

Lajmet
Hapet Instituti për Trajtimin e Personave me Nevoja të Veçanta në Dubravë
Muralet e këtij pavijoni janë ngjyrosur nga dora e vet të burgosurve.
Published
2 years agoon
By
Betim GashiPavijoni D në Dubravë është shndërruar në Institut për Trajtimin e Personave me Nevoja të Veçanta. Muralet e këtij pavijoni janë ngjyrosur nga dora e vet të burgosurve, në të cilin do të trajtohen 80 persona me probleme mendore, përdorues të substancave narkotike dhe personave të shtyrë në moshë.
Ministrja e Drejtësisë, Albulena Haxhiu tha se është hera e parë që po bëhet një institucion i tillë në kuadër të qendrave korrektuese.
“Prej momentit kur kam marrë detyrën si ministre e Drejtësisë ka qenë trajtimi i të burgosurve, ka qenë pikërisht mungesa e një institucioni të veçantë profesional, me staf shëndetësor e korrektues ku do të trajtohen këta persona. Për shkak të kësaj jo rrallë herë kemi pasur situata të tentimit të vetëvrasjes në institucionet korrektuese dhe kjo në masë të madhe na ka shtyrë që të punojmë seriozisht për inaugurimin e këtij institucioni. Qeveria e Kosovës në momentin kur ka parë që ka pasur plane ideore për ta adresuar këtë institucion, ndonëse këto kanë qenë nga viti 2014 por asnjëherë qeveritë e kaluara nuk e kanë trajtuar me seriozitet, por ne kemi marrë përsipër që t’i adresojmë të gjitha nevojat të cilat kanë qenë për inaugurimin e këtij institucioni. Qeveria e Kosovës ka mbështetur deri në rreth gjysmë milioni euro për investimet këto”, ka thënë Haxhiu.
Derisa ka folur për kapacitetet, Haxhiu shtoi se nevojat janë edhe më të mëdha bazuar në numrin e të burgosurve.
“Ky institucion do të ketë deri në 81 persona ku do të marrin shërbimet. Sigurisht që nevojat janë edhe më të mëdha, bazuar në statistikat që i kemi të të burgosurve në institucionet korrektuese, por unë mendoj që është një fillim i mbarë dhe është një vëmendje që shteti e kthen tek personat që kanë nevojë dhe që duhet të trajtohen pavarësisht që janë të dënuar në institucionet korrektuese, me vendime të gjykatave”, ka shtuar ajo.
Zëvendësuesi i zëvendësdrejtorit të Shërbimit Korrektues të Kosovës, Ismail Dibrani tha se themelimi i këtij instituti ishte paraparë me ligj qysh në vitin 2014.
“Në këtë institucion janë financuar afër 500 mijë euro. Kryesisht do të vendosen personat me nevoja të veçanta, përfshirë personat të cilat kanë probleme mendore, rastet të cilët janë përdorues të drogave, po ashtu edhe personat e shtyrë në moshë të cilët kanë problem me ecjen, shikim, dëgjim. Më në fund po trajtohet dinjitetshëm një prej kategorive më të ndjeshme të shoqërisë sonë”, tha Dibrani.
Dibrani theksoi se nga sot do të fillojë vendosja graduale e personave, ku vetëm në pavijonin D janë kapacitet për 60 persona. Ndërkaq 20 të tjerë do të vendosen në pavijonin 7, i cili do të jetë aneks i këtij instituti.
“Po ashtu janë punësuar afër 50 persona, por natyrisht që këtu do të punojnë stafi tjetër me përvojë. Për fillimin e punës këtu ne kemi realizuar vizita studimore ku kemi marrë praktikat më të mira të Shteteve të Bashkuara të Amerikës dhe shteteve të Evropës. Ky do të jetë shembull, model në Evropën Juglindore”, shtoi ai.
Instituti për Trajtimin e Personave me Nevoja të Veçanta është mbështetur edhe nga Ambasada e Shteteve të Bashkuara të Amerikës. Ndërsa në ceremoninë hapëse i pranishëm ishte edhe ambasadori amerikan, Jeff Hovenier.
Bota
Trump shkarkon guvernatoren e Rezervës Federale, Cook : S’kam ndërmend të dorëhiqem
Published
36 minutes agoon
August 26, 2025By
UBT News
Presidenti Donald Trump deklaroi se ka shkarkuar guvernatoren e Rezervës Federale (Fed), Lisa Cook, një veprim historik, pasi është hera e parë në 111 vite që një president shkarkon një anëtar të bordit të bankës qendrore amerikane.
Lëvizja shënon një përshkallëzim të ndjeshëm të tensioneve midis Trump dhe Fed-it, të cilin ai e ka kritikuar shpesh për mosuljen e mjaftueshme të normave të interesit.
Cook është përballur kohët e fundit me akuza për mashtrim hipotekor, të ngritura fillimisht nga drejtori i agjencisë federale të strehimit, Bill Pulte. Departamenti i Drejtësisë ka njoftuar se do të hetojë pretendimet, por ajo nuk është akuzuar për asnjë shkelje deri më tani.
Në një deklaratë të publikuar nga avokatët e saj, Cook reagoi:“Presidenti Trump ka pretenduar se më shkarkon ‘me shkak’, ndërkohë që nuk ekziston asnjë shkak ligjor për këtë, dhe ai nuk ka autoritetin për të më shkarkuar. Nuk do të jap dorëheqjen. Do të vazhdoj të ushtroj detyrat e mia për të ndihmuar ekonominë amerikane, siç kam bërë që prej vitit 2022.”
Rezerva Federale nuk ka komentuar mbi zhvillimet. Ende nuk është e qartë nëse presidenti ka autoritetin ligjor për ta shkarkuar Cook. Ligji lejon shkarkimin vetëm “me shkak”, por nuk përkufizon qartë se çfarë përbën një “shkak”.
Në letrën e tij drejtuar Cook, Trump shkruan: “Kam vendosur që ka arsye të mjaftueshme për t’ju larguar nga pozicioni.”
Ai shton se veprimet e saj tregojnë pakujdesi të rëndë financiare dhe e vënë në dyshim integritetin e saj.
Sipas një hetimi të CNN, Cook kishte marrë dy kredi për prona të ndryshme, të dyja të deklaruara si banesa kryesore, por nuk dihet nëse kjo ishte bërë me qëllim apo jo.
Cook, e emëruar në vitin 2022 nga Presidenti Joe Biden, është gruaja e parë me ngjyrë që ka shërbyer ndonjëherë si guvernatore në bordin e Fed-it.
Sipas avokatit të saj, Abbe David Lowell, do të ndërmerren të gjitha veprimet e nevojshme për të ndaluar këtë veprim të paligjshëm të presidentit..
Aktualitet
Vdes ish-luftëtari i UÇK-së, Jahir Krasniqi
Published
40 minutes agoon
August 26, 2025By
UBT News
Ka vdekur Jahir Krasniqi, ish-luftëtar i Ushtrisë Çlirimtare të Kosovës. Lajmi është bërë i ditur përmes një njoftimi nga kryetari i OVL-UÇK-së në Prizren, Isa Berisha.
“Me dhimbje të madhe njoftojmë se nga mesi ynë u nda për të shkuar në amshim njëri nga luftëtarët e lirisë, Jahir Krasniqi”, thuhet në njoftimin në Facebook.
Ceremonia e varrimit do të mbahet sot, më 26 gusht 2025, pas namazit të iqindisë, në varrezat e qytetit të Prizrenit.
“Në emër të Organizatës së Veteranëve të Luftës, kryetari Isa Berisha ka shprehur ngushëllimet më të sinqerta për familjen, miqtë dhe bashkëluftëtarët e Jahir Krasniqit”, thuhet në njoftim.
Aktualitet
Australi: Shkuan të ekzekutonin urdhërarrestin, vriten 2 policë, plagoset një tjetër
Published
46 minutes agoon
August 26, 2025By
UBT News
Dy oficerë janë qëlluar për vdekje, ndërsa një tjetër ka mbetur i plagosur në një qytet të Australisë. Policët do ekzekutonin urdhërarrestin kundrejt një personi për krime seksuale në Porepunkah, në verilindje të Viktorias, në momentin që janë zënë në pritë.
Autori i të shtënave me armë është arratisur, ndërsa autoritetet përkatëse janë vënë në ndjekje të tij, shkruan rtsh.al.
Policia u ka kërkuar qytetarëve që të shmangin zonën, ndërsa shkolla fillore që ndodhet në afërsi të vendngjarjes dhe ndërtesat e këshillit janë mbyllur përkohësisht.
Kryeministri i Australisë, Anthony Albanese, ka reaguar mbi ngjarjen e rëndë, duke qëndruar në krah të oficerëve.
“Mendimet tona janë me policinë për punën që bëjnë, çdo ditë. Burrat dhe gratë që veshin uniformën tonë, veshin uniformën e policisë, marrin rreziqe çdo ditë. Komisioneri i policisë së Viktorias do të japë një përditësim këtë pasdite ndërsa më shumë fakte që mund të publikohen bëhen të qarta”, tha ai.
Shoqata Federale e Policisë Australiane ka lëshuar një deklaratë ku shpreh ndjenjat e saj më të thella për oficerët, familjet dhe kolegët e Policisë së Viktorias të prekur nga incidenti i sotëm.
Aktualitet
27 vjet nga vrasja e 11 anëtarëve të familjes Asllani, në mesin e tyre 8 fëmijë
Published
49 minutes agoon
August 26, 2025By
UBT News
Janë bërë 27 vjet nga vrasja e 11 anëtarëve të familjes Asllani. Më 26 gusht të vitit 1998, forcat serbe kanë vrarë 11 anëtarë të familjes Asllani në Rancë të Shtimes, prej të cilëve 8 ishin fëmijë të moshave të ndryshme dhe tri gra.
Në këtë ngjarje të dhimbshme kanë humbur jetën: Jalldyze Asllani (1934), Halide Asllani (1963), Ajshe Asllani (1971), Burim Asllani (1985), Lumnije Asllani (1986), Ejup Asllani (1988), Luljeta Asllani (1991), Shpend Asllani (1993), Xhafer Asllani, (1995), Antigona Asllani (1997) dhe Albiona Asllani (1998).
Atë ditë të kobshme në këtë fshat nga forcat serbe u ekzekutua edhe plaku 96-vjeçar, Zeqir Asllani.

Trump shkarkon guvernatoren e Rezervës Federale, Cook : S’kam ndërmend të dorëhiqem

Vdes ish-luftëtari i UÇK-së, Jahir Krasniqi

Australi: Shkuan të ekzekutonin urdhërarrestin, vriten 2 policë, plagoset një tjetër

27 vjet nga vrasja e 11 anëtarëve të familjes Asllani, në mesin e tyre 8 fëmijë

Në Prishtinë organizohet një mbrëmje kulturore me rastin e 115-vjetorit të lindjes së Shën Nënë Terezës

Zjarret në Shqipëri, mobilizim nga toka dhe ajri për shuarjen e tyre

Një person është gjetur pa shenja jete në Gllamnik

Kurti: Kosova zgjodhi të mos jetë vëzhguese, sanksionoi Rusinë për luftën në Ukrainë

Gazetarët e RTK-së pas largimit nga moderimi: Vendim arbitrar dhe joligjor
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA