Aktualitet

​Haradinaj kërkon nga Qeveria Kurti miratimin e Ligjit për Paga

Published

on

Kryetari i Aleancës për Ardhmërinë e Kosovës (AAK), Ramush Haradinaj ka kërkuar nga qeveria Kurti amendamentimin e Ligjit për Paga.

Përmes një konference për medie, Haradinaj tha se procedimi tutje i këtyre ndryshimeve në qeveri është i nevojshëm, pasi i kthehet dinjiteti mjekëve, policëve dhe gjithë zyrtarëve publikë.

“Ligji i Pagave është një ligj me të cilin është punuar mbi 10 vjet. Për me u arrit deri te ky ligj është dashur punë mjaft voluminoze. Kërkojmë prej Qeverisë që ta kthen procedurën në Qeveri, ta amendamentojë e ta kthejë në Kuvend që t’i japim përkrahje për këtë ligj”, deklaroi Haradinaj.

Mbështetje Qeverisë Kurti për këtë temë i premtoi edhe shefi i grupit parlamentar të AAK-së, Besnik Tahiri, por i paraqiti disa nga kërkesat e tyre.

“Ajo që ne kërkojmë dhe sugjerojmë qeverisë është që të vazhdojë rregullimin e pagave të këtij ligji në një listë të koeficienteve të zbuluar, pra mos t’i mbyllim koeficienteve, për shkak se kjo do të ulte transparencën. E dyta, kërkojmë që në programin e tyre qeveritar, njëkohësisht planifikimit buxhetor të inkorporohet buxhetimi i këtij ligji. E treta, ato amendamente që sugjerohen me vendimin e Gjykatës Kushtetuese e që janë janë relativisht të sakta, të inkorporohen në ligj dhe të vijë në Kuvend. Me këto amendamente, qeveria do të ketë mbështetjen e grupit parlamentar të AAK-së”, u shpreh ai.

Ndërsa, anëtari i kryesisë së AAK-së, Fatmir Gashi tha se miratimi i këtij projektligji nuk do të paraqiste problem në stabilitetin makro-fiskal.

“Ligji nuk kishte me pas asnjë problem në stabilitetin makro-fiskal, as në politikën fiskale dhe as në deficitin buxhetor nuk do të kishte pasur ndikim”, tha ai.

Gjykata Kushtetuese në vitin 2019 ka shfuqizuar Ligjin për Pagat, pasi sipas tyre i njëjti në tërësinë e tij nuk është në përputhshmëri me Kushtetutën.

Bota

Elon Musk largohet nga administrata Trump

Published

on

By

Elon Musk po largohet nga roli i tij qeveritar si këshilltar i lartë i presidentit Donald Trump, pasi udhëhoqi përpjekjet për të reduktuar dhe reformuar burokracinë federale, raporton AP.

Largimi i tij, i njoftuar të mërkurën në mbrëmje, shënon fundin e një kapitulli që përfshiu mijëra largime nga puna, shuarjen e agjencive qeveritare dhe një sërë padish.

Ai uli ndjeshëm objektivin për shkurtime në shpenzime — fillimisht nga 2 trilionë dollarë në 1 trilion, e më pas në 150 miliardë dollarë. Herë pas here, ai përplasej me zyrtarë të tjerë të administratës Trump, të cilët e konsideronin të padëshiruar përpjekjen e tij për të ndryshuar strukturat e departamenteve të tyre.

Roli i Muskut në administratë ishte që në fillim i përkohshëm, dhe ai së fundi kishte dhënë sinjale se do të rikthehej te drejtimi i bizneseve të tij, si prodhuesi i makinave elektrike Tesla dhe kompania hapësinore SpaceX.

Megjithatë, zyrtarët e administratës nuk kishin qenë të qartë për momentin e saktë kur Musk do të largohej nga drejtimi i Departamentit për Efikasitet Qeveritar, i njohur si DOGE. Ai e njoftoi papritur largimin me një postim në rrjetin e tij social, X.

Me përfundimin e afatit tim të planifikuar si Punonjës i Posaçëm i Qeverisë, dua ta falënderoj presidentin [Trump] për mundësinë që më dha për të reduktuar shpenzimet e kota”, shkroi ai. “Misioni i [DOGE] do të forcohet gjithnjë e më shumë, duke u bërë pjesë e kulturës institucionale në të gjithë qeverinë”.

Njoftimi vjen një ditë pasi CBS publikoi pjesë të një interviste në të cilën Musk kritikonte ligjin kryesor të agjendës së Trumpit, duke thënë se ishte “i zhgënjyer” me atë që presidenti e quante “projektligji i madh e i bukur”.

Ligji përfshin një kombinim të uljes së taksave dhe forcimit të kontrollit të emigracionit. Musk e quajti atë “projektligj shpenzimesh masive”, që rrit deficitin federal dhe “minon punën” e Departamentit të tij për Efikasitet.

Trump, duke folur nga Zyra Ovale të mërkurën, e mbrojti agjendën e tij, duke theksuar politikën delikate të negociatave legjislative.

Nuk jam i kënaqur me disa pjesë, por jam i entuziazmuar me të tjera”, tha ai, duke shtuar se “do të shohim si do të shkojë – ka ende rrugë përpara”.

Projektligji kaloi në Dhomën e Përfaqësuesve dhe po shqyrtohet në Senat.

Mandati 130-ditor i Elon Muskut si punonjës i posaçëm i qeverisë në administratën Trump pritej të përfundonte rreth datës 30 maj.

Administrata ka deklaruar se përpjekjet e DOGE-s për të ristrukturuar dhe zvogëluar qeverinë federale do të vazhdojnë./REL/

Continue Reading

Bota

Evakuime masive për shkak të zjarrit në Kanada: Më shumë se 17,000 njerëz largohen

Published

on

By

Provinca perëndimore kanadeze e Manitobës ka shpallur gjendje të jashtëzakonshme për shkak të zjarreve të mëdha dhe më shumë se 17,000 njerëzve u është urdhëruar të evakuohen, thanë autoritetet.

Kryeministri i Manitobës, Wab Keenu, tha se ky ishte evakuimi më i madh në historinë moderne të provincës dhe se kërkoi ndihmën e autoriteteve federale dhe ushtrisë kanadeze për zhvendosjen e popullsisë dhe shuarjen e zjarrit, shkruan Guardian.

Për herë të parë, kemi zjarre në të gjitha rajonet. Është një shenjë e ndryshimeve klimatike ndaj të cilave do të duhet të përshtatemi”, paralajmëroi kryeministri.

Situata më kritike është në qytetin e vogël të Flin Flon, ku 5,000 banorë janë thirrur për t’u përgatitur për evakuim emergjent për shkak të afrimit të një zjarri të madh.

Flakët arritën një lartësi prej më shumë se 35 metrash në disa pjesë të zonës, dhe për shkak të tymit të dendur dhe përhapjes së shpejtë të zjarrit, zjarrfikësve iu bë e vështirë ta shuanin atë.

Evakuimet përfshinë edhe komunitete indigjene të largëta, dhe numri më i madh i personave të zhvendosur do të strehohen në kryeqytetin provincial, Winnipeg.

Aktualisht ka 22 zjarre aktive në provincë, ndërsa 134 janë regjistruar në të gjithë Kanadanë, gjysma e të cilave janë jashtë kontrollit.

Continue Reading

Aktualitet

Valë e të nxehtit ekstrem godet Spanjën

Published

on

Continue Reading

Aktualitet

Estonia nis revolucionin digjital në shkolla: Inteligjenca Artificiale, pjesë e çdo klase

Published

on

Përderisa shumë vende në Evropë e kanë ndaluar përdorimin e “smartphone”-ve në shkolla, Estonia e konsideruar fuqia e re arsimore e Evropës – është duke udhëzuar nxënësit të përdorin pajisjet në klasë, ndërsa që nga shtatori do marrin llogaritë personale të Inteligjencës Artificiale.

Estonia po nis iniciativë kombëtare AI Leap, që do t’i pajisë nxënësit dhe mësuesit me “mjete dhe aftësi botërore në fushën e inteligjencës artificiale”.

U bë e ditur se po negociohen licenca me OpenAI, që do shndërrojë Estoninë në laborator eksperimental për përdorimin e Inteligjencës Artificale në shkolla.

Qëllimi është të ofrohet qasje falas në mjetet më të avancuara të të mësuarit me IA për 58,000 nxënës e 5,000 mësues deri më 2027, duke filluar me 16- dhe 17-vjeçarët këtë shtator. Sipas zyrtarëve, mësuesit do trajnohen në teknologji, duke vënë prioritet barazinë arsimore dhe aftësitë për përdorimin e IA-së. Ata kanë thënë se kjo do ta bëjë Estoninë “një nga kombet më të mençura në përdorimin e IA-së.”

Ministrja estoneze e arsimit, Kristina Kallas, gjatë një vizite në Londër  ëshë shprehur me fjalët: “E di se shumica e vendeve evropiane janë skeptike dhe të kujdesshme ndaj ekraneve, telefonave mobilë dhe teknologjisë. Por në rastin e Estonisë, shoqëria në përgjithësi është shumë më e hapur dhe e prirë për të përdorur mjete dhe shërbime dixhitale. Mësuesit nuk bëjnë përjashtim.”

Continue Reading

Të kërkuara