Sport

​Dyshimet për trukime, reagon edhe presidenti i KOK-ut

Ai tha se janë fuqishëm kundër këtyre dukurive negative që e dëmtojnë imazhin ndërkombëtar të sportit kosovar.

Published

on

Xhiro e fundit e Superligës së Kosovës në futboll ngjalli reagime të shumta nga opinioni sportdashës në Kosovë për shkak të dyshimeve se mund të jenë kurdisur ndeshjet Trepça ‘-Prishtina dhe Ferizaj-Dukagjini.

Në këtë të fundit, portieri i Dukagjinit pranoi një gol që po konsiderohet si pranim i qëllimshëm duke ia dhënë fitoren Ferizajt që rrjedhimisht solli edhe sigurimin e barazhit të kësaj skuadre për mbetje në Superligën e Kosovës, ndërsa nga ana tjetër e pësoi Trepça ‘89 që ka rënë tashmë në Ligën e Parë.

Në lidhje me këto dyshime, ka reaguar edhe Komiteti Olimpik i Kosovës. Presidenti i shtëpisë më të madhe të sportit në Kosovë, Ismet Krasniqi, ka thënë për KosovaPress se janë fuqishëm kundër këtyre dukurive negative që e dëmtojnë imazhin ndërkombëtar të sportit kosovar, në këtë rast të futbollit. Ai ka shtuar se beson tek organet kompetente brenda Federatës së Futbollit të Kosovës se do të marr masat e duhura nëse dyshimet e tilla konfirmohen.

“KOK është fuqishëm kundër dukurive të tilla negative që dëmtojnë imazhin e mirë që sporti dhe në këtë rast futbolli kanë krijuar në arenën ndërkombëtare.

Ne besojmë fuqishëm tek organet kompetente të FFK-së, që të marrin masat e duhura, në rast se vërtetohet që ka pasur dukuri të tilla”, ka thënë Krasniqi.

Ndërkohë, Këshilli për Sport dhe Ministria e Sportit tashmë kanë konformuar se kanë kërkuar nga prokuroria që të nis hetimet për këto dy ndeshje.

Sport

Chelsea ofron trefishin e pagës për Fermin Lopez

Published

on

By

Chelsea po përgatit një ofertë të rëndësishme për mesfushorin e talentuar të Barcelonës, Fermin Lopez, në përpjekje për ta sjellë atë në “Stamford Bridge” gjatë afatit kalimtar të verës.

Sipas gazetarit Miguel Rico, klubi londinez është gati t’i ofrojë 22-vjeçarit një pagë neto prej 15 milionë eurosh në vit, më shumë se trefishi i asaj që përfiton aktualisht te Barcelona. Përveç aspektit financiar, thuhet se trajneri i ri i Chelseat, Enzo Maresca, ka kontaktuar personalisht lojtarin dy herë për ta bindur mbi projektin dhe rolin e rëndësishëm që e pret në Premier League.

Vlera e mundshme e transferimit përflitet të jetë rreth 50 milionë euro, por Barcelona thuhet se nuk do të shqyrtojë asnjë ofertë nën 70 milionë euro. Pavarësisht kësaj, heshtja e Lopezit dhe mungesa e tij në ndeshjen e fundit kundër Levantes ka ngritur dyshime për qëndrueshmërinë e tij në “Camp Nou”.

Në të kaluarën, Fermin ka shprehur publikisht besnikëri ndaj Barcelonës, por mungesa e minutave në fillim të sezonit dhe oferta financiare e Chelseat mund të ndikojnë në vendimin e tij.

Barcelona, ndërkohë, është në dijeni të interesimit dhe po e monitoron nga afër situatën. Klubi dëshiron ta mbajë mesfushorin si pjesë të planeve afatgjata, por pranon se fati i tij do të varet edhe nga vullneti i vetë lojtarit.

Continue Reading

Sport

Manchester United organizon edicionin e katërt të “Sleep Out” në Old Trafford për të ndihmuar të rinjtë pa strehë

Published

on

By

Manchester United ka njoftuar organizimin e edicionit të katërt të aktivitetit bamirës “Sleep Out”, i cili do të mbahet të premten, më 7 nëntor 2025, në stadiumin Old Trafford. Ngjarja synon të mbledhë fonde për të mbështetur të rinjtë në nevojë në qytetin e Mançesterit.

Tifozët janë të ftuar të marrin pjesë në këtë iniciativë duke kaluar një natë dimri duke fjetur jashtë, të pajisur vetëm me një çantë gjumi, për të përjetuar simbolikisht sfidat me të cilat përballen të rinjtë pa strehë dhe për të rritur ndërgjegjësimin për këtë çështje.

Në deklaratën e publikuar në faqen zyrtare të klubit thuhet:
“Këtë dimër, Manchester United do të organizojë aktivitetin e katërt ‘Sleep Out’ në Old Trafford në mbështetje të të rinjve vulnerabël në të gjithë Mançesterin. Ne i ftojmë mbështetësit të shkëmbejnë një shtrat me një çantë gjumi për një natë dhe të bashkohen me ne më 7 nëntor për të mbledhur fonde dhe vëmendje jetësore për ata që përballen me vështirësi këtë dimër.”

Pas suksesit të edicioneve të kaluara, aktiviteti është kthyer në një traditë vjetore që synon jo vetëm ndihmë financiare për Fondacionin e Manchester United, por edhe rritjen e vetëdijes për problemin e strehimit të të rinjve në qytet.

Continue Reading

Sport

Milani hap bisedimet me Marseille për Adrien Rabiot, Allegri kërkon përforcim në mesfushë

Published

on

By

Milani ka nisur zyrtarisht bisedimet me Olympique Marseille për transferimin e mesfushorit francez Adrien Rabiot, i cili mbetet një profil i pëlqyer nga trajneri Massimiliano Allegri, me të cilin ka bashkëpunuar më herët te Juventus.

Me më pak se 144 orë deri në përfundimin e afatit kalimtar të verës, klubi kuqezi po përballet me një kalendar të ngarkuar dhe kërkon përforcime në të gjitha repartet. Megjithatë, vëmendja kryesore është përqendruar në mesfushë, ku drejtuesit po punojnë intensivisht për të konkretizuar pistën Milan-Marseille me objektivin e afrimit të Rabiot.

Sipas Gazzetta dello Sport, qëllimi i klubit është të shtojë eksperiencë dhe stabilitet në mesfushë. Luka Modric, ndonëse mbetet një figurë me peshë në ekip, nuk mund të përballojë më vetë barrën e krijimtarisë dhe lidershipit. Edhe paraqitjet e Fofana dhe Loftus-Cheek nuk kanë bindur plotësisht stafin teknik, duke rikthyer shenjën “punë në progres” në këtë repart.

Rabiot, i cili ka cilësi të spikatura me këmbën e majtë dhe është i njohur për qëndrueshmërinë e tij taktike, shihet si profili i duhur për të përmirësuar strukturën e mesfushës. Marrëdhënia pozitive me Allegrin pritet të lehtësojë afrimin e tij në Milano.

Ndërkohë, marrëdhëniet e mesfushorit me Marseille janë tensionuar pas një konflikti me shokun e skuadrës Jordan Veretout, si dhe për shkak të raportit të ftohtë me trajnerin Roberto De Zerbi, i cili thuhet se e ka nxjerrë jashtë planeve të tij. Kjo ka shtyrë Marseille të mos e pengojë largimin e Rabiot, ndërsa Milani ka ndërmarrë kontaktet e para për të testuar gatishmërinë e lojtarit.

Çmimi i tij në merkato vlerësohet rreth 15 milionë euro. Deri tani, Marseille nuk e ka konsideruar Ismael Bennacer si pjesë të një shkëmbimi të mundshëm, por të dy klubet mbeten të hapura për arritjen e një marrëveshjeje të shpejtë për të përmbyllur operacionin para mbylljes së merkatos më 1 shtator.

Continue Reading

Sport

Ditë kyçe për Barcelonën në afatin e transferimeve

Published

on

By

Barcelona po përjeton momente të tensionuara në merkato, ndërsa oferta e Chelseat për mesfushorin Fermin Lopez ka ndezur debat të fortë brenda klubit katalanas. Megjithatë, trajneri Hansi Flick ka vendosur një kusht të qartë: klubi mund të autorizojë largimin e mesfushorit vetëm pasi sigurohet ardhja e një qendërmbrojtësi me këmbë të majtë.

Pas largimit të Inigo Martinez te Al Nassr, trajneri konsideron thelbësore përforcimin e këtij pozicioni për të stabilizuar mbrojtjen. Flick beson se një partneritet i fortë midis Pau Cubarsit dhe një mbrojtësi me këmbë të majtë do të përmirësojë jo vetëm mbrojtjen, por edhe posedimin e topit.

Performanca e pasigurt e Ronald Araujos në dy ndeshjet e para të La Ligës, edhe pse Barça fitoi, ka theksuar nevojën për një përforcim të këtij pozicioni. “Nuk mund të humbasim një mesfushor kyç pa siguruar më parë një mbrojtës që ofron garanci,” thuhet të ketë thënë Flick në bisedat me bordin drejtues.

Klubi po vlerëson tre kandidatë kryesorë për këtë pozicion:

Gonçalo Inacio (24 vjeç), portugez i Sporting Lisbonës, i njohur për shkathtësinë dhe mundësinë të luajë edhe si mbrojtës i krahut. Kontrata e tij skadon në 2027, ndërsa këtë sezon ka dhënë dy asistime dhe ka luajtur për kombëtaren portugeze.

Murillo (23 vjeç), mbrojtës brazilian i Nottingham Forest, me kontratë deri në 2029. Ai ka luajtur titullar në dy ndeshjet e para të Ligës Premier dhe konsiderohet si një talent në rritje.

Castello Lukeba (22 vjeç), francez nga RB Leipzig, gjithashtu me kontratë deri në 2029. Ai ka treguar soliditet dhe potencial në dy ndeshjet e para të Bundesligës këtë sezon.

Situata ekonomike dhe kufizimet e “fair play financiar” e komplifikojnë çdo transferim të menjëhershëm. Barcelona duhet të përputhet me rregullin 1:1 në pagat përpara se të regjistrojë lojtarë të rinj.

Nëse nuk arrihet një marrëveshje për përforcime, Flick po shqyrton alternativa të brendshme, përfshirë zhvendosjen e Gerard Martin në mbrojtjen e majtë ose promovimin e talenteve nga skuadra rezervë si Andrés Cuenca dhe Alvaro Cortes.

Drejtori sportiv Deco do të ketë fjalën përfundimtare mbi strategjinë, duke vendosur nëse Barça do të marrë rreziqe në këtë afat kalimtar apo do të presë dimrin për të vepruar me më shumë fleksibilitet.

Afati kalimtar i verës mbyllet më 1 shtator, dhe orët e fundit para tij parashikojnë një garë intensive në Camp Nou.

Continue Reading

Të kërkuara