

Lajmet
Kërkohet zbardhja e fatit të 64 krushjanëve
Published
4 years agoon
By
Betim GashiTash e më shumë se dy dekada, po kërkohet zbardhja e fatit edhe për 64 krushjanë. Në mesin e tyre, nga maji i vitit ’99, kërkohet drejtësi edhe për veprimtarin shqiptar Ukshin Hoti. Për këtë të fundit të enjten e kaluar është shënuar 78-vjetori i lindjes. Përfaqësues të fshatit po kërkojnë nga institucionet që të jenë më këmbëngulës në zbardhjen e fatit të tij dhe të më shumë se 1600 personave të tjerë.
Kryetari i fshatit Krushë e Madhe, Selami Hoti nuk është i kënaqur me atë se çfarë është bërë deri më tani nga institucionet. Ai për KosovaPress thotë se procesi i zbardhjes së fatit të të pagjeturve është i dhimbshëm dhe po mban në ankth familjarët.
“Ne nuk mund të themi që nuk është bërë asgjë, sepse fillimisht kanë qenë mbi 6000 të zhdukur, ndërsa tani janë 1600 e sa. Mirëpo, është një proces i cili duhet të kryhet sa më shpejt. Është një proces i dhimbshëm, është një proces i cili mban në ankth familjarët dhe për atë arsyeje ne mendojmë që duhet sa më shpejt të bëhet trysni më e madhe”, deklaron ai.
Meqë javën e kaluar ka vijuar dialogu, Hoti kërkon nga qeveria që të bëjnë trysni edhe ndaj faktorit ndërkombëtar në bisedimet me Serbinë.
“Ne si fshat, por edhe si familjarë, por edhe të gjithë bashkë, kërkojmë që të dihet fati i tij (Ukshin Hotit), por gjithashtu të dihet edhe fati i qytetarëve të tjerë të Krushës. Një plagë e cila akoma lëngon, kullon, akoma na mundon të gjithë neve. Thirrja është e njëjtë ndaj të gjitha institucioneve që të bëjnë më tepër. Të jenë më imponues ndaj politikave të tyre dhe karshi faktorit ndërkombëtar në bisedimet me Serbinë, që të dihet e vërteta dhe të bëhet trysni edhe më e madhe. Të fillohet në mënyrë institucionale mbledhja e artefakteve sikur këtu sot që janë. Të krijohen edhe muze të tjerë të luftës”, thotë ai për KosovaPress.
Krusha ka mbi 60 të pagjetur, ndërkohë numër i madh është edhe në fshatra të tjera të Rahovecit.
“Krusha ende i ka 64 të pagjetur. Dy janë të zhdukur nga burgu më i sigurt i kohës nga Dubrava dhe Fetahut nga spitali. Pra, kemi të bëjmë me dy raste të veçanta, njëri nga burgu dhe tjetri nga një ndërtesë humane. Ndërsa, këta 62 janë të zhdukur nëpër vende të ndryshme që janë marrë. Pasi që në Krushë në atë kohë kanë qenë dy krematoriume, tetë varreza masive dhe dhjetëra varre individuale. Ndërsa, në fshatra të tjera të Rahovecit bashkë me Krushën janë mbi 110 të zhdukur”, shton ai.
Në 78-vjetorin e lindjes së Ukshin Hotit, janë ekspozuar disa nga veshjet e tij. Të njëjtat janë vendosur në njërën nga dhomat e shtëpisë muze në Krushë të Madhe. Hoti nuk ka varr, meqë nga viti ’99 nuk dihet gjë dhe zhdukja e tij dhe e mijëra të tjera ende mbetet mister.
Lajmet
Koalicioni Vakat pas takimit me Kurtin thotë se janë të gatshëm të bashkëpunojnë për themelimin e qeverisë
Published
6 minutes agoon
April 3, 2025By
UBT NEWS
Rasim Demiri nga koalicioni Vakat ka shprehur gatishmërinë për të mbështetur kryeministrin në detyrë, Albin Kurti, në sigurimin e mandatit të tretë dhe formimin e qeverisë. Pas një takimi me Kurtin, Demiri tha se të dyja palët janë të gatshme të bashkëpunojnë për formimin e institucioneve dhe qeverisë së re të Kosovës. Ai theksoi rëndësinë e bisedimeve dhe bashkëpunimit për të realizuar këtë proces.
Gjatë takimit, Demiri diskutoi gjithashtu çështjen e Komunës së Reçanit, duke shprehur interesin e koalicionit Vakat për krijimin e kësaj komune. Ai theksoi se nëse krijohet komuna e Reçanit, ai do të ishte kandidat për kryetar të saj, duke theksuar se Vakati ka besimin e popullit dhe është i gatshëm të përfaqësojë interesat e komunitetit boshnjak.
Në lidhje me formimin e qeverisë, Demiri tha se disa kërkesa, të cilat më herët ishin paraqitur si kushte për koalicion, tani po trajtohen si kërkesa të thjeshta dhe se nuk mund të jenë kusht për formimin e qeverisë. Ai e cilësoi këtë si një përpjekje për manipulim me ndjenjat dhe kërkesat e popullit të atyre zonave./UBTNews/
Lajmet
Rafuna: Tarifa e SHBA-së me shumë ndikim në Kosovë
Published
13 minutes agoon
April 3, 2025By
UBT NEWS
Kryetari i Odës Ekonomike të Kosovës, Lulzim Rafuna, ka deklaruar se tarifa prej 10% e vendosur nga Shtetet e Bashkuara për produktet kosovare do të çojë në shtrenjtimin e këtyre produkteve në tregun amerikan, duke ulur kështu kërkesën për to. Rafuna bëri thirrje për veprime të shpejta nga institucionet e Kosovës, duke kërkuar pezullimin ose heqjen e kësaj tarife, për të minimizuar efektet negative në eksportet e Kosovës.
Rafuna theksoi gjithashtu se tarifa prej 20% që SHBA-ja ka vendosur ndaj mallrave nga Bashkimi Evropian mund të ndikojë indirekt edhe në tregun e Kosovës. Produktet që vijnë nga BE-ja, të cilat mund të përmbajnë komponentë të importuara nga SHBA, mund të shtrenjtohen, duke e rritur kështu çmimin e produkteve të prodhuara në Kosovë. Ky ndikim mund të krijojë një valë të re të shtrenjtimit të çmimeve në tregun e brendshëm.
Rafuna gjithashtu vuri në dukje rëndësinë e eliminimit të taksës doganore për produktet që vijnë nga SHBA-ja, duke sugjeruar se kjo mund të ndihmojë në tërheqjen e investitorëve të huaj. Ai theksoi se Kosova ka mundësi të përdorë politikat fiskale të favorshme për të mbështetur bizneset vendore dhe për të ruajtur konkurrencën në tregjet ndërkombëtare.
Bota
Japonia reagon ndaj tarifave të SHBA-së: “Për të ardhur keq”
Published
18 minutes agoon
April 3, 2025By
UBT NEWS
Japonia ka reaguar ashpër ndaj vendosjes së tarifave të reja nga presidenti amerikan, Donald Trump, duke i cilësuar ato si “jashtëzakonisht për të ardhur keq”. Zëdhënësi i qeverisë japoneze, Yoshimasa Hayashi, theksoi se Japonia kishte shprehur shqetësimet e saj në lidhje me këto masa dhe kishte kërkuar që SHBA të mos merrte hapa të njëanshme, por megjithatë, Uashingtoni vazhdoi të vendosë tarifa të reja për importet e shumicës së vendeve, përfshirë Japoninë.
Zyrtarët japonezë shprehën shqetësimin e thellë lidhur me ndikimin e mundshëm të këtyre masave në marrëdhëniet tregtare ndërkombëtare dhe në stabilitetin ekonomik global. Sipas Hayashit, ky veprim i SHBA-së mund të jetë në kundërshtim me rregullat e Organizatës Botërore të Tregtisë (OBT) dhe marrëveshjen tregtare mes Japonisë dhe SHBA-së, gjë që rrit pasigurinë për tregtinë ndërkombëtare.
Kryeministri japonez, Shigeru Ishiba, urdhëroi ministrat e tij që të shqyrtojnë me kujdes efektet e mundshme të këtyre tarifave dhe ndikimin që mund të kenë ato në ekonominë e Japonisë. Pjesë e këtij shqetësimi janë tarifat e reja prej 10% për shumicën e importeve të SHBA-së dhe një ndëshkim më të lartë prej 24% për Japoninë, të cilat mund të rrisin tensionet tregtare dhe të dëmtojnë marrëdhëniet ekonomike midis dy vendeve.
Bota
Meloni anulon angazhimet: Të përqendrohemi në veprimet pas tarifave të SHBA
Published
33 minutes agoon
April 3, 2025By
UBT NEWS
“Përqendrohuni në veprimet pas tarifave të SHBA”, kanë njoftuar nga kabineti i saj.
Meloni kishte planifikuar të merrte pjesë në inaugurimin e stacionit të Karabinierëve në Limbadi, në provincën e Vibo Valentia.

Ekspertët: AI do të rrit papunësinë

Koalicioni Vakat pas takimit me Kurtin thotë se janë të gatshëm të bashkëpunojnë për themelimin e qeverisë

Rafuna: Tarifa e SHBA-së me shumë ndikim në Kosovë

Japonia reagon ndaj tarifave të SHBA-së: “Për të ardhur keq”

Tensionet në Kongresin e UEFA-s: Kosova përfaqësohet pa flamurin shtetëror në Beograd!

Meloni anulon angazhimet: Të përqendrohemi në veprimet pas tarifave të SHBA

Franca paralajmëron për mundësinë e një konflikti ushtarak me Iranin

Siguria e pasaportës biometrike, Shqipëria anëtarësohet në ICAO PKD

Fillon të përhapet varianti i ri i COVID-19
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë