Sport

Griezmann mund të largohet nga Barça këtë verë

Published

5 years ago

July 7, 2021

Betim Gashi

Në rast se i kërkohet ulje page Griezmann nuk e përjashton largimin nga “Camp Nou”. Sulmuesi francez, Antoine Griezmann nuk e ka përjashtuar mundësinë rreth largimit nga Barcelona këtë verë, raporton “Sport”.

Gjigantit katalunas do t’i duhet për të shitur lojtarë ose të bindë yjet që të pranojnë një ulje page, para se të regjistrojnë lojtarët e ri që do të transferohen.

Griezmann është njëri nga yjet të cilit mund t’i kërkohet që t’i ulet paga, dhe ai mund të pranojë që ta konsiderojë këtë gjë, por thuhet se është i hapur edhe rreth largimit nga “Camp Nou”, me Chelsean dhe Manchester United skuadrat të cilat kanë shprehur interesim.

Sezonin e kaluar, Griezmann ka bërë 51 paraqitje në të gjitha garat, duke regjistruar 20 gola dhe 13 asistime për skuadrën e Barcelonës.

Up Next

Dortmundi i interesuar në Sabitzer

Don't Miss

Angli-Danimarkë, në Wembley vihet në skenë gjysmëfinalja e dytë “tre luanët” favoritë!

Vendi

Akil Gjakova mbyll garën pa medalje në Abu Dhabi

Published

7 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

8 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

9 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/