Lajmet

​Dëshmitari i nëntë fillon dëshminë në Hagë në çështjen Thaçi dhe të tjerët

Karshi këtij dëshmitari, ZPS-ja ka paraparë dy orë kohë për parashtrimin e pyetjeve të saj.

Published

3 years ago

on

Në Dhomat e Specializuara të Kosovës në Hagë ka nisur dhënien e dëshmisë së tij në gjykimin kundër ish-krerëve të Ushtrisë Çlirimtare të Kosovës dëshmitari i nëntë i Zyrës së Prokurorit të Specializuar me kodin W01602.

Karshi këtij dëshmitari, ZPS-ja ka paraparë dy orë kohë për parashtrimin e pyetjeve të saj, ndërsa mbrojtësi i viktimave ka kërkuar 15 minuta e ekipet e mbrojtjes të të akuzuarve kanë paraparë 6 orë pyetje.

Për shkak të masave mbrojtëse u kërkua nga Zyra e Prokurorit të Specializuar që marrja në pyetje e këtij dëshmitari fillimisht të bëhet në seancë të mbyllur për publikun, prandaj edhe seanca po zhvillohet e mbyllur.

E para se të fillojë dëshminë e tij dëshmitari i nëntë i ZPS-së, trupi gjykues në seancën e sotme gjyqësore në seancë publike trupi gjykues parashtroi disa pyetje për dëshmitarin e tetë në gjykimin kundër Thaçit, Veselit, Krasniqit dhe Selimit.

Gjykatësi, Fergal Gejnor kërkoi të di se në qendrën e ndalimit në Bajgorë kush i shikonte personat e ndaluar. Më pas, dëshmitari tha se kjo ishte përgjegjësi e policisë ushtarake.

Gejnor: Kush e kishte në dorë dhe kush e vendoste se kush hynte dhe i shikonte të ndaluar.

Dëshmitari: Policia ushtarake ishte.

Po ky gjyqtar parashtroi disa pyetje për mënyrën e komunikimit si dhe për marrëdhëniet që kishte brigada ku dëshmitari tetë ishte anëtarë me policinë ushtarake. Lidhur me këtë dëshmitari u shpreh se përmes personit katër zhvillohet komunikimi.

Gejnor: A keni mundësi të përshkruani se cila ishin marrëdhëniet e punës midis togut apo brigadës tuaj dhe policisë ushtarake, si do t’i përshkruani këto marrëdhënie të punës.

Dëshmitari: Ne kemi qenë disa grupe të togeve të cilat kemi pasur një përgjegjës. I kemi pasur katër apo pesë toge, nuk më kujtohet sigurisht përmes personit 4 është bërë komunikimi tek personi dhe kjo ka qenë forma e komunikimit, sa i përket policisë ushtarake vetëm e di se kanë për kohën që kanë pas e di qenë edhe për rregull ushtarak.

Sa i takon mënyrës se si informoheshin për zhvillimet gjatë ditës, dëshmitari tetë deklaroi se informacionet i merrnin përmes mediave të shkruara.

Ndërsa, gjykatësi tjetër, Genël Metro krahas disa pyetjeve specifike për disa të ndaluar kërkoi të di se kush bënte roje për personat e ndaluar, dëshmitari i tetë i ZPS-së u shpreh se këtë e bënte policia ushtarake.

Gjykimi ndaj ish-krerëve të UÇK-së ka nisur më 3 prill me deklaratat hyrëse të palëve. Para trupit gjykues, Thaçi, Veseli, Selimi dhe Krasniqi janë deklaruar të pafajshëm për akuzat për krime të pretenduara të luftës. Ata ndodhen në qendrën e paraburgimit në Hagës prej nëntorit të vitit 2020.

Related Topics:
Continue Reading

Vendi

Gjenden mbetje mortore në Brod të Shtërpcës

Published

4 hours ago

on

November 12, 2026

By

Mbetje mortore janë gjetur sot në fshatin Brod të Komunës së Shtërpcës, gjatë aktiviteteve të kërkimit për personat e zhdukur me dhunë.

Sipas njoftimit të Komisionit Qeveritar për Persona të Zhdukur, aktivitetet e kërkimit dhe gërmimet vlerësuese në këtë lokacion kishin nisur më 6 nëntor 2026, pas sigurimit të urdhrit përkatës gjyqësor.

Gjatë aktivitetit të parë nuk ishte arritur të lokalizohej varri i dyshuar, për shkak të ndryshimeve që kishte pësuar terreni ndër vite, duke vështirësuar përcaktimin e vendndodhjes së saktë.

Ndërkaq, gjatë vazhdimit të gërmimeve më 12 nëntor, janë gjetur mbetje mortore, të cilat do t’i nënshtrohen ekzaminimit mjekoligjor dhe procedurave të identifikimit përmes analizës së ADN-së.

Aktivitetet janë realizuar në koordinim ndërmjet Komisionit Qeveritar për Persona të Zhdukur, Institutit për Mjekësi Ligjore dhe Drejtorisë së Policisë për Hetimin e Krimeve të Luftës – Sektorit për Hetimin e Personave të Zhdukur, me përkrahjen e Prokurorisë – Departamentit për Krime Lufte./A.K/

Continue Reading

Lajmet

Leonardo da Vinci sjell frymën e Rilindjes në UBT – ekspozitë që ndërthur artin, shkencën dhe inovacionin

Published

4 hours ago

on

November 12, 2026

By

Kampusi Shkencor Inovativ dhe Teknologjik i UBT-së është bërë nikoqir i një ekspozite të veçantë kushtuar njërit prej mendjeve më të jashtëzakonshme në historinë njerëzore, Leonardo da Vincit.

Përmes kësaj ekspozite, studentët, stafi akademik dhe vizitorët kanë mundësi të njihen më nga afër me botën krijuese të Da Vincit, idetë e tij revolucionare dhe projektet që dëshmojnë gjenialitetin e tij në fusha të ndryshme, nga arti e anatomia, deri te inxhinieria dhe teknologjia.

E organizuar në kuadër të edicionit të XXVI të Javës së Gjuhës Italiane në Botë, me temën “Gjuhë e mirësjelljes, gjuhë gjeniale: të ideosh, të projektosh, të krijosh me italisht”, ekspozita sjell në vëmendje rëndësinë e gjuhës, kulturës dhe trashëgimisë italiane në zhvillimin e mendimit krijues dhe shkencor.

Ky aktivitet është realizuar në bashkëpunim me Ambasadën e Italisë në Prishtinë dhe përfaqëson një mundësi të rëndësishme për të nxitur kureshtjen intelektuale, kreativitetin dhe frymën inovative te gjeneratat e reja.

Përmes kësaj ekspozite, UBT sjell në kampusin e tij trashëgiminë e një figure që vazhdon të frymëzojë botën, duke dëshmuar se idetë e mëdha nuk njohin kohë dhe se arti, shkenca dhe teknologjia janë pjesë e së njëjtës gjuhë: gjuhës së inovacionit.

 

 

 

Continue Reading

Aktualitet

40 sportistët më të mëdhenj (2000–2026)

Published

5 hours ago

on

November 12, 2026

By

Sporti është një nga veprimtaritë më tërheqëse në botën modern. Interesimi në vazhdim i publikut bën që edhe media ta ketë temë të shpeshtë.

Këtë herë, kemi zgjedhur të sjellim tek ju një listë prej 40 sportistësh më të mëdhenj, të periudhës 2000-20026:

  1. Michael Phelps – Not
  2. Lionel Messi – Futboll
  3. LeBron James – Basketboll
  4. Tom Brady – Futboll amerikan
  5. Roger Federer – Tenis
  6. Tiger Woods – Golf
  7. Usain Bolt – Atletikë
  8. Kobe Bryant – Basketboll
  9. Rafael Nadal – Tenis
  10. Cristiano Ronaldo – Futboll
  11. Stephen Curry – Basketboll
  12. Tim Duncan – Basketboll
  13. Shaquille O’Neal – Basketboll
  14. Patrick Mahomes – Futboll amerikan
  15. Lewis Hamilton – Formula 1
  16. Aaron Donald – Futboll amerikan
  17. Sidney Crosby – Hokej në akull
  18. Kevin Garnett – Basketboll
  19. Albert Pujols – Bejsboll
  20. Floyd Mayweather Jr. – Boks
  21. Peyton Manning – Futboll amerikan
  22. Randy Moss – Futboll amerikan
  23. Michael Schumacher – Formula 1
  24. Mike Trout – Bejsboll
  25. Clayton Kershaw – Bejsboll
  26. Miguel Cabrera – Bejsboll
  27. Dwyane Wade – Basketboll
  28. Ichiro Suzuki – Bejsboll
  29. Kevin Durant – Basketboll
  30. Justin Verlander – Bejsboll
  31. Dirk Nowitzki – Basketboll
  32. Giannis Antetokounmpo – Basketboll
  33. Alex Rodriguez – Bejsboll
  34. David Ortiz – Bejsboll
  35. Max Scherzer – Bejsboll
  36. Jimmie Johnson – NASCAR
  37. Zinedine Zidane – Futboll
  38. Steve Nash – Basketboll
  39. Adrian Beltre – Bejsboll
  40. Dedrek Jeter – Bejsboll

 

Continue Reading

Lajmet

Mungesa e deputetëve pas pauzës shtyn seancën e Kuvendit për nesër

Published

6 hours ago

on

November 12, 2026

By

Kryetarja e Kuvendit të Kosovës, Albulena Haxhiu, ka marrë vendim që ta shtyjë vazhdimin e seancës së sotme plenare për ditën e nesërme, në orën 11:00, pasi deputetët u vonuan rreth gjysmë ore për t’u kthyer në sallë pas pauzës.

Duke arsyetuar vendimin, kryeparlamentarja Haxhiu theksoi se është e pamundur të zhvillohen punimet e Kuvendit kur deputetët nuk respektojnë orarin. Në momentin e ndërprerjes, në sallën plenare ndodheshin vetëm disa deputetë të PDK-së, disa të LDK-së dhe vetëm dy deputetë të Lëvizjes Vetëvendosje.

Për shkak të kësaj shtyrjeje, mbetën pa u shqyrtuar pikat e mbetura të rendit të ditës, ku përfshiheshin katër marrëveshje ndërkombëtare, interpelanca me ministrin e Shëndetësisë, Arben Vitia, mocioni lidhur me energjinë, si dhe diskutimi për Projektligjin për Gjykatën Speciale. /E.A/

Continue Reading

Të kërkuara