Lajmet

Dështon mbledhja e kryesisë së Kuvendit, opozita kritikon pozitën për punësime

Published

4 years ago

June 25, 2021

Betim Gashi

Ka dështuar mbledhja e kryesisë së Kuvendit të Kosovës, në mungesë të kuorumit. Ndërsa, opozita ka kritikuar mazhorancën për mungesën e tyre në këtë mbledhje, si dhe për punësimin e familjarëve të tyre nëpër institucionet e Kosovës.

Shefi i grupit parlamentar të Partisë Demokratike të Kosovës, Abelard Tahiri ka thënë se në vazhdimësi po shihet një degradim i institucioneve të Kosovës nga Lëvizja Vetëvendosje.

“Sot dështoi që të mbahet një mbledhje e tillë. Pra ky koalicion i këtij 50 përqindshit të madh “krejt dhe drejt”, ka filluar që vërtet krejt t’i degradojë institucionet e Republikës së Kosovës. Ju e shini mos arritjen e kuorumit, mos ardhjen e kryetarit të kuvendit në një kuvend që do të duhej me prioritet të madh të trajtojë shumë problematika dhe çështje që do të duhej të vinin edhe nga Qeveria e Kosovës, dështon në mënyrën më të keqe të mundshme”, ka thënë Tahiri.

Sipas tij, përveç shkarkimeve masive, nuk është parë asnjëherë një ndërmarrje më të madhe të punësimeve familjare dhe mbi baza partiake, duke shtuar se nuk i mohojnë keqpërdorimet e mundshme edhe në të kaluarën për të cilat i bëri thirrje drejtësisë që të trajtohen me prioritet

“Angazhimi më i madh i kësaj qeverie gjatë këtyre 100 ditëve ka qenë punësimi familjarë, ka qenë punësimi jo shumë i militantëve sa ka qenë punësimi familjarë të tyre, pra shohim një angazhim në punësimin e familjarëve. Edhe Kuvendin e kanë kthyer në shërbim të punësimeve familjare”, tha ai.

Tahiri i bëri thirrje prokurorisë që t’i hetojë abuzimet që janë duke u bërë nga kuvendi dhe në secilin institucion dhe ministri të Kosovës.

Kurse, Armend Zemaj nga Lidhja Demokratike e Kosovës, ka thënë se kjo është një pasqyrë e keqe dhe një neglizhencë jomorale që dëmton proceset demokratike në Kosovë, pasi është një mazhorancë e konsoliduar dhe e cila në kohën kur do të duhej të tregonte diçka ka vetëm degradim dhe kapje. Ai njoftoi se sot në mbledhjen e kryesisë si LDK, do të kërkonin që të hyjë në rend dite debati parlamentar lidhur me veprimet e qeverisë për zbatimin e marrëveshjes së Uashingtonit.

“Nga ajo që e kemi parë, sigurisht ikja nga kjo kryesi është për shkak të kësaj teme, por sido që të jetë ne do ta procedojmë dhe do të kërkojmë që ky debat parlamentar të mbahet sa më shpejt, si nevojë imediate për të ruajtur partneritetin por mbi të gjitha për të vënë në pah të gjithë atë propagandë të egër e të ulët nga ish lideri i Lëvizjes Vetëvendosje, Albin Kurti, tash i shndërruar në kryeministër me mandat qytetarë, i cili nuk ka lënë gjë të zezë pa hedhur mbi takimin dhe marrëveshjen e Uashingtonit, ndërsa sot Kemi një pasqyrë tjetër mbi të gjitha edhe për Ujmanin por edhe për proceset tjera. Edhe për atë të njohjes me Izraelin. Dëshirojmë të dimë pozicionin e qartë, të saktë të Qeverisë së Kosovës, a janë partner me Shtetet e Bashkuara të Amerikës, apo tentojnë atë që nuk do ta lejojë populli i Kosovës, as LDK, as shoqëria civile që Kosova të kthehet në një rrugë tjetër jo atë properëndimor”, ka thënë ai.

Përndryshe, kryesia në këtë mbledhje kishte paraparë të vendos për seancën e ardhshme të Kuvendit të Kosovës dhe kishte për shqyrtim raportin vjetor i performancës së Zyrës Kombëtare të Auditimit për vitin 2020, si dhe raportin vjetor i Radiotelevizionit të Kosovës për vitin 2020.

Lajmet

Kushtetuesja vendos për ankesën e Listës Serbe, Kuvendi s’është konstituuar

Published

19 minutes ago

September 30, 2025

UBTnews

Gjykata Kushtetuese ka vendosur për ankesën e Listës Serbe, për cka ka konstatuar se Kuvendi nuk është konstituuar në pajtim me përcaktimet e paragrafit 1 të nenit 66.

Në vendim, Gjykata ka urdhëruar që seanca Konstituive e Kuvendit të përfundojë brenda afatit të përcaktuar me paragrafin 1 të nenit 66 [Zgjedhja dhe Mandati] të Kushtetutës së Republikës së Kosovës dhe sipas Aktgjykimit të Gjykatës në rastet KO193/25 dhe KO196/25, përkatësisht brenda afatit të mbetur prej 12 (dymbëdhjetë) ditëve nga hyrja në fuqi e këtij Aktgjykimi

Më poshtë sjellim vendimin e plotë:

Gjykata Kushtetuese e Republikës së Kosovës, më 30 shtator 2025 vendosi përkitazi me kërkesën KO265/25, në lidhje me vlerësimin e kushtetutshmërisë së “Procesverbaleve të seancave të Kuvendit të Kosovës”, si dhe vendimeve të nxjerra në kuadër të Seancës Konstituive më 26 dhe 28 gusht 2025, të parashtruar nga Igor Simic dhe 9 (nëntë) deputetë të tjerë të Kuvendit të Republikës së Kosovës, bazuar në paragrafin 5 të nenit 113 [Jurisdiksioni dhe Palët e Autorizuara] të Kushtetutës së Republikës së Kosovës.

https://gjk-ks.org/notifications/details/3350?title=Njoftim+p%C3%ABr+vendim+n%C3%AB+rastin+KO265/25

Gjykata, njëzëri, ka vendosur:

TË DEKLAROJË, kërkesën të pranueshme;
TË KONSTATOJË, që Seanca Konstituive e Kuvendit, e filluar me 15 prill 2025 nuk ka përfunduar si rezultat i moszgjedhjes së nënkryetarit të Kuvendit nga radhët e deputetëve të komunitetit Serb, dhe Kuvendi nuk është konstituuar në pajtim me përcaktimet e paragrafit 1 të nenit 66 [Zgjedhja dhe Mandati] dhe paragrafët 1 dhe 4 të nenit 67 [Zgjedhja e Kryetarit dhe Nënkryetarëve] të Kushtetutës së Republikës së Kosovës;
TË URDHËROJË, që Seanca Konstituive e Kuvendit të përfundojë brenda afatit të përcaktuar me paragrafin 1 të nenit 66 [Zgjedhja dhe Mandati] të Kushtetutës së Republikës së Kosovës dhe sipas Aktgjykimit të Gjykatës në rastet KO193/25 dhe KO196/25, përkatësisht brenda afatit të mbetur prej 12 (dymbëdhjetë) ditëve nga hyrja në fuqi e këtij Aktgjykimi;
TË URDHËROJË, të gjithë deputetët e zgjedhur të Kuvendit të Republikës së Kosovës, që në pajtim me nenin 4 [Forma e Qeverisjes dhe Ndarja e Pushtetit], nenin 7 [Vlerat], paragrafin 4 të nenit 67 [Zgjedhja e Kryetarit dhe Nënkryetarëve] dhe nenin 74 [Ushtrimi i Funksionit] të Kushtetutës së Republikës së Kosovës, që gjatë procedurës së zgjedhjes së nënkryetarit të Kuvendit të Republikës së Kosovës nga radhët e deputetëve të komunitetit Serb, të ushtrojnë funksionin e tyre kushtetues në interesin më të mirë të Republikës së Kosovës dhe në pajtim me Kushtetutën dhe Rregulloren e Kuvendit;
TË VAZHDOJË, masën e përkohshme, e cila ka hyrë në fuqi nga data 5 shtator 2025, deri në hyrjen në fuqi të këtij Aktgjykimi;
T’UA KUMTOJË këtë Aktgjykim palëve;
TA PUBLIKOJË këtë Aktgjykim në Gazetën Zyrtare të Republikës së Kosovës, në pajtim me paragrafin 4 të nenit 20 (Vendimet) të Ligjit Nr. 03/L-121 për Gjykatën Kushtetuese të Republikës së Kosovës;
TË KONSTATOJË që ky Aktgjykim hyn në fuqi në ditën e publikimit nga Gjykata Kushtetuese e Republikës së Kosovës dhe njoftimit të palëve, përveç pikës V të dispozitivit, e cila hyn në fuqi menjëherë.

Lajmet

Fati i Amorim në duart e Granit Xhakës

Published

26 minutes ago

September 30, 2025

UBT News

Manchester United gjendet në krizë të thellë dhe presioni mbi trajnerin Ruben Amorim po shtohet sepse skuadra ka marrë vetëm 7 pikë nga 6 ndeshje duke humbur tre përballjet e këtij sezoni, duke lënë tifozët e pakënaqur.

Legjenda Wayne Rooney ka kritikuar ashpër gjendjen e klubit, duke thënë se disa lojtarë nuk e meritojnë ta veshin fanellën e United dhe seklubi ka humbur kulturën e tij.

Ai shprehu edhe mungesë besimi te Amorim.

Të shtunën United përballet me Sunderlandin e Granit Xhakës, një sfidë vendimtare për të ardhmen e portugezit.

Mediat britanike raportojnë se drejtuesit e klubit tashmë po shqyrtojnë pasues të mundshëm si Oliver Glasner, Fabian Hürzeler dhe Andoni Iraola./S.K/KP/

Botë

Turqia do të bisedojë me Hamasin për planin amerikan të Gazës

Published

2 hours ago

September 30, 2025

UBTnews

Presidenti turk, Recep Tayyip Erdogan, vlerësoi më parë “përpjekjet dhe lidershipin” e Donald Trump për t’i dhënë fund luftës në Gaza.

Përfaqësuesit turq do të marrin pjesë në diskutimet me delegacionin e Hamasit mbi planin e Presidentit të SHBA-ve Donald Trump për t’i dhënë fund luftës në Gaza, tha një zëdhënës i Ministrisë së Jashtme të Katarit.

Presidenti turk, Recep Tayyip Erdogan, vlerësoi më parë “përpjekjet dhe lidershipin” e Donald Trump për t’i dhënë fund luftës në Gaza, pasi udhëheqësi amerikan siguroi mbështetjen e kryeministrit izraelit Benjamin Netanyahu për një propozim paqeje të sponsorizuar nga SHBA-të.

“Unë përgëzoj përpjekjet dhe lidershipin e presidentit amerikan Donald Trump që synojnë ndalimin e gjakderdhjes në Gaza dhe arritjen e një armëpushimi”, tha Erdogan, i cili u takua me Trump në Shtëpinë e Bardhë për herë të parë në gjashtë vjet javën e kaluar.

Turqia do të vazhdojë të kontribuojë në proces “me qëllim krijimin e një paqeje të drejtë dhe të qëndrueshme të pranueshme për të gjitha palët”, shtoi ai në X.

Një burim nga Ministria e Jashtme turke tha vonë të hënën se ministri i Jashtëm Hakan Fidan kishte diskutuar propozimin e Trump me homologët e Arabisë Saudite, Katarit dhe Jordanisë në një telefonatë./D.B/EO

Lajmet

Zyra e BE-së bën thirrje për një proces të drejtë në zgjedhjen e një anëtari të ri të Këshillit Prokurorial të Kosovës

Published

2 hours ago

September 30, 2025

UBTnews

Zyra e BE-së në Kosovë përmes një komunikate për media, kanë kërkuar që anëtari i ri i Këshillit Prokurorial të zgjidhet përmes një procesi të drejtë që tërheq kandidat të mirë për të njejtën pozitë.

“Pas njoftimit të Këshillit Prokurorial të Kosovës për një anëtar të ri, BE-ja në Kosovë bën thirrje për një proces të drejtë që tërheq kandidatë të fortë dhe siguron zgjedhjen e një anëtari, integriteti dhe profesionalizmi i të cilit do të forcojë sistemin prokurorial të Kosovës në dobi të publikut”, thuhet në njoftimin e Zyrës.

Nga Zyra e BE-së kanë thënë se do ta monitorojnë procesin e përzgjedhjes së anëtarit të ri të KPK-së.

“Duke pasur parasysh rëndësinë e reformës së vazhdueshme të Këshillit, siç përcaktohet në ndryshimet e fundit në Ligjin për KPK-në, BE-ja do të monitorojë nga afër procesin e përzgjedhjes.Procedurat transparente dhe të bazuara në meritë janë thelbësore për përparimin e vazhdueshëm të Kosovës në rrugën e saj të integrimit në BE.”, përfundon reagimi./D.B/EO