Sport

Jurgen Klopp gjen fajtorin e barazimit ndaj West Bromit

Published

6 years ago

December 28, 2020

Betim Gashi

Trajneri i Liverpoolit, Jurgen Klopp thotë se skuadra e tij kishte vetëm veten për të fajësuar pasi nuk arriti të mundë West Bromin të dielën në mbrëmje.

Sadio Mane i dha epërsinë ekipit vendas pas 12 minutash, por Semi Ajayi barazoi shifrat vetëm tetë minuta para mbylljes së takimit.

Jurgen Klopp, duke folur për “Sky Sports”, tha: “Unë nuk mendoj se dikush mund të presë një ekip që luan si West Bromi në pjesën e parë, si një 6-4 ose çfarëdo që të ishte. Unë mendova se kemi bërë mirë. Në pjesën e dytë ne nuk bëmë të njëjtën gjë, ata kishin tre kundërsulme. Është faji ynë dhe kjo është arsyeja pse morëm vetëm një pikë në vend të tre.”

“Është një sfidë e pabesueshme kur përballesh vazhdimisht me 10 lojtarë. Të them të drejtën West Bromi bëri punën e tyre brenda 90 minutash. West Brom meritoi pikën sonte sepse nuk e përfunduam ndeshjen. Është e vështirë të krijosh. Në fund të fundit të gjithë e dinë dhe ndjejnë se duhet të kishim dhe mund të kishim bërë më mirë sonte”, vazhdoi më tutje tekniku gjerman.

Klopp vuri në dukje stilin mbrojtës të West Bromit si një arsye që lojtarët e tij nuk ishin në gjendje t’i prishnin për të gjetur një gol të dytë.

Në ndeshjen e tyre të ardhshme, Liverpooli udhëton te Newcastle United të mërkurën.

Related Topics:Liverpool Jurgen Klopp West Bromwich Albion

Up Next

Zyrtare: FC Ballkani zyrtarizon pasuesin e Ismet Munishit

Don't Miss

Dështon sërish Tottenhami, katër ndeshje pa fitore

Lajmet

Laura Fazliu fiton medaljen e argjendtë, Kosovën e çon në medaljen e pestë

Published

11 hours ago

August 29, 2026

UBTNews

Xhudistja kosovare Laura Fazliu ka fituar medaljen e argjendtë në kategorinë deri në 63 kilogramë, duke i siguruar Kosovës medaljen e pestë në këtë garë.

Fazliu arriti deri në finale, ku u përball me italianen Carlotta Avanzato, por u mposht në duelin për medaljen e artë dhe u desh të kënaqej me të argjendtën.

Kjo është medalja e katërt e Kosovës në xhudo dhe e pesta në total për vendin tonë.

Sport

Fatjona Kasapi i sjell Kosovës medaljen e dytë në “Taranto 2026”

Published

1 day ago

August 28, 2026

UBTNews

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Sport

Kosova pëson tjetër humbje të thellë në Lojërat Mesdhetare

Published

1 day ago

August 28, 2026

UBTNews

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L