Lajmet

​Gucati flet para trupit gjykues në Hagë: Është e drejtë e imja legjitime të mbroj vlerat e kombit tim

Ai ka bërë një deklaratë para trupit gjykues në Dhomat e Specializuara në Hagë.

Published

4 years ago

on

Ish-kryetari i Organizatës së Veteranëve të Luftës së Ushtrisë Çlirimtare të Kosovës (OVL-UÇK), Hysni Gucati ka thënë se ndjehet i obliguar të mbrojë të drejtat e popullit të Kosovës, mbi të cilin ka theksuar se është kryer gjenocid nga ushtria e policia serbe. Ai ka bërë një deklaratë para trupit gjykues në Dhomat e Specializuara në Hagë.

Gucati i cili tash e një vit po qëndron në qendrën e paraburgimit në Hagë ka thënë se do t’i mbrojë vlerat e UÇK-së dhe gjithë popullit të Kosovës, për çka ka theksoi se janë të gjitha vlera njerëzore.

“Vetëm gjatë marsit, prillit, majit e qershorit të vitit ’99 mbi popullin tonë janë kryer mbi 450 masakra e krime të gjenocidit serb, pa i përmendur ato të viteve ’90. Gjatë luftës së fundit në Kosovë janë vrarë mbi 1400 fëmijë e janë dhunuar mbi 20 mijë femra, janë vrarë mijëra pleq të mbetur e të palëvizshëm që nuk kanë mundur të largohen nga shtëpitë e tyre, as sot e kësaj ditë nuk dimë për fatin e mbi 1600 njerëzve pa folur për shkatërrimet e shumta që makineria ushtarake policore serbe ja ka shkaktuar vendit e kombit tim. Prandaj, është e drejtë e imja legjitime që t’i mbrojë të drejtat e vlerat e kombit tim, të Ushtrisë Çlirimtare të Kosovës e të Republikës së shtetit tim, të Kosovës, dhe këto vlera janë gjithnjë njerëzore. Unë jam i obliguar që t’i mbroj të drejtat e liritë e popullit tim, për një jetë më të mirë, më të begatë si të gjithë popujt e kontinentit tonë”, ka thënë Gucati para trupit gjykues.

Hysni Gucati po mbahet në paraburgim në Hagë prej 25 shtatorit të vitit 2020 kur edhe u arrestua në Prishtinë. Ai bashkë me Nasim Haradinajn akuzohen për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës.

Në organizatën që ata drejtonin kishin arritur disa pako që pretendohej të ishin me dokumente që kishin rrjedhur nga Zyra e Prokurorit të Specializuar. Këtë ngjarje ata e kishin bërë publike përmes konferencave për media dhe paraqitjeve të tjera publike.

Related Topics:
Continue Reading

Lajmet

Numri i viktimave nga zjarri rritet në 13 në Tuzlla

Published

1 hour ago

on

November 7, 2025

By

Në Qendrën Klinike të Tuzllës ka ndërruar jetë një person tjetër, duke e çuar në 13 numrin e të vdekurve nga zjarri që më 4 nëntor kaploi shtëpinë e pleqve në Tuzlla.

Kjo u bë e ditur sot në mëngjes nga vetë institucioni shëndetësor dhe sipas rezultateve preliminare të autopsive të kryera deri më tani, të cilat mjekët ia kanë komunikuar gojarisht Prokurorisë, 11 persona kanë vdekur si pasojë e mbytjes, pra helmimit nga monoksidi i karbonit.

Nga Prokuroria e Kantonit të Tuzllës u bë e ditur më 6 nëntor se hetimi në vendngjarje ka përfunduar dhe se ky institucion do t’i dorëzojë raportet në periudhën e ardhshme Sektorit të Policisë Kriminale të Ministrisë së Punëve të Brendshme të këtij kantoni.

“Rreth shkaqeve të zjarrit do të informojmë publikun pasi të analizohen raportet dhe gjetjet e ekspertëve dhe hetuesve”, tha prokuroria në këtë katon.

Në Tuzlla janë shpallur katër ditë zie. Gjithashtu, Drejtori i shtëpisë së pleqve në Tuzlla, Mirsad Bakalloviq, dha dorëheqjen më 5 nëntor./S.K/EO/

 

 

Continue Reading

Lajmet

Lëndohet në vendin e punës një person në Varosh të Ferizajt

Published

1 hour ago

on

November 7, 2025

By

Policia e Kosovës ka njoftuar se një person ka pësuar lëndime trupore gjatë punës në vendin e tij, në fshatin Varosh të Ferizajt.

Sipas raportit 24-orësh të policisë, thuhet se viktima ka marrë tretman mjekësor.

Rasti është duke u hetuar nga njësitë përkatëse./S.K/EO/

Continue Reading

Lajmet

Vdekje e dyshimtë në Prishtinë

Published

2 hours ago

on

November 7, 2025

By

Një ngjarje tragjike është regjistruar në kryeqytet, ku një person i gjinisë mashkullore ka humbur jetën në rrethana ende të paqarta.

Sipas burimeve zyrtare nga Policia e Kosovës, viktima, shtetas kosovar, është gjetur pa shenja jete, ndërsa ekipi mjekësor që ka dalë në vendin e ngjarjes ka konstatuar vdekjen e tij.

Ndërsa me urdhër të prokurorit, trupi i pajetë është dërguar në Institutin e Mjekësisë Ligjore (IML) në Prishtinë për obduksion, me qëllim të përcaktimit të shkakut të saktë të vdekjes.

“Viktima mashkull kosovar, ka ndërruar jetë, ekipi mjekësor ka konstatuar vdekjen e viktimës, ndërsa trupi i pajetë me vendim të prokurorit është dërguar në IML për obduksion. Rasti duke u hetuar“, thuhet në njoftim.

Autoritetet kanë njoftuar se rasti është duke u hetuar për të sqaruar të gjitha rrethanat që çuan në këtë ngjarje./UBTNews

Continue Reading

Lajmet

FIFA publikon nominimet për “Lojtarin më të mirë të vitit 2025”

Published

2 hours ago

on

November 7, 2025

By

FIFA ka shpallur listën e lojtarëve të nominuar për çmimin prestigjioz “Lojtari më i mirë i vitit 2025”.

Në mesin e emrave të njohur janë Ousmane Dembélé, fituesi i Topit të Artë, dhe bashkëlojtarët e tij të PSG-së, Achraf Hakimi, Nuno Mendes dhe Vitinha.

Nga Barcelona janë nominuar Lamine Yamal, Raphinha dhe Pedri, ndërsa nga Premier League emrat e Mohamed Salah dhe Cole Palmer të Liverpool dhe Chelsea.

Po ashtu, Kylian Mbappé dhe Harry Kane kompletojnë listën e nominimeve.

Lionel Messi mbetet lojtari më i suksesshëm në këtë kategori, duke e fituar çmimin tri herë (2019, 2022, 2023)./S.K/EO/

Continue Reading

Të kërkuara