Lajmet

​Hapet shkolla diplomatike, Kurti: Stabiliteti në rajon parim i politikës së Kosovës

Published

on

Kryeministri i Kosovës, Albin Kurti deklaroi sot se bashkëpunimi dhe marrëdhëniet e mira fqinjësore, paqja e qëndrueshme dhe stabiliteti afatgjatë në rajon dhe më tej, janë parimet e politikës së jashtme të Kosovës.

Kurti gjatë fjalës së tij me rastin e hapjes së edicionit të 7-të të Shkollës Diplomatike, e cila mbledh diplomatë nga e gjithë bota, tha se beson që nëpërmjet kontakteve formale dhe joformale mes diplomatëve, mund të arrihet një bashkëpunim më i avancuar dhe mirëkuptim mes vendeve dhe qeverive.

Me besimin se nëpërmjet kontakteve formale dhe joformale në mes diplomatëve tonë, do të mund të arrihet një bashkëpunim më i avancuar dhe mirëkuptim në mes vendeve dhe qeverive tona, kryeministri Kurti i uroi edhe një herë mirëseardhje të pranishmëve në Kosovë dhe punë të mbarë gjatë qëndrimit të tyre në vend.

“Ndërsa Kosova rritet si shtet, ne vazhdimisht përpiqemi të shërbejmë si një model për botën si një vend, ku komunitetet dhe kulturat e ndryshme jetojnë në paqe, pavarësisht një të kaluare me luftëra dhe gjakderdhje. Për më tepër, ne jemi të gatshëm dhe të përkushtuar të vazhdojmë të kontribuojmë në stabilitetin afatgjatë të rajonit dhe më gjerë, ne do të vazhdojmë të zgjerojmë bashkëpunimin tonë të sigurisë me BE-në, SHBA-në, dhe partnerët e tjerë. Politika jonë e jashtme bazohet në parimet e bashkëpunimit dhe marrëdhënieve të mira fqinjësore. Paqe e qëndrueshme dhe stabilitet afatgjatë me vendet e rajonit dhe më gjerë. Kjo bëhet edhe më e vërtetë kur çështjet janë të vështira”, tha ai.

I pari i ekzekutivit tha se përmes shkëmbimeve të tilla të përvojave dhe njohurive mes diplomatëve, avancohet bashkëpunimi dhe mirëkuptimi mes vendeve.

“Ne besojmë fuqimisht se përmes kontakteve të tilla formale dhe joformale midis diplomatëve, të cilat janë thirrja e tyre. Ne do të jemi në gjendje të avancojmë bashkëpunimin dhe mirëkuptimin midis vendeve tona. Ne duhet të ndajmë përvojat me njëri -tjetrin dhe të mësojmë nga njëri -tjetri. Kështu që në shumë fusha, ne mund të punojmë dhe bashkëpunojmë, edhe më ngushtë në vitet që vijnë”, tha ai.

Ministrja e Punëve të Jashtme, Donika Gërvalla duke u uruar mirëseardhje diplomatëve që kishin ardhur në Kosovë për Shkollën Diplomatike, tha se shteti i Kosovës është mbështetësi më i madh i BE-së dhe NATO-s.

Duke promovuar vlerat dhe veçoritë e vendit, Gërvalla para pjesëmarrësve tha se Kosova është një vend i vogël, por shumë i veçantë. Teksa foli edhe për aspiratat dhe angazhimin e Kosovës për integrim në strukturat euro-atlantike.

“Asnjë vend në regjion apo në Evropë, nuk është kaq mbështetës ndaj BE-së dhe NATO-s. Në anketimet e fundit, mbështetja ndaj strukturave ndërkombëtare është mbi 90%, kjo është e veçantë, dhe kjo e përfaqëson vullnetin e popullit tonë dhe strategjinë e qeverisë sonë… Jemi duke bashkëpunuar me shumë partnerë të tjerë anë e mbanë botës për të thelluar bashkëpunimin tonë. Ne kemi vendosur raporte zyrtare me mbi 100 shtete dhe shpresojmë që këtë ta bëjmë edhe shtete të tjera. Vendi ynë është duke promovuar raporte të mira me vendet fqinjësore, madje nganjëherë duket edhe më shumë se fqinjësore. Politika jonë e jashtme synon të promovojë bashkëpunimin ekonomik në mes Republikës së Kosovës dhe vendet partnere, dhe investitorët e huaj”, tha Gërvalla.

Drejtori i fondacionit Friedrich-Ebert-Stiftung, Rene Schlee, u shpreh krenar sa i përket bashkëpunimit me akademinë diplomatike, duke theksuar se kjo është hera e shtatë e bashkëpunimit me Ministrinë e Punëve të jashtme dhe akademinë diplomatike.

Drejtori po ashtu përmendi kohën e vështirë në të cilët tani gjendet bota për shkak të pandemisë, duke theksuar se nuk tejkalohet kjo situatë e shkaktuar nga COVID-19 pa bashkëpunim regjional dhe ndërkombëtar, pavarësisht dallimeve.

Edicioni i 7-të të Shkollës Diplomatike, organizohet nga Akademia Diplomatike e Kosovës, Ministrja e Punëve të Jashtme dhe Diasporës dhe Fondacioni “Friedrich Ebert Stiftung”.

Lajmet

​Drita debuton sot në fazën e grupeve të Ligës së Konferencës

Published

on

Në historinë e futbollit kosovar po hapet një faqe e re ku FC Drita  për herë të parë merr pjesë në fazën e grupeve të Ligës së Konferencës.

Skuadra gjilanase e nis aventurën e saj evropiane në Finlandë, ku do të përballet me KuPS-in vendas në Tampere.

Takimi zhvillohet nga ora 18:45 dhe pritet me interes të madh.

Trajneri i Dritës, Zekirija Ramadani para duelit ndaj KuPs thotë se do të jetë vështirë, por duan fitore.

“Do të jetë ndeshje e vështirë, pasi të dy ekipet jemi debutues dhe të dy ekipet e duam fitoren. Duhet të jemi të kujdesshëm, të mbrohemi mirë dhe të sulmojmë me më pak lojtarë, pasi e rëndësishme është të mos pranojmë gol, ” tha Ramadani.

KuPS shihet si favorit në letër, por Drita synon ta sfidojë këtë epërsi dhe të befasojë me rezultat pozitiv në ndeshjen e parë të grupit./S.K/UBTNews/

Continue Reading

Lajmet

Gjykata Supreme shpall të paligjshme Rregulloren për Organizimin e Brendshëm të Punës të Agjencisë së Kosovës për Produkte dhe Pajisje Medicinale

Published

on

By

Gjykata Supreme ka njoftuar se është shpallur e paligjshme dhe është shfuqizuar rregullorja për Organizimin e Brendshëm dhe Sistematizimin e Vendeve të Punës të Agjencisë së Kosovës për Produkte dhe Pajisje Medicinale.

Në njoftimin e Gjykatës Supreme thuhet se pjesa tjetër e kërkesëpadisë së paditësve është refuzuar me të cilën kanë kërkuar që të detyrohet e paditura: Agjencia e Kosovës për Produkte dhe Pajisje Medicinale (AKPPM), me seli në Prishtinë, që të nxjerrë aktin nënligjor normativ në përputhje me dispozitat ligjore.

“Gjykata Supreme e Kosovës në çështjen juridike në konfliktin administrativ sipas padisë së paditësve: L.F., A.V., A.L.Z., Xh.I., P.Gj., L.B., H.S., M.R., A.I., S.T., të cilët i përfaqëson Ardian Bajraktari, avokat, sipas autorizimit, kundër të paditurës: Zyra e Kryeministrit dhe Agjencia e Kosovës për Produkte dhe Pajisje Medicinale (AKPPM), përfaqësuar nga Ministria e Drejtësisë – Avokatura Shtetërore, avokat Bedri Krasniqi, me bazë juridike: shfuqizimin e aktit nënligjor normativ – Rregulloren (ZKM) Nr.04/2025 për Organizimin e Brendshëm dhe Sistematizimin e Vendeve të Punës të Agjencisë së Kosovës për Produkte dhe Pajisje Medicinale, me kërkesë për caktimin e masës së posaçme/përkohshme të sigurimit, në shqyrtimin gjyqësor publik, të mbajtur në praninë e palëve ndërgjyqëse, më datë 22 shtator ka aprovuar pjesërisht të bazuar kërkesëpadinë e paditësve në fjalë”.

Po ashtu, është refuzuar kërkesa për caktimin e masës së përkohshme të sigurimit, me të cilën paditësit kanë kërkuar ndalimin e prodhimit të pasojave juridike të Rregullores, deri në vendosjen meritore sipas kërkesëpadisë”, thuhet tutje në njoftim./D.B/EO

Continue Reading

Lajmet

Trajneri Flick: PSG e meritoi fitoren ndaj Barcelonës

Published

on

Trajneri i Barcelonës, Hansi Flick, e pranoi se Paris Saint-Germain ishte fitues i merituar në ndeshjen e Ligës së Kampionëve kundër katalunasve që u mundën në rezultat 2-1, në Montjuic.

Barcelona kaloi në epërsi me Ferran Torres në minutën e 19-të, por PSG barazoi me 19-vjeçarin Senny Mayulu, ndërsa Gonçalo Ramos shënoi golin e fitores në minutën e 90-të.

“Pas 35 minutash, PSG mori kontrollin e ndeshjes. Nuk luajtëm në nivelin tonë më të mirë dhe ata e merituan fitoren,” tha Flick pas ndeshjes.

Ai foli edhe më tej duke shtuar se lodhja ndikoi në paraqitjen e skuadrës së tij në pjesën e dytë. Madje, Flick pranoi se Barcelona humbi strukturën në lojë dhe u dënua nga gabimet në mbrojtje, por lavdëroi performancën e mbrojtësit Eric Garcia.

“Duhet të mësojmë nga këto ndeshje dhe të përmirësohemi. Në Ligën e Kampionëve duhet të mbrosh dhe të sulmosh me intensitet për 90 minuta,” theksoi ai.

Barcelona tani do të kërkojë rikthimin në sfidën e radhës ndaj Olympiacos, ndërsa PSG përballet me Bayer Leverkusen./S.K/KP/

Continue Reading

Lajmet

Sot përfundon afati për regjistrimin dhe evidentimin e votuesve në hospitalizim dhe të burgosurit

Published

on

By

Komisioni Qendror i Zgjedhjeve (KQZ) njofton se është duke vazhduar periudha për regjistrimin dhe evidentimn e votuesve me nevoja të veçanta për votim në Zgjedhjet Lokale për Kryetarë të Komunave dhe për Kuvende Komunale, të cilët nuk mund të shkojnë në vendvotimin e tyre në ditën e zgjedhjeve.

Sipas KQZ-së, për të mundësuar votimin e personave me nevoja të veçanta, që do të regjistrohen gjatë kësaj periudhe, KQZ do të angazhojë ekipe mobile në çdo komunë të Republikës së Kosovës, në ditën e zgjedhjeve, më 12 tetor 2025, të cilët do të shkojnë në adresat e caktuara të votuesve të regjistruar.

Votues në institucione konsiderohen votuesit me zotësi juridike, me lëvizje të kufizuar në ndonjë institucion: votuesit në hospitalizim, njerëzit e moshuar në shtëpitë e caktuara për të moshuarit, personat në trajtim në institucionet e shëndetit mendor, të burgosurit në burgje dhe të paraburgosurit në qendrat e paraburgimit”, thuhet në njoftim.

KQZ në bashkëpunim me institucione relevante bën evidentimin e këtyre votuesve.

Votuesit me lëvizje të kufiziuar në institucione dhe të evidentuar prej tyre konsiderohen si votues të regjistruar, ndërkaq votuesit që ndodhen në institucione të hospitalizimit, shtëpitë e të moshuarëve dhe strehimoret për mbrojtjen e viktimave, mund të regjistrohen edhe individulisht përmes platformës elektornike”, thuhet në njoftim.

Sipas KQZ-së, votues me nevoja të veçanta, konsiderohen votuesit me zotësi juridike që nuk mund të dalin nga shtëpitë e tyre për të votuar personalisht në vendvotim, për shkak të paaftësisë fizike, shëndetësore ose çfarëdo paaftësie tjetër.

Regjistrimi i këtyre votuesve mund të bëhet përmes platformës elektronike ose fizikisht në Komisionin Komunal të Zgjedhjeve në komunën ku është votuesi.

Ndërkaq, votues në rrethana të veçanta konsiderohen votuesit që për shkaqe sigurie dhe votusit që janë në arrest shtëpiak nuk mund të votojnë në vendovitimin e tyre të caktuar.

Regjistrimi i votuesve që për shkaqe sigurie nuk mund të votojnë në vendvotim bëhet përmes platfomës elektronike të KQZ-së si dhe duke kërkuar asistimin e Komisionit Komunal të Zgjedhjeve në komunën ku është votuesi, ndërkaq, KQZ në bashkëpunim me institucionet përkatëse bën evidentimin e qytetarëve me të drejtë vote që ndodhen nën masën e arrestit shtëpiak”, thuhet në njoftim.

Zgjedhjet lokale do të mbahen më 12 tetor./D.B/KP

Continue Reading

Të kërkuara