Lajmet

​IKShPK shënon javën e imunizimit

Java e imunizimit shërbeu si vetëdijësim për qytetarët që të vaksinohen kundër COVID-19.

Published

3 years ago

on

Instituti Kombëtar i Shëndetësisë Publike ka shënuar sot javën e imunizimit me moton “Jetë të gjatë për të gjithë”. Këtë vit java e imunizimit kishte për qëllim që të vetëdijësojë sa më shumë qytetarët për marrjen e vaksinave kundër COVID-19, e po ashtu edhe vaksinat e tjera të rregullta.

Zëvendësministrja e Shëndetësisë, Dafina Gexha ka thënë se këtë vit shënimi i javës evropiane të imunizimit ka për qëllim të përforcojë rëndësinë e qasjes së barabartë në vaksina për parandalimin e sëmundjeve

“Shënimi i javës evropiane të imunizimit për vitin 2022, ka për qëllim të përforcojë rëndësinë e qasjes së barabartë në vaksina si mënyrën më të drejtpërdrejtë dhe me kosto efektive për parandalimin e sëmundjeve që dikur, por edhe sot kërcënojnë shëndetin publik. Suksesi në vaksinim kundër COVID-19 nuk është arsye që ne të lëmë anash vaksinimin e rregullt të popullsisë, duke iu mundësuar fëmijëve në Kosovë, të gjitha komuniteteve pa dallim qasjen në vaksinat e kalendarit të rregullt të obliguar të vaksinimit, me qëllim që vendin tonë ta mbajmë larg sëmundjeve që parandalohen përmes vaksinimit”, tha Gexha.

Ndërsa një tjetër aspekt që i është shtuar fokusi është edhe porosia e qindra vaksinave kundër kancerit të qafës së mitrës.

“Një tjetër aspekt të cilin e kemi shtuar fokusin gjatë këtij viti është edhe porosia e disa qindra vaksinave kundër human papilomavirusit për herë të parë në Kosovë, me qëllim që vajzave të reja këtë vit në baza vullnetare e viteve në vijim në mënyrë të rregullt t’iu ofrohet preventivë kundër kancerit të qafës së mitrës”, tha ajo.

Edita Haxhiu nga Organizata Botërore e Shëndetësisë (OBSH), ka thënë që janë rreth 25 vaksina në dispozicion në të gjithë botën, e po ashtu ka thënë që po shpresojnë që edhe në Kosovë të sigurojnë vaksinën kundër malaries.

“I kemi rreth 25 vaksina në dispozicion në të gjithë botën, duke e shtuar edhe vaksinën kundër malaries. Më 25 prill u shënua Dita e malaries dhe u planifikua një pilot i rreth një milion fëmijëve në Afrikë që të parandalohet një sëmundje vdekjeprurëse, dhe shpresojmë që edhe ne në Kosovë shumë shpejt do ta sigurojmë si vaksinë me indikacione të trafikut ndërkombëtar”, tha ajo.

Ndërsa zëvendësshefja për imunizim në IKSh​IKSHPK shënon javën e imunizimitPK, Fetije Fetaj ka folur për mbulimin me vaksinat e rregullta dhe COVID-19, duke thënë se Kosova ka qenë vendi i fundit që ka nisur vaksinimin kundërCOVID-19 në rajon, por që shumë shpejt ia ka dalë, pasi deri më tani janë mbi një milion doza të vaksinës të administruara. Ajo ka shtuar se aktualisht në vendin tonë janë 10 vaksina të cilat përdoren për sëmundje të caktuara.

Ndryshe, objektivat e javës së imunizimit janë rritja e ndërgjegjësimit të publikut për mbrojtjen e ofruar nga vaksinat kundër sëmundjeve vdekjeprurëse, të krijohet mbështetje në mesin e profesionistëve shëndetësorë për vaksinim, të angazhohen politik-bërësit shëndetësorë, punëtorë shëndetësore dhe prindërit që të ketë një vaksinim sa më të lartë në popullatën tonë, për t’i mbrojtur fëmijët që asnjë fëmije të mos mbetet pa u vaksinuar.

Related Topics:
Continue Reading

Lajmet

Sveçla: Aksioni në Kaçanik po vazhdon, ka arrestime të reja

Published

5 hours ago

on

April 25, 2025

By

Ministri në detyrë i Punëve të Brendshme, Xhelal Sveçla deklaroi se ka arrestime të reja që lidhen me vrasjen e rreshterit, Muhamed Lika.

Ai theksoi se operacioni i Policisë së Kosovës në Kaçanik po vazhdon dhe numri i të arrestuarve nuk dihet.

“Tashmë është publike që ka arrestime të reja. Numri përfundimtar ende nuk dihet, për shkak se aksioni është duke vazhduar. Gjitha institucionet ligj-zbatuese janë të vendosura që të luftohet çfarëdo lloj ekstremizmi apo dhune, e cila dëmton institucionet dhe pjesëtarët e saj por po ashtu vetë popullin e saj”, ka thënë Sveçla.

Ai tha se Inspektorati Policor i Kosovës është duke zhvilluar hetime, derisa u pyet se personat e arrestuar kanë qenë në liri ani pse me vepra penale.

“Inspektorati Policor i Kosovës është duke zhvilluar hetime sa i përket kësaj informate, kur t’i kemi të dalurat nga këto hetime pastaj do të marrim masat e nevojshme”, shtoi ai.

Sot, në orët e hershme të mëngjesit, Policia e Kosovës me njësitë e saja relevante ka filluar një operacion policor, në komunën e Kaçanikut.

Ky informacion është konfirmuar për KosovaPress nga zëdhënësi i Policisë së Kosovës, Baki Kelani.

“Edhe në këtë rast pas përfundimit të operacionit policor, i cili po realizohet në bashkëpunim dhe koordinim me organet e drejtësisë, do të bëhen publike informacione shtesë”, tha Kelani.

Më 1 prill, Muhamed Lika ishte gjetur i plagosur rëndë në hyrje të ndërtesës së tij, në rrugën ‘Idriz Seferi’, në Kaçanik rreth orës 23:00. Ai u transportua në Qendrën e Mjekësisë në Kaçanik, por nuk arriti t’u mbijetojë plagëve.

Continue Reading

Lajmet

KEK-u njofton se ka përfunduar me sukses riparimin e njësisë B1: Gjendja është stabile

Published

5 hours ago

on

April 25, 2025

By

Korporata Energjetike e Kosovës tha se kanë përfunduar me sukses punimet për remontin e njësisë B1, të cilat kanë nisur më 23 mars dhe tha se kanë përfunduar përpara afatit të parashikuar.

“Korporata Energjetike e Kosovës njofton opinionin se, falë angazhimit të jashtëzakonshëm të stafit të TCB, punëtorëve, inxhinierëve dhe menaxhmentit, kemi përfunduar me sukses të gjitha punimet e planifikuara për remontin e njësisë B1, i cili kishte nisur më dt: 23.03.2025 dhe ka përfunduar përpara afatit të parashikuar”, njoftoi KEK.

Ai tha se gjatë kësaj periudhe, janë realizuar riparime dhe përmirësime të ndryshme, duke përfshirë ndërrimin e pjesëve të dëmtuara, rinovimin e sistemeve të ndryshme dhe realizimin e procedurave të domosdoshme për stabilitetin dhe efikasitetin e njësisë.

“Falë përgatitjes dhe kontrollit të kujdesshëm, si dhe angazhimit të palodhshëm të ekipit të ekspertëve të TC-B-së, njësia B1 është sinkronizuar me rrjetin elektrik në orën 22:32 të dt: 24.04.2025 dhe aktualisht gjendja e saj është stabile. Kjo arritje është një dëshmi e punës së shkëlqyer të të gjithë të përfshirëve dhe vlerësimit të lartë të performancës gjatë periudhës së remontit”, tha KEK.

Continue Reading

Lajmet

Vazhdojnë regjistrimet në UBT International Smart Schools – Shkollat më inovative të mesme në vend

Published

5 hours ago

on

April 25, 2025

By

Në UBT International Smart Schools po vazhdojnë regjistrimet për vitin e ri shkollor, në institucionin që tashmë njihet si një ndër platformat më të avancuara arsimore në Kosovë dhe rajon. Këto shkolla të mesme ofrojnë një model të veçantë të arsimit, duke kombinuar pjesën teorike me atë praktike, teknologjinë me kreativitetin, dhe edukimin me zhvillimin e lidershipit.

UBT International Smart Schools janë të parat në Kosovë dhe rajon që kanë zbatuar edukimin 4.0 – një model që përfshin përdorimin e teknologjive të avancuara, si dhe metodave moderne të mësimdhënies. Kjo qasje inovative mundëson që nxënësit të përgatiten për sfidat reale të së ardhmes dhe të dalin në tregun e punës apo arsimit të lartë me njohuri të thelluara dhe përvoja konkrete.

Përmes kurrikulave të harmonizuara me ato evropiane dhe amerikane, nxënësit zhvillojnë aftësi të avancuara akademike, teknike dhe shoqërore. Mësimi zhvillohet në ambiente moderne, të pajisura me laboratorë, pajisje teknologjike dhe hapësira të dizajnuara për të nxitur të menduarit kritik dhe bashkëpunimin.
Zgjedh programin që i përshtatet pasioneve dhe ambicieve të tua:

•     Gjimnazi TIK – Për të rinjtë që duan të jenë pjesë e botës së teknologjisë dhe inovacionit.
•     Gjimnazi Natyror – Për ata që kanë pasion për shkencat natyrore dhe kërkimin shkencor.
•     Gjimnazi Gjuhësor – Për nxënësit që duan të përparojnë në gjuhë të huaja dhe komunikim ndërkombëtar.
•     Asistent Dentar
•     Bashkëpunëtor Profesional i Infermierisë
•     Teknik i Farmacisë
•     Teknik i Laboratorit Mjekësor
•     Teknik i Optikës – Opticient

Formimi i liderëve të së nesërmes nis në UBT International Smart Schools

UBT International Smart Schools janë shkollat me synimin në zhvillimin e liderëve, inovatorëve dhe profesionistëve të së ardhmes. Me mentorim nga profesorë të kualifikuar, me praktika dhe projekte reale, si dhe me mundësi të shumta për pjesëmarrje në gara, konferenca dhe bashkëpunime ndërkombëtare, këto shkolla ofrojnë më shumë se një arsim – ofrojnë një përvojë jetësore.
Regjistrohu tani dhe bëhu pjesë e një udhëtimi edukativ që formëson të ardhmen tënde!

Për më shumë informata dhe aplikim: https://ubt.school/
046 332 233

Continue Reading

Lajmet

Duda Balje: Nuk ndryshojmë qëndrim për koalicion me Vetëvendosjen

Published

7 hours ago

on

April 25, 2025

By

Deputetja nga radhët e komunitetit boshnjak dhe kryetare e Unionit Socialdemokrat, Duda Balje, ka deklaruar se partia e saj nuk ka ndryshuar qëndrim sa i përket bashkëpunimit me Lëvizjen Vetëvendosje. Deklarata e saj erdhi si përgjigje ndaj deputetit të VV-së, Arbër Rexhaj, i cili kishte përmendur një ofertë për pozitë ministrore ndaj Unionit Socialdemokrat.

“Unë jam mbrapa qëndrimit, të cilin e kemi marrë si parti. Ne nuk e ndryshojmë qëndrimin,” u shpreh Balje.

Ajo gjithashtu reagoi ndaj komenteve të Rexhajt lidhur me deputetët me pak vota, duke rikujtuar se ajo dhe partia e saj kanë mbështetur Vetëvendosjen në të kaluarën.

“Arbër Rexhaj ka pasur një pikëpyetje se çka është duke ndodhur me deputetët që i kanë pasur 500 vota. Unë e kam një përgjigje për Arbërin se ku ishte Arbëri kur ne kemi votuar për qeverisjen lokale të VV-së dhe për kryeministrin Kurti. Unë i them se kjo nuk ka logjikë prej Arbërit,” tha Balje

Continue Reading

Të kërkuara