Lajmet

​Dita e Evropës shënohet duke promovuar lëvizshmërinë alternative

Një prej aktiviteteve ishte edhe shëtitja me biçikleta dhe trotinete elektrike që promovon lëvizshmërinë alternative dhe të ardhshme.

Published

on

Kosova po shënon 9 Majin – Ditën e Evropës me aktivitete të ndryshme të organizuara kryesisht nga Zyra e Bashkimit Evropian në Kosovë dhe Komuna e Prishtinës e që janë të fokusuara tek të rinjtë, energjia e gjelbër dhe digjitalizimi. Një prej aktiviteteve ishte edhe shëtitja me biçikleta dhe trotinete elektrike që promovon lëvizshmërinë alternative dhe të ardhshme.

Qytetarëve iu bë thirrje që të përdorin më shumë biçikletat dhe hapësirat e gjelbra ndërsa kryetari i Prishtinës, Përparim Rama, premtoi se në javët e muajt në vazhdim prioritet do të jetë këmbësori duke i ofruar më shumë hapësirë.

“Sot së bashku e bëmë një xhiro me ambasadorin e Bashkimit Evropian me biçikletë dhe me E-scuter edhe e shihni edhe vet që hapësirat janë fantastike dhe është një eksperiencë shumë e mirë edhe ditëve me radhë tash duke iu afruar muajit qershor do të kemi çdo vikend do të kemi iniciativa të ndryshme ku tregojmë se përjetimi i kryeqyteti tonë do të jetë më pozitiv kur prioritet e kemi këmbësorin, prioritet i kemi hapësirat e gjelbra dhe jo asfaltin e veturat… Mendoj që me këtë ditë të iniciojmë një përshpejtim të Kosovës si pjesë të Bashkimit Evropian aty edhe ku e meriton edhe i takon të jetë”, tha Rama.

Shefi i Zyrës së Bashkimit Evropian në Kosovë, Tomas Szunyoug deklaroi se Ballkani Perëndimor ka një të ardhme të qartë në Bashkimin Evropian, ndërsa është duke u punuar në vazhdimëis që Kosova të aplikojë standarde dhe norma evropiane.

“Kjo është një ditë e rëndësishme për Bashkimin e Evropian, por besoj që është e rëndësishme edhe për Ballkanin Perëndimor. Besoj që Ballkani Perëndimor ka një të ardhme të qartë në BE. Po punojmë që ta rreshtojmë Kosovën sa më shumë që është e mundur me standardet dhe normat evropiane. Ne nuk duam që Bashkimin e Evropian ta paraqesim vetëm si entitet politik, por si një entitet që ofron të ardhme të qëndrueshme. Marrëveshja e Gjelbër është shumë e rëndësishme për BE-në, dhe duam që Kosovën ta rreshtojmë drejt Marrëveshjes së Gjelbër”, theksoi Szunyoug.

Përpos që anëtarësimi në Bashkimin Evropian nuk duket gjë në horizont, edhe liberalizimi i vizave konisrohet si një vendim i munguar pa të drejtë për qytetarët e Kosovës.

Mirëpo, Szunyoug u shpreh se në ditë si kjo e stomej duhet të shërbejnë për të punuar më shumë.

“Është ditë e festës kombëtare në Kosovë dhe mendoj se është në rregull të festohet. Është Dita e Evropës për ne si evropianë. Mendoj se është një mundësi për festim dhe për fillimin e punës për zbatimin e perspektives evropiane”, shtoi ai.

Qytetarët mendojnë se Kosova ka shumë punë për të bërë për t’iu bashkuar Bashkimi Evropian.

“Synimi për me mbërri në Bashkimin Evropian është përgjegjshmëri për gjërat të cilat ne i përjetojmë çdo ditë, kjo është njëra prej tyre, liria e lëvizjes dhe jo veç liria e lëvizjes në BE por edhe liria e lëvizjes në qytet… Për prakticitete si kjo, për t’i kënaqur të gjithë njerëzit brenda qytetit për mobilitet, jemi shumë mbrapa, edhe duhet të punojmë shumë jemi shumë larg asaj, ne i kemi plotësuar disa kritere me lëviz lirë përkohësisht që të kthehemi në Kosovë, me liberalizim të vizave dhe për gjëra të tjera jemi shumë mbrapa”, tha Andi Sapolli.

Të dy segmentet e rrugës “Xhorxh Bush” në Prishtinë ishin të bllokuara dhe qytetarët i shfrytëzuar për të lëvizur në këmbë, biçikleta apo trotinete.

Aktualitet

Programi i Arkitekturës dhe Planifikimit Hapësinor në nivelin Master në UBT përgatit arkitektët e së ardhmes

Published

on

UBT, përmes Fakultetit të Arkitekturës dhe Planifikimit Hapësinor, ofron një program studimor të avancuar në nivelin master, i cili ka për qëllim të përgatisë arkitektë të aftë për të identifikuar dhe analizuar problemet arkitektonike, për të hartuar e zhvilluar projekte profesionale dhe për të ofruar shërbime cilësore për komunitetin, gjithmonë duke marrë parasysh aspektet shoqërore dhe mjedisore.

Ky program shquhet për qasjen e tij interdisiplinare, duke i pajisur studentët me aftësi të komunikimit, punës ekipore dhe individuale, si dhe me mundësinë për të transferuar dhe kontekstualizuar kompetencat e tyre në fusha të ndryshme të tregut të punës.

Struktura e programit

Programi zgjat dy vjet (katër semestra) dhe përfshin një kombinim të lëndëve teorike, studio praktike dhe projekte kërkimore.

Dy semestrat e parë fokusohen në dizajnin arkitektonik të avancuar, planifikimin urban, restaurimin e trashëgimisë dhe aspektet ligjore të projektimit.

Viti i dytë përfshin lëndë mbi planifikimin hapësinor evropian, infrastrukturën, peizazhin, efiçiencën energjetike dhe metodat e hulumtimit.

Semestri i katërt përmbyllet me një projekt kërkimor dhe tezën e diplomës.

Kjo qasje siguron që studentët të kuptojnë jo vetëm teknikat e projektimit dhe aspektet inxhinierike, por edhe të vlerësojnë ndikimin social, ekonomik dhe hapësinor të mjedisit përmes planifikimit urban dhe arkitektonik.

Rezultatet e të mësuarit

Pas përfundimit me sukses të programit, studentët do të jenë të aftë të:

  • Kuptojnë dhe aplikojnë teknikat e projektimit, planifikimit dhe aspektet inxhinierike të projekteve.
  • Vlerësojnë dimensionet sociale, ekonomike e mjedisore të arkitekturës.
  • Komunikojnë profesionalisht me audienca të ndryshme dhe ofrojnë zgjidhje konkrete për problemet e ndërtimit.
  • Kontribuojnë në kërkime shkencore dhe të vlerësojnë vlerat arkitektonike e urbanistike.

Përvoja studentore dhe karriera

Përveç mësimdhënies, studentët e arkitekturës në UBT përfitojnë nga:

  • Qendra e Karrierës, e cila i lidh me industrinë përmes praktikave profesionale dhe panaireve të punës.
  • Certifikime dhe trajnime shtesë, të cilat rrisin konkurrueshmërinë e tyre në treg.
  • Organizatat studentore, që u japin zë në vendimmarrje dhe u mundësojnë një përvojë të plotë akademike dhe sociale.

Perspektiva profesionale

Të diplomuarit e këtij programi gjejnë mundësi të shumta punësimi në:

  • Firma konsulente të arkitekturës dhe inxhinierisë
  • Institucione publike e private të ndërtimit dhe planifikimit
  • Organizata kombëtare e ndërkombëtare të zhvillimit
  • Institucione akademike dhe kërkimore

UBT thekson se ky program është ndërtuar për të përgatitur arkitektët dhe planifikuesit hapësinorë të së ardhmes, të cilët do të jenë të aftë të përballen me sfidat e zhvillimit urban dhe mjedisor, duke kontribuar njëkohësisht në zhvillimin e qëndrueshëm të vendit dhe rajonit.

APLIKO TANI ONLINE!

Continue Reading

Aktualitet

UBT: Programi i vetëm i Studimeve të Sigurisë në Kosovë, edhe pak vende të lira për regjistrim

Published

on

UBT njofton se kanë mbetur edhe pak vende të lira për regjistrim në programin e Studimeve të Sigurisë, i vetmi i këtij profili në Kosovë. Ky program u ofron studentëve mundësinë të bëhen ekspertë në fushën e sigurisë kombëtare, publike dhe ndërkombëtare.

Diploma e këtij programi hap dyert për punësim në institucione shtetërore të sigurisë, organizata ndërkombëtare, agjenci të sigurisë private, si dhe në fusha të lidhura me menaxhimin e krizave dhe sigurinë kibernetike.

UBT thekson se programi është i ndërtuar mbi kurrikula bashkëkohore të universiteteve më prestigjioze të Evropës dhe ShBA-së, duke iu përshtatur nevojave të tregut vendor dhe rajonal. Studentët do të kenë mundësi të marrin njohuri në fusha ndërdisiplinore si ligji, psikologjia, gjeopolitika, marrëdhëniet ndërkombëtare, politika e jashtme, teknologjia e informacionit dhe metodologjia e kërkimit.

Aplikimi për regjistrim është i hapur online në linkun: APLIKO TANI ONLINE!

UBT fton maturantët të shfrytëzojnë këtë mundësi të fundit për t’u bërë pjesë e programit që përgatit liderët e së ardhmes në fushën e sigurisë.

Continue Reading

Lajmet

Basha mbyll seancën konstituive, asnjë deputetë serbë nuk merr votat për nënkryetar

Published

on

By

Kuvendi ka dështuar ta zgjedhë nënkryetarin nga komuniteti serb. Asnjëri prej deputetëve që u votua nuk ka marrë shumicën e mjaftueshme dhe rrjedhimisht Kuvendi nuk ka nënkryetarin nga ky komunitet.

Kryetari i Kuvendit të Kosovës, Dimal Basha, ka bërë të ditur se janë ezauruar të gjitha opsionet për zgjedhjen e nënkryetarit të pestë të Kuvendit nga komuniteti serb. Ai theksoi se seanca konstituive e Kuvendit konsiderohet e përmbyllur, ndërsa për hapat e mëtejmë do të vendoset në mbledhjen e ardhshme të Kryesisë së Kuvendit, që do të mbahet të hënën në orën 13:00.

“Janë ezauruar të gjitha opsionet për të zgjedhur nënkryetarin e pestë nga pakica serbe. Kjo seancë konsiderohet e përmbyllur. Se si të veprohet tutje si Kuvend do t’i konsultoj anëtarët e Kryesisë së Kuvendit, mbledhje kjo që do të mbahet të hënën në ora 13:00,” tha Basha.

Pavarësisht disa tentativave të përsëritura në seancat e kaluara, Kuvendi nuk ka arritur të zgjedhë nënkryetarin e mbetur, çka ka vonuar përmbylljen e procesit të konstituimit të plotë të tij. Vendimi për hapat e ardhshëm do të merret pas konsultimeve të brendshme institucionale që do të zhvillohen javën që vjen.

Continue Reading

Lajmet

Murati: Sot është dita vendimtare për konstituimin e Kuvendit të Kosovës

Published

on

By

Ministri në detyrë i Financave, Hekuran Murati, ka deklaruar se dita e sotme është vendimtare për përfundimin e procesit të konstituimit të Kuvendit të Kosovës. Ai ka theksuar se kanë mbetur edhe tre kandidatë të papërfunduar, me gjashtë tentativa të mundshme për zgjedhjen e nënkryetarit të pestë të Kuvendit, që duhet të vijë nga komuniteti jo-shumicë serb.

Në një deklaratë të drejtpërdrejtë, Murati ka qenë i prerë për sa i përket qëndrimit ndaj Listës Serbe, duke përjashtuar çdo mundësi për mbështetje ndaj saj.

“Po besoj që të gjithë e kemi kuptuar që sot është dita vendimtare sa i përket seancës konstituive, do të thotë kanë mbetur edhe tre kandidatë ende ta pa ezauruar me 6 tentativa të mundshme për t’u zgjedhur nënkryetari i 5 që duhet të vijë nga radhët e komunitet jo shumicë serb. Votë për Listën Serbe ne nuk kemi sepse marr parasysh edhe të kaluarën e tyre edhe faktin që ata nuk i njohin institucionet dhe Republikën e Kosovës si dhe përfshirjen e tyre në sulmin terrorist në Banjskë dhe që rrjedhimisht ata vazhdojnë që të jenë të dirigjuar nga kryeterroristi Milan Radoiçiq, Alternativa e vetme për me dalur nga ngërçi dhe për të konstituuar Kuvendin është deputeti Nenad Rashiq”, tha ai.

Continue Reading

Të kërkuara