Sport

FIFA ia merr Indonezisë të drejtën e organizimit të Kupës së Botës U-20

Kjo pas kundërshtimit të saj për pjesëmarrjen e ekipit kombëtar të Izraelit.

Published

3 years ago

March 30, 2023

UBT news

FIFA ka vendosur të heqë Indonezinë si mikpritëse të Kupës së Botës FIFA U-20 për vitin 2023, të planifikuar midis 20 majit dhe 11 qershorit, pas kundërshtimit të saj për pjesëmarrjen e ekipit kombëtar të Izraelit.

Në deklaratën e saj të mërkurën, FIFA tha se një mikpritës i ri do të shpallet shumë shpejtë, ndërsa datat e turneut aktualisht mbeten të pandryshuara. FIFA shtoi se sanksionet e mundshme kundër Federatës së Futbollit të Indonezisë (PSSI) gjithashtu mund të vendosen në një fazë të mëvonshme. FIFA nuk dha asnjë arsye për heqjen e Indonezisë si mikpritëse e Kupës së Botës FIFA U-20 2023 dhe vetëm tha se kjo u bë “për shkak të rrethanave aktuale”.

Shorti për turneun, i planifikuar të premten, u anulua për shkak të thirrjes së guvernatorit të Balit për të përjashtuar Izraelin nga turneu që do të zhvillohet në gjashtë qytete me pjesëmarrjen e 24 skuadrave.

FIFA theksoi se pavarësisht vendimit, ajo mbetet e përkushtuar për të ndihmuar në mënyrë aktive PSSI-në, në bashkëpunim të ngushtë dhe me mbështetjen e qeverisë së Presidentit Widodo, në procesin e transformimit të futbollit indonezian.

Pas vendimit të FIFA-s, presidenti i Indonezisë Joko Widodo tha se do të dërgonte kryetarin e Federatës së Futbollit të Indonezisë dhe ish-kryetarin e Interit Erick Thohir për të zhvilluar bisedime me zyrtarët e FIFA-s.

Zyrtarët kishin pohuar më parë se arsyeja e anulimit të shortit ishte thirrja e guvernatorit të Balit Wayan Koster për të përjashtuar Izraelin për shkak të politikës së tij ndaj palestinezëve në një letër drejtuar Ministrisë së Rinisë dhe Sporteve Indoneziane muajin e kaluar.

Indonezia pësoi një nga fatkeqësitë më të këqija në historinë e sportit që çoi në vdekjen e 135 njerëzve, duke përfshirë më shumë se 40 fëmijë, në një rrëmujë tetorin e kaluar në Malang.

Sport

Asllani shënon, Hajdari asiston në fitoren e Hoffenheimit ndaj Hamburgut

Published

38 minutes ago

April 27, 2026

UBTNews

TSG Hoffenheim ka shënuar fitore të rëndësishme në udhëtim ndaj Hamburger SV me rezultat 2:1, në një ndeshje ku futbollistët shqiptarë patën rol vendimtar.

Golin e parë për Hoffenheimin e realizoi Tim Lemperle në minutat shtesë të pjesës së parë, pas një asistimi të saktë nga Albian Hajdari, i cili u dallua me paraqitje shumë të mirë gjatë gjithë takimit.

Në pjesën e dytë, në minutën e 64-të, ishte Fisnik Asllani ai që vulosi fitoren, duke shënuar golin e dytë për mysafirët dhe duke qenë një nga figurat kryesore të ndeshjes.

Paraqitja e dy futbollistëve shqiptarë ishte vendimtare për këtë sukses, me Hajdarin që kontribuoi me asist dhe Asllanin që gjeti rrugën e rrjetës, duke konfirmuar formën e mirë dhe rëndësinë e tyre në skuadër.

Hamburger SV arriti të shënojë një gol, por nuk ishte i mjaftueshëm për të shmangur humbjen ndaj një Hoffenheimi më efikas.

Sport

Samadrexha fiton për herë të parë Kupën e Kosovës në hendboll

Published

1 hour ago

April 27, 2026

UBTNews

Samadrexha ka shkruar histori duke e fituar për herë të parë Kupën e Republikës së Kosovës në hendboll në konkurrencën e femrave.

Në finalen e zhvilluar të dielën në palestrën “Bill Clinton” në Ferizaj, Samadrexha triumfoi ndaj Istogu me rezultat 27:23, duke siguruar trofeun e parë të Kupës në historinë e klubit.

Ndeshja ishte e balancuar në pjesën e parë, ku istogaset kishin epërsi të lehtë, por pa arritur të krijojnë diferencë më të madhe se dy gola. Në pjesën e dytë, Samadrexha u shfaq më e organizuar dhe më efikase, duke përmbysur rezultatin dhe duke ruajtur avantazhin deri në fund.

Figura kryesore e ndeshjes ishte Jennifer Abreu me tetë gola, ndërsa Vitoria Oliveira shtoi shtatë të tjerë për fitueset. Në anën tjetër, për Istogun u dallua Joneide Olikaka me tetë gola, ndërsa Alda Bruna realizoi katër.

Në rrugën drejt finales, Samadrexha mposhti Ferizajn në gjysmëfinale, ndërsa Istogu eliminoi Shqiponjën.

Ky sukses shënon një moment historik për Samadrexhën, që për herë të parë ngre trofeun e Kupës së Kosovës.

Sport

Kreshnik Uka shpallet “Ylli i Javës”

Published

1 hour ago

April 27, 2026

UBTNews

Federata e Futbollit e Kosovës, në bashkëpunim me sponsorin zyrtar të Albi Mall Superliga e Kosovës, ka ndarë çmimin tradicional “Ylli i Javës”, i cili i jepet futbollistit më të dalluar të javës në kampionatin elitar kosovar.

Për javën e 30-të të edicionit aktual, ky çmim i është ndarë për herë të tretë futbollistit të FC Drenica, Kreshnik Uka, i cili shkëlqeu me dy gola në fitoren 3:2 ndaj FC Prishtina e Re.

Vlerësimi është bërë nga Komisioni i Veteranëve të Futbollit, i cili ka shpërblyer paraqitjen e tij të jashtëzakonshme në këtë xhiro të kampionatit.

Pas marrjes së çmimit, Uka u shpreh i lumtur për vlerësimin, duke theksuar rëndësinë e fitores dhe reagimin e ekipit në pjesën e dytë të ndeshjes. Ai tha se skuadra, pas disavantazhit 1:0 në pjesën e parë, arriti të rikthehet fuqishëm falë angazhimit të lojtarëve dhe stafit teknik, duke përmendur edhe bashkëpunimin brenda ekipit dhe mentalitetin e ri që po krijohet në klub.

Uka shtoi se synimi kryesor i klubit mbetet Kupa e Kosovës, por nuk përjashtojnë as objektiva të tjera në vazhdim të sezonit, duke theksuar se ekipi po punon me seriozitet dhe përkushtim në çdo ndeshje.

Ky çmim vlerësohet si një tjetër konfirmim i formës së mirë të Kreshnik Ukës në këtë edicion të Superligës.

Lajmet

Kuvendi i Kosovës miraton marrëveshjen me Shqipërinë për Lojërat Mesdhetare Prishtina 2030

Published

1 hour ago

April 27, 2026

UBTNews

Kuvendi i Kosovës ka ratifikuar marrëveshjen ndërmjet Kosovës dhe Shqipërisë për organizimin e Lojërat Mesdhetare Prishtina 2030, në një vendim unanim të miratuar në seancën e 27 prillit 2026.

Për këtë projektligj, i cili mban numrin 10/L-040 dhe ka të bëjë me ratifikimin e marrëveshjes ndërmjet Qeveria e Republikës së Kosovës dhe Këshilli i Ministrave i Republikës së Shqipërisë, votuan 93 deputetë pro, pa asnjë votë kundër apo abstenim.

Lojërat Mesdhetare, të themeluara në vitin 1951, janë një ngjarje shumë-sportive që zhvillohet çdo katër vjet nën mbështetjen e Komitetit Olimpik Ndërkombëtar. Për herë të parë në histori, Kosova do të jetë vend nikoqir i këtij eventi madhor sportiv, që konsiderohet organizimi më i madh sportiv në historinë e saj.

Vendimi për t’ia besuar organizimin Kosovës u mor më 8 shtator 2024, kur Asambleja e Përgjithshme e Komitetit Ndërkombëtar të Lojërave Mesdhetare (ICMG) votoi kandidaturën “Prishtina 2030” me 55 vota pro, 8 kundër dhe 3 të pavlefshme, në një takim të mbajtur në Heraklion të Greqisë.

Kosova, ndonëse pa dalje në det, u lejua të kandidojë pas ndryshimeve në statutin e ICMG-së, të cilat hapën mundësinë që edhe vendet pa bregdet të organizojnë Lojërat Mesdhetare.

Në këtë proces, Shqipëria ka marrë përsipër të ofrojë mbështetje të rëndësishme, duke vënë në dispozicion bregdetin e saj për zhvillimin e garave të sporteve ujore, duke forcuar bashkëpunimin mes dy vendeve në organizimin e këtij eventi historik.