Sport

Gjykata në Itali zbulon arsyen e dënimit të Juventusit

“Binaconerët” u dënuan për fryrje të vlerave të transfertave të lojtarëve për të falsifikuar fitimet e tyre kapitale.

Published

4 years ago

January 30, 2023

Betim Gashi

Gjykata e Apelit në Itali ka publikuar arsyet pse Juventusi u dënua me 15 pikë pas hetimeve për implikime financiare.

“Binaconerët” u dënuan për fryrje të vlerave të transfertave të lojtarëve për të falsifikuar fitimet e tyre kapitale.

Fajësia i “Zonjës së Vjetër” u konstatua nga gjykata falë dokumentacionit nga drejtuesit e klubit, me dorëshkrime përkatëse dhe përgjime në lidhje me fshehjen e dokumentacionit apo edhe manipulimin e faturave.

Tani që arsyetimi është zbuluar, Juventusi është në gjendje të apelojë vendimin në Collegio di Garanzia të CONI.

“Bianconerët” janë ende në rrezik të ndëshkimit edhe nga hetimi i Prisma-s i drejtuar nga Prokuroria Publike e Torinos, e cila po shqyrton çështjen e fitimeve kapitale dhe marrëveshjet e supozuara të pagave sekrete me lojtarët.

“Për sa i përket sanksionit, Gjykata ka marrë parasysh peshën e veçantë dhe natyrën e përsëritur dhe të zgjatur të shkeljes dhe intensitetin dhe përhapjen e ndërgjegjësimit të situatës në bisedat mes drejtuesve të FC Juventus SpA”, thuhet në deklaratën e lëshuar nga FIGC.

Përtej kësaj ka zëra të tjerë se Juventusi mund të dënohet edhe UEFA pikërisht për shkak të manipulimit me pagat e lojtarëve gjatë kohës së pandemisë.

Vendi

Akil Gjakova mbyll garën pa medalje në Abu Dhabi

Published

1 hour ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/