Lajmet

Haradinaj kërkon miratimin e Ligjit për paga, SBAShK-u paralajmëron protesta

Haradinaj këto komente i bëri në tryezën e organizuar nga AAK.

Published

3 years ago

November 22, 2021

Betim Gashi

Kryetari i AAK-së, Ramush Haradinaj ka kërkuar me urgjencë miratimin e Ligjit për pagat, i cili theksoi se institucionet po rrezikojnë sektorin publik.

Haradinaj këto komente i bëri në tryezën me temë “Pagat në sektorin publik, statusi aktual i projektligjit dhe urgjenca e procedimit të tij” organizuar nga Grupi Parlamentar i AAK-së.

Derisa për mosmiratimin e këtij ligji, SBASHK-u ka planifikuar që në dhjetor dhe janar do të mbajnë protesta dhe greva.

Ish-kryeministri Haradinaj tha po ashtu se Ligji për paga krijon bazë të qëndrueshme, dhe sipas tij ka një kosto vjetore 140 milionë euro.

“Për të mundësuar krijimin e një rregulli më të madh dhe një status të garantuar, mendojmë se duhet t’i paraprijë Ligji i pagave. Për këtë ligj mbi një dekadë kanë ndodhur diskutimet e debatet. Kështu, si i tillë ky ligj krijon një bazë të qëndrueshme për ecje më tutje. Ligji nuk sjell pasoja, përkundrazi edhe ata që ndihen të pa trajtuar sa duhet me ligj, kanë mundësi të kërkojnë ndryshim. Ndërsa, nëse do të fuqizohej ligji tash në këtë vjeshtë, do ta obligonte qeverinë që ta parash në planifikimin buxhetor për vitin që vjen. Kostoja e Ligjit për një vit është deri 140 milionë euro, që i bie diku 13 milionë euro në muaj. Pse është kjo kosto? Këtu hyjnë rritjet dhe shtesat pastaj. Nëse ne nuk e fuqizojmë këtë ligj tash, ne jemi duke e rrezikuar krejt sektorin publik në Kosovë”, theksoi Haradinaj.

Kryetari i SBASHK-ut, Rrahman Jashari, ka theksuar se dhjetori dhe janari do ta gjejë vendin me protesta e greva në sistemin arsimor. Ai tha se SBASHK-u është në një situatë të pakëndshme dhe ka kërkuar nga shoqëria civile që mos t’i drejtojnë shigjetat nga sindikatat për veprime sindikale.

“Se jemi në hall të madh, dhe pa dashjen tonë, kam fikë se do të kthehet edhe arsimi dhe shëndetësia në një situatë tepër të pakëndshme, të cilën nuk e duam. Qeveria Kurti ka muaj që ka ardhur, por asnjëherë nuk i ka hapur dyert e dialogut. SBASHK-u mund ta kuptojë pak kryeministrin Kurti se ndoshta ka detyra të tjera, por s’ka mundësi të kuptojë ministrin Murati i cili ka harruar se është edhe ministër i Punës dhe Mirëqenies Sociale. Ne jemi në presion më të madh të anëtarësisë, ata po kërkojnë çfarë (po ndodh) me Ligjin e pagave… Mos i drejtoni shigjetat nga ne, nëse nuk ka përgjigje nga Qeveria, deshëm apo ajo do të gjendemi në greva e protesta. Më 4 dhjetor veç do të fillojmë me protesta, më 18 me të tjera, dhe janari do të jetë me grevë. Nuk e dëshirojmë këtë, por si duket Qeveria Kurti po na orienton drejt kësaj situate të keqe”, theksoi Jashari.

Kryetari i Federatës së Sindikatave të Shëndetësisë, Blerim Syla theksoi se Qeveria nuk ka vullnet për miratimin e Ligjit të pagave.

“Me pas qenë vullneti i qeverisë kjo çështje brenda javës ishte kryer dhe kishte dalë në debat publik. Pra nuk është vullneti. Të vetmen letër që kemi marrë nga një zyrtare anonime, e cila ka thënë se po punon një grup brenda ministrisë së Administratës Publike dhe kaq, më tepër nuk ka”, tha ai.

Edhe kryetari i Sindikatës së Shërbimit Civil të Kosovës Mursel Zymberi, tha se është shqetësuese se si qeveria e cila thirret si e majtë nuk pranon dialog social.

“Ajo çka është shqetësuese është se qeveria i ka mbyllur dyert për komunikim me sindikata. Edhe më shqetësuese është kjo të ndodhë nga një qeveri e cila thirret si e majtë dhe nuk pranon dialogun social”, u shpreh Zymberi.

Derisa kryetari Grupit parlamentar të AAK-së, Besnik Tahiri tha se ka një terr informativ nga qeveria në raport me Ligjin për pagat.

“Këtu ka një bllokadë totale, shtet-sindikatë. Po ashtu ka një terr informativ në raport me një punë që qenka duke ndodhur, por unë dyshoj që është duke ndodhur. Sepse për këtë ligj me detaje e di se qysh punohet”, theksoi Tahiri.

Ministri i Financave, Punës dhe Transfereve, Hekuran Murati javën e kaluar ka thënë se nëse miratohet Ligji për pagat atëherë do të gjejnë mjete për mbulimin e kostove.

Bota

Ish-udhëheqësi i Hezbollah do të varroset të dielën

Published

2 days ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

2 days ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.