Sport

Dështon sërish Tottenhami, katër ndeshje pa fitore

Published

6 years ago

December 28, 2020

Betim Gashi

Tottenhami nuk e ka shfrytëzuar në mënyrën më të mirë lëshimin e pikëve nga ana e Liverpollit në ndeshjen kundër Wolverhampton Wanderers (1-1).

Skuadra e Jose Mourinhos gjithashtu është ndalur me barazim 1-1 në ndeshjen kundër Wolverhamptonit, ndeshje kjo e zhvilluar të Dielën dhe e cila ishte e vlefshme për xhiron e 15-të të kampionatit anglez të futbollit.

Ende pa kaluar minuta e parë e ndeshjes, Tottenhami kaloi në epërsi me golin e mesfushorit Ndombele dhe kjo ishte gjithçka që ofroi pjesa e parë e këtij ballafaqimi.

Në pjesën e dytë sërish u aplikua një lojë e baraz-peshuar, por vendasit ia dolën që ta barazojnë rezultatin në minutën e 86’ kur Saiss realizoi për t’ia mohuar Tottenhamit një fitore shumë të rëndësishme.

Skuadra e drejtuar nga Jose Mourinho tani ka hyrë në një seri negative te rezultateve duke mos e shijuar fitoren ne katër ndeshjet e fundit.

Related Topics:Tottenham Premier League West Bromwich Albion

Up Next

Jurgen Klopp gjen fajtorin e barazimit ndaj West Bromit

Don't Miss

COVID-19 prek edhe dy lojtarë të Cityt

Vendi

Akil Gjakova mbyll garën pa medalje në Abu Dhabi

Published

7 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

8 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

10 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/