Sport

​Giresse flet për ndeshjet e qershorit, tregon pse mungojnë Hadërgjonaj, Muja, Berisha e Zeneli

Giresse tha se pret që nesër skuadra të kompletohet.

Published

3 years ago

on

Trajneri i Kombëtares së Kosovës, Alain Giresse ka mbajtur sot konferencën e parë për media para ndeshjeve të muajit qershor kundër Rumanisë dhe Bjellorusisë.

Giresse tregoi se si po planifikon që ekipi të jetë në gjendje të mirë psikologjike, pasiqë “Dardanët” rikthehen nga dy barazimet në ndeshjet e fundit ndaj Andorrës dhe Izraelit.

Duke marrë parasysh se ka ende lojtarë që nuk i janë bashkuar kombëtares në grumbullim, Giresse tha se pret që nesër skuadra të kompletohet, dhe se më pas do të fillojnë me përgatitje për dy ndeshjet në vijim, pasi që nuk ka kohë për tu ankuar për atë se çfarë ka ndodhur më parë.

“Lloji i kompeticionit në të cilin ndodhemi nuk na mundëson shumë që të ndalemi prapa dhe të shikojmë se çka ka ndodhur në këtë kompeticion. Momentin që do të grumbullohen të gjithë lojtarët e që do të jetë dita e nesërme ne do të fillojmë të diskutojmë dhe të do të fillojmë të përgatitemi sa më mirë për këto dy lojët të cilat i kemi. Dhe nga ana tjetër besoj që lojtarët janë të vetëdijshëm për rëndësinë e lojëve kështu që s’kemi kohë të humbim dhe të ankohemi se çfarë ka ndodhur më parë”, tha Giresse.

Po ashtu, Giresse tregoi se çfarë pret nga skuadra për ndeshjet ndaj Rumanisë dhe Bjellorusisë, ndërsa shfrytëzoi rastin që barazimin ndaj Izraelit mos ta cilësojë si rezultat negativ.

“Ne do të tentojmë sa më pak të mendojmë tek ajo që ka ndodhur më herët, dhe të koncentrohemi dhe të përgatitemi maksimalisht për lojët të cilat i kemi në vijim. Pastaj, i referoheni dy ndeshjeve të kaluara si do të thotë lojë barazim ose si rezultate negative edhe ndoshta mirëpo nuk konsideroj që rezultati me Izraelin ishte negativ nëse ishte me Andorrën, prandaj duhet të fokusohemi dhe të shkojmë përpara”, tha Giresse.

Giresse më tej zbuloi se pse mungojnë në grumbullim lojtarët si Hadërgjonaj, Berisha e Zeneli.

“Sa i përket Hadërgjonajt ka të bëjë me arsye personale të cilat nuk i kanë mundësuar që të vijnë në këtë grumbullim…Sa i përket Berishës, ka të bëjë me zgjidhje sportive, më takon mua që ta marrë vendimin dhe mu duk e drejtë që me listën e lojtarëve që e kemi të mos ftohet…Sa i përket Zenelit, në të njëjtën kohë përfitojë të them se është e njëjta situatë po ashtu edhe me Zymer Bytyqin. Ka të bëjë me minutazhin e paktë të cilët ata e kanë pasur në ekipet respektive, prandaj më duket, qoftë në aspektin moral qoftë në aspektin fizik, ndoshta nuk janë të gatshëm të mblidhen në këtë grumbullim. Me Zenelin e kam diskutuar këtë punë që ndoshta edhe thirret, pastaj nuk e di se a arrijmë t’i sigurojmë një vend ose nuk e di sa do të ketë minutazhë te Kosova, nëse do ta thirrnim, kështu që ka të bëjë po ashtu me zgjidhje sportive”, deklaroi ai.

Tekniku francez foli edhe për mesfushorin e Royal Antwerp, Arbnor Mujën, i cili u shpall kampion i Belgjikës, dhe që nuk është pjesë e listës së lojtarëve të ftuar nga Kosova. Giresse tregoi se Muja kishte kërkuar garanci për vendin e titullarit, prandaj ishte zgjidhje më e mirë mos ta ftonte, se sa të vinte e më pas të mos luajë.

“Sa i përket këtyre dy lojëve të cilat i kemi tash, Arbnor Muja me të cilin kam pasur një kontakt ka kërkuar garanci sa i përket vendit të titullarit, dhe unë i kam shpjeguar Arbnor Mujës që vendin e titullarit nuk e ka të sigurt askush, prandaj nëse ai mendon kështu më mirë është që mos të vijë se sa të vijë dhe pastaj të mos të luajë”, tha Giresse.

Situata e Mujës ka bërë që të ketë spekulime se Shqipëria po e kërkon atë, por që këto zëra i mohoi menaxheri i Kombëtares së Kosovës, Bajram Shala.

“Situata e Arbnor Mujës është shumë e thjeshtë. Po ka pas shumë shkrime në media se Shqiperia është në ndjekje të tij, për ne ato janë vetëm spekulime mediale. Arbnor Muja ka qenë për kohë shumë të gjatë jo vetëm tash për ekipin A, por ka qenë për një kohë shumë të gjatë pjesë e ekipeve të grupmoshave të Kosovës, dhe ai mbetet futbollist i Kombëtares së Kosovës, dhe përderisa ne nuk jemi kontaktu as edhe një herë në formë zyrtare qoftë nga Muja qoftë nga Federata e Shqipërisë, për ne kjo është temë e mbyllur dhe ai mbetet pjesë e ekipit kombëtar të Kosovës”, tha Shala.

Ndeshjen e radhës Kosova e luan kundër Rumanisë, më 16 qershor në stadiumin “Fadil Vokrri”, derisa tri ditë më vonë udhëton në Budapest, ku do të përballet me Bjellorusinë.

“Dardanët” kanë dy pikë në renditjen e Grupit I, pasi në ndeshjet e muajit mars barazuan me Izraelin dhe Andorrën.

Related Topics:
Continue Reading

Sport

Slaven Biliq rikthehet në stolin e Kroacisë, zëvendëson Zlatko Daliqin

Published

15 hours ago

on

July 13, 2026

By

Slaven Biliq është emëruar selektor i ri i Përfaqësueses së Kroacisë, duke rikthyer një emër të njohur në krye të kombëtares.

Lajmin e ka konfirmuar Federata e Futbollit e Kroacisë, ndërsa Biliq do ta zëvendësojë Zlatko Daliqin, i cili u largua nga posti pas eliminimit të Kroacisë nga Kupa e Botës dhe pas një periudhe nëntëvjeçare në drejtimin e skuadrës.

Kroacia u eliminua nga Portugalia në fazën e 1/16-tës së finales së Botërorit, çka solli fundin e epokës së Daliqit në bankinën kroate.

Për Biliqin, ky është një rikthim në një rol që e ka mbajtur edhe më herët. Trajneri 57-vjeçar ka qenë selektor i Kroacisë nga viti 2006 deri në vitin 2012, periudhë në të cilën krijoi një identitet të fortë për ekipin kombëtar.

“Dua të falënderoj presidentin Kustiq dhe drejtuesit e Federatës për besimin. Jam jashtëzakonisht i emocionuar për këtë sfidë. Tani jam një trajner më i pjekur dhe me më shumë përvojë, por motivimi dhe dëshira për ta parë Kroacinë të fuqishme, të guximshme dhe të suksesshme janë të njëjta”, ka deklaruar Biliq.

Gjatë karrierës së tij, Biliq ka drejtuar edhe klube të njohura si Beşiktaş J.K., Watford F.C. dhe Al-Ittihad Club.

Tashmë, sfida e tij e radhës është të udhëheqë Kroacinë drejt një kapitulli të ri dhe të ruajë statusin e saj si një nga kombëtaret më konkurruese në futbollin evropian.

D.L

Continue Reading

Sport

Messi barazon një rekord të epokës së Maradonës në Kupën e Botës

Published

16 hours ago

on

July 13, 2026

By

Lionel Messi vazhdon të shkruajë histori në skenën më të madhe të futbollit. Kapiteni i Argjentinës ka arritur një statistikë të jashtëzakonshme në Kupën e Botës 2026, duke u vendosur në të njëjtin nivel me legjendën argjentinase, Diego Maradonën.

Sipas të dhënave të turneut, Messi ka regjistruar 54 përfshirje në aksione që kanë përfunduar me goditje drejt portës. Ai ka realizuar 33 goditje, ndërsa ka krijuar edhe 21 raste për gol për bashkëlojtarët e tij.

Kjo shifër e vendos yllin argjentinas si futbollistin me ndikimin më të madh ofensiv në një Botëror që nga paraqitja e paharrueshme e Maradonës në vitin 1986.

Në atë edicion historik, ku Argjentina u shpall kampione e botës, Maradona ishte lideri absolut i skuadrës dhe regjistroi 59 përfshirje në aksione të rrezikshme, me 29 goditje drejt portës dhe 30 raste të krijuara për shokët e ekipit.

Paraqitjet e Messit në Botërorin 2026 kanë rikthyer krahasimet me periudhën e artë të Maradonës. Edhe pse në një fazë tjetër të karrierës, ylli argjentinas vazhdon të jetë figura kryesore e ekipit të tij, duke ndikuar si në krijimin e rasteve, ashtu edhe në finalizimin e aksioneve.

Me këto paraqitje, Messi po e forcon edhe më shumë trashëgiminë e tij në Kupën e Botës, duke u afruar gjithnjë e më shumë me emrat më të mëdhenj që kanë lënë gjurmë në historinë e këtij kompeticioni.

D.L

Foto; SportBild

Continue Reading

Sport

Barcelona futet në garë për William Saliban, por Arsenali vendos çmim rekord

Published

19 hours ago

on

July 13, 2026

By

Barcelona i është bashkuar garës për transferimin e qendërmbrojtësit të Arsenalit, William Saliba, duke shtuar konkurrencën për një nga mbrojtësit më të vlerësuar në futbollin evropian.

Sipas raportimit të CaughtOffside, klubi katalanas po ndjek nga afër situatën e reprezentuesit francez, i cili konsiderohet si një lider i mbrojtjes së Arsenalit dhe një investim afatgjatë për çdo skuadër elitare.

Për Saliban interesim kanë shfaqur prej kohësh edhe Real Madridi dhe Paris Saint-Germaini, ndërsa tashmë në garë është futur edhe Barcelona, e cila e sheh 25-vjeçarin si përforcimin ideal për repartin defensiv.

Megjithatë, Arsenali nuk ka ndërmend të heqë dorë lehtë nga një prej lojtarëve më të rëndësishëm të ekipit. “Topçinjtë” janë të gatshëm të shqyrtojnë vetëm oferta që arrijnë rreth 150 milionë euro, një shifër që do ta bënte Saliban një nga mbrojtësit më të shtrenjtë në histori.

Pozita e klubit londinez është edhe më e fortë për faktin se francezi ka kontratë të vlefshme deri në vitin 2030, duke i dhënë Arsenalit kontroll të plotë mbi të ardhmen e tij.

Barcelona vazhdon ta konsiderojë Saliban si objektivin kryesor për qendrën e mbrojtjes, por situata financiare e klubit katalanas e bën shumë të vështirë finalizimin e një transferimi të kësaj përmase.

Në anën tjetër, Real Madridi dhe Paris Saint-Germaini kanë më shumë hapësirë financiare për të realizuar një operacion të tillë, megjithëse mbetet e paqartë nëse ndonjëri prej tyre do të jetë i gatshëm të paguajë shumën e lartë të kërkuar nga Arsenali.

D.L

Continue Reading

Sport

FIFA mohon prekjen e kabllos nga topi: Goli i parë i Anglisë ndaj Norvegjisë ishte i rregullt

Published

19 hours ago

on

July 13, 2026

By

Dyshimet rreth golit të parë të Anglisë në ndeshjen ndaj Norvegjisë vazhdojnë të jenë temë diskutimi, pasi është pretenduar se topi preku kabllon e kamerës mbi fushë dhe ndryshoi drejtim para se të niste aksioni që solli golin e Jude Bellinghamit.

Megjithatë, FIFA ka hedhur poshtë kategorikisht këto pretendime, duke insistuar se nuk ka pasur asnjë kontakt mes topit dhe kabllos.

“Pamjet nga kamera në fjalë tregojnë qartë se kamera nuk dridhet dhe nuk lëviz, çka dëshmon se topi nuk ka prekur kabllon”, thuhet në deklaratën e FIFA-s për mediumin gjerman Sportschau.

Dyshimet lindën pasi goditja e portierit të Norvegjisë, Orjan Nyland, pati një trajektore të pazakontë. Fluturimi i topit dukej më i shkurtër se zakonisht, duke nxitur spekulime se ai mund të kishte prekur kabllon e kamerës dhe më pas kishte rënë pothuajse vertikalisht.

Pas kësaj situate, topi përfundoi te futbollistët anglezë, të cilët ndërtuan aksionin që u mbyll me golin e barazimit 1:1 nga Jude Bellingham.

Sipas FIFA-s, edhe të dhënat e regjistruara nga çipi i vendosur brenda topit konfirmojnë se nuk ka pasur asnjë kontakt me kabllon. Federata thekson se, nëse një prekje e tillë do të ishte konstatuar, loja do të ishte ndërprerë dhe goli nuk do të ishte pranuar.

D.L

Continue Reading

Të kërkuara