Lajmet

​KMDLNj: Institucionet e Kosovës është dashur të reagojnë pas fshehjes së provave nga Prokurori i Specializuar

KMDLNj thekson se është interesant fakti që nuk pati reagim nga institucionet lidhur me këtë rast.

Published

3 years ago

on

Këshilli për Mbrojtjen e të Drejtave dhe Lirive të Njeriut (KMDLNj) ka reaguar pas publikimit të lajmit se Zyra e Prokurorit të Specializuar nuk i ka treguar gjykatës dhe mbrojtjes dokumente që mund të ishin shfajësuese. Sipas KMDLNJ-së, karshi kësaj deklarate të avokatit të ish-presidentit Hashim Thaçi, Gregory W.Kehoe, është dashur të reagojnë edhe institucionet e Kosovës.

KMDLNj në një komunikatë për media thekson se është interesant fakti se ndaj këtij veprimi të ZPS dhe DHS, të cilin Këshilli e konsideron diskriminues, nuk pati asnjë reagim instiucional nga Kosova e as nga shoqëria civile që, në një mënyrë apo tjetër monitorojnë punën e këtyre institucioneve që deklarativisht janë pjesë e sistemit të Drejtësisë së Kosovës kurse faktikisht nuk i japin asnjë llogari institucioneve të Kosovës.

“Për KMDLNj është e papranueshme ndërhyrja në pavarësinë e punës së gjykatave dhe, në këtë kontekst edhe në punën e Dhomave të Specializuara mirëpo heshtja ndaj këtij diskriminimi, në fakt është legalizim i standardeve të dyfishta. Për ilustrim, në Kosovë ka pasur raste kur prokurorë dhe gjykatës të dyshuar për fshehje apo asgjësim të provave, përveç se janë linçuar publiksht, ndaj tyre kanë filluar edhe procedurat gjyqësore duke u thirrur në transparencë dhe llogaridhënie. E pse nuk kërkohet transparencë dhe llogaridhënie edhe nga Dhomat e Specializuara, e cila duke përdorur standardet e dyfishta në mënyrë brutale shkel të drejtat e njeriut të personave të privuar nga liria duke krijuar situata dhe mundësi të pabarabarta për një proces gjyqësor të drejtë, fer dhe të paanshëm”, thuhet në komunikatë.

KMDLNj thotë se kërkesa për respektim të drejtave të njeriut, të personave të privuar nga liria nuk paraqet ndërhyrje në punën e Dhomave të Specializuara por është kërkesë për ruajtje dhe mbrojtje të integritetit të një procesi gjyqësor, i munguar deri më tani.

“Në seancën e fundit mbi ecurinë e çështjes, avokatët mbrojtës të Hashim Thaçit vënë në pah se Prokurori i Specializuar fshehu provat shfajësuese në formë të deklaratave që i kishin dhënë më parë, Dan Reverts , ish-Ambasador i OSBE-së në Kosovë , Bujar Bukoshi ish-kryeminister i Kosovës në mërgim dhe deklaratën e Departamentit të Shtetit e që ishin në favor të të akuzuarve dhe të mbrojtjes. As gjykatësi i procedurës paraprake, Nikollas Giju, nuk reagoi për këtë fshehje të provave shfajësuese ndërsa Prokurori i Specializuar këtë e arsyeton me mbrojtjen e dëshmitarëve e që, në fakt nuk është ndonjë arsyetim i qëndrueshëm”, thuhet në komunikatë.

Sipas KMDLNj-së, po i njëjti Prokuror i Specializuar gjatë kundërshtimit të kërkesës për zëvendësimin e masës së paraburgimit me ndonjë masë më të butë, përveç arsyetimeve të zakonshme dhe të përgjithshme , për ta përforcuar kundërshtimin thirret në intervista të personave të ndryshëm që i kanë dhënë mediave në Kosovë apo rastet e përveçme të tyre e që nuk kanë të bëjnë fare , as me Prokurorinë e Specialuzuar e as me proceset gjyqësore para Dhomave të Specializuara.

“Paradoksalisht këto ‘fakte’ të Prokurorit të Specializuar i merr si të mirëqena dhe të vërteta edhe gjykatësi i procedurës paraprake, prandaj deri më tani të gjitha kërkesat e avokatëve mbrojtës dhe të gjitha garancitë e ofruara për zëvendësim të këtyre masave janë refuzuar nga gjykata duke u mbështetur edhe në dëshmitë e Prokurorit të Specializuar”, thuhet po aty.

Sipas KMDLNj-së, është interesant fakti se ndaj këtij veprimi, të cilin e konsideron diskriminues, të ZPS dhe DHS nuk pati asnjë reagim instiucional nga Kosova e as nga shoqëria civile që , në një mënyrë apo tjetër monitorojnë punën e këtyre institucioneve që deklarativisht janë pjesë e sistemit të Drejtësisë së Kosovës kurse faktikisht nuk i japin asnjë llogari institucioneve të Kosovës. 

Related Topics:
Continue Reading

Lajmet

Sot protesta e PD, policia e Tiranës nuk i jep leje

Published

59 minutes ago

on

December 23, 2024

By

Policia e Tiranës i ka kthyer përgjigje kërkesës së Partisë Demokratike për organizimin e protestës pasditen e sotme.

Në një komunikim publik, policia bën me dije se nuk mbështet protestat që bllokojnë akset rrugore duke kufizuar qarkullimin, duke mos i dhënë kështu leje organizatorëve të këtij tubimi.

Njoftimi i policisë Tiranë:

Përfaqësues të subjektit politik Partia Demokratike e Shqipërisë kanë paraqitur kërkesën për zhvillim të tubimeve, nga ora 17:00 deri në orën 20:00 të datës 23.12.2024, në disa akse rrugore kryesore në Tiranë, konkretisht:

Unaza e vogël, rrethrrotullimi te Zogu i Zi, ura afër xhamisë në Rrugën e Elbasanit, sheshi “Wilson” dhe nga pallati me shigjeta drejt Rrugës së Kavajës.

Policia e Shtetit garanton të drejtën për tubim, të drejtat dhe liritë e pjesëmarrësve në tubime, por pa cenuar lëvizjen e lirë të qytetarëve dhe të automjeteve.

Në bazë dhe në zbatimit të ligjit “Për tubimet”, Policia e Shtetit ka ndërmarrë të gjitha masat për garantimin e rendit publik, zbatimin e të drejtave dhe lirive të qytetarëve dhe të pjesëmarrësve në tubime, si dhe mbrojtjen e pronave publike dhe private.

Nisur nga objekti i kërkesës së bërë për zhvillimin e tubimeve në disa akse rrugore në qytetin e Tiranës, Policia e Tiranës i ka kthyer përgjigje organizatorëve se merr përsipër garantimin e tubimeve që nuk bllokojnë lëvizjen e lirë të automjeteve dhe qytetarëve.

Bllokimi i akseve rrugore është vepër penale e parashikuar nga neni 293 i Kodit Penal dhe cilido që do të ndërmarrë veprime për të bllokuar rrugët, do të përballet me pasojat që sjell shkelja e këtij neni.

Për të ndihmuar qytetarët që do të qarkullojnë në akset rrugore të mësipërme, Policia e Shtetit ka ndërmarrë masa që në rast bllokimi, të devijojë qarkullimin e automjeteve në rrugë alternative.

Policia e Shtetit apelon dhe një herë për zbatim të ligjit dhe respektim të lëvizjes së lirë të qytetarëve dhe automjeteve, gjatë orarit të tubimeve.

Continue Reading

Lajmet

Rashiq: Lista Serbe po i kërcënon dhe largon nga puna serbët që na përkrahin

Published

2 hours ago

on

December 23, 2024

By

Ministri i Kosovës, Nenad Rashiq, ka deklaruar se serbët që mbështesin partinë e tij janë përballur me kërcënime dhe përjashtime nga puna. Sipas tij, këta individë janë duke u kërcënuar me letra dhe dëmtime të automjeteve, madje përjashtimet nga puna janë një praktikë e zakonshme për ata që bashkëpunojnë me të.

Një rast i tillë, sipas Rashiqit, është përjashtimi nga puna i gruas së zëvendësit të tij, Nenad Vukmiroviq, e cila punonte në sektorin publik në veriun e Kosovës. Po ashtu, ai përmendi edhe një tjetër rast ku një familje nga Novobërda është ndëshkuar për ndihmën që ka marrë nga institucionet e Kosovës për ndërtimin e një shtëpie.

Një tjetër incident që Rashiqi raportoi ishte një kërcënim ndaj një zyrtareje të Ranillugut, e cila u gjet me automjetin të cilin e kishte parkuar në një vend të gabuar, ku dikush kishte lënë një mesazh kërcënues, duke i thënë se herën tjetër mund të ndodhte diçka më serioze.

Ministri Rashiq shpjegoi gjithashtu se djali i tij, që studion në Serbi, përballohet me kontrolla të rrepta dhe ndalime gjatë udhëtimeve në kufirin mes Serbisë dhe Kosovës.

Ai e krahasoi situatën politike të serbëve të Kosovës me regjimin e Koresë së Veriut, duke theksuar se ata po përdoren si mjet manipulimi nga autoritetet e Beogradit për të mbështetur retorikën e brendshme të Serbisë. Rashiq gjithashtu paralajmëroi se, nëse procesi i votimit nuk mbikëqyret rreptësisht, historia mund të përsëritet me një ndikim të madh për serbët e Kosovës./UBTNews/

Continue Reading

Lajmet

​Lansohet pilotimi i programit të kuponëve, Kurti: Ky projekt mbështetet nga BB

Published

2 hours ago

on

December 23, 2024

By

Kryeministri i Republikës së Kosovës, Albin Kurti dhe ministrja e Arsimit, Shkencës, Teknologjisë dhe Inovacionit, Arbërie Nagavci, kanë lansuar pilotimin e Programit të Kuponëve, në kuadër të Projektit “Edukimi dhe Kujdesi në Fëmijërinë e Hershme për Kapitalin Njerëzor të Kosovës”.

Kryeministri Kurti, ka thënë se krijon mundësi për përfshirjen e më shumë fëmijëve nga 3-5 vjeç nga këto familje në shërbime të edukimit në moshë të hershme.

Ai tha se ky program ofron mbështetje të drejtpërdrejt për familjet të cilat janë të regjistruara në skemën e ndihmës sociale.

Kurti tha se ky projekt mbështetet nga Banka Botërore me vlerë 1.8 milionë euro dhe përfshinë pagesën e transportit dhe çerdhes për fëmijët.

Ministrja e Arsimit, Arbërie Nagavci tha se sot po lansojnë pilotimin e programit të kuponëve, duke hedhur kështu edhe hapin e parë konkret për këtë mbështetje të paprecedentë dhe të pandodhur më parë për më të vegjlit, për familjet që më shumti kanë nevojë.

Sipas saj ky program është një risi për qasje të barabartë për edukimin e hershëm në Kosovë.

Continue Reading

Bota

Trump: Kontrolli i Kanalit të Panamasë dhe Groenlandës një domosdoshmëri absolute

Published

2 hours ago

on

December 23, 2024

By

Presidenti i sapozgjedhur Donald Trump ka kërcënuar se do të rimarrë kontrollin e Kanalit të Panamasë, duke shkaktuar reagime të ashpra nga presidenti i Panamasë. Në një postim në rrjetin e tij “Truth Social”, Trump kritikoi ish-presidentin Jimmy Carter për dhënien e kanalit në vitin 1999 dhe e quajti atë një veprim të papërgjegjshëm, duke pretenduar se SHBA-të paguanin tarifa të tepruara. Ai theksoi se nëse Panamaja nuk do të bashkëpunonte, SHBA-ja do të kërkonte rimarrjen e kanalit.

Përveç kësaj, Trump mbrojti idenë e kontrollit të Groenlandës, duke e quajtur atë një “domosdoshmëri absolute” për sigurinë kombëtare dhe lirinë globale. Kjo përshkruan qëndrimin e tij për Grenlandën, e cila, ndonëse është autonome, ende është nën kontrollin e Danimarkës për çështjet e jashtme dhe të sigurisë. Trump kishte shprehur më herët dëshirën për të blerë Grenlandën, duke kujtuar ofrimin e një shume të madhe nga SHBA për ta blerë atë në vitin 1946, një ofertë që kishte shkaktuar tensione diplomatike mes SHBA-së dhe Danimarkës./UBTNews/

Continue Reading

Të kërkuara