

Lajmet
Dita Ndërkombëtare pa Makina shënohet me disa aktivitete në kryeqytet
Qëllimi i këtij aktiviteti është sensibilizimi i qytetarëve që të shmangin makinat e tyre.
Published
3 years agoon
By
UBT.NewsMinistria e Mjedisit dhe Planifikimit Hapësinor, bashkë me Komunën e Prishtinës, dhe organizatën “Marakli t’Bicikletave” kanë shënuar 22 Shtatorin – Ditën Ndërkombëtare pa Makina me disa aktivitete.
Qëllimi i këtij aktiviteti është sensibilizimi i qytetarëve që të shmangin makinat e tyre, në mënyrë që të ruhet sa më shumë ambienti.
Zëvendësministrja e MMPHI-së, Linda Çavdarbasha tha se janë 15 komuna të Kosovës që u janë bashkuar kësaj iniciative.
Ndërsa tha se si ministri janë duke punuar në strategjinë e transportit multi modern, e cila sipas saj do t’i ndihmojë jo vetëm nivelit qendror por edhe nivelit lokal për siç tha ajo, tranzicionin e ngadalshëm drejt orientimit të një transporti sa më të gjelbër.
Çavdarbasha tha se jo çdo herë përdorimi i makinave është i nevojshëm. Ajo tha se duhet filluar përdorimi i mjeteve të cilat janë më pak të dëmshme për publikun.
“Është shumë mirë që ne të investojmë që të fillojmë dhe të edukohemi se jo çdo herë përdorimi i makinave është i nevojshëm. Mundemi me ecë ën këmbë nëpër distanca të ndryshme mirëpo gjithashtu edhe të përdorim mjete të tjera të cilat janë më pak të dëmshme për mjedisin, e sidomos gjatë periudhës së dimrit ku e kemi edhe krizën energjetike dhe po hasim në shumë probleme me ndotjen e ajrit”, tha ajo.
Drejtori i shërbimeve, Ilirik Musliu tha se në bashkëpunim me komunën kanë bërë që sot transporti publik me qenë pa pagesë, me qëllim që të stimulojnë dhe të vetëdijwsojnë qytetarët për të përdorur transportin publik.
“Qëllimi është të bëjmë më të mirën e mundshme dhe sa më shpejtë të implementojmë edhe planin e mobilitetit, por dhe të bëjmë maksimumin që ta ruajmë ambientin të ndikojë në ruajtjen e ajrit, jemi në rangim shumë të keq. Jemi një prej kryeqyteteve me ndotjen më të madhe të ajrit andaj të gjithë bashkë duhet të bëjmë maksimumin për me ndryshua gjendjen që e kemi tash”, tha ai.
Musliu ka treguar edhe aktivitetet tjera që do të zhvillohen në kuadër të kësaj dite, ndër të cilat tha se do të ketë edhe aktivitete për fëmijë.
Ai ka shtuar se si komunë janë duke i shfrytëzuar edhe mjetet tjera të cilat ndihmojnë në implementim sa më të shpejtë të planit të mobilitetit. Ai tha se këtu ndërlidhen edhe shtigjet e biçikletave, projektet me efiçiencë siç është rasti i soliterave në Ulpianë, dhe shtrirja e rrjetit të Termokosit. Sipas tij, të gjitha kwto do të ndihmojnë në kohë sa më të shkurtër në vetëdijësim të qytetarëve dhe ruajtjen e cilësisë të ajrit.
Sipas tij, shifrat e personave që vozisin vetura janë mjaftë të mëdha, ndërsa ka thënë se duhet ndryshuar ky numër me qëllim për ta ruajtur ambientin.
“Shifrat që janë tani për momentin janë shqetësuese nëse shohim përdorim të veturave për kokë të banorit por të njëjtin kohë edhe pronar të veturave, dhe mendojmë në një të ardhme për të ndryshuar këta numra me qëllim ta ruajmë ambientin dhe të rritët efikasiteti në mobilitetet me lëvizje të lirë”, tha ai.
Berat Rakovica nga organizata “Marakli t’Biciklave”, ka treguar qëllimin e aktiviteteve që do të mbahen në kuadër të kësaj dite. Sipas tij, duhet të ketë hapësirë të njëjtë për biçikletat ashtu siç është edhe për veturat.
“Hapësirë për biçikleta sa kanë veturat duhet të kemi edhe ne, sepse fillimisht kemi qenë ne para veturave, pasi kemi qenë këmbësorë, pastaj jemi bërë çiklistë dhe pastaj drejtues të veturave, kështu ish dashtë me shku ën proporcion më kërkesën e qytetareve”, tha ai.
Ai po ashtu tha se kërkesa e qytetareve për ta përdorur biçikletën është shumë e madhe, ndërsa ka kërkuar nga institucionet përgjegjëse të krijojnë më shumë kushte për biçikleta.
Qytetari, Ilir Konjuha ka thënë për KosovaPress se njerëzit kanë nevojë më shumë për aktivitete të tilla, po ashtu ka shtuar se duhet të ketë edhe më shumë hapësira për biciklista dhe respektim nga veturat për lëvizje.
“Hapësira duhet të ketë sa më shumë dhe kisha lutë nga ata me vetura të na respektojnë më shumë, sepse nuk po na respektojnë shumë”, tha ai.
Edhe qytetari, Gëzim Krasniqi është shprehur për KosovaPress se duhet të këtë më shumë hapësirë dhe aktivitete për biçikletat.
“Hapësirë për biçikleta duhet të ketë në çdo rrugicë dhe rrugë të Kosovës, sipas standardeve evropiane… Nga Komuna duhet të këtë aktivitete për shkak se nga projekti apo nga ajo që e ka paraparë para zgjedhjeve ka qenë si prioritet i komunës kjo çështje dhe mendoj se duhet të vazhdojë dhe duhet të këtë më tepër”, tha ai.
Pëllumb Bajqinovci tha se nevoja për lëvizje alternative është shumë e madhe. Ai kërkon nga komuna që të ketë rritje të shtigjeve, pasi sipas tij në këtë formë do të rritet më shumë siguria në komunikacion.
“Nevoja për lëvizjen alternative është shumë e madhe. Deri tash dhe mundësitë kanë qenë të kufizuara, andaj mendoj se me këtë programin e mobilitetit duhet të krijohen mundësi të reja për lëvizje. Rritja e shtigjeve për biçikleta, pasi me ato shtigje rritet edhe siguria në komunikacion për çiklistët dhe mundemi me ja arrit qëllimit”, tha ai.
Ndryshe, me rastin e shënimit të “Ditës Ndërkombëtare pa Makina”, në kryeqytet do të ketë një mori aktivitetesh me qëllim të promovimit të lëvizjes së lirë, udhëtimit me transport publik dhe formave të tjera alternative të transportit.
Aktualitet
UBT hap thirrjen për punime shkencore në Konferencën Ndërkombëtare MBE 2025
Published
4 hours agoon
October 1, 2025By
Driton Iseni
UBT ka kënaqësinë t’ju ftojë të merrni pjesë në Konferencën Ndërkombëtare mbi Menaxhimin, Biznesin dhe Ekonominë (MBE) 2025, pjesë e edicionit të 14-të të Konferencës Ndërkombëtare të UBT-së për Biznes, Teknologji dhe Inovacion.
Kjo konferencë ndërkombëtare, e rishikuar nga ekspertë (peer-reviewed), mirëpret punime nga studiues, akademikë, studentë pasuniversitarë, kandidatë për doktoraturë, hulumtues të rinj dhe profesionistë të industrisë. Qëllimi kryesor është të promovojë shkëmbimin e njohurive, ideve dhe përvojave inovative në fushat e Menaxhimit, Biznesit dhe Ekonomisë.
Programi i konferencës përfshin:
- Sesione prezantimi të punimeve shkencore,
- Diskutime paneli me akademikë dhe ekspertë të njohur ndërkombëtarisht,
- Ngjarje sociale për mundësi rrjetëzimi dhe bashkëpunimi.
Temat kryesore të këtij viti përfshijnë:
- Ekonomia dhe Financa Ndërkombëtare – Analiza e tregjeve globale, politika ekonomike, investimet ndërkombëtare.
- Sipërmarrësi dhe Inovacioni – Strategji për ndërmarrësi të suksesshme, zhvillimi i produkteve dhe shërbimeve inovative.
- Informatika e Biznesit dhe Marketingu Digjital – Teknologjitë digjitale, transformimi i biznesit, marketingu në epokën digjitale.
- Zhvillimi i Qëndrueshëm dhe Objektivat Globale – Praktikat e qëndrueshme, ndikimi social dhe ekonomiko-mjedisor i aktiviteteve të biznesit.
Afatet e rëndësishme:
Dorëzimi i abstrakteve dhe punimeve: elektronikisht në [email protected]
Lajmet
Genc Nuza delegohet nga UEFA në Conference League
Published
5 hours agoon
October 1, 2025By
UBT News
UEFA ka deleguar gjyqtarin nga Kosova, Genc Nuza, për të gjykuar një ndeshje në fazën e grupeve të UEFA Conference League.
Ai do të jetë në krye të sfidës mes Lausann-Sport dhe Breidablik, që zhvillohet më 2 tetor 2025 nga ora 18:45, në stadiumin “Stade De La Tuilière” në Lausanne.
Nuzës do t’i asistojnë gjyqtarët anësorë Fatlum Berisha dhe Bujar Selimaj, ndërsa gjyqtar i katërt është caktuar Erdall Zasella.
Në dhomën e VAR-it do të jenë Dardan Çaka si gjyqtar kryesor dhe Visar Kastrati si AVAR.
Ky delegim konsiderohet një tjetër dëshmi e profesionalizmit dhe besimit që UEFA ka në arbitrët nga Kosova, të cilët prej vitesh po përfaqësojnë me sukses futbollin kosovar në arenën ndërkombëtare.
FFK është shprehur e bindur se ata edhe kësaj radhe do ta përfaqësojnë me nder dhe dinjitet futbollin në arenën evropiane./S.K/KP/FFK
Lajmet
Roma synon të rinovojë kontratën e Paulo Dybala-s
Published
5 hours agoon
October 1, 2025By
UBT News
Roma po përgatit hapat e parë për rinovimin e kontratës së Paulo Dybala-s, ndërkohë që sulmuesi argjentinas pritet të rikthehet së shpejti në fushë.
Drejtuesit Frederic Massara dhe Stefano Ranieri po shqyrtojnë mundësinë e një marrëveshjeje të re, e cila do t’i lejonte Dybala-s ta mbyllte karrierën te Giallorossët.
Megjithatë, kontrata e re pritet të përfshijë një pagë më të ulët se aktualja.
Diskutimet paraprake me përfaqësuesit e lojtarit pritet të nisin gjatë këtij muaji, ndërsa qëllimi i klubit është ta mbajë argjentinasin për një kohë të gjatë në “Olimpico”, thotë “Corriere dello Sport”. /S.K/KP/
Lajmet
Covey për incidentet: Asnjë prej aktiviteteve nuk lidhen drejtpërdrejt me Thaçin
Published
5 hours agoon
October 1, 2025By
UBTnews
Jock Covey, i cili ka shërbyer si zëvendës i përfaqësuesit special të sekretarit të OKB-së, Bernard Kushner, po e vazhdon dëshminë e tij në rastin gjyqësor ndaj Hashim Thaçit, Kadri Veselit, Jakup Krasniqit dhe Rexhep Selimit pranë Dhomave të Specializuara të Kosovës në Hagë.
Gjatë dëshmisë së tij sot, më 1 tetor, pati edhe pjesë të seancën që kaluan në sesion privat. Në seancë të hapur, dëshmitari tha se deklaratat e tij që kanë të bëjnë me incidentet e pretenduara të UÇK-së, kanë të bëjnë vetëm me vlerësimet e tyre lidhur me rolin e Thaçit.
Ai theksoi se asnjë prej këtyre incidenteve nuk lidhen drejtpërdrejt me Hashim Thaçin.
“Dëshmia ime, deklarata ime ka të bëjë me vlerësimet tona lidhur me rolin që ka luajtur zotëri Thaçi, rol të hamendësuar apo real, lidhur me këto incidente. Pra, deklarata ime tregon kryesisht gjykimin tonë lidhur me autoritetin që ka pasur ai për individë të cilët është provuar apo jo që kanë kryer këto krime. Sipas mendimit tim, asnjë prej këtyre aktiviteteve nuk ndërlidhet në mënyrë të drejtpërdrejt me zotëri Thaçin apo asnjë prej tyre si të thuash kundërshton mënyrën se si ne kemi arritur në gjykimin që kemi arritur. Pra unë nuk mendoj që ju e keni sqaruar këtë çështje duke përsëritur raportin lidhur me këto incidente gjatë gjithë kohës”, tha Covey.
Jock Covey tha se nuk e di se kush kanë qenë themeluesit e UÇK-së dhe as cili ishte roli i Thaçit në Rambuje.
“Nga historia e di se në përfundim të Rambujesë ai [Thaçi] ishte caktuar të ishte kryeministër i qeverisë së përkohshme. Unë siç e thash, isha i përfshirë në një projekt tjetër në universitet, kështu që nuk e di se në çfarë cilësie ishte ftuar apo cili ishte roli që ka luajtur gjatë diskutimeve të brendshme të mbajtura në Rambuje”, tha ai.
Video 10.28
Prokurorja: A keni pasur dijeni kush kanë qenë themeluesit e UÇK-së?
Dëshmitari: Jo.
Prokurorja: A keni pasur njohuri lidhur me rolin e LPK-së për krijimin e UÇK-së?
Dëshmitari: Jo.
Prokurorja: A keni pasur dijeni se kë e ka caktuar LPK-ja si përgjegjës për ta ndërtuar UÇK-në?
Dëshmitari: Jo.
Prokurorja: A e keni lexuar aktakuzën në këtë çështje?
Dëshmitari: Nuk e kam lexuar.
Prokurorja: Pra ju nuk e dini cilat krime janë pjesë e akuzave në këtë çështje gjyqësore?
Dëshmitari: E saktë. Por besoj jam këtu për të folur për përgjegjësinë.
Prokurorja: Raporti i Departamentit të shtetit për Serbinë dhe Malin e Zi për të drejtat e njeriut më 1998, është përgatitur në janar 1999. Këtu thuhet elementë të UÇK-së kanë kryer vrasje, kanë qenë përgjegjës për zhdukjet, kanë rrëmbyer dhe mbajtur në ndalim policë serbë dhe civilë serbë e shqiptarë, ata që dyshoheshin se ishin besnikë ndaj qeverisë së Serbisë…A janë këto lloj raportimesh për të cilat ju keni pasur në dijeni?
Dëshmitari: Këtë dokument konkret nuk e kam parë kurrë. Praktikat e përshkruara në këtë paragraf “ishin diçka që e dinin të gjithë”, por nuk kam qenë i përfshirë në procesin e dokumentit të rasteve konkrete, individuale… Siç e thash, ky lloj raportimi ishte i përhapur por po e përsëris, jam i shqetësuar nëse kjo ka ndonjë lidhje me përfundimet që unë kam shprehur në deklaratë…Si diplomat, diplomati ka vetëm integritetin dhe kredibilitetin për të ofruar dhe më duket sikur kjo po kundërshtohet në bazë të cilën nuk e kuptoj.
Më tej prokurorja e pyeti atë lidhur me KFOR-in gjerman ndërsa e paraqiti një dokument në gjuhën gjermane.
“Kontingjenti i KFOR-it gjerman ka për detyrë ndër të tjera që të ndalojë kriminelët dhe t’i mbaj në ndalim, me përjashtim të anëtarëve të kontingjenteve ndërkombëtare për të siguruar rendin publik, në kuadër të rendit publik, për të parandaluar krime të mëtutjeshme dhe nëse është e nevojshme, të ndihmojë ndjekjen penale të kryesve të këtyre veprave. Trupat e KFOR-it gjerman do të arrestojnë persona që dyshohet se kanë kryer vepra të rënda penale, një krim apo vepër penale të një natyre të rëndë të cilët janë kapur në flagrancë ose ishin duke e kryer këtë vepër penale. Ata mund të ndalohen pa urdhër gjykate derisa të caktohet një gjykatës nga prania e sigurisë civile”, lexoi prokurorja ndërsa e pyeti dëshmitarin a ka qenë kjo pjesë e detyrave të KFOR-it në atë kohë apo jo?
“Nuk mendoj se është përshkrim i saktë kjo që pamë. Ka kaluar shumë kohë dhe gjermanishten nuk e njoh mirë por nuk mendoj se përkthimi është i saktë. Nuk do të thotë arrestim por ndalim, të ndalosh një person. Ky është një dokument i përgatitur nga kontingjenti gjerman, as nga selia e NATO-s, as nga komanda qendrore e Jackson. Secili prej kontigjentëve, kishte disa autonomi, disa kishin më shumë se të tjerët. Francezët njiheshin që ishin shumë autonom në llojin e tyre, edhe amerikanët po ashtu autonomë, gjermanët nuk e kundërshtonin autoritetin qendror por askush nuk e shikonte çka bënin nga qendra. Prandaj më duket se është tepruar pak në përshkrimet që janë bërë kur flitet për detyrimet e forcave ushtarake sa u takon vepriomtarive kriminale”, tha ai.
Më pas pati ndërhyrje nga gjykatësi Fergal Gaynor.
Gjykatësi: Që ta kuptoj unë këto pyetje kanë për synim të vërtetojnë se KFOR-i në fakt ka ndaluar persona në praktikë, për vepra të rënda penale.
Prokurorja: Jo, është me gjerë, është për të kuptuar mënyrën si e kanë ushtruar mandatin e tyre.
Gjykatësi: Pra ju po vini në pikëpyetje besueshmërinë e dëshmitarit apo po nxjerrni dëshmi për të mbështeture argumentet tuaja?
Prokurorja: Po përpiqem të kuptoj çfarë ka thënë dëshmitari në deklaratën e vetë.
Gjykatësi: Sepse më duket mua që ju po përpiqeni të përcaktoni se KFOR ka pasur mundësi të ndalonte persona për vepra të rënda penale.
Prokurorja: Nuk jam fokusuar tek mandati i KFOR-it, jam fokusuar te mënyra si është zbatuar.
Më pas seanca vazhdoi private, për t’u kthyer publike pas pushimit të drekës.
Dëshmia e Jock Covey vjen pasi në gjykatore u dëgjuan dëshmia e ish-sekretarit amerikan të Shtetit, James Rubin, ajo e ish-këshilltarit ligjor të ekipit të Kosovës në Rambuje, si dhe dëshmia e ish-diplomatit britanik John Stewart Duncan.
Paraqitja e provave të mbrojtjes nisi më 15 shtator. Mbrojtja e Thaçit ka planifikuar t’i sjell 11 dëshmitarë në tërësi, pas së cilëve pritet të dëshmojnë dy të tjerë të thirrur nga mbrojtja e Jakup Krasniqit.
Paraqitja e provave të mbrojtjes pritet të përfundojë deri në mesin e nëntorit, ndërkaq, turpi gjykues pret që ekipet mbrojtëse të dorëzojnë shkresat përfundimtare deri më 22 dhjetor të këtij viti.
Hashim Thaçi, Kadri Veseli, Jakup Krasniqi e Rexhep Selimi akuzohen për krime të pretenduara të luftës. Ata ndodhen në paraburgim prej nëntorit të vitit 2020./D.B/KP

UBT hap thirrjen për punime shkencore në Konferencën Ndërkombëtare MBE 2025

Snapchat ndryshon! Memories nuk do të jetë më plotësisht falas

Genc Nuza delegohet nga UEFA në Conference League

Roma synon të rinovojë kontratën e Paulo Dybala-s

Robbie Williams zbulon se ka sindromën Tourette

Covey për incidentet: Asnjë prej aktiviteteve nuk lidhen drejtpërdrejt me Thaçin
Arrestohen tre të mitur në Mitrovicë të Veriut, dyshohen për lëndim të lehtë

Lautaro thyen tjetër rekord në Inter

Ekranet e palosshme të Samsung drejt një klienti nga SHBA, iPhone Fold në horizont?
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega