Sport

​“Final Four” i Ligës Unike zhvillohet në Pejë, zbulohet çmimi i biletave dhe detaje të tjera

FBK ka vendosur që ky turne të zhvillohet në Pejë.

Published

3 years ago

on

Për herë të parë Federata e Basketbollit të Kosovës do të organizojë turneun “Final Four” në kuadër të Ligës Unike ku marrin pjesë skuadra nga Kosova dhe Shqipëria.

FBK ka vendosur që ky turne të zhvillohet në Pejë, përkatësisht në palestrën “Karagaçi” nën organizimin e Klubit të Basketbollit Peja.

Në një konferencë për media me rastin e nënshkrimit të kontratës ndërmjet FBK-së dhe KB Peja, Sekretarja e kësaj federate Elvira Dushku tha se KB Peja i ka plotësuar të gjitha kushtet për organizimin e këtij turneu dhe se së bashku janë duke punuar në mënyrë intensive që tifozët ta shijojnë një spektakël të vërtetë në palestrën sportive “Karagaçi”.

“Për herë të parë do të organizohet “Final Four” i Ligës Unike, këtë herë do të jetë në Pejë, pra edicioni i parë do të jetë në Pejë. Klubi i Basketbollit Peja i ka plotësua të gjitha kriteret konform konkursit që është shpallur dhe së bashku me Ligën Unike tashmë prej momentin kur është votuar nga bordi i Ligës Unike pardje kemi filluar përgatitjet intensive në mënyrë që të mërkurën dhe të enjten e ardhshme të jemi ta gatshëm për spektaklin që t’iu servohet të gjithë adhuruesve të basketbollit ne palestrën ‘Karagaçi’ në Pejë”, tha Dushku.

Ndërsa drejtori sportiv i Klubit të Basketbollit Peja, Arbër Elashani deklaroi se ata kanë bërë të gjitha përgatitjet që ky organizim të shkojë në mënyrën më të mirë të mundshme, derisa ka deklaruar për këtë klub është nder i madh organizimi i një ngjarje kaq të madhe.

“Është vërtetë një nder shumë i madh për klubin e basketbollit Peja që për herë të parë ta organizojmë një event me një rëndësi kaq të madhe të ligës mbarëshqiptare siç është “Final Four” i Ligës Unike. Ne në mbledhjen e fundit që e kemi pasur te Klubi i Basketbollit Peja nga presidenti dhe secili anëtar i klubit tonë kemi marr zotimin që ta organizojmë Ligën Unike bashkarisht me Federatën e Basketbollit të Kosovës dhe Federatën e Basketbollit të Shqipërisë, pra bëhet fjalë për një trekëndësh dhe kemi bashkëpunim të ndërsjellë dhe normalisht që e sigurojë këtu sekretaren që organizimi do të jetë spektakolar dhe i një niveli shumë të lartë”, tha Elshani.

Ai më pas zbuloi edhe detaje mbi çmimin e biletave për të cilat ka bërë të ditur se do të shiten në dy forma. Njëra mund të blihet si pako përmes së cilës mund të ndiqen të gjitha ndeshjet, dhe tjetra është mënyrë vetjake, ose për secilën ndeshje veçmas.

“Do ta lansojmë një biletë e cila do të jetë për të gjithë eventin e vlefshme dhe çmimi i saj është 10 euro. Pra me 10 euro një tifozë mund të vijë ta shikojë komplet eventin e Ligës Unike, Final Four, gjysmëfinalet, vendi i tretë dhe finalen. Për tifozët të cilët refuzojnë ta blejnë biletën për të gjithë eventin do ta kenë biletën e cila quhet vetjake për një ndeshje e cila do ta ketë çmimin 5 euro”, theksoi Elshani.

Në fund sekretarja e FBK-së bëri të ditur se në total, shpërblimi për të gjitha ekipet pjesëmarrëse në këtë turne do të jetë 25 mijë euro.

Ndeshjet do të zhvillohen më 20 dhe 21 prill ku në gjysmëfinale ballafaqohen Golden Eagle Ylli-Teuta dhe Peja-Prizreni 16.

Finalja si dhe ndeshja për vendin e tretë zhvillohen më 21 prill.

Related Topics:
Continue Reading

Sport

Titullar në dy ndeshjet e fundit, Broja përfundon në tribunë për takimin kundër Chelseat

Published

6 hours ago

on

April 26, 2025

By

Sulmuesi i Kombëtares shqiptare, Armando Broja, duket se ka fituar besimin e trajnerit David Moyes te Everton, pasi ka qenë titullar në dy sfidat e fundit në kampionat me Nottingham dhe Manchester City.

Gjithsesi, 23-vjeçari shqiptar nuk do të jetë i gatshëm për sfidën me Chelsean këtë të shtunë, kjo për shkak të një rregulli që është në futbollin anglez.

Sulmuesi shqiptar nuk do të mund të aktivizohet kundër klubit që ka në pronësi kartonin e tij dhe për këtë arsye, do të jetë i detyruar që sfidën kundër Chelseat ta ndjekë nga tribuna.

E ardhmja e Brojës mbetet ende e turbullt, me klubin londinez që e ka nxjerrë në shitje këtë verë, ndërsa Everton nuk është bindur ende plotësisht nëse do të blejë kartonin e shqiptarit.

 

Continue Reading

Sport

Tragjedi në pistën e skive, vdes në moshën 18-vjeçare ylli i ri francez Margot Simond

Published

1 day ago

on

April 25, 2025

By

Një tjetër tragjedi ka goditur botën e skive, pas asaj të Matilde Lorenzi. Vdes gjatë një stërvitjeje ne Val d”lsere ylli i ri francez i skive, Margot Simond. Ajo po përgatitej të merrte pjesë ne eventin “Red Bull Alpine Park”.

18-vjecarja ra gjatë aktivitetit dhe ndërhyrja e shpejtë e ndihmës nuk arriti ta shpëtojë, përplasja ishte fatale.

Prokuroria e Alberville ka hapur një hetim për aksidentin.

Margot Simond, e lindur në Aillons Margériaz, në rajonin e Savojës dhe pjesë e klubit të skive “Ski Club Les Saisies”, ishte një nga talentet më të mëdha të skive franceze.

Kampione kombëtare në kategorinë nën 18 vjeç, këtë vit kishte debutuar në Kupën e Europës dhe kishte marrë pjesë në Kampionatin Botëror për të rinj në Tarvisio.

Continue Reading

Sport

Nga sfidat e një atleti e deri tek problemi shëndetësor që pati, intervistë ekskluzive me Tirron Mamusha

Published

1 day ago

on

April 25, 2025

By

n’Ritëm ka zhvilluar intervistë me atletin nga Gjakova, Tirron Mamusha me të cilin diskutuam për garat e fundit, sfidat por dhe sukseset e profesionit të tij.

Ai më tutje ndau me dëgjuesit e Campus Radio momente nga jeta private duke zbuluar se pati një lëndim dhe kaloi rreth 6 muaj të vështirë e madje nuk pati shpresë se do i’a arrijë që të vrapojë përsëri.

Duke qenë një ndër atletët që premton shumë, Tirroni pohon faktin se motivohet nga njerëzit që e rrethojnë dhe se kur ndodhet në garë ajo që e mendon është vetëm të jetë në Top 3.

Campus Radio-n mund ta dëgjoni në 100.7FM dhe në platformë online:

TUNE IN: https://www.ubt-uni.net/sq/media-dhe-evente/ubt-radio-kampusi/

/UBT News/

Continue Reading

Sport

​Prishtina 01 fituese e Kupës së Kosovës në futsall

Published

1 day ago

on

April 25, 2025

By

Finalja e Kupës së Kosovës në futsall dhuroi spektakël të vërtetë në Pallatin e Rinisë dhe Sporteve në kryeqytet, ku FC Prishtina 01 doli fituese ndaj FC Vjosa me rezultat 5:4, pas vazhdimeve. Në një atmosferë elektrizuese në një palestër po thuajse të stërmbushur me tifozë, të dyja skuadrat ofruan një prej ndeshjeve më emocionuese të këtij edicioni.

Pjesa e parë përfundoi në barazim, 2:2. Për Prishtinën 01 dy herë realizoi Drilon Maxharraj, ndërsa për Vjosën shënuan Jetmir Gashi dhe Jesus Rivas.

Në pjesën e dytë, Halim Selmanaj dhe Ramadan Alaj i dhanë epërsinë Prishtinës me rezultat 4:2, por Vjosa reagoi fuqishëm. Fillimisht, Jesus Vidal ngushtoi rezultatin në 4:3, ndërsa në sekondat e fundit një autogol i Melos Kelmendit barazoi gjithçka në 4:4, duke çuar ndeshjen në vazhdime.

Në vazhdimet dy herë nga 5 minuta, Fitim Krasniqi shënoi golin vendimtar për 5:4, duke i siguruar FC Prishtina 01 trofeun e çmuar të Kupës së Kosovës në futsall. Ky është trofeu i katërt për këtë skuadër në këtë garë dhe i treti radhazi.

Spektakli i mbrëmjes u zbeh kur kishin mbetur 25 sekonda deri në fund të vazhdimeve, kur skuadra e Vjosës refuzoi ta vazhdojë lojën në shenjë pakënaqësie ndaj një vendimi të gjyqtarëve. Kjo shkaktoi reagime edhe nga tifozët e shumtë të Vjosës, të cilët hodhën gjësende në parket. Gjyqtarët pritën për pesë minuta rikthimin e ekipit në fushë, por kjo nuk ndodhi, dhe më pas dhanë shenjë për përfundimin e ndeshjes.

 

Continue Reading

Të kërkuara