Presidenti i Federatës së Futbollit të Kosovës, Agim Ademi, ka bërë të ditur se së shpejti Kosova do të vizitohet nga Arsène Wenger, njëri prej trajnerëve më të suksesshëm në historinë e futbollit.

Përmes një postimi në rrjetet sociale, Ademi njoftoi se gjatë Samiti i FIFA-s në Miami ka zhvilluar një takim me Wengerin, ku kanë diskutuar për zhvillimin e talenteve dhe të futbollit në Kosovë.

Sipas Ademit, në kuadër të samitit është diskutuar edhe për organizimin e festivaleve për të rinjtë, si për djem ashtu edhe për vajza, në përputhje me strategjinë e FIFA për zgjerimin e bazës së futbollit.

Wenger, i cili aktualisht është i angazhuar në FIFA për zhvillimin global të futbollit, ka vlerësuar potencialin e madh që ka Kosova, duke theksuar se rezultatet e Kombëtares së Kosovës janë dëshmi e talentit dhe e rrugës së duhur të zhvillimit që po ndjek futbolli kosovar.

Ademi bëri të ditur se FIFA tashmë ka hapur Akademinë e Talenteve në Kosovë, projekt që synon zhvillimin e futbollistëve të rinj, ndërsa vizita e ardhshme e Wengerit do të shërbejë për të parë nga afër punën dhe progresin e kësaj akademie.

“Shumë shpejt, Arsène Wenger do ta vizitojë Kosovën për të përcjellë nga afër punën dhe zhvillimin e Akademisë së Talenteve”, ka shkruar Ademi.

Belgjika dhe Egjipti i kanë ndarë pikët në ndeshjen hapëse të Grupit G në Kupën e Botës 2026, pasi takimi i zhvilluar në Seattle përfundoi me rezultatin 1:1.

Egjiptianët e nisën më mirë ndeshjen dhe kaluan në epërsi në minutën e 19-të. Pas një aksioni të bukur, Emam Ashour u shërbye nga Mohamed Salah dhe me një goditje të saktë mposhti portierin belg Thibaut Courtois për rezultatin 1:0.

Belgjika reagoi në pjesën e dytë dhe shtoi presionin në kërkim të golit të barazimit. Përpjekjet e saj u shpërblyen në minutën e 66-të, kur mbrojtësi egjiptian Mohamed Hany, në tentim për të larguar rrezikun para Romelu Lukakut, e dërgoi topin në rrjetën e skuadrës së tij.

Deri në fund të takimit, të dyja ekipet krijuan raste, por rezultati mbeti i pandryshuar.

Me këtë barazim, Belgjika dhe Egjipti e nisin Botërorin me nga një pikë, ndërsa Grupi G mbetet plotësisht i hapur pas ndeshjeve të para.

D.L

Foto: Koha

Arabia Saudite dhe Uruguai kanë barazuar 1:1 në ndeshjen e zhvilluar në Miami, në kuadër të Grupit H të Kupës së Botës 2026.

Arabët kaluan në epërsi në fund të pjesës së parë, kur Abdulelah Al-Amri përfitoi nga një gabim i portierit uruguaian Fernando Muslera dhe realizoi nga afërsia në minutën e 41-të.

Në pjesën e dytë, Uruguai mori kontrollin e lojës dhe ushtroi presion të vazhdueshëm në kërkim të golit të barazimit. Përpjekjet e amerikanolatinëve u shpërblyen në minutën e 80-të, kur Maximiliano Araujo gjeti rrugën e rrjetës për rezultatin përfundimtar 1:1.

Pavarësisht dominimit në posedim dhe raste, Uruguai nuk arriti të përmbysë rezultatin dhe u desh të kënaqej me një pikë.

Edhe ndeshja tjetër e Grupit H përfundoi pa fitues, pasi Spanja dhe Kepi i Gjelbër barazuan 0:0. Si rezultat, të katër kombëtaret e grupit e kanë nisur turneun me nga një pikë, duke e bërë garën për kualifikim plotësisht të hapur.

D.L

Foto: Koha

Irani dhe Zelanda e Re kanë barazuar 2:2 në ndeshjen e parë të Grupit G në Kupën e Botës 2026, që po zhvillohet në SHBA, Meksikë dhe Kanada.

Përballja ishte e luftuar deri në fund, me Zelandën e Re që kaloi dy herë në epërsi, por iranianët arritën të riktheheshin në rezultat në të dy rastet.

Sulmuesi Elijah Just ishte protagonisti kryesor për Zelandën e Re, duke realizuar në minutën e 7-të dhe të 54-t. Megjithatë, Irani reagoi shpejt përmes Ramin Rezaeian dhe Mohammad Mohebi, të cilët shënuan golat që i siguruan ekipit të tyre një pikë të vlefshme.

Pas përfundimit të ndeshjeve të para në Grupin G, renditja mbetet plotësisht e barabartë. Të katër kombëtaret e grupit kanë nga një pikë, pasi edhe ndeshja tjetër e grupit mes Belgjika dhe Egjipti përfundoi pa fitues.

Ky fillim i baraspeshuar premton një garë të fortë për kualifikimin në fazën tjetër, me çdo pikë që pritet të ketë peshë të madhe në vazhdim të turneut.

D.L

Foto: Koha