Sport

Joshua paralajmëron Franklinin: Po ia hap varrin vetes

Joshua synon të kthehet në rrugën e duhur duke luftuar në “O2 Arena” të shtunën.

Published

4 years ago

March 30, 2023

UBT news

Anthony Joshua ka lëshuar një paralajmërim të ashpër për Jermaine Franklin përpara natës së ndeshjes, duke paralajmëruar se rivali i tij po “hap varrin e tij” për përballjen mes tyre në peshat e rënda.

Pas humbjeve radhazi ndaj Oleksandr Usyk, Joshua synon të kthehet në rrugën e duhur duke luftuar në “O2 Arena” të shtunën.

Franklin ka humbur vetëm një nga 22 ndeshjet e tij profesionale me atë disfatë që erdhi në të njëjtën arenë nëntorin e kaluar kundër Dillian Whyte, një luftë që amerikani ishte i bindur që e kishte fituar.

29-vjeçari synon të shkatërrojë shpresat e Joshua-s për t’u rikthyer në rrugën e kampionit të botës, me besim se do të sigurojë fitoren me nokaut që do ta linte të ardhmen e britanikut në këtë sport në dyshime serioze.

I etur për të rimarrë vendin e tij në elitën kryesore të boksit pa asnjë fitore që nga dhjetori 2020, Joshua paralajmëroi kundërshtarin e tij se do të mposhtet me nokaut dhe hodhi poshtë sugjerimet që tani mund të jetë koha e përsosur për dikë që ta luftojë atë.

“Kjo është koha më e keqe”, tha Joshua në një konferencë për shtyp të mërkurën. “Sa më shumë që flet, aq më shumë po ia gërmon vetes varrin. Por është ajo që është. Mund të them shumë gjëra për të, por e respektoj kundërshtarin tim”, shtoi ai.

“Nuk më takon mua të flas, të takon ty që të flasësh për mua. Unë do ta bëj punën time të shtunën. Dhe sinqerisht, kjo është gjithçka në të cilën jam përqendruar, nga raundi i parë në raundin e 12-të. Jam i përgatitur për të 12-roundet, por besoj në aftësinë time dhe në goditjen time për ta përfunduar më herët luftën”, përfundoi Joshua.

Joshua ka kaluar disa muaj i mbyllur në kampin stërvitor në Teksas me Derrick James, njeriun që solli vitin e kaluar për të mbikëqyrur titullin e tij të fundit botëror.

Vendi

Akil Gjakova mbyll garën pa medalje në Abu Dhabi

Published

4 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

5 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

6 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/