Lajmet

​Haxhiu kërkon nga Këshilli Gjyqësor ta publikojë emrin e gjyqtarit që neglizhoi rastin e Dardan Krivaqës

Publikuar

3 vjet më parë

më

Ministrja e Drejtësisë, Albulena Haxhiu i ka bërë thirrje Këshillit Gjyqësor që të publikojë emrin e gjyqtarit i cili neglizhoi rastin e Dardan Krivaqës, emër i njohur për institucionet ligjzbatuese. I njëjti dyshohet se ka vrarë bashkëshorten e tij këtë vikend, ku më pas është arratisur. Policia e Kosovës ka arritur sot ta arrestojë Krivaqën dhe aktualisht është duke u intervistuar në Stacionin Policor.

Të shumtë kanë qenë protestuesit të cilët kanë kërkuar drejtësi pranë policisë, prokurorisë dhe gjykatës në Ferizaj.

Marshit të protestuesve i është bashkuar edhe ministrja e Drejtësisë, Albulena Haxhiu e cila e ka quajtur skandal neglizhencën e trajtimit të rastit nga gjyqësori, ndërkohë që për Dardan Krivaqën kishte aktakuzë që nga viti 2013.

“Për mua ishte skandal që i dyshuari kryesor të ketë aktakuzë të ngritur që nga viti 2013, por seanca për shqyrtim gjyqësor të mos mbahej në lidhje me këtë rast. Për këtë duhet të flas Këshilli Gjyqësor i Kosovës, që të na i bëjnë të qartë se kush ka qenë gjyqtari që e ka neglizhuar një rast të tillë dhe të ndërmerren veprimet për një neglizhencë të tillë. Sot e kemi një grua që ka humbur jetën, ata të cilët nuk kanë vepruar karshi rasteve të tilla pa dyshim që duhet të marrin ndëshkimin e merituar”, ka deklaruar Haxhiu.

Derisa i ka bërë thirrje Këshillit Gjyqësor për publikimin e emrit të gjyqtarit i cili ka neglizhuar këtë rast, megjithatë ka shtuar se nuk duhet të shihet si ndikim.

“Unë i bëjë thirrje Këshillit Gjyqësor të Kosovës që të bëjë të ditur emrin e gjyqtarit. Është jashtëzakonisht e rëndësishme që shoqëria të kuptoj se kush nga personat zyrtar që paguhet nga taksat e qytetarëve nuk e ka bërë punën si duhet dhe pse ka ndodhur një rast ti tillë. Krahas dhimbjes së madhe që kemi pasur për humbjen e Marigonës, kemi një skandal të radhës nga sistemi i drejtësisë ku ka mos veprim karshi rasteve kriminale. Është e çuditshme se si një person që është dyshuar apo ka pasur aktakuzën ndjehet i lirë krahas veprave të tjera që ka qenë i dyshuar dhe nuk është mbajtur shqyrtime gjyqësore”, ka shtuar ajo.

Haxhiu ka shtuar se është përgjegjësi institucionale për ndëshkim të kriminelëve dhe rasteve të dhunës në familje.

M.O, e cila ishte 18 vjeçare është dërguar pa shenja jete në emergjencën e Ferizajt nga bashkëshorti Dardan Krivaqa dhe Arbër Sejdiu. Ky i fundit ishte arrestuar, ndërsa për Krivaqën kishin vazhduar kërkimet deri në mesditën e sotme. 18-vjeçarja do të varroset sot në varrezat e qytetit. 

Etiketa
Vazhdo të lexosh

Lajmet

Parandalohet një rast i kontrabandës me mallra në Gjilan, ndalohet i dyshuari

Publikuar

10 orë më parë

më

2 Korrik, 2024

nga

Policia e Kosovës (PK) njofton se është parandaluar një rast i kontrabandës me mallra në Gjilan, të cilat u gjetën në një veturë që u ndalua për kontroll. Sipas Policisë, vetura kishte targa suedeze dhe u kap në vijën kufitare mes Kosovës dhe Serbisë, raporton “Betimi për Drejtësi”.

“Njësitet policore të kufirit, gjatë realizimit të detyrave të tyre, vëzhgimit të vijës kufitare Republika e Kosovës-Serbi, ka ndaluar për kontroll një veturë targa suedeze. Gjatë kontrollit në automjetin e ndaluar janë gjetur të ngarkuara mallra të ndryshme me pajisje elektronike të përdorura: llaptop, zmadhues të zërimit, shtëpiza kompjuterike, monitorë, radio elektronike, pastaj mall komercial amvisërie (aparat për kafe), motor i motoskafit, një sasi e trotinetëve elektrikë, kositëse e barit me benzinë dhe pajisje e vegla tjera pune”, thuhet në njoftim.

Bëhet e ditur se rasti është duke u trajtuar nga njësitë përkatëse policore nga Drejtoria Rajonale Kufitare Lindje, kurse për personin e dyshuar është caktuar masa e ndalimit policor për 48 orë.

Vazhdo të lexosh

Lajmet

KQZ publikon raportet financiare të subjekteve politike, kaq janë të hyrat dhe shpenzimet e VV-së, PDK-së dhe LDK-së

Publikuar

10 orë më parë

më

2 Korrik, 2024

nga

Komisioni Qendror i Zgjedhjeve (KQZ) ka publikuar të martën raportet e audituara financiare të subjekteve politike për vitin 2023. Sipas KQZ-së, partia më e madhe në vend, Lëvizja Vetëvendosje ka mbi dy milionë euro ose më shumti të hyra për vitin e kaluar krahasuar me partitë tjera. Në LVV-së të hyrat për vitin 2023 kanë qenë 2,000,750 euro, ndërsa shpenzimet 1 milonë e 384 euro.

Partia e dytë më e madhe në vend, Partia Demokratike e Kosovës (PDK) ka pasur të hyra 951 mijë e 483.00 euro më 2023, ndërsa shpenzime 717 mijë e 543 euro.

Lidhja Demokratike e Kosovës (LDK) gjatë vitit 2023 ka pasur të hyra 723 mijë e 169 euro dhe shpenzime 431 mijë e 824 euro.

Aleanca për Ardhmërinë e Kosovës (AAK) ka raportuar të hyra 280 mijë euro dhe shpenzime 268 mijë e 16 euro gjatë vitit 2023.

Ndërsa subjekti politik Lista Serbe ka pasur 314 mijë e 348 euro të hyra, kurse shpenzime 295 mijë e 917 euro.

Vazhdo të lexosh

Lajmet

Kryeministri hungarez në Ukrainë, vizita e parë e aleatit kryesor të Rusisë në BE që nga fillimi i luftës

Publikuar

10 orë më parë

më

2 Korrik, 2024

nga

Gjatë vizitës së tij të parë në Ukrainën fqinje që nga pushtimi i plotë i Rusisë, kryeministri hungarez Viktor Orban i tha presidentit Volodymyr Zelensky të martën se lufta në vazhdim ishte “çështja më e rëndësishme për Evropën”.

I njohur si aleati më i afërt i presidentit rus Vladimir Putin në Bashkimin Evropian, vizita e Orbanit ishte një gjest i rrallë në një marrëdhënie të trazuar midis dy vendeve pasi Budapesti ka thyer vazhdimisht rangjet me pjesën tjetër të Bashkimit Evropian dhe ka anuar drejt Moskës, shkruan AP.

Kryeministri hungarez ka bllokuar, vonuar ose zbutur në mënyrë rutinore përpjekjet e BE-së për të zgjeruar ndihmën ndaj Ukrainës dhe për të sanksionuar Moskën për luftën e saj, duke irrituar si Zelenskyy-n ashtu edhe liderët e tjerë të BE-së.

Vazhdo të lexosh

Lajmet

Autoritetet turke arrestojnë qindra persona pas protestave anti-siriane

Publikuar

10 orë më parë

më

2 Korrik, 2024

nga

Autoritetet turke thanë të martën se kanë arrestuar mbi 470 persona pas protestave anti-siriane në disa qytete të shkaktuara pas akuzave se një burrë sirian ka ngacmuar një fëmijë.

Tensionet u përshkallëzuan nga e diela pas dhunës në një qytet qendror të Anadollit, pasi një turmë shkoi në tërbim, duke dëmtuar bizneset dhe pronat që i përkisnin sirianëve.

“474 persona u arrestuan pas veprimeve provokuese të kryera kundër sirianëve në Turqi”, tha Ministri i Brendshëm, Ali Yerlikaya në “X”.

Burrat protestuan në biznese dhe prona siriane në Kayseri të dielën./UBTNews/

Vazhdo të lexosh

Të kërkuara