Lajmet

​Gabimi që bëjnë zakonisht njerëzit gjatë dushit – mund të jetë “i dëmshëm”

Sipas tij, problemet lindin sepse vaji i lëkurës tuaj bëhet më i butë nën ujë të nxehtë.

Published

on

Dushi ditore ilustron llojin e veprimit që kryhet në autopilot. Sidoqoftë, ekziston një kurth i zakonshëm në të cilin bien njerëzit që mund të jetë “i dëmshëm”, paralajmëron Hussain Abdeh, farmacist në Medicine Direct.

“Marrja e dusheve të gjata të nxehtë mund të jetë e dëmshme për shëndetin e lëkurës tuaj,” shpjegoi Abdeh për mediumin britanik Express.

Ekziston tundimi për të qëndruar sa më gjatë nën ujin e nxehtë, veçanërisht në një mëngjes të ftohtë para punës, por Abdeh thotë se bërja e kësaj mund të jetë e dëmshme në disa aspekte.

Sipas tij, problemet lindin sepse vaji i lëkurës tuaj bëhet më i butë nën ujë të nxehtë.

“Në një mënyrë kjo është një gjë e mirë, pasi të keni larë trupin tuaj me sapun, djersa dhe papastërtia që shkaktojnë erën e trupit është më e lehtë për t’u larë.”

Megjithatë, duke qëndruar nën ujin e nxehtë për një kohë të gjatë, lëkura juaj humbet gjithashtu lagështinë thelbësore që i nevojitet për të qëndruar e hidratuar dhe e butë.

“Si rezultat, ju mund të përjetoni lëkurë të thatë, kruajtje ose irritim. Kjo mund të shkaktojë një cunami problemesh, si skuqja e lëkurës dhe në raste ekstreme, çarje, gjë që mund të çojë në infeksion”, paralajmëron Abdeh.

Sipas tij, mënyra për ta luftuar këtë është të kufizoni kohën tuaj të dushit në rreth 10 minuta dhe ta mbani ujin sa më të freskët, pa qenë i ftohtë.

Provat i bëjnë jehonë kësaj këshille. Për shembull, një studim sugjeron se zhytja në ujë të ftohtë forcon sistemin imunitar.

Një studim në revistën PLoS One zbuloi se njerëzit që bënin dush të ftohtë kishin 29 për qind më pak gjasa të ishin të sëmurë për punë ose shkollë.

Njerëz të tjerë thonë kjo ndihmon në humbjen e yndyrës, përmirësimin e gjumit dhe reduktimin e inflamacionit.

Megjithatë, siç thekson Harvard Health, provat janë shumë të pakta për të nxjerrë përfundime përfundimtare.

Lajmet

Basha fton në takim kryetarët e partive parlamentare për konstituimin e Kuvendit

Published

on

By

Kryetari i Kuvendit të Kosovës, Dimal Basha, sot në orën 17:00, do të zhvillojë takim me kryetarët e subjekteve politike për seancën konstituive.

Në këtë takim do të diskutohet rreth përgatitjes për seancën konstituive të Legjislaturës X të Kuvendit të Republikës së Kosovës. Ky takim vjen pas caktimit të seancës konstituive nga Presidentja Vjosa Osmani.

Seanca për konstituimin e Kuvendit është thirrur më 11.02.2026, në orën 12:00.

Në njoftimin e Presidencës është bërë e ditur se: “Duke pasur parasysh urgjencën e krijimit të institucioneve, miratimit të buxhetit dhe marrëveshjeve ndërkombëtare, në përputhje me Kushtetutën dhe legjislacionin në fuqi, Presidentja ka vendosur që seancën konstituive të Kuvendit ta ftojë për nesër, më 11.02.2026, në orën 12:00”.

Continue Reading

Lajmet

Osmani cakton datën për konstituimin e Kuvendit

Published

on

By

Presidentja e Kosovës, Vjosa Osmani-Sadriu, pas konsultimit me shumicën e partive parlamentare në Kuvend, ka thirrur seancën konstituive më 11.02.2026, në orën 12:00.

Në njoftimin e Presidencës është bërë e ditur se “duke pasur parasysh urgjencën e krijimit të institucioneve, miratimit të buxhetit dhe marrëveshjeve ndërkombëtare, në përputhje me Kushtetutën dhe legjislacionin në fuqi, Presidentja ka vendosur që seancën konstituive të Kuvendit ta ftojë për nesër, më 11.02.2026, në orën 12:00”.

Në zgjedhjet e mbajtura më 28.12.2025, Lëvizja Vetëvendosje (LVV) si partia e parë me më së shumti vota do të ketë 57 deputetë, Partia Demokratike e Kosovës (PDK) 22, Lidhja Demokratike e Kosovës (LDK) 15 dhe Aleanca për Ardhmërinë e Kosovës (AAK) 6.

Nga 120 deputetët që përbëjnë Kuvendin e Kosovës, 20 janë të garantuara me Kushtetutë për komunitetet joshumicë që jetojnë në vend.

Continue Reading

Lajmet

Hagë: Dita e dytë e deklaratave përfundimtare (Lajm në zhvillim)

Published

on

By

Laws: Njerëzit u rrëmbyen mbi bazën e thashethemeve

Mbrojtësi i viktimave, Simon Laws gjatë deklaratës së tij përfundimtare në gjykimin ndaj krerëve të UÇK-së, ka thënë se nuk ka pasur përpjekje serioze për identifikimin e personave që ishin bashkëpunëtor.

“Nuk janë bërë përpjekje serioze për të identifikuar së cilët persona ishin bashkëpunëtor, njerëzit janë rrëmbyer mbi bazën e asaj që ishte thjeshtë një thashetheme. Është e vështirë të besosh që dikush mund të humbasë lirin e më pas jetën me një bazë të tillë”, tha mbrojtësi Laws.

Megjithatë, ai shtoi se shumë prej viktimave u keqtrajtuan dhe se nuk pati një proces të drejt ligjor.

“Nuk pati absolutisht proces të drejtë ligjor e që në fakt është fillimi i hetimit të një akuze”, tha ai

 

Prokuroria: Veseli nuk i parandaloi krimet

Gjatë fjalëve përfundimtare në procesin gjyqësor ndaj Kadri Veselit, prokurori Matt Halling deklaroi se mosangazhimi i Veselit për të parandaluar dhe ndëshkuar krimet përbën një nga elementet të aktakuzës ndaj tij.

Sipas Halling, Veseli, në rolin e tij në Shtabin e Përgjithshëm nuk ka përmbushur detyrimet si epror përgjegjës, pavarësisht faktit se në periudha të caktuara nuk ka qenë i pranishëm në Kosovë.

“Mosangazhimi i Kadri Veselit për të parandaluar dhe për të ndëshkuar krimet në rolin që ka mbajtur është një kontribut që i takon aktakuzave të ngritura. Mungesa e tij në Kosovë nuk e ndryshon situatën, pasi Veseli mund të ushtronte kompetencat e tij në Kosovë, kudo që të ishte dhe kurdo që të dëshironte,” tha prokurori Matt Halling.

 

Opinionet e mbrojtjes së Thaçit nuk kanë peshë

Prokurori Matt Halling gjatë fjalës përfundimtare para trupit gjykues në Hagë ka folur për mbrojtjen e Thaçit, duke thënë se dëshmitarët nuk kishin informacione bazë dhe se opinionet e tyre nuk duhet marrë parasysh.

“Mbrojtja e Thaçit mbështete në përshtypjet e dëshmitarëve të vetë (Wesley Clark dhe James Rubin), por ata nuk kishin informacionet bazë për t’u marrë parasysh dhe rrjedhimisht këto opinione nuk duhen të kenë asnjë peshë. Mbrojtja  e Thaçit pretendon se nuk kishte asnjë detyrim t’u referonte krimeve ndërkombëtarëve sepse ata tashme ishin në dijeni”, ka thënë prokurori i Zyrës Speciale.

Tutje, Matt Halling deklaron se Thaçi ishte i aftë të “maskonte” realitetin dhe  kjo ka ndikuar në botëkuptimin e dëshmitarëve për ta kuptuar të vërtetën.

“Ajo që nuk kuptojnë James Rubin, Wesley Clark dhe ndërkombëtarë të tjerë është që Thaçi ishte i aftë të maskonte atë që po ndodhte në realitet dhe kjo ndikoi në botëkuptimin e tyre për të kuptuar vërtet se si funksiononte UÇK-ja. Veçanërisht Rubin dhe Clark treguan se nuk kishin asnjë interes për të kuptuar çfarë ndodhte në realitet dhe besonin se puna e tyre ishte në anën e duhur të historisë dhe nuk u përballën me atë çka po dëgjon tashmë ky trup gjykues”, sipas Halling

Ish-zëdhënësi i Stejt Departamentit, James Rubin, si dhe komandanti i NATO-s, Wesley Clark, me dëshmitë e tyre, i kanë dhënë vulën mbrojtjes së luftës së drejtë të UÇK-së dhe drejtuesve të saj. Ndaj, prokuroria po i sulmon dëshmitë e tyre me kaq ngulm.

Continue Reading

Lajmet

Arrestohet i dyshuari në Podujevë për skema piramidale dhe bixhoz të paligjshëm

Published

on

By

Një person është arrestuar në Podujevë, nën dyshimin se ka kryer veprën penale –  organizimi i skemave piramidale dhe bixhoz të paligjshëm, sipas Raportit të fundit të Policisë së Kosovës.

Policia gjatë një kontrolli në lokalin e të dyshuarit ka gjetur dhe sekuestruar; sekuestruar një printer për shtypjen e tiketave, një skaner, tri shtëpiza, njëzet e shtatë (27) pako me letra për lojëra, dy monitorë, një tastiere si dhe dyzet e katër (44) kuponë të printuara të lojërave të fatit

Ndërkaq, i dyshuari me vendim të prokurorit është dërguar në mbajtje

“Në lokalin e të njëjtit është bërë kontrolli ku gjatë kontrollit janë gjetur dhe sekuestruar një printer për shtypjen e tiketave, një skaner, tri shtëpiza, njëzet e shtatë (27) pako me letra për lojëra, dy monitorë, një tastiere si dhe dyzet e katër (44) kuponë të printuara të lojërave të fatit. Me vendim të prokurorit pas intervistimit i dyshuari është dërguar në mbajtje”, thuhet në raportin e Policisë.

Continue Reading

Të kërkuara