Lajmet

​Historianët e Deçanit përplasen me udhëheqës të Manastirit

Reagim nga historianët e Deçanit.

Published

3 years ago

on

Në një reagim dërguar nga Lidhja e Historianëve të Kosovës “Ali Hadri” dega në Deçan mes tjerash thuhet se për 15 vite aktivitet në qytetin e Deçanit, në asnjë moment dhe në asnjë rast nuk kanë shpifur Manastiri i Deçanit është objekt me rendësi tepër të veçantë, i kulturës dhe historisë së Kosovës, i respektuar dhe i ruajtur ndër shekuj nga shqiptarët vendas.

“Kreu i Manastirit të Deçanit, e di shumë mirë së këtë tempull fetar në vazhdimësi qysh nga koha e Perandorisë Osmane e ka ruajtur Familja Demukaj nga Deçani, dhe gjithandej shqiptarët e tjerë. E kemi për obligim profesional, që të demaskojmë politikën anti shqiptare të kreut të Manastirit, i cili në vazhdimësi sillet si viktimë.

Kreu i Manastirit të Deçanit, në raport me institucionet e Kosovës përdorë standarde të dyfishta. Ai flet gjithnjë dhe në vazhdimësi kundër shtetësisë së Kosovës dhe në gjuhën e tij të folur dhe shkruar ai e përdor termin: “Kosova dhe Metohia”, pra nuk i referohet emrit kushtetues të Kosovës, Republika e Kosovës.

Prandaj, Janjiçit, kur i konvenon një gjë, ai thirret menjëherë në institucionet e Kosovës, dhe si të tilla ai nuk i njeh. Pra, ai duhet të reflektojë, të pranojë shtetësinë e Kosovës dhe të mos loboj kundër saj. Më tej në komunikatë theksohet se ashtu siç e din edhe vet kreu i Manastirit të Deçanit, por edhe opinioni i gjerë vendor dhe ndërkombëtarë në Kosovë e jashtë saj, Manastiri dhe pasuritë e tij, janë vendet me të sigurta në Republikën tonë, pasi që sigurinë e tij e bëjnë forcat e NATO-së të misionit të KFOR-it.

I kujtojmë kreu të Manastirit, se Manastiri i Deçanit gëzon privilegje të jashtëzakonshme, privilegje këto që i’a kanë njohur institucionet e Republikës së Kosovës, shteti që Igumeni Janjiç nuk e njeh. Ne në vazhdimësi kemi theksuar dhe mbrojtur me fakte se pronat dhe ndërmarrjet “Apiko” dhe “Iliria” në Deçan, nga Gjykata Kushtetuese e Kosovës i’u kanë dhënë Manastirit duke u thirrur në ligjet e kohës së masave të dhunshme të kohës së Millosheviçit, pra të vitit 1993 dhe 1997, dhe se ky vendim i kushtetueses është në kundërshtim me nenin 113, paragrafi 7 të Kushtetutës së Republikës së Kosovës.

E themi me bindje të plotë së Gjykata Kushtetuese e Kosovës, me aktgjykim e saj të majit 2016, i’a ka mohuar një të drejtë elementare qytetareve të Deçanit, ndërmarrjeve dhe punëtoreve të tyre, e assesi Manastirit të Deçanit.

Askush në Kosovë, nuk ia ka mohuar Manastirit të Deçanit të drejtat e tij, por sjelljet e kreut të këtij tempulli, kanë bërë që ai të viktimizohet në vazhdimësi. Pra, e themi dhe duhet të thuhet në vazhdimësi se Manastiri i Deçanit është objekti dhe vendi më i sigurt në Kosovë sepse atë dhe zonën përreth tij me një perimetër me kilometra e ruajnë forcat paqeruajtëse të KFOR-it në Kosovë.

Manastiri i Deçanit, nuk rrezikohet nga askush, përveç nga politika e kreut të tij, Igumenit Janjiç.

Bëjmë thirrje për paqe dhe harmoni të ndërsjelltë. Manastiri dhe deçanasit kanë jetuar ndër shekuj në harmoni, dhe duhet të vazhdojnë të jetojnë. Manastiri mbetet objekt i vlefshëm për ne dhe kulturën tonë. E përsërisim prapë, se renditja e organizatës “Europa Nostra”, që i ka bërë Manastirit të Deçanit në vitin 2021, ka qenë dhe mbetet një skandal, i cili nuk përkon me realitetin dhe organizata duhet t` i kërkojë ndjesë Kosovës, thuhet në regimin e Lidhjes së Historianëve “Ali Hadri” në Deçan.

Të theksojmë se një ditë më parë, kanë reaguar nga Manastiri i Deçanit në një postim në faqen e tyre zyrtare në Twitter, duke thënë se shpifjet e një grupi që e quajnë veten historianë dhe sulmet që kanë ndodhur janë treguesit më të mirë që janë të rrezikuar.

Shpifjet e vazhdueshme nga një grup që e quajnë veten “historianë të Deçanit”, krahas 4 sulmeve të armatosura në Manastirin tonë në vitet e kaluara si dhe mohimi i vazhdueshëm i të drejtave tona ligjore të garantuara nga Gjykata dhe ligjet e Kosovës janë treguesit më të mirë se jemi të rrezikuar”, thuhet në postimin e tyre.

Related Topics:
Continue Reading

Bota

Dronët rus godasin Kharkivin, 4 viktima dhe dhjetëra të plagosur

Published

45 minutes ago

on

August 18, 2025

By

Katër persona humbën jetën dhe 17 të tjerë u plagosën nga sulmet ruse me dron në qytetin lindor të Ukrainës, në Kharkiv edhe pas takimit Trump-Putin.

Sulmi vjen disa orë para takimit të paralajmëruar mes presidentit të SHBA Donald Trump dhe presidentit Ukrainas Volodymir Zelenksy në Uashington.

Edhe më herët Kharkiv ishte goditur me raketa balistike duke lënë të plagosur 11 persona.

Continue Reading

Aktualitet

Komuna e Prishtinës refuzon kërkesën ndaj autobusëve të Podujevës

Published

55 minutes ago

on

August 18, 2025

By

Komuna e Prishtinës, në bashkëpunim me Policinë e Kosovës, ka ndaluar kthimin e autobusëve të Podujevës nga Xhamia e Llapit, duke theksuar se kjo nuk do të lejohet si pikë kthimi. Drejtori i Mobilitetit në Komunën e Prishtinës, Donat Lushaku, tha se kërkesa e Shoqatës së autobusëve të Podujevës për ta bërë kthimin në këtë lokacion është e papranueshme për komunën.

Lushaku tha se Shoqata e autobusëve e kishte paralajmëruar grevën para dhjetë ditësh dhe se për këtë kishte pasur një takim të premten me policinë. Ai tha se policia e kishte konfirmuar se greva mund të mbahej si e drejtë ligjore dhe kushtetuese, por pa penguar qarkullimin.

“Shoqata e autobusëve të Podujevës e pat paralajmëruar para 10 ditësh këtë grevë. Ne kemi pasur një takim ditën e premte në polici bashkë me të njëjtit dhe ju kemi dhënë disa propozime për ta zgjidhur situatën. Ndërkohë, policia ju ka konfirmuar atyre madje edhe me vendim me shkrim, siç kemi marrë informacion sot se greva mund të zhvillohet, sepse është e drejtë kushtetuese dhe ligjore. Mirëpo, nuk mund të ketë pengesë në qarkullim të komunikacionit, që nënkupton se sikurse herën e kaluar autobusët nuk mund të qëndrojnë për ta bllokuar ndonjërin nga shiritët, siç ka qenë rasti i mëhershëm te Komuna apo edhe tash siç është bërë bllokimi tek lagja Top Hane”, tha ai.

Ai bëri të ditur se masat e marra nga komuna bashkë me policinë kanë qenë largimi i tabelave të autobusëve dhe shqiptimi i gjobave.

“Masat që i kemi marrë si komunë bashkë me policinë ka qenë largimi i tabelave të atyre autobusëve, pastaj shqiptimi i gjobave nga ana e policisë. Ne e kemi arritur një marrëveshje paraprake me ta që ata të hyjnë në qytet nga Kodra e Trimave, të vazhdojnë tek shkolla Model, tek rruga Zagrebi, të vazhdojnë tek stacioni i autobusëve, të kthehen në këtë rrugëtim, e të njëjtin ta përfundojnë duke shkuar në Podujevë. Por të njëjtit në disa raste nuk e kanë respektuar, madje edhe disa hyrje-dalje në Stacionin e autobusëve nuk i kanë bërë ashtu siç është paraparë, por ka më pak hyrje-dalje se sa që duhej të ishin. Andaj ne shpresojmë dhe jemi edhe për dialog, kuptohet në mirëkuptim me ta me idenë që të vazhdohet kjo formë e marrëveshjes e jo të hyhet në qytet dhe të ketë kthim nga i ashtuquajtura stacioni tek Xhamia e Llapit”, tha ai.

Lushaku tha se komuna është e hapur për dialog me Shoqatën e autobusëve, por vetëm në kuadër të marrëveshjes ekzistuese.

Ai shtoi se një tjetër kërkesë e Shoqatës ka qenë që dy nga linjat e kontraktuara të komunës të mos shkelin në territorin e Podujevës, çështje që duhet të diskutohet mes dy komunave.

 

Continue Reading

Aktualitet

​Publikohet aktgjykimi i plotë i Gjykatës Kushtetuese për Kuvendin

Published

58 minutes ago

on

August 18, 2025

By

Gjykata Kushtuese e Kosovës ka publikuar aktgjykimin e plotë lidhur me bllokadën në Kuvend. Masa e përkohshme është mbajtur në fuqi deri në publikimin e aktgjykimit dhe publikimit të tij në Gazetën Zyrtare.

Aktgjykimi i plotë:

“Gjykata vendosi: TË URDHËROJË, me 6 [gjashtë] vota për dhe 1 [një] kundër, Kryesuesin e Seancës Konstituive të Kuvendit të Republikës së Kosovës të vazhdojë me pikën 3 të rendit të ditës së Seancës Konstituive, të miratuar më 8 prill 2025, dhe në pajtim me paragrafin 2 të nenit 67 [Zgjedhja e Kryetarit dhe Nënkryetarëve] të Kushtetutë së Republikës së Kosovës, të ftojë përfaqësuesin e grupit më të madh parlamentar për të propozuar kandidatin/en për Kryetar/e të Kuvendit të Republikës së Kosovës, i/e cili/cila zgjedhet përmes votimit të hapur, votimi i cili mund të realizohet vetëm deri në 3 (tre) herë për kandidatin/en e njëjtë”, thuhet në aktgjykimin e Kushtetueses të publikuar sot.

Gjykata Kushtetuese tha se deputetët e zgjedhur të Kuvendit të Kosovës nuk e kanë zbatuar Aktgjykimin e 26 qershorit 2025 dhe rrjedhimisht të gjitha seancat e mbajtura nga data 27 qershor deri më 26 korrik 2025 shpallen të pavlefshme.

Gjithashtu, gjykata tha se Kryesuesi i Seancës Konstituive të Kuvendit të Republikës së Kosovës, nuk ka vepruar në pajtueshmëri me Aktgjykimin e Gjykatës Kushtetuese të Republikës së Kosovës në rastin KO124/25, të 26 qershorit 2025 dhe rrjedhimisht veprimet e tij janë në papajtueshmëri me paragrafin 1 të nenit 116 [Efekti Juridik i Vendimeve] të Kushtetutës së Republikës së Kosovës.

Continue Reading

Aktualitet

Krasniqi: PDK do ta dërgojë në Kushtetuese vendimin e ZRRE-së për të mbrojtur bizneset

Published

1 hour ago

on

August 18, 2025

By

Partia e Demokratike e Kosovës (PDK) paralajmëron se gjatë kësaj jave do të dërgon në Gjykatën Kushtetuese vendimin e Zyrës së Rregullatorit për Energji, vendim ky i cili detyron mbi rreth 1 mijë e 400 biznese të dalin në të ashtuquajturin treg të lirë të energjisë.

Kryetari i PDK-së, Memli Krasniqi ka shkruar në Facebook se në konsultim me avokatin Faton Fetahu dhe ekipin e juristëve të PDK-së, kemi konstatuar se tashmë janë përmbushur të gjitha kushtet ligjore që ky vendim i ZRRE-së të ankimohet në Gjykatën Kushtetuese, gjë që do ta bëjmë gjatë kësaj jave.

“Ne do të kërkojmë masë të përkohshme, në mënyrë që ky vendim i dëmshëm të mos zbatohet deri në shqyrtimin përfundimtar të çështjes”, ka shkruar Krasniqi.

Ai ka thënë se që nga fillimi PDK është angazhuar me vendosmëri për ta ndalur ZRRE-në nga zbatimi i vendimit të saj të padrejtë, i cili i detyron mbi 1,300 biznese të dalin në të ashtuquajturin “treg të lirë” të energjisë – në kohën kur vetë ZRRE-ja nuk ka krijuar as kushtet minimale për një gjë të tillë.

“Këtë betejë e nisëm në gjykatat e rregullta, duke përdorur çdo mjet juridik në dispozicion. Por, edhe pse provat ishin të qarta dhe pasojat për ekonominë e vendit evidente, Gjykata Themelore e refuzoi kërkesën tonë, ndërsa Gjykata e Apelit e legjitimoi këtë refuzim, duke i hapur rrugë zbatimit të vendimit të ZRRE-së”, shkruan ai.

Sipas tij, ky nuk është vetëm një proces gjyqësor, por si një betejë për të mbrojtur biznesete e vendit.

“Është një betejë për të mbrojtur bizneset tona, ekonominë e vendit, punëtorët tanë dhe familjet e tyre nga një abuzim i pashembullt i pushtetit, i cili i ka detyruar qytetarët dhe ndërmarrjet të blejnë energji me çmime 280% më të larta – vetëm për të mbushur xhepat e kompanive të licencuara nga qeveria”.

Ai po ashtu ka thënë se PDK do të jetë deri në fund në krah të ndërmarrësve dhe qytetarëve të Kosovës, për ta ndalur këtë padrejtësi të madhe dhe për të mbrojtur interesin publik.

Ndryshe, nëntëdhjetë për qind e bizneseve janë shkyçur më 16 gusht nga furnizimi me energji elektrike, ndërsa pjesa tjetër e mbetur do të shkyçen gjatë ditëve të ardhshme.

Dhoma e Tregtisë dhe Industrisë Kosovë përmes një reagimi ka thënë se procesi ka një mori shkeljesh ligjore dhe procedural, derisa ka apeluar Qeverinë e Kosovës dhe ZRRE-në që të pezullojnë menjëherë zbatimin e vendimit dhe të hapin një proces të rishqyrtimit transparent.

 

Continue Reading

Të kërkuara