetit Paralimpik të Kosovës në Komitetin Paralimpik Ndërkombëtar. Siç e dini, ne kemi zhvilluar takime të ndryshme dhe kemi zhvilluar aktivitete e gara të ndryshme për sportistët tanë, mirëpo në arenën ndërkombëtare kemi qenë të kufizuar për arsye që nuk kemi qenë pjesë e lëvizjes paralimpike botërore. Në vizitën që kishim në Gjermani, në Bon, në takimin me Presidentit e Komitetit Paralimpik Ndërkombëtar dhe stafin e tij sepse ka qenë një kontakt i vazhdueshëm edhe me departamentin ligjor të Komitetit Paralimpik Ndërkombëtar në përmbushjen e kritereve që të jemi pjesë e Komitetit Paralimpik Ndërkombëtar, ka qenë edhe themelimi i klubeve dhe federatave paralimpike dhe kemi dërguar një aplikacion ku të gjitha kriteret që janë kërkuar 100 përqind kanë qenë të përmbushura dhe kjo ka rezultuar në pranimin tonë në Komitetin Paralimpik Ndërkombëtar”, tha Emini.

Emini thotë se pas këtij anëtarësimit, tashmë dyert do të jenë të hapura për të gjithë sportistët në arenën ndërkombëtare dhe ata do ta kenë mundësinë që ta përfaqësojnë vendin nëpër vende të ndryshme të botës.

“Tashmë nuk ka askush që të na ndal sepse jemi pjesë e lëvizjes paralimpike botërore dhe sportistët tanë do të debutojnë në Lojërat Paralimpike në vitin 2024 në Paris si dhe flamuri ynë do të jetë bashkë me flamujt tjerë ku unë besoj fuqishëm që një sportistë apo sportiste, sepse tani ka filluar edhe misioni tjetër për përgatitjen e sportistëve tanë që të kthehemi në Kosovë me medalje sikur që i kemi edhe sportistët tanë nga Komiteti Olimpik dhe federatat, sidomos shembullin më të mirë e kemi nga Federata e Xhudos që vetëm suksese i ka sjellë Kosovës dhe e kanë promovuar Kosovën në mënyrën më të mirë të mundshme”, theksoi Emini.

E para e këtij komiteti ka shtuar se nga tani e tutje është emergjente që të investohet në përmirësimin dhe krijimin e infrastrukturës së nevojshme që këta sportistë të kenë mundësinë t’i zhvillojnë aktivitete e tyre.

“Në takimet që kam zhvilluar edhe me institucionet tona përgjegjëse kam kërkuar dhe do të vazhdoj të kërkoj deri në momentin e realizimit të infrastrukturës sportive. Sepse mos të harrojmë që të gjitha këto përgatitje, të gjitha këto tashmë nuk kanë edhe ku të shkojnë. Kjo është një qasje që duhet të jetë më ndryshe, por unë dua të besoj që me këtë përkrahje që kemi marr nga Qeveria e Kosovës dhe nga ministri i Kulturës, Rinisë dhe Sportit do të vazhdojë me këtë ritëm edhe në infrastrukturë sportive”, tha fund Emini.

Në fund, Emini thotë se në institucionin që ajo e drejton bëjnë pjesë të gjitha minoritetet, si dhe ka respektim të plotë të barazisë gjinore, si në komitet, ashtu edhe në federatat sportive.

“Më e rëndësishmja është që klubet dhe federatat paralimpike i kemi të gjitha komunitetet, serb, rom, ashkalinjë, egjiptian dhe turk dhe çka është tjetra, që dua ta ndaj me KosovaPress-in është që tek ne barazia gjinore është 50-50, edhe në bordin e Komitetit Paralimpik, por edhe në udhëheqje të klubeve dhe federatave paralimpike sepse sporti është për të gjithë, sporti bashkon dhe kjo është mesazhi që unë do të kisha dëshirë që përmes juve që të gjithë ata që kanë potencial, që dëshirojnë, tashmë e kanë një adrës dhe tashmë nuk ka barriera”, shtoi me tutja e para e Komitetit Paralimpik të Kosovës.

Ajo u shpreh e bindur se nga energjia që sheh te sportistët e kësaj kategorie, sukseset nuk do të mungojnë dhe ato pritet të fillojnë që nga Lojërat Paralimpike në vitin 2024.

Related Topics:
Continue Reading

Sport

Spanja–Belgjika, beteja që ndal frymën në Botëror

Published

3 days ago

on

July 10, 2026

By

Kupa e Botës 2026 vazhdon të dhurojë emocione, ndërsa sonte vëmendja e gjithë botës së futbollit do të jetë e përqendruar te superpërballja mes Spanjës dhe Belgjikës, një duel që shumë e cilësojnë si “finale para finales”.

Dy nga kombëtaret më cilësore të turneut do të zbresin në fushë në orën 21:00, me vetëm një objektiv: sigurimin e një vendi në gjysmëfinale.

Spanja vjen në këtë sfidë me moral të lartë, pasi eliminoi Portugalinë me një fitore minimale 1-0, duke dëshmuar edhe një herë forcën dhe organizimin e saj. Në anën tjetër, Belgjika dha një sinjal të qartë për rivalët, duke shkatërruar Shtetet e Bashkuara me rezultatin bindës 4-1.

Përballja pritet të jetë një betejë taktike mes dy skuadrave të mbushura me yje, ku çdo gabim mund të kushtojë shtrenjtë. Ritëm i lartë, duele të forta dhe futboll spektakolar janë elementet që premtojnë një nga ndeshjet më të bukura të këtij Botërori.

Fituesi i këtij dueli do të përballet në gjysmëfinale me Francën, e cila tashmë ka siguruar kualifikimin, duke e bërë edhe më të madhe peshën e kësaj sfide.

Gjithçka është gati për 90 minuta që premtojnë spektakël. Mbetet të shihet nëse do të festojë “Furia e Kuqe” apo “Djajtë e Kuq” belgë.

D.L

Continue Reading

Sport

Klopp zbulon prapaskenat: Liverpooli ishte shumë pranë transferimit të Kylian Mbappes

Published

3 days ago

on

July 10, 2026

By

Jurgen Klopp ka zbuluar se Liverpooli ishte shumë pranë transferimit të Kylian Mbappes në fillimet e karrierës së sulmuesit francez, duke rrëfyer prapaskenat e një operacioni që, sipas tij, ishte më i madhi në historinë e klubit në atë periudhë.

Ish-trajneri i “The Reds”, gjatë një paraqitjeje si analist në kanalin gjerman Magenta TV për ndeshjen Francë–Marok në Kupën e Botës 2026, tregoi se drejtuesit e Liverpoolit kishin bërë një përpjekje të jashtëzakonshme për ta bindur Mbappen të zgjidhte “Anfieldin”, kur ai ishte ende pjesë e Monacos.

“Ky ishte transferimi më i shtrenjtë në të cilin investoi Liverpooli. Fluturuam nga Blackpool në Nice, ku e gjithë familja Mbappe u bashkua me ne në një avion privat. Kaluam kohë së bashku, biseduam, darkuam dhe zhvilluam takime larg syrit të publikut. Ishte një eksperiencë fantastike… por në fund ai zgjodhi Parisin”, rrëfeu Klopp.

Pavarësisht përpjekjeve të klubit anglez, gara për nënshkrimin e talentit francez u fitua nga Paris Saint-Germain. Në verën e vitit 2017, klubi parisien e transferoi Mbappen nga Monaco në një marrëveshje fillestare huazimi, ndërsa një vit më vonë aktivizoi blerjen përfundimtare për 180 milionë euro, duke e bërë atë një nga transferimet më të shtrenjta në historinë e futbollit.

Pas shtatë sezonesh të suksesshme te PSG, Mbappe realizoi ëndrrën e tij në verën e vitit 2024, kur iu bashkua Real Madridit si lojtar i lirë.

Sulmuesi francez nuk e ka fshehur asnjëherë respektin dhe admirimin për Liverpoolin dhe Jurgen Kloppin. Në një intervistë për BBC Sport në vitin 2020, ai e cilësoi skuadrën angleze si një nga më të mirat në botë.

“Ajo që po bën Liverpooli është e mahnitshme. Ata funksionojnë si një makinë, kanë gjetur ritmin e tyre dhe gjithçka duket e lehtë kur i shikon, edhe pse nuk është aspak kështu. Luajnë çdo tre ditë dhe vazhdojnë të fitojnë. Janë një ekip fantastik me një trajner të shkëlqyer”, kishte deklaruar Mbappe.

Dy vite më vonë, në vitin 2022, francezi konfirmoi se kishte pasur kontakte me Liverpoolin, por theksoi se bisedimet nuk kishin avancuar shumë.

“Folëm pak me Liverpoolin, por jo shumë. Në fund gjithçka ishte mes Real Madridit dhe PSG-së. Kam folur me Liverpoolin sepse e kuqja është ngjyra e preferuar e nënës sime dhe ajo e do Liverpoolin. Nuk e di pse, por është e vërtetë. U takuam edhe kur isha te Monaco. Është një klub i madh”, kishte thënë ai.

Rrëfimi i Kloppit hedh dritë mbi një nga transferimet që mund ta kishte ndryshuar historinë e Liverpoolit. Edhe pse marrëveshja nuk u realizua, interesimi i klubit anglez për Mbappen ishte real dhe shumë më i avancuar sesa ishte bërë i ditur publikisht.

D.L

Continue Reading

Sport

Franca eliminon Marokun dhe siguron biletën për në gjysmëfinale të Kupës së Botës

Published

3 days ago

on

July 10, 2026

By

Kombëtarja e Francës ka siguruar një vend në gjysmëfinalen e Kupës së Botës, pasi mposhti Marokun me rezultatin pastër 2:0 në ndeshjen e parë çerekfinale të zhvilluar në Boston. Ndeshja u vendos në pjesën e dytë, ku sulmi francez u tregua sërish mjaft efikas në momentet kryesore, duke thyer dy herë rresht mbrojtjen e herizonit afrikan dhe duke bërë që Franca tani të presë fituesin e duelit mes Spanjës dhe Belgjikës.

Sfida nisi me një presion të lartë të francezëve, por portieri i Marokut, Yassine Bounou, bëri një paraqitje të jashtëzakonshme në pjesën e parë. Ai u bë protagonist kryesor duke pritur edhe një penallti të Kylian Mbappe-s në minutën e 28-të. Megjithatë, rezistenca marokene zgjati deri në minutën e 60-të, kur po i njëjti Mbappe gjeti rrugën e rrjetës me një gjuajtje të fuqishme, duke realizuar golin e tij të tetë në këtë turne, shifër kjo që e barazon atë me Lionel Messin.

Goli i parë i hapi rrugë dominimit të Francës, që vetëm gjashtë minuta më vonë dyfishoi shifrat. Ishte sërish Mbappe ai që ndërtoi aksionin, duke asistuar saktë për fituesin e “Topit të Artë”, Ousmane Dembele, i cili shënoi një gol mjaft të bukur për 2:0. Edhe pse Mbappe u detyrua të linte fushën i lënduar në minutën e 77-të, Maroku e pati të pamundur të reagonte apo të rrezikonte triumfin e francezëve. Me këtë rezultat, Maroku i jep lamtumirën Botërorit, duke përsëritur të njëjtin fat si në Katar në vitin 2022, ku u eliminuan po nga Franca me të njëjtat shifra. /E. A/

Continue Reading

Sport

Franca dhe Maroku përballen sonte për një vend në gjysmëfinale

Published

4 days ago

on

July 9, 2026

By

Franca dhe Maroku do të përballen sonte në çerekfinalen e Kupës së Botës, në një duel që pritet të jetë ndër më interesantët e kësaj faze të turneut.

Ndeshja zhvillohet nga ora 22:00, ndërsa të dyja kombëtaret synojnë kualifikimin në mesin e katër skuadrave më të mira të Botërorit.

Franca vjen në këtë takim pas fitores minimale ndaj Paraguait në fazën e 1/8-tës, ndërsa Maroku siguroi kualifikimin duke mposhtur bindshëm Kanadanë.

Francezët konsiderohen favoritë falë përvojës dhe cilësisë së skuadrës, por Maroku ka dëshmuar gjatë këtij Botërori se është një kundërshtar i fortë dhe i gatshëm të befasojë çdo rival.

Të dy kombëtaret synojnë një vend mes katër skuadrave më të mira të Botërorit, në një ndeshje që pritet të dhurojë rivalitet të madh dhe emocione deri në fund.

D.L

Continue Reading

Të kërkuara