

Lajmet
Kandidatët e mundshëm për postin e kryeministrit në Britaninë e Madhe
Zgjedhjet për kryetarin e ardhshëm të Partisë Konservatore do të përfundojnë brenda javës së ardhshme.
Published
3 years agoon
By
Betim GashiLiz Truss bëri të ditur të enjten se do të japë dorëheqjen si kryeministre e Britanisë vetëm gjashtë javë pasi u emërua në krye të qeverisë.
Zgjedhjet për kryetarin e ardhshëm të Partisë Konservatore do të përfundojnë brenda javës së ardhshme për të zëvendësuar Truss, e cila është kryeministrja me mandatin më të shkurtër në historinë britanike. George Canning mbante më parë rekordin, duke shërbyer 119 ditë në vitin 1827 kur u nda nga jeta.
Duke pasur parasysh ndarjet në Partinë Konservatore, nuk ka asnjë kandidat të qartë dhe çdo zëvendësim do të përballet me një vend që ka të ngjarë të shkojë në një recesion ekonomik. Emrat kryesorë që përfliten janë si më poshtë:
Rishi Sunak
Ish-ministri i financave në Britaninë e Madhe mbeti pas Truss në balotazhin e garës për lidershipin konservator, por ai mund ta gjejë veten në një pozicion të favoreshëm pas dpshtimeve të pësuara nga ish-rivalja e tij.
Sunak fitoi mbështetjen e 137 deputetëve në krahasim me 113 mbështetësit e Truss dhe aleatët e tij janë ndër ata që janë më kritikët ndaj saj, por ai nuk do të ishte i pëlqyer nga aleatët e zonjës Truss dhe tradhtia e tij e perceptuar ndaj Boris Johnson u shfaq në mënyrë të përsëritur me anëtarët e partisë.
Penny Mordaunt
Një ish-ministre e mbrojtjes, Mordaunt ishte një mbështetëse e zjarrtë për largimin e Britanisë nga Bashkimi Evropian.
Mordaunt u duartrokit për fjalimin e saj në parlament të hënën, kur ajo mbrojti qeverinë edhe pasi kjo e fundit përmbysi shumicën e politikave të saj.
Një parlamentar britanik e ka përshkruar Mordaunt si një “diplomate të lindur”, duke iu referuar aftësisë së saj për të gjetur miq në fraksione të ndryshme të partisë.
Jeremy Hunt
Pasi programi ekonomik i Truss dështoi dhe ajo shkarkoi ministrin e saj të financave, ajo iu drejtua Hunt, një ish-ministër i shëndetësisë dhe ish ministër i jashtëm, për t’i rregulluar gjërat.
Një seri shfaqjesh të sigurta në televizion dhe në parlament, teksa ai shkatërroi manifestin ekonomik të Truss, kanë bërë që disa deputetë konservatorë t’i referohen Hunt-it si “kryeministri i vërtetë”.
Ai ka këmbëngulur se nuk e dëshiron postin e lartë, pavarësisht se ka hyrë në dy gara të mëparshme për t’u bërë kryeministër, përfshirë në vitin 2019 kur humbi në raundin e fundit ndaj ish-kryeministrit Boris Johnson. Hunt nuk ka mbështetjen e dukshme të një grupi të madh deputetësh në parlament.
Ben Wallace
Ministri i Mbrojtjes i Britanisë është një nga zyrtarët e paktë që ka dalë me besueshmëri të rritur nga trazirat e fundit politike. Wallace, një ish-ushtarak, ishte ministër i mbrojtjes për Johnson dhe Truss, është duke udhëhequr aktualisht përgjigjen e Britanisë ndaj pushtimit rus të Ukrainës.
Ai vendosi të mos kandidojë për të qenë lider i konservatorëve në verë, por në konferencën e partisë në fillim të këtij muaji, ai tha se nuk do ta përjashtonte më mundësin.
Boris Johnson
Ish-kryeministri i rrënuar nga skandalet e festave në kohë pandemie u rrëzua nga deputetët e tij në fillim të këtij viti, por ai mbetet një re e errët e varur mbi kryesinë e Liz Truss.
Johnson është i njohur për anëtarët dhe ka ende mbështetës besnikë në Parlament, të cilët mendojnë se ai është shansi i vetëm i partisë për të shmangur zhdukjen elektorale.
Thuhet se ai dëshiron të fokusohet në shkrimin e librave dhe financimin e financave të tij. Tani ai është jashtë garës, por punët e papërfunduara mund ta thërrasin atë sërish në krye të vendit./REL
Aktualitet
Regjistrohu tani në Gjuha Angleze në UBT dhe përfito bursë 20%
Published
22 minutes agoon
August 29, 2025By
Driton Iseni
UBT njofton se kanë mbetur edhe pak vende të lira për regjistrim në programin Bachelor Gjuha Angleze, një drejtim studimor që hap mundësi të shumta karriere në arsim, përkthim, diplomaci, media dhe organizata ndërkombëtare.
Përmes këtij programi, studentët përgatiten jo vetëm në aspektin gjuhësor dhe kulturor, por edhe në atë profesional, duke u bërë të aftë të kontribuojnë në tregun vendor dhe global.
UBT ofron bursë prej 20% për të gjithë ata që regjistrohen në këtë program, duke i dhënë mundësinë studentëve të sigurojnë arsimim cilësor dhe të përballueshëm financiarisht.
Studentët e interesuar mund të aplikojnë online përmes platformës: APLIKO TANI ONLINE!
Aktualitet
Në zyrën e Ivica Daçiqit mbërrin një zarf me tre plumba
Published
1 hour agoon
August 29, 2025By
UBT News
Në Qeverinë e Serbisë ka mbërritur një zarf i adresuar për ministrin e Brendshëm, Ivica Daçiq, brenda të cilit janë gjetur tre plumba, njoftoi më 29 gusht Ministria e Punëve të Brendshme (MUP).
Sipas njoftimit, zarfi është vërejtur të enjten gjatë procesit të rregullt të ndarjes së postës.
“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e MUP-it.
Autoritetet shtuan se policia ka identifikuar dhe gjetur personin që më 26 gusht kishte dorëzuar dërgesën në një degë të Postës së Serbisë në Pozharevc.
Nuk është bërë i ditur identiteti i të dyshuarit.
Aktualitet
U përurua çerdhja e re për 60 fëmijë në Fushë Kosovë
Published
1 hour agoon
August 29, 2025By
UBT News
Në Fushë Kosovë u përurua një çerdhe e fëmijëve në Fushë Kosovë, investim ky i Ministrisë së Arsimit , në vlerë prej rreth 415 mijë euro.
Kjo çerdhe për 60 fëmijë me një hapësirë prej 750 m² u tha është e pajisur me të gjitha mjetet e nevojshme për kujdesin dhe zhvillimin e fëmijëve tanë të gjithë hapësirat në këtë çerdhe të re.
Kryeministri në detyrë, Albin Kurti, tha se vetëm gjatë këtij mandati qeverisës në komunën e Fushë Kosovës, në fushën e arsimit janë bërë investime kapitale me vlerë prej 5.6 milionë euro, duke shtuar se treguan kështu përkushtimin për gjeneratat e reja, të cilat duhet të kenë arsim cilësor dhe mirëqenie të garantuar.
“Të investosh në çerdhe për fëmijë dhe edukim të hershëm, do të thotë të investosh në të ardhmen e shtetit. Pikërisht në vitet e para të jetës aty ku hidhen themelet për zhvillimin, lumturinë dhe suksesin e fëmijëve të Kosovës, nesër profesionistë e kuadro, që do të udhëheqin institucionet, ekonominë, shoqërinë, politikën e kështu me radhë”, tha Kurti.
Në përurim mori pjesë edhe ministrja në detyrë e Arsimit, Arbërie Nagavci.
Kurti njoftoi se për ndërtimin edhe të një çerdhe tjetër publike, me vlerë mbi 1.2 milionë euro, po në Fushë Kosovë.
Pas përurimit të Çerdhes së fëmijëvë, kryeministri në detyrë Kurti vizitën e tij e vazhdoi me vënien e gurthemelit të Shkollës Fillore dhe të Mesme të Ulët, po ashtu në Fushë Kosovë, investim i Ministrisë së Arsimit, me një sipërfaqe prej 8,000 metra katror, për 1500 nxënës, me vlerë të investimit prej 3.8 milionë euro.
Aktualitet
Kurti për akuzat ndaj UÇK-së: Manipulohet një kapitull për të cilin Basha s’ka faj
Published
1 hour agoon
August 29, 2025By
UBT News
Kryeministri në detyrë, Albin Kurti, foli lidhur me zhurmën publike rreth artikullit ku bashkautor është kryetari i zgjedhur i Kuvendit të Kosovës, Dimal Basha kundër UÇK-së.
Ai kritikoi qeveritë e kaluara, duke thënë se janë vendimet e atyre qeverive i kanë shkaktuar probleme Kosovës dhe se të tilla s’po i shkakton artikulli me bashkautor Bashën.
“Unë besoj që problemet që i kemi sot në Kosovë nuk i kemi nga një deformim e keqinterpretim i një artikulli me bashkautorësi ku ky nuk është autor i atij kapitulli të para më shumë se një dekade. Problemet i kemi kur është nënshkruar ‘Zajednica’ në 2013-tën, problemet i kemi kur janë amnistuar kriminelët serbë në veri, po astu në 2013-tën, problemet i kemi kur është votuar Gjykata Speciale në 2015-n, problemet i kemi kur është themeluar Lista Serbe në bashkëpunim me Beogradin në vitin 2013, problemet i kemi politikanët e Kosovës kanë bërë qeveri duke u varur nga Lista Serbe, problemet i kemi kur kanë hyrë në pazare për ndarje të Kosovës – jo te ky farë artikulli ku manipulohet një kre, në të cilin ky s’ka fare autorësi”, tha Kurti .
Kryeministri në detyrë tha se buja që bëri ky shkrim është keqinterpretim dhe deformim.
“Dimal Basha e ka dhënë sqarimin për atë publikim që është bërë para më shumë se një dekade. Ai ka thënë se kapitulli që e ka shkruar nuk ka të bëjë me UÇK-në. Edhe në fjalimin e tij pas zgjedhjes si kryetar Kuvendi, ai shprehu vlerësimet më të larta për këtë vlerë të kombit shqiptar”, tha Kurti.
Kryeministri në detyrë këto deklarata i bëri në komunikim me gazetarë në Fushë Kosovë, ku mori pjesë në përurimin e një Çerdheje për fëmijë.

Regjistrohu tani në Gjuha Angleze në UBT dhe përfito bursë 20%

Në zyrën e Ivica Daçiqit mbërrin një zarf me tre plumba

U përurua çerdhja e re për 60 fëmijë në Fushë Kosovë

Kurti për akuzat ndaj UÇK-së: Manipulohet një kapitull për të cilin Basha s’ka faj

Supremja hodhi poshtë ankesën e VV-së kundër vendimit të PZAP-së për Listën Serbe

Presidentja Osmani kërkon zgjidhje urgjente për konstituimin e Kuvendit

FSK-ja realizon ushtrimin fushor “Ujku shigjetë” pesë ditë

Hoti: Janë gjetur mbetjet mortore të nëntë personave të zhdukur, pesë lokacione pritën të hapen

Një vdekje e dyshimtë në Skenderaj
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA