Sport

Dortmund zhvillon bisedime me mbrojtësin Schulz pas akuzave për dhunë familjare

Mediat gjermane raportuan se ish-partnerja e lojtarit ka bërë kallëzim penal për dhunë në familje.

Published

4 years ago

August 8, 2022

UBT news

Borussia Dortmund ka zhvilluar bisedime me mbrojtësin gjerman Nico Schulz pas akuzave ndaj lojtarit për dhunë në familje.

Mediat gjermane raportuan se ish-partnerja e lojtarit ka bërë kallëzim penal për dhunë në familje në vitin 2020 dhe se një hetim ka nisur.

Schulz (29) ka mohuar akuzat, por klubi i tij tha se nuk ishte në dijeni të akuzave derisa ato u shfaqën në mediat gjermane dhe se për momentin nuk mund të merrte asnjë veprim.

Mbrojtësi i majtë ka luajtur 61 ndeshje për Dortmund që kur u bashkua në vitin 2019, por nuk u përfshi në skuadër për fitoren 1:0 të së shtunës kundër Bayer Leverkusen.

“Borussia Dortmund i është përgjigjur mbulimit të djeshëm në media të akuzave kriminale në lidhje me jetën private të Nico Schulz duke zhvilluar menjëherë bisedime me lojtarin dhe këshilltarët e tij. Lojtari kundërshton akuzat penale që i janë bërë. Nico Schulz na ka njoftuar se do të mbrohet nga këto akuza me ndihmën e avokatit ligjor. Meqenëse ky është një rast në fazat e tij të hershme, ne nuk jemi ende në gjendje të marrim ndonjë vendim mbi masat disiplinore. Por, ne rezervojmë të drejtën për ta bërë këtë në çdo kohë pasi të dimë objektivisht më shumë,” thuhet në deklaratën e klubit gjerman.

Sport

Volejbollistja e Kosovës: Jemi përgatitur maksimalisht dhe do të japim maksimumin ndaj Turqisë

Published

3 hours ago

July 22, 2026

UBTNews

Përfaqësuesja e Kosovës U17 në konkurrencën e femrave u përball sot me një nga skuadrat favorite të Kampionatit Ballkanik, Turqinë. Para fillimit të ndeshjes, njëra nga volejbollistet e Kosovës Medina Bajrami u shpreh optimiste për sfidën, duke theksuar përgatitjet dhe motivimin e ekipit.

“E dimë që Turqia është një kundërshtar shumë i fortë dhe me cilësi, por jemi përgatitur maksimalisht për këtë sfidë. Do të hyjmë në fushë me besim, disiplinë dhe do të japim maksimumin në çdo pikë. Respektojmë kundërshtarin, por fokusi ynë është te loja jonë dhe te arritja e rezultatit pozitiv,” deklaroi ajo.

Megjithëse ndeshja përfundoi me fitoren 3:0 të Turqisë, përfaqësuesja e Kosovës tregoi karakter, veçanërisht në setin e dytë, ku ofroi rezistencë më të madhe ndaj një prej skuadrave më të forta të turneut.

D.L

Sport

Kosova pëson humbjen e dytë në Kampionatin Ballkanik U17, mposhtet nga Turqia

Published

3 hours ago

July 22, 2026

UBTNews

Përfaqësuesja e Kosovës U17 në konkurrencën e femrave ka pësuar humbjen e dytë në Kampionatin Ballkanik të Volejbollit (BVA U17), pasi u mposht me rezultat 3:0 nga Turqia.

Ndeshja, e zhvilluar në Pallatin e Sporteve “Bill Clinton” në Ferizaj, përfundoi me setet 10:25, 19:25 dhe 11:25 në favor të përfaqësueses turke.

Turqia konfirmoi cilësinë e saj dhe statusin si një prej favoriteve të turneut, duke dominuar pjesën më të madhe të takimit. Megjithatë, volejbollistet kosovare zhvilluan paraqitjen e tyre më të mirë në setin e dytë, ku ofruan rezistencë më të madhe dhe luftuan për çdo pikë ndaj një kundërshtari shumë cilësor.

Pas kësaj humbjeje, Kosova mbetet në kërkim të fitores së parë në Kampionatin Ballkanik U17, ndërsa synon të përmirësojë paraqitjen në ndeshjet e radhës të turneut.
D.L

Sport

Kosova U17 sfidon Turqinë në Kampionatin Ballkanik, ndeshja nis në orën 17:30

Published

8 hours ago

July 22, 2026

UBTNews

Përfaqësuesja e Kosovës U17 në konkurrencën e femrave do të zbresë sot në parket për ndeshjen e dytë në Kampionatin Ballkanik të Volejbollit, ku do të përballet me një nga rivalet më të forta të turneut, Turqinë.

Takimi do të zhvillohet në Pallatin e Sporteve “Bill Clinton” në Ferizaj, me fillim nga ora 17:30, ndërsa pritet të jetë një sfidë e vështirë për volejbollistet kosovare.

Kosova vjen në këtë ndeshje pas humbjes 3:0 ndaj Malit të Zi në xhiron e parë, ndërsa synon të tregojë një paraqitje më të mirë përballë një kundërshtari që konsiderohet ndër favoritët për trofeun e kampionatit.

Federata e Volejbollit e Kosovës ka ftuar tifozët që të jenë të pranishëm në palestër dhe të mbështesin përfaqësuesen në këtë sfidë të rëndësishme para publikut vendas.

D.L

Sport

Erblin Osmani nënshkruan kontratën e parë profesionale me Bayern Munich

Published

9 hours ago

July 22, 2026

UBTNews

Talenti shqiptar Erblin Osmani ka hedhur një hap të madh në karrierën e tij, duke nënshkruar kontratën e parë profesionale me gjigantin gjerman Bayern Munich.

Lajmin e ka bërë të ditur vetë futbollisti përmes një postimi në faqen e tij zyrtare në rrjetet sociale, ku shprehu emocionet për këtë moment të rëndësishëm dhe falënderoi të gjithë ata që e kanë mbështetur në rrugëtimin e tij.

“Mirënjohës që zyrtarisht kam nënshkruar kontratën time të parë profesionale me Bayern Munich. Një falënderim i veçantë për familjen time, e cila gjithmonë ka besuar tek unë dhe më ka mbështetur në çdo hap. Jam gjithashtu mirënjohës ndaj agjencisë sime për besimin dhe udhëzimin gjatë këtij rrugëtimi. Jam i emocionuar për gjithçka që më pret dhe gati të jap maksimumin”, ka shkruar Osmani.

Nënshkrimi i kontratës profesionale me një nga klubet më të mëdha në botë përbën një moment të rëndësishëm në karrierën e Osmanit, i cili konsiderohet një nga talentet premtues të futbollit shqiptar.

Tashmë, ai do të synojë të vazhdojë zhvillimin e tij te Bayern Munich, me shpresën për të bërë hapin e radhës drejt ekipit të parë të kampionëve të Gjermanisë.

D.L