Lajmet

Dy dëshmitarë në rastin e Salih Mustafës pritet të dëgjohen në janar 2022

Aktakuza ndaj Mustafës është konfirmuar më 12 qershor 2020.

Published

4 years ago

October 12, 2021

Betim Gashi

Në Dhomat e Specializuara në Hagë nuk ka vazhduar dëgjimi i dëshmitarit të katërt pas kthimit nga pushimi i drekës, në seancën ku po gjykohet ish-pjesëtari i UÇK-së, Salih Mustafa.

Seanca ka vazhduar me disa urdhra të lëshuar nga kryetarja e trupit gjykues dhe me propozimet e saj për orarin e dëgjimit të dëshmitarëve të tjerë për muajt e ardhshëm.

Mappie Veldt-Foglia ka bërë të ditur se trupi gjykues do të mund të dëgjojë vetëm një dëshmitarë në javë ka deklaruar se dëgjimi i dy dëshmitarëve do të mbetet për muajin janar. Ajo ka thënë se nga zyra administrative janë njoftuar gjatë muajve në vijim nuk do të mund të zhvillohet sesioni i katërt i seancës dhe kjo vlen për çdo ditë. Andaj sipas saj, trupi gjykues për një javë do të mund të dëgjohet vetëm një dëshmitar, përjashtimisht nëse koha e pyetjeve e vlerësuar nga Zyra e Prokurorit të Specializuar nuk është më shumë se dy orë.

“Trupi gjykues propozon të ndjek rendin e propozuar nga ZPS me përjashtim të dëshmitarëve 4391, 4390 dhe 4676. Propozimi i trupit gjykues, është propozim sepse duhet të shikojmë edhe disponibilitetin dhe arsye të tjera, është që të dëgjohet dëshmia e dëshmitarit 4676 në periudhën 17-19 nëntor 2021 dhe dëshmia e dëshmitarëve 4391 dhe 4390 në periudhën 22 deri 26 nëntor. Arsyeja për këtë ndryshim të propozuar është sepse në javën e 22 nëntorit, trupi gjykues ka në dispozicion siç u është komunikuar palëve dhe mbrojtëses së viktimave, nuk kemi më shumë se tri ditë radhazi për të dëgjuar dëshmitarët”, ka thënë kryetarja e trupit gjykues.

Ajo ka thënë se dëshmitarët 4601 dhe 4484 pritet të dëgjohen në muajin janar 2022.

“Për shkak të caktimit të orëve, të kohës pra, për seanca gjyqësore dëshmitari 4485 me shumë gjasë do të caktohet të dëshmojë në periudhën 13-15 dhjetor, dhe dëshmitarët 4601 dhe 4484 me shumë gjasë do të japin dëshminë në janar të vitit 2022. Nuk pres që të reagoni më vend tani por ky është propozimi ynë konkret lidhur me tre dëshmitarë”, ka thënë ajo.

Pjesa e fundit e seancës, e cila filloi me vonesë, u mbajt edhe më disa pjesë të mbyllura për publikun.

Në këtë seancë, kryetarja e trupit gjykues ka kërkuar nga palët që kur të paraqesin materiale si prova, të tregojnë edhe nivelin e klasifikimit të materialit në fjalë, për çka edhe ka lëshuar një urdhër për ZPS-në.

“ZPS të informojë trupin gjykues jo më vonë se dita e premte 12 nëntor 2021, se cilat materiale të përfshira në parashtrimin e protokolluar 201 përfshirë edhe materialet e përmendura nga i akuzuari në intervistën e tij me ZPS-në mund të klasifikohen si publike nëse ka dhe nëse do të konsiderohen si të pranuara. Gjithashtu ZPS-ja të bëjë të ditur jo më vonë se datat 15 tetor 2021, se cilat materiale të përfshira në parashtrime të protokolluara 128 mund të klasifikohen si publike nëse ka dhe konsiderohen si të pranuara”, ka thënë Foglia.

Dëshmitari i katërt i mbrojtur i ZPS-së, i cili ka dëshmuar sot në Dhomat e Specializuara në Hagë, ndër të tjera ka thënë se nga dy persona me maska është dërguar në një objekt mbajtjeje në Zllashë ku sipas tij, ka marrë trajtim çnjerëzor.

Megjithatë, pjesa më e madhe e seancës është zhvilluar e mbyllur për publikun. Salih Mustafa ka marrë pjesë në këtë seancë me prezencë fizike. Ky është gjykimi i parë që ka filluar në Dhomat e Specializuara të Kosovës në Hagë e Salih Mustafa është i arrestuari i parë nga Specialja.

Aktakuza ndaj Mustafës është konfirmuar më 12 qershor 2020, ndërsa ai u arrestua më 24 shtator të vitit të kaluar, me pretendimin për krime lufte. Në deklarimin e tij para trupit gjykues, Salih Mustafa është deklaruar i pafajshëm.

Lajmet

34 vite nga pavarsia e Maqedonisë së Veriut

Published

9 minutes ago

September 8, 2025

UBTnews

Maqedonia e Veriut sot shënon 34 vjet nga shpallja e pavarësisë nga ish-Federata Jugosllave, përmes një referendumi popullor.

Referendumi i asaj kohe u bojkotua nga shqiptarët në Maqedoni, të cilët kërkonin status autonomie, duke shprehur pakënaqësitë për pozitën e tyre. Megjithatë, sipas vlerësimeve zyrtare, mbi 95 për qind e qytetarëve që dolën në votime u përgjigjën pozitivisht në pyetjen: “A jeni për Maqedoni të pavarur me të drejtë të hyjë në fuqi në aleancën e ardhshme të shteteve sovrane të Jugosllavisë?”.

Procesit i parapriu Deklarata për Pavarësi, e miratuar nga Parlamenti i parë shumëpartiak më 25 janar 1991. Vullneti i popullit për shtet të pavarur u konstatua më 18 shtator 1991 me pranimin e rezultateve të referendumit në Kuvend. Një tjetër hap i rëndësishëm ishte miratimi i Kushtetutës së re më 17 nëntor 1991, e cila nuk mori mbështetjen e deputetëve shqiptarë. Dhjetë vite më vonë, pas konfliktit të vitit 2001 dhe nënshkrimit të Marrëveshjes së Ohrit, Kushtetuta u plotësua.

Shteti i parë që njohu pavarësinë e Maqedonisë ishte Bullgaria, pasuar nga Turqia, Sllovenia, Kroacia, Rusia dhe Bosnja e Hercegovina. Më 26 prill 1992 vendi u pavarësua monetarisht me vendosjen e denarit, ndërsa më pas formoi edhe Armatën, e cila feston ditëlindjen më 18 gusht.

Subjektiviteti ndërkombëtar-juridik u konfirmua më 8 prill 1993, kur Maqedonia u pranua si anëtare e 181-të e Kombeve të Bashkuara.

Sot, vendi ka marrëdhënie diplomatike me mbi 170 shtete të botës dhe pas një periudhe të gjatë sfidash, më 30 mars 2020, u bë anëtarja e 30-të e NATO-s./D.B/Zhurnal.mk

Lajmet

Arrestohet i dyshuari për vrasjet dhe plagosjet e sotme në Shkodër

Published

25 minutes ago

September 8, 2025

UBTnews

Policia shqiptare, ka arrestuar Ragip Gila, i dyshuar si autor të ngjarjes së rëndë në Shkodër, me dy të vrarë e tashmë dy të plagosur.

Nga të shtënat në një lokal në afërsi të Bashkisë Shkodër, mbeti i vrarë Armando Pali, 3 persona të plagosur, ndërsa njëri prej tyre s’u mbijetoi plagëve dhe vdiq në spital.

Vrasësi sipas abcnews.al, ishte në me maskë në kokë, në momentin që hyri në lokal dhe qëlloi me armë.

Pas ngjarjes, autori fillimisht ishte larguar me një automjet.

Ragip Gila sipas mediave shqiptare kishte pak muaj që kishte dalë nga burgu.

Ai u kap më 6 dhjetor 2023 gjatë një operacioni policor, ku iu sekuestruan një armë gjahu, municion luftarak, 7 jelekë antiplumbë, doreza, maska dhe paruke të gjitha elemente që ngrejnë dyshime mbi përgatitjen për ngjarje kriminale.

Pavarësisht se ishte arrestuar për posedim të armëve dhe mjeteve të rrezikshme, Gila kishte arritur të rifitojë lirinë pak kohë më parë. Mëngjesin e sotëm, Shkodra u trondit nga një atentat me armë zjarri që la pas dy viktima, Armando Pali, ish-anëtar i Këshillit Bashkiak të Shkodrës, Geridon Kraja, i njohur si truproja i Erogen Vaso (Brajoviç) dhe u plagos Erogen Vaso (Brajoviç), shtetasja M. K., 25 vjeçe, kamariere në lokal./D.B/EO

Lajmet

GAP: Kryetarët e komunave dhanë 1815 premtime, realizuan vetëm 918

Published

27 minutes ago

September 8, 2025

UBTnews

Instituti GAP ka publikuar raportin për nivelin e përmbushjes së premtimeve zgjedhore për mandatin 2021-2025 që kanë dhanë kryetarët e komunave në zgjedhjet e fundit lokale. Në bazë të raportit të tyre, kryetarët kanë dhënë 1815 premtime zgjedhore në fushatën elektorale, ndërkaq kanë zbatuar vetëm 918 sosh.

“Kryetari i Prishtinës, Përparim Rama, sipas raportit të GAP, në vitin 2021 ka dhënë 206 premtime zgjedhore, por për katër vjet ka realizuar vetëm 73 premtime. Kryetari i Prizrenit, Shaqir Totaj ka bërë 78 premtime, por ka realizuar 42 sosh. Ndërkaq kryetari i Gjilanit, Alban Hyseni ka bërë 109 premtime por i ka realizuar vetëm 55”, tha hulumtuesi i GAP, Bekim Salihu, në konferencë për media të hënën./D.B/KP

Bota

Raportohet për katër të vrarë në një sulm me armë zjarri në Jerusalem

Published

39 minutes ago

September 8, 2025

UBTnews

Të paktën katër persona janë vrarë dhe pesë të tjerë janë plagosur në një sulm me armë zjarri në Jerusalem, njoftuan shërbimet e emergjencës, raporton BBC.

Shërbimi i ambulancës, Magen David Adom identifikoi të vdekurit, një burrë rreth të 50-ave dhe tre burra rreth të 30-ave. Pesë persona me plagë nga armë zjarri u dërguan në spitalet lokale, dhe disa të tjerë u plagosën nga xhamat e thyer, shtoi ajo.

Policia izraelite tha se sulmi ndodhi në kryqëzimin Ramot – i cili ndodhet në periferi veriperëndimore të qytetit. U tha se “dy terroristë u neutralizuan”.

Televizioni izraelit Channel 12 raportoi se personat e armatosur hipën në një autobus dhe hapën zjarr përpara se një ushtar t’i qëllonte. Nuk pati asnjë pretendim të menjëhershëm nga ndonjë grup i armatosur./D.B/KP