Bota
Franca tronditet nga protesta kundër vaksinimit dhe certifikatës shëndetësore
Protesta masive u zhvilluan në disa qytete të Francës të shtunën për herë të dytë brenda një jave kundër kërkesës së re të qeverisë për certifikatën shëndetësore dhe vaksinimin e detyrueshëm për punonjësit e kujdesit shëndetësor.
Sipas vlerësimeve të Ministrisë së Brendshme, në protesta morën pjesë rreth 114 mijë njerëz.
Mijëra protestues marshuan në Paris, Marsejë, Avignon dhe një gjysmë duzine qytete të tjera duke brohoritur dhe mbajtur pankarta ku shkruhej “Liri”, “Macron diktator”, “Macron jep dorëheqje”, “Jo pasaportës së turpit” dhe “Bojkoto pasaportën shëndetësore”.
Në Lyon policia arrestoi nëntë demonstrues kurse në Dijon ata hodhën gaz lotsjellës ndaj protestuesve për shkak të prishjes së rendit publik. Qindra demonstrues morën rrugën e shpejtë në pjesën juglindore të Chambery dhe bllokuan të dy drejtimet e trafikut për disa orë.
Në Lans-en-Vercors, në juglindje të Francës, një qendër vaksinimi u plaçkit dhe u vandalizua të shtunën në mëngjes. Grafie kundër vaksinimit ishin shkruar në mur, raportoi La Dauphine news. Autoritetet u zotuan se personat përgjegjës do të ndiqen penalisht raporton AA.
Përfaqësuesit e zgjedhur gjithashtu janë kërcënuar nga aktivistë kundër vaksinës, ndërsa Ministri i Brendshëm Gerald Darmanin drejtoi policinë lokale për të shtuar masat në mbrojte të tyre, njoftoi BFMTV.
Zemërimi i protestuesve ishte përqendruar në njoftimin e presidentit Emmanuel Macron këtë javë lidhur me shëndetin, dhënia e detajeve të testeve negative të PCR/antigjen dhe vaksinimi për të gjithë 12 vjeç e më lart që do të jetë i detyrueshëm për të gjitha ngjarjet dhe vendet publike të kohës së lirë dhe kulturës me praninë prej 50 ose më shumë njerëz. Deri në gusht, rregulli do të shtrihet në hapësira të mbyllura si restorante, kafene, bare dhe transport publik dhe në distanca të gjata.
Qeveria gjithashtu ka bërë që vaksinat të jenë të detyrueshme për punonjësit e kujdesit shëndetësor dhe punonjësit e institucioneve të tilla si shtëpitë e të moshuarve, duke përfshirë gjobitje me humbjen e punës dhe pagës.
Masat e reja u prezantuan pas rritjes së rasteve me variantin Delta dhe rrezikut të një vale të katërt në gusht. Autoritetet kanë frikë për rritjen e rasteve, shtrime në spital dhe vdekje në javët e ardhshme nëse nuk arrihet imuniteti i tufës dhe gjithashtu planifikojnë të fusin detyrimin e vaksinimit për të gjithë deri në shtator nëse nuk arrihen qëllimet. Deri më tani, rreth 36,8 milionë njerëz, mbi 50 për qind e popullsisë së Francës, kanë marrë të paktën njërën dozë të vaksinës.
Në 24 orët e fundit, Franca ka regjistruar 10.949 raste të reja COVID-19 dhe 16 vdekje, ditën e dytë me radhë që nga fundi i majit kur rastet ditore kaluan kufirin prej 10 mijë.
Të paktën 20 persona kanë humbur jetën në një zjarr që shpërtheu në një fabrikë të baterive litium pranë Seulit, sipas raportimit të transmetuesit publik KBS të hënën, i cili citon punonjësit e shpëtimit. Trupat e viktimave u gjetën të shpërndarë në ndërtesën shumëkatëshe në qytetin Hwaseong, që ndodhet në jug të Seulit.
Ekziston shqetësimi se numri i viktimave mund të rritet më tej, pasi fillimisht numri i të zhdukurve u vlerësua në 23, shumica e të cilëve janë raportuar të jenë punëtorë të huaj. Përveç viktimave, disa persona kanë mbetur të plagosur, sipas mediave të Koresë së Jugut, shkruan Agjencia Telegrafike Shqiptare.
Televizioni i Koresë së Jugut ka transmetuar pamje që tregojnë flakë dhe re të dendura tymi që dilnin nga ndërtesa pas shpërthimit të zjarrit në mëngjes.
Autoritetet e shpëtimit dhe zjarrfikësit janë në terren duke punuar për të kontrolluar situatën dhe për të gjetur të mbijetuarit e mundshëm. Kjo ngjarje tragjike nënvizon rrezikun që lidhet me prodhimin dhe menaxhimin e baterive litium, të cilat janë të njohura për rrezikun e tyre të lartë të zjarrit dhe shpërthimit./UBTNews/
Një zjarr i madh ka shpërthyer pasditen e së premtes në një zonë të përzier pyjore në Atikë, ku banorët u paralajmëruan të jenë në gatishmëri për evakuim në drejtim të Glyfadës. Sipas zjarrfikësve, zjarri ka rënë pranë banesave.
Një forcë prej 29 zjarrfikësesh, me dy ekipe dhe nëntë automjete, të ndihmuar nga një helikopter nga ajri, zjarrfikës vullnetarë dhe tankera uji të autoriteteve lokale, janë vendosur për të shuar flakët.
Në një njoftim të fundit, policia tha se rihapi rrugën Athinë-Sunion për trafikun midis rrugës ”Elektras” dhe rrugës ”Minoos”, të cilën e kishin mbyllur për shkak të zjarrit. Zjarret ende të ndezura ka në Arcadia dhe Argolida, shkruan Agjencia Telegrafike Shqiptare.
Përforcime u dërguan për të luftuar zjarret pranë Megalopoli në Arcadia dhe në Lyrkeia në Argolida, të cilat vazhduan të shtohen pasditen e së premtes.
Në një prononcim, zëvendësguvernatori i Rajonit të Peloponezit, Christos Lambropulos tha se zjarri ka dëmtuar shumë ndërtesa./UBTNews/
Presidenti rus Vladimir Putin ka paralajmëruar Korenë e Jugut se do të bënte “një gabim të madh” nëse armatos Ukrainën në luftën kundër Rusisë.
Komentet e tij vijnë pasi Seuli tha se po shqyrtonte një mundësi të tillë, në përgjigje të paktit të ri të Rusisë dhe Koresë së Veriut për të ndihmuar njëri-tjetrin në rast të “agresionit” kundër secilit vend.
“Moska do të marrë vendime që nuk ka gjasa të kënaqin udhëheqjen aktuale të Koresë së Jugut nëse Seuli vendos të furnizojë me armë Kievit”, tha Putin.
Udhëheqësi rus po fliste në Vietnam, menjëherë pas një vizite në Phenian, ku nënshkroi një marrëveshje të ndërsjellë të mbrojtjes me liderin e Koresë së Veriut, Kim Jong Un.
Seuli e kishte dënuar më herët marrëveshjen si një kërcënim për sigurinë e tij kombëtare dhe këshilltari i sigurisë kombëtare Chang Ho-jin tha se vendi i tij planifikoi të “rishqyrtojë çështjen e mbështetjes së armëve për Ukrainën”.
Pas komenteve të Putinit, zyra presidenciale e Koresë së Jugut tha të premten se do të shqyrtonte “opsione të ndryshme” në furnizimin me armë në Ukrainë dhe qëndrimi i saj “do të varet nga mënyra se si Rusia i qaset kësaj çështjeje”.
Ndërsa Koreja e Jugut i ka dhënë Ukrainës ndihma humanitare dhe pajisje ushtarake, ajo deri më tani ka refuzuar të sigurojë armë vdekjeprurëse pasi ka një politikë zyrtare për të mos armatosur vendet në luftë./UBTNews/
Taksoni të pasurit që të paguajnë për veprimin klimatik thonë italianët
Sanksionohen gjashtë persona për sulme kibernetike kundër shteteve të BE-së dhe Ukrainës
Shumë vende afrikane nisin vaksinimin kundër HPV-së, por rezistenca vazhdon
Tajani vlerëson paketën e re të sanksioneve të BE-së kundër Rusisë
Arkitektura dhe identiteti: Ndërtesa Yacoubian si pjesë e peizazhit urban të Bejrutit
Vizita e Osmanit në Ulqin, Qeveria malazeze lëshon një njoftim: S’kemi çështje të hapura politike me Kosovën
Rekordi i Berat Gjimshitit: 66 ndeshje, 3492 minuta në fushë
Zyra e Borrellit publikon agjendën për takimin Kurti-Vuçiq
Mbytet një 60-vjeçar në plazhin e Velipojës
-
Lajmet2 muaj më parëSa janë gjasat e Kosovës për anëtarësim në KE dhe a do të ndikojnë deklaratat e Vuçiqit?
-
Lajmet nga UBT3 muaj më parëRektori Hajrizi takon studentët e Universitetit të Harvardit, zhvillon një ligjëratë rreth lidershipit në vendet e zhvilluara
-
Lajmet nga UBT3 muaj më parëRektori Hajrizi takon Drejtoreshën Ekzekutive të Qendrës për Zhvillim Ndërkombëtar në Kennedy School dhe në Harvard University, Fatema Z. Sumar – flasin për mundësinë e bashkëpunimit mes dy institucioneve
-
Lajmet3 muaj më parëPacientët me diabet të tipit 1 në Angli, do të marrin ‘pankreas artificial’ si mjekim