Sport

​Eroll Salihu tregon të ardhmen e Bernard Challandes, flet edhe për largimin e Paqaradës

Published

5 years ago

on

Dy humbjet e Kosovës nga Suedia dhe Spanja në kualifikimet për në Kampionatin Botëror “Katar 2022”, pastaj mos ftesa e disa lojtarëve të Superligës së Kosovës si dhe atmosfera jo e mirë brenda grupit, të gjitha këto i janë faturuar trajnerit zviceran, Bernard Challandes.

Madje kritikat e opinionit sportiv kanë shkuar aq larg sa edhe është kërkuar shkarkimi i tij nga Federata e Futbollit të Kosovës.

Mirëpo shkarkimi i Bernard Challandes nuk është në planet e kësaj federate. Kështu ka konfirmuar në një intervistë për KosovaPress, sekretari i FFK-së Eroll Salihu. Ai ka thënë se kontrata e trajnerit zviceran skadon vitin e ardhshëm, por se nuk mund të merren vendime të ngutshme pas një ose dy lojërave jo të mira.

“Trajneri Challandes kontrata i ka skaduar në maj (të vitit të kaluar) dhe është dashur të vazhdohet kontrata dhe cili njeri nuk do ta vazhdonte kontratën me një person që ka pasur 15 ndeshje që e ka bërë këtë popull krenar. Më tregoni një person serioz. Nuk dua t’i dëgjoj palaçot që dalin çdo ditë dhe i shesin mend të gjithë popullit dhe nuk kanë kurrë fare as dije e as kompetenca. Pra duhet të jemi real, e ka merituar një kontratë të re. Pra kontrata vitin e ardhshëm i skadon. Kështu që puna e tij gjithsesi vlerësohet, por po them edhe njëherë nuk mundesh me një lojë apo dy të nxjerrësh vendime të cilat do të ishin të ngutshme.”, tha Salihu.

Madje Salihu duke folur për KosovaPress deklaroi se shqyrtimi i punës së Bernard Challandes mund të bëhet pasi të përfundojë cikli kualifikues i ndeshjeve për në Kampionatin Botëror dhe se puna e tij do të shqyrtohet vetëm pasi të mbyllen këto ndeshje.

“Unë besoj që po. Nuk është kompetencë e imja, është e Komitetit Ekzekutiv, por unë besoj që duhet të vazhdojë dhe pastaj kur të përfundojë ky cikël pastaj mund të bëhet një rishqyrtim besoj por duhet të jemi real që për Kampionat Botëror është shumë, shumë vështirë që të kualifikohemi sepse është një numër shumë i vogël nga Evropa që shkon, por ne mendoj se duhet të përgatitemi për fazën e Uefa Nation League, aty ku e kemi treguar forcën, ku e kemi pasur vendin e parë dhe të përgatitemi së paku të kemi një ekip solid. Prandaj edhe njëherë po them kjo mbetet çështje e Komitetit Ekzekutiv por unë besoj personalisht që ky ciklus duhet të kryhet me atë.”, deklaroi Salihu.

Por a është paga e lartë e Challandes njëri nga faktorët që FFK-ja po heziton ta shkarkojë atë?

“Është njëri, por nga ana tjetër nuk mendojmë që trajneri është shkaku kryesor që nuk kemi qenë të suksesshëm si më parë, do të thotë unë nuk e kam atë bindje. Është pak i ngutshëm, një konstatim jo serioz”, tha ai.

Para pak ditësh mbrojtësi i Kombëtares së Kosovës, Leart Paqarada bëri të ditur se tërhiqet nga Përfaqësuesja e Kosovës dhe se nuk kthehet deri sa në krye të skuadrës është trajneri Bernard Challandes. Duke e komentuar këtë vendim të Paqaradës, Salihu tha se lojtari në fjalë ka bërë një veprim të ngutshëm por se në fund secili merr përgjegjësinë për veprimet e veta.

“Nuk mendoj se ka vendosur mirë për arsye se ka pasur rastin, ka luajtur edhe nganjëherë edhe nuk shkon, nuk je në formë. Mendoj që ndoshta është dashur më shumë të luajë, por vendos trajneri në fund të fundit. Prandaj unë mendoj që Learti ka bërë një hap të ngutshëm, por në fund të fundit secili përgjigjet për veprimet e veta”, u shpreh Salihu.

Krejt në fund, Eroll Salihu duke folur për KosovaPress nuk e ka përjashtuar mundësinë që trajneri që do ta pasojë Challandes në stolin e Kombëtares së Kosovës të jetë nga skena vendore.

“Asgjë nuk përjashtohet. Dorën në zemër shumë pak trajnerë kemi që kanë përvojë ndërkombëtare. Prandaj aty duhet të jemi shumë të kujdesshëm. Unë e di që kemi një Besnik Hasi për shembull, për mua është jo vetëm trajner i mirë por është karakter, e ka dëshmuar veten, është djalë i mirë, është burrë i mirë, por nuk varet po them gjithmonë nga njëra palë por nga të dy palët. Unë nuk kam ndonjë preferencë sinqerisht po iu them si ish-futbollist, por i mbetet prapë Komitetit Ekzekutiv që të vendosë”, tha në fund Salihu.

Ndeshjet e radhës sa i përket kualifikimeve për Kampionatin Botëror, Kosova i zhvillon në muajin shtator ku do të ballafaqohet me Gjeorgjinë, Greqinë dhe ndeshjen kthyese me Spanjën.

Related Topics:
Continue Reading

Sport

Sporti kosovar thyen rekorde: 24.4 milionë euro sponsorizime në vitin 2025

Published

8 hours ago

on

February 20, 2026

By

Sporti kosovar shënoi një vit të suksesshëm në aspektin financiar gjatë vitit 2025, me një rritje të ndjeshme të investimeve nga bizneset vendore, sipas raportit vjetor të sponsorizimeve të publikuar nga Ministria e Kulturës, Rinisë dhe Sportit (MKRS).

Sipas të dhënave, vlera totale e sponsorizimeve në sport në Kosovë ka arritur në 24,456,036.98 euro. Nga kjo shumë, 21.3 milionë euro janë dhënë klubeve sportive, ndërsa 2.73 milionë euro kanë përfunduar te federatat sportive,.raporton telegrafi.

Në krye të përfituesve institucionalë renditet Federata e Futbollit e Kosovës me 1,313,000 euro, e ndjekur nga klubet e basketbollit: KB Ylli me 1,242,000 euro, KB Trepça me 1,239,000 euro dhe KB Sigal Prishtina me 1,210,100 euro. Ndër përfituesit kryesorë janë edhe FC Prishtina, KF Ballkani dhe SC Gjilani, me shifra që variojnë nga 940 mijë deri mbi 860 mijë euro.

Sa i përket ndarjes sipas sporteve, futbolli mbetet dominues me mbi 9.14 milionë euro, i ndjekur nga basketbolli me 6.62 milionë euro, volejbolli me 1.40 milionë euro dhe hendbolli me rreth 947 mijë euro. Kjo tregon se sponsorët preferojnë sportet me audiencë më të gjerë dhe impakt më të madh në publik.

Në anën tjetër, lista e bizneseve më të mëdha sponsorizuese kryesohet nga Frutex me 727,000 euro, e ndjekur nga IPKO me 690,999 euro dhe Viva Fresh me 635,000 euro. Kontribute të rëndësishme kanë dhënë edhe banka dhe kompani të tjera vendore, duke investuar qindra mijëra euro në sportin kosovar.

Ky nivel i lartë investimi dëshmon se sponsorizimi është shndërruar në një mekanizëm kyç për funksionimin, profesionalizimin dhe zhvillimin e sportit në Kosovë. Raporti nënvizon gjithashtu nevojën për forcimin e kornizës ligjore dhe institucionale, në mënyrë që sistemi i sponsorizimeve të jetë më transparent, i drejtë dhe më efektiv për zhvillimin afatgjatë të sportit. /telegrafi/

Continue Reading

Sport

Juventus prezanton fanellën e katërt për sezonin 2025-26

Published

12 hours ago

on

February 20, 2026

By

Klubi italian i Juventusit ka zbuluar fanellën e tij të katërt për sezonin 2025-26, një dizajn unik që kombinon traditën e pasur të klubit me elementë modernë të stilit sportiv. Shiritat ikonë të Juventusit evoluojnë në këtë kit të veçantë, duke krijuar një pamje që është njëkohësisht e re dhe e njohur, ku e shkuara dhe e tashmja lëvizin në të njëjtën drejtim.

Fanella është rezultat i një bashkëpunimi ekskluziv mes @adidasfootball, dizajnerit të njohur @giampaolosgura dhe vetë Juventusit. Kjo kolaborim synon të sjellë një produkt që reflekton identitetin e klubit, duke e bërë çdo fanellë një artikull unik dhe koleksionues për tifozët bardhezi.

Dizajni i fanellës përfshin detaje të hollësishme dhe inovative, duke u fokusuar jo vetëm te pamja, por edhe te funksionaliteti dhe komoditeti për lojtarët në fushë. E përditësuar me materialet më të fundit teknologjike, fanella premton qëndrueshmëri, frymëmarrje optimale dhe përshtatje të përsosur për aktivitetin sportiv intensiv.

Ky kit i ri nuk është vetëm një uniformë sportive, por edhe një mënyrë për tifozët e Juventusit të lidhen me historinë dhe trashëgiminë e klubit, duke u bërë pjesë e një simboli të paharrueshëm të identitetit bardhezi. Fanella është tashmë e disponueshme për blerje online dhe në dyqanet zyrtare të klubit, duke i dhënë mundësinë çdo tifozit të bëhet pjesë e një kapitulli të ri në historinë e Juventusit.

Continue Reading

Sport

Kampionët e shahut që nga viti 2005

Published

12 hours ago

on

February 20, 2026

By

Shahu ka qenë gjithmonë një lojë strategjie, durimi dhe talenti, dhe kampionët e saj ndër vite kanë lënë gjurmë të pashlyeshme në histori. Që nga viti 2005, gara për titullin e kampionit botëror ka parë emra të njohur dhe të rinj që kanë dominuar skenën ndërkombëtare, duke treguar mjeshtëri të jashtëzakonshme dhe rivalitet të fortë. Ja lista e kampionëve që nga viti 2005:

2005 – Veselin Topalov
2006 – Vladimir Kramnik
2007 – Viswanathan Anand
2008 – Viswanathan Anand
2009 – Viswanathan Anand
2010 – Viswanathan Anand
2011 – Viswanathan Anand
2012 – Viswanathan Anand
2013 – Magnus Carlsen
2014 – Magnus Carlsen
2015 – Magnus Carlsen
2016 – Magnus Carlsen
2017 – Magnus Carlsen
2018 – Magnus Carlsen
2019 – Magnus Carlsen
2020 – Magnus Carlsen
2021 – Magnus Carlsen
2022 – Magnus Carlsen
2023 – Ding Liren
2024 – Gukesh Dommaraju
2025 – Gukesh Dommaraju (kampion në fuqi)

Continue Reading

Sport

Drita humb 3:2 ndaj Celjes në ndeshjen e parë të plejofit të Ligës së Konferencës

Published

12 hours ago

on

February 20, 2026

By

Drita e Gjilanit e humbi me rezultat 3:2 ndeshjen e parë të plejofit të fazës nokaut të Ligës së Konferencës, duke barazuar përkohësisht në 2:2 por duke pësuar golin vendimtar në minutën e 94-të nga Matej Poplatnik. Ndeshja u zhvillua të enjten në stadiumin “Fadil Vokrri” në Prishtinë, me një numër të vogël shikuesish në tribuna.

Celje kaloi në epërsi në minutën e 19-të me golin e Armandas Kucys dhe shënoi edhe të dytin me ish-kapitenin e Kosovës U21, Milot Avdyli. Drita u rikthye në pjesën e dytë pas aktivizimit të Blerim Krasniqit dhe Liridon Balajt, të cilët realizuan nga një gol për të barazuar rezultatin në 2:2. Krasniqi shënoi në minutën e 59-të pas asistit të Balajt, ndërsa Balaj gjeti rrjetën në minutën e 75-të për të barazuar ndeshjen.

Para golave të Celjes, Drita kishte pasur dy raste të mira shënimi me Kristal Abazajn në minutën e gjashtë dhe Albert Dabiqajn në minutën e dhjetë, por nuk arriti të shfrytëzonte mundësitë.

Ndeshja e kthimit zhvillohet më 26 shkurt në Celje, ku Drita kërkon të kthejë avantazhin dhe të kalojë tutje në fazën e nokaut.

Continue Reading

Të kërkuara