Lajmet

​Fillon dëshminë dëshmitari i tretë i mbrojtjes së Mustafës në Hagë

Jakup Ismaili është dëshmitari i tretë i mbrojtjes në gjyqin ndaj Salih Mustafës.

Published

4 years ago

on

Jakup Ismaili është dëshmitari i tretë i mbrojtjes së ish-pjesëtarit të Ushtrisë Çlirimtare të Kosovës, Salih Mustafa. Para trupit gjykues në Dhomat e Specializuara të Kosovës në Hagë, ai po përgjigjet në pyetjet e avokatit të Mustafës, Julius Von Bone rreth aktivitetit të tij në vitin 1999 në Kosovë.

Ismaili ka thënë se në vitin 1999 është marrë me çështje që lidhen me ndihma humanitare duke theksuar Këshillin Komunal të Emergjencave.

“Në Prishtinë kanë qenë të zhvendosur popullata e cila është shpërngulë në rajone të tjera të luftës, siç ka qenë rajoni i Drenicës, Dukagjinit dhe rajoneve të tjera, ka qenë domosdoshmëri me formu një këshill të emergjencave për me ndihmu atë popullatë. Popullata strehohej nëpër familje tona së pari mandej edhe nëpër familje nëpër fshatra, në përgjithësi në Prishtinë dhe rrethinë”, ka thënë dëshmitari i mbrojtjes.

Ai ka thënë se këshilli është furnizuar nga njerëzit bamirës, nga qeveria e përkohshme dhe organizatat si Nënë Tereza dhe Kryqi i Kuq.

“Këshilli komunal i emergjencave është themeluar nga këshilli republikan, qeveria e përkohshme që ka qenë në ekzil i ka dërguar mjetet dhe e ka financuar, përveç ndihmave nga bamirësit. Janë blerë të gjitha produktet e nevojshme dhe kanë filluar me u shpërnda”, ka thënë ai.

Ai ka thënë se selia e këtij këshilli ishte e vendosur në një shtëpi private në lagjen Velania në Prishtinë dhe se Lidhja Demokratike e Kosovës ka qenë në strukturat organizative të këtij këshilli.

“LDK ishte e përfshirë në strukturat organizative të Këshillit të Emergjencës shumica e aktivistëve të cilët kanë ekzistuar edhe më herët kanë qenë të përfshirë, për me mujt me përfshi terrenin nëpër gjithë Kosovën”, ka thënë Ismaili.

Duke folur për rolin e tij në atë kohë, Ismaili ka thënë se vet ka qenë aktiv në shpërndarjen e ndihmave.

Jakup Ismaili është dëshmitari i tretë i mbrojtjes në gjyqin ndaj Salih Mustafës, i cili është arrestuar më 24 shtator të vitit të kaluar, me pretendimin për krime lufte. Ai po qëndron në qendrën e paraburgimit në Hagë ndërsa në deklarimin e tij para trupit gjykues Mustafa është deklaruar i pafajshëm.

Related Topics:
Continue Reading

Lajmet

​Shpërndahet Kuvendi, Haradinaj: Propozuam 21 dhjetorin si ditë të zgjedhjeve parlamentare

Published

4 minutes ago

on

November 20, 2025

By

Presidentja e Kosovës, Vjosa Osmani, ka nënshkruar dekretin për shpërndarjen e Kuvendit, tha kryetari i AAK-së, Ramush Haradinaj.

Ai pas takimit me të parën e vendit tha se kanë propozuar që data e zgjedhjeve të parakohshme të jetë më 21 dhjetor.

Haradinaj u shpreh kundër mbajtjes së zgjedhjeve më 28 dhjetor.

“Sot u nënshkrua dekreti i shpërbërjes së Kuvendit nga ky takim fillon edhe koha e datës së zgjedhjeve të jashtëzakonshme parlamentare.. Kemi propozuar që të jetë dita e zgjedhjeve parlamentare 21 dhjetor, mendojmë se në këtë mënyrë do të fitojmë së paku një javë kohë vazhdimeve buxhetore që duhet të ndodhin.. Periudha e para vitit të ri sepse pushteti po kërkon 28 dhjetor, ajo periudhë është e çmuar e familjeve tona jo vetëm e pushimit por edhe bashkimeve familjare, është një arrogancë nga politika deri në ofendim me shpallë zgjedhjet me 28 dhjetor e që pastaj me vazhdu me mbet me numërime e rezultate”, tha Haradinaj.

Sido që të jetë data, Haradinaj tha se AAK-ja do të garojë e vetme.

“Sido qe të jete në cilën do datë AAK-ja është e përgatitur dhe do të shkojmë të vetëm”, tha ai.

Tutje Haradinaj tha se është për qeveri të opozitës dhe nuk do të këta ndryshim për Qeverinë Kurti./KP

Continue Reading

Lajmet

“Kjo tregon paaftësi” – Limaj e quan fatkeqësi shpërndarjen e Kuvendit të Kosovës

Published

5 minutes ago

on

November 20, 2025

By

Lajm të keq e ka quajtur shpërndarjen e Kuvendit, kryetari i Nisma Socialdemokrate, Fatmir Limaj.

Ai tha se “kjo tregon paaftësi dhe panjohuri sesi ndërtohet shteti”.

Limaj pas takimit me presidenten Osmani tha se tani është koha për një lidership ndryshe.

“Koha është që të ketë një alternative ndryshe që të jep shpresë për ndryshime”, tha ai./KP

Continue Reading

Lajmet

​PDK kërkon që zgjedhjet të mbahen më 21 dhjetor

Published

8 minutes ago

on

November 20, 2025

By

Kryetari i Partisë Demokratike të Kosovës, Bedri Hamza, tha se preferojnë që zgjedhjet e parakohshme të mbahen më 21 dhjetor.

Ai pas takimit me presidenten Vjosa Osmani u shpreh kundër që zgjedhjet të mbahen më 28 dhjetor.

“Unë do të garoj me një ekip dhe listë të mirë. Jemi të përgatitur për zgjedhjet e parakohshme”, tha ai.

Hamza ripërsëriti qëndrimin e tij se ka vija të kuqe me asnjë subjekt politik, përfshirë Lëvizjen Vetëvendosje./KP

Continue Reading

Lajmet

Presidentja Osmani ka shpërndarë Kuvendin e Republikës së Kosovës

Published

10 minutes ago

on

November 20, 2025

By

 Pas takimeve me liderët e partive politike, Presidentja e Kosovës Vjosa Osmani ka shpërndarë Kuvendin e Kosovës.

“Në përputhje me Kushtetutën e Republikës së Kosovës dhe legjislacionin në fuqi, si dhe pas pranimit sot të vendimit të Kuvendit të Kosovës lidhur me dështimin e krijimit të Qeverisë edhe nga mandatari i dytë, Presidentja e Republikës së Kosovës ka shpërndarë sot Legjislaturën e nëntë të Republikës së Kosovës”, njoftojnë nga Presidenca./EO

Continue Reading

Të kërkuara