Sport

​Dy disiplina të reja në Federatën Aeronautike të Kosovës

Publikuar

Federata Aeronautike e Kosovës (FAK) në bashkëpunim me klubin Aeronautik “Shqiponjat e Kastriotit”, zhvilluan për herë të parë javën Aeronautike të Kosovës, ku gjetën përkrahje edhe nga komuna e Obiliqit.

Ngjarja u zhvillua në qytetin e Obiliqit, ku cilësohet si mundësi shumë e mirë për rininë tonë që të ndjek ëndrrat e tyre, dhe u inkuadruan edhe dy disiplina të reja në FAK.

Kryetari i klubit aeronautik “Shqiponjat e Kastriotit”, Fanol Shala, ka hulumtuar se si zhvillohen këto gara në vendet e tjera, që në të ardhmen edhe pilotët kosovar të dronëve të jenë pjesë e garave kombëtare dhe ndërkombëtare.

Disiplina e parë që u inkuadrua ishte ajo me dronë garues, ndërsa disiplina tjetër ishte ajo me paramotorë.

Dronët garues porositen veçanërisht për gara, ku shpejtësia e tyre arrin në 175 km/h, dhe jep mundësinë që të pilotët të manovrojnë në mënyra të ndryshme, duke i argëtuar edhe shikuesit. Kjo disiplinë nxori tre vendet e para:1.Haris Mustafa2.Ersan Ismajli 3.Aulon Qerreti

Disiplina tjetër ishte ajo me paramotorë, e cila u zhvillua në stadiumin “Agron Ram” në qytetin e Obiliqit. Paramotorët janë pajisje motorike që mundësojnë fluturimin edhe në vendet e rrafshëta, pa pasur nevojë që të ketë kodrinë afër. Në këtë disiplinë u zhvillua vetëm një raund, dhe këta janë tri vendet e para:1.Hizdri Gubetini2.Fanol Shala3.Haris Mustafa

Në serinë e dytë të kampionatit kombëtar për paramotor, gara e radhës do të zhvillohet në Gjirokastër, ku edhe do të plotësohet rezultati i fituesve.

Po ashtu, gjatë vikendit në kodrën e Goleshit u zhvillua seria e dytë dhe edicioni i 10 i kampionatit kombëtar shqiptar, dhe këto ishin tre vendet e para.1.Migjen Shala2.Fanol Shala3.Silian Zani

Në fund të garave, u mbajt ceremonia e ndarjes së çmimeve, ku në të njëjtën kohë kjo ngjarje u bë nga më të rëndësishmet në Kosovë.

Vazhdo të lexosh

Sport

​KOK përzgjedh kombëtaren e hendbollit për grantin ekipor në vlerë 60-80 mijë dollarë

Publikuar

nga

Bordi ekzekutiv i Komitetit Olimpik të Kosovës, në mbledhjen e mbajtur mbrëmë, ka përzgjedhur kombëtaren, e cila do të mbështetet me grantin ekipor (Team Support Grant) nga Solidariteti Olimpik i Komitetit Olimpik Ndërkombëtar.

Sipas KOK, granti do të ndahet për kombëtaren e hendbollit, konkurrenca e meshkujve, ndërsa vlera e përfitimit në total për katër vitet e ardhshme është 60 – 80 mijë dollarë.

“Hendbollistët tanë ishin pranë kualifikimit historik në Kampionatin Evropian 2022, duke përfunduar në vendin e tretë në grup. Kosova la pas Rumaninë, të cilën e kishte mundur në Bukuresht dhe barazuan në Prishtinë. Këtë grant hendbolli e kishte fituar edhe në ciklin e kaluar olimpik, por me kombëtaren e femrave”, thuhet në njoftim.

Vazhdo të lexosh

Sport

​Superliga e Kosovës, vazhdon xhiro e 33

Publikuar

nga

Superliga e Kosovës do të vazhdojë sot me dy ndeshje interesante në kuadër të xhiros së 33-të.

Skuadra e Ballkanit e ka rastin sot që t’i afrohet në krye të tabelës Prishtinës, ku pret në shtëpi skuadrën e Arbërisë, ndërsa takimi tjetër do të jetë mes Llapit e Drenicës.

Pas 33 xhirosh, tabela kryesohet nga Prishtina me 72 pikë, tre më shumë se vendi i dytë Drita, ndërsa Top 4 e mbyllin Ballkani me 67 pikë dhe Gjilani me 48 sosh.

Në anën tjetër, në zonën e rrezikut gjenden Trepça ’89 në vendin e tetë me 36 pikë, dhe Arbëria në vendin e nëntë me 33 pikë, ndërsa skuadra e Besës që zë vendin e fundit në tabelë me vetëm 12 pikë, ka siguruar rënien nga Superliga e Kosovës.

Programin e plotë të ndeshjeve të sotme në Superligën e Kosovës e gjeni më poshtë.

15:00 Drenica (7) – Llapi (5) (Stadiumi Bajram Aliu)

15:00 Ballkani (3) – Arbëria (9) (Stadiumi Suva Reka City)

Vazhdo të lexosh

Sport

​Bayern liron ish-lojtarin më të shtrenjtë në historinë e Bundesligës

Publikuar

nga

Futbollisti spanjoll, Xavi Martinez do të largohet nga Bayern Munih në fund të këtij sezoni. Ky është sezoni i tij i nëntë në klub, ku ai arriti në 2012 nga Athletic Bilbao.

Ishte transferimi më i shtrenjtë në historinë e Bundesligës – 40 milionë euro. Deri në atë kohë, rekordin e mbante Mario Gomez, i cili arriti në Bayern nga Stuttgart tre vjet më parë për 30 milionë.

Martinez me bavarezët fitoi nëntë tituj gjermanë, pesë kupa dhe dy Ligë të Kampionëve. Ai luajti 18 ndeshje për ekipin kombëtar spanjoll. Klubet e MLS po interesojnë për shërbimet e tij, por edhe ato nga atdheu – Bilbao, Valencia dhe Villarreal.

Vazhdo të lexosh

Sport

Zidane për Hazard: E dimë çfarë lojtari është dhe kualitetin që ka

Publikuar

nga

Zinedine Zidane, trajneri i Real Madridit, është shfaqur në konferencë për media para ndeshjes me Chelsean në Champions League.

Reali barazoi 1-1 në shtëpi me Chelsean, rezultat që i favorizon Blutë e Londrës tani për tani.

Zizu u pyet lidhur me gjendjen e dyshes, Eden Hazard dhe Sergio Ramos, nëse do të luajnë të mërkurën.

“Është një moment shumë i mirë për. Kemi nevojë për Eden, do të na ndihmojë sigurt”, tha Zizu.

“Hazard dhe kthimi i tij në Stamford Bridge? E dimë çfarë lojtari është dhe kualitetin që ka, besojmë te ai dhe besojmë se do të na ndihmojë. Jemi të lumtur që e kemi këtu”

“A do të rrezikosh me Ramosin? Nuk po rrezikojmë asgjë. Ramos është me ne, përderisa është me ne do të thotë se është i gatshëm të luajë”, u përgjigj Zidane.

Vazhdo të lexosh

Të kërkuara