Sport

​Flet Dardan Berisha: Ja pse ika nga Peja dhe iu bashkova Prishtinës

Largimi i tij nga KB Peja Berisha thotë se erdhi pas një marrëveshje të dyanshme.

Published

4 years ago

on

Basketbollisti Dardan Berisha së fundi ka vendosur që të largohet nga klubi i basketbolli Peja për t’iu bashkuar Sigal Prishtinës.

Ky transferim bëri bujë të madhe në basketbollin vendor pasi Berisha është njëri nga basketbollistët më të spikatur që e ka ky sport në vendin tonë.

Largimi i tij nga KB Peja Berisha thotë se erdhi pas një marrëveshje të dyanshme, por që sipas tij disa gjëra kanë mbetur ende pa u definuar mes tyre, derisa shton se me Prishtinën kanë ambicie të mëdha.

“Ambiciet e klubit, me Pejën i kemi arritur synimet tona. Me marrëveshje dhe me mirëkuptim të dyanshëm jemi ndarë. Po besoj që të gjitha ato gjëra që kanë mbetur pa u definuar do të kryhen, por thjeshtë e kemi parë të arsyeshme edhe unë edhe ata për ta shkëputur kontratën kështu që i vetmi klub që kisha pasur dëshirë me ardhur u kon Prishtina. Unë vetëm në Prishtinë dhe Pejë kam luajtur në Kosovë kështu që kjo është shtëpia ime, kam luajtur pesë vite këtu, i di të gjitha dhe projekti i Prishtinës shumë i mirë, ambicien edhe në garat ndërkombëtare edhe këto vendore. Prishtina dëshiron të kthehet aty ku e ka vendin dhe për këtë arsye edhe kam ardhur dhe po besoj që ambiciet e klubit do t’i arrijmë”, tha Berisha.

Te Sigal Prishtina risi ka edhe sa i përket trajnerit. Në krye të klubit ka ardhur Ekrem Memnun për të cilin Berisha thotë se ka shumë eksperiencë dhe se do t’i jap shumë klubit.

“Tepër i mirë, trajneri është me eksperiencë, normal tani edhe unë kam disa vite eksperiencën mund t’i ndihmojë edhe trajneri në parket me lojtarë kështu që e kemi një bashkëpunim tepër të mirë dhe po besoj që ajo do të vazhdojë. Do të na ndihmoj shumë trajneri që ka ardhur, është shumë serioz edhe po punojmë shumë mirë kështu që po besoj që shumë shpejtë do të kompletohet ekipa dhe të përgatitemi për garat tani si këto vendore ashtu edhe ndërkombëtare”, theksoi Berisha.

Madje Berisha thotë se te Prishtina ka ardhur edhe për t’i ndihmuar lojtarët e rinj dhe ata të huaj që do të vijnë.

“Për ata edhe kam ardhur, të iu ndihmojë lojtarëve të rinj por edhe motivi im definitivisht është rritur këtu, kështu që kjo është ndihme të për të gjithë, edhe për mua edhe për lojtarët e rinj edhe për klubin po besoj kështu që do të mundohem ta jap maksimumin për ta ndihmuar edhe trajnerin edhe lojtarët që do të vijnë të huaj, edhe të rinjve. E di çfarë pret Prishtina, edhe ligën e Kosovës e di edhe këto ndërkombëtaret njëjtë kështu që po besoj që të gjithë janë në plus me këtë transferimin tim në Prishtinë”, tha ai.

Reprezentuesi kosovar parasheh luftë të ashpër për titull në edicionin e ri garues të Superligës së Kosovës.

“Do të jetë e forte, kjo është shumë e mirë për basketbollin, konkurrenca është në rritje. Janë ekipet që janë përforcuar dhe janë shumë më serioze se sa kanë qenë kështu që kjo është e mira edhe për basketbollin e Kosovës edhe për konkurrencën edhe për tifozët do të mbushen në secilën sallë dhe do të jetë atmosfera që basketbolli di ta jap në sportin e Kosovës. Lufta do të jetë shumë e ashpër, por po besoj që në fund do ta arrijë ai që është më i përgatituri dhe ekipa ma e mirë do të fitojë”, tha në fund Berisha.

Shumë i lumtur me ardhjen e Berishës në klub u shpreh edhe trajneri Ekrem Memnun i cili tha se eksperienca e një lojtari si Dardan Berisha ishte duke i munguar shumë klubit.

“Dardani është me ne, ai ka një talent dhe eksperiencë të madhe dhe mendoj që ai do të sjellë shumë eksperiencë, talent dhe lidership në klub dhe kjo është ajo që na mungonte neve dhe jam shumë i lumtur për mënyrën se si ai po bashkëpunon me ne dhe unë dhe kam pritje shumë të mëdha dhe besoj që së bashku do të krijojmë gjërat të mira”, tha Memnun.

Related Topics:
Continue Reading

Sport

Klopp zbulon prapaskenat: Liverpooli ishte shumë pranë transferimit të Kylian Mbappes

Published

3 hours ago

on

July 10, 2026

By

Jurgen Klopp ka zbuluar se Liverpooli ishte shumë pranë transferimit të Kylian Mbappes në fillimet e karrierës së sulmuesit francez, duke rrëfyer prapaskenat e një operacioni që, sipas tij, ishte më i madhi në historinë e klubit në atë periudhë.

Ish-trajneri i “The Reds”, gjatë një paraqitjeje si analist në kanalin gjerman Magenta TV për ndeshjen Francë–Marok në Kupën e Botës 2026, tregoi se drejtuesit e Liverpoolit kishin bërë një përpjekje të jashtëzakonshme për ta bindur Mbappen të zgjidhte “Anfieldin”, kur ai ishte ende pjesë e Monacos.

“Ky ishte transferimi më i shtrenjtë në të cilin investoi Liverpooli. Fluturuam nga Blackpool në Nice, ku e gjithë familja Mbappe u bashkua me ne në një avion privat. Kaluam kohë së bashku, biseduam, darkuam dhe zhvilluam takime larg syrit të publikut. Ishte një eksperiencë fantastike… por në fund ai zgjodhi Parisin”, rrëfeu Klopp.

Pavarësisht përpjekjeve të klubit anglez, gara për nënshkrimin e talentit francez u fitua nga Paris Saint-Germain. Në verën e vitit 2017, klubi parisien e transferoi Mbappen nga Monaco në një marrëveshje fillestare huazimi, ndërsa një vit më vonë aktivizoi blerjen përfundimtare për 180 milionë euro, duke e bërë atë një nga transferimet më të shtrenjta në historinë e futbollit.

Pas shtatë sezonesh të suksesshme te PSG, Mbappe realizoi ëndrrën e tij në verën e vitit 2024, kur iu bashkua Real Madridit si lojtar i lirë.

Sulmuesi francez nuk e ka fshehur asnjëherë respektin dhe admirimin për Liverpoolin dhe Jurgen Kloppin. Në një intervistë për BBC Sport në vitin 2020, ai e cilësoi skuadrën angleze si një nga më të mirat në botë.

“Ajo që po bën Liverpooli është e mahnitshme. Ata funksionojnë si një makinë, kanë gjetur ritmin e tyre dhe gjithçka duket e lehtë kur i shikon, edhe pse nuk është aspak kështu. Luajnë çdo tre ditë dhe vazhdojnë të fitojnë. Janë një ekip fantastik me një trajner të shkëlqyer”, kishte deklaruar Mbappe.

Dy vite më vonë, në vitin 2022, francezi konfirmoi se kishte pasur kontakte me Liverpoolin, por theksoi se bisedimet nuk kishin avancuar shumë.

“Folëm pak me Liverpoolin, por jo shumë. Në fund gjithçka ishte mes Real Madridit dhe PSG-së. Kam folur me Liverpoolin sepse e kuqja është ngjyra e preferuar e nënës sime dhe ajo e do Liverpoolin. Nuk e di pse, por është e vërtetë. U takuam edhe kur isha te Monaco. Është një klub i madh”, kishte thënë ai.

Rrëfimi i Kloppit hedh dritë mbi një nga transferimet që mund ta kishte ndryshuar historinë e Liverpoolit. Edhe pse marrëveshja nuk u realizua, interesimi i klubit anglez për Mbappen ishte real dhe shumë më i avancuar sesa ishte bërë i ditur publikisht.

D.L

Continue Reading

Sport

Franca eliminon Marokun dhe siguron biletën për në gjysmëfinale të Kupës së Botës

Published

4 hours ago

on

July 10, 2026

By

Kombëtarja e Francës ka siguruar një vend në gjysmëfinalen e Kupës së Botës, pasi mposhti Marokun me rezultatin pastër 2:0 në ndeshjen e parë çerekfinale të zhvilluar në Boston. Ndeshja u vendos në pjesën e dytë, ku sulmi francez u tregua sërish mjaft efikas në momentet kryesore, duke thyer dy herë rresht mbrojtjen e herizonit afrikan dhe duke bërë që Franca tani të presë fituesin e duelit mes Spanjës dhe Belgjikës.

Sfida nisi me një presion të lartë të francezëve, por portieri i Marokut, Yassine Bounou, bëri një paraqitje të jashtëzakonshme në pjesën e parë. Ai u bë protagonist kryesor duke pritur edhe një penallti të Kylian Mbappe-s në minutën e 28-të. Megjithatë, rezistenca marokene zgjati deri në minutën e 60-të, kur po i njëjti Mbappe gjeti rrugën e rrjetës me një gjuajtje të fuqishme, duke realizuar golin e tij të tetë në këtë turne, shifër kjo që e barazon atë me Lionel Messin.

Goli i parë i hapi rrugë dominimit të Francës, që vetëm gjashtë minuta më vonë dyfishoi shifrat. Ishte sërish Mbappe ai që ndërtoi aksionin, duke asistuar saktë për fituesin e “Topit të Artë”, Ousmane Dembele, i cili shënoi një gol mjaft të bukur për 2:0. Edhe pse Mbappe u detyrua të linte fushën i lënduar në minutën e 77-të, Maroku e pati të pamundur të reagonte apo të rrezikonte triumfin e francezëve. Me këtë rezultat, Maroku i jep lamtumirën Botërorit, duke përsëritur të njëjtin fat si në Katar në vitin 2022, ku u eliminuan po nga Franca me të njëjtat shifra. /E. A/

Continue Reading

Sport

Franca dhe Maroku përballen sonte për një vend në gjysmëfinale

Published

18 hours ago

on

July 9, 2026

By

Franca dhe Maroku do të përballen sonte në çerekfinalen e Kupës së Botës, në një duel që pritet të jetë ndër më interesantët e kësaj faze të turneut.

Ndeshja zhvillohet nga ora 22:00, ndërsa të dyja kombëtaret synojnë kualifikimin në mesin e katër skuadrave më të mira të Botërorit.

Franca vjen në këtë takim pas fitores minimale ndaj Paraguait në fazën e 1/8-tës, ndërsa Maroku siguroi kualifikimin duke mposhtur bindshëm Kanadanë.

Francezët konsiderohen favoritë falë përvojës dhe cilësisë së skuadrës, por Maroku ka dëshmuar gjatë këtij Botërori se është një kundërshtar i fortë dhe i gatshëm të befasojë çdo rival.

Të dy kombëtaret synojnë një vend mes katër skuadrave më të mira të Botërorit, në një ndeshje që pritet të dhurojë rivalitet të madh dhe emocione deri në fund.

D.L

Continue Reading

Sport

Moti ekstrem rrezikon të shtyjë çerekfinalen Angli – Norvegji në Kupën e Botës

Published

22 hours ago

on

July 9, 2026

By

Përballja e shumëpritur mes Anglisë dhe Norvegjisë në çerekfinalen e Kupës së Botës mund të mos zhvillohet sipas planit, për shkak të kushteve ekstreme atmosferike që pritet të godasin Miamin.

Sipas parashikimeve të motit, zona do të përballet me temperatura shumë të larta, lagështi të madhe dhe stuhi të forta me rrufe, duke ngritur pikëpyetje mbi zhvillimin e ndeshjes.

Edhe pse temperatura pritet të jetë rreth 34 gradë Celsius, lagështia e lartë do ta bëjë atë të ndihet si 43-44 gradë, duke krijuar kushte të vështira për futbollistët dhe tifozët.

Përveç vapës së madhe, shqetësimi kryesor mbeten stuhitë elektrike. Sipas protokolleve të FIFA-s, nëse regjistrohet një goditje rrufeje brenda një rrezeje prej 13 kilometrash nga stadiumi, ndeshja duhet të pezullohet ose të shtyhet menjëherë. Çdo goditje e re rrufeje e rinis automatikisht periudhën e pritjes prej 30 minutash, gjë që mund të shkaktojë vonesa të gjata.

Gjithashtu, gjyqtarët do të kryejnë matje të indeksit të nxehtësisë 90 dhe 60 minuta para fillimit të takimit, për të vlerësuar nëse kushtet paraqesin rrezik për shëndetin e lojtarëve.

Nuk do të ishte hera e parë që Anglia përballet me një situatë të tillë në këtë Botëror. Ndeshja e fazës së 1/8-tës ndaj Meksikës u shty me një orë për shkak të motit të keq dhe stuhive, duke bërë që sfida të përfundonte në orët e para të mëngjesit sipas kohës në Mbretërinë e Bashkuar.

Organizatorët do të monitorojnë vazhdimisht kushtet atmosferike, ndërsa një vendim përfundimtar për zhvillimin e ndeshjes do të merret në përputhje me protokollet e sigurisë të FIFA-s.

D.L

Continue Reading

Të kërkuara