Sport

Challandes: Kemi tri ndeshje të vështira para nesh

Published

4 years ago

August 30, 2021

Betim Gashi

Në prag të ndeshjes kundër Gjeorgjisë, e cila është e vlefshme për kualifikimet për në Kampionatin Botëror “Katar 2022”, ndeshje kjo që do të zhvillohet më 2 shtator, trajneri i Kombëtares së Kosovës, Bernard Challandes ka folur në një konferencë për media ku ka analizuar situatën në të cilën ndodhet skuadra kosovare duke vënë theksin mbi atë se nga tani e tutje do të punohet në ndërtimin e një mentaliteti të ri duke filluar nga dita e sotme.

Ai ka deklaruar se Kosova ka nevoje për një frymë të re dhe se do të jetë ai që do të fillojë me një qasje më të ashpër dhe më kërkuese për të nisur një cikël të ri të rezultateve.

“Gjatë ditëve në vijim do të kemi tri ndeshje goxha të vështira dhe interesante. Nuk mund të them që për ne është fillimi i një kampanje të re sepse në kuadër të kësaj kampanje kualifikuese tashmë veç i kemi zhvilluar dy ndeshje, ndaj Suedisë dhe Spanjës, por ajo që mund të them është që për ne do të jetë një fillim i ri sepse vijmë pas dy periudhave të ndryshme, një periudhe kur kemi pasur një sukses relativ dhe pastaj një periudhe kur kemi qenë të pa suksesshëm, prandaj ky fillim do të jetë një fillim i ri për ne në kuadër të kualifikimeve…Për mua është sërish koha për të filluar të rindërtojmë një ekip të fortë, një skuadër të nivelit më të lartë të mundshëm”, tha Challandes.

Challandes ka thënë se do të marrin mësim nga ndeshjet e Euro 2020 dhe edhe pse nuk është koha e duhur, në kombëtare do të fillojë një epokë e re.

“Nuk kemi qenë në Euro mirëpo duhet të marrim disa mësime nga Euro, të gjithë e dimë arsyen pse nuk kemi qenë në Euro, por tani ka ardhur koha që të provojmë sërish për ta ri-ngritur ekipin për ta riformuar një skuadër të fortë, një skuadër që do të ketë vlera siç ka qenë më herët…Është koha për ta ndërtua një mentalitet të fortë dhe të duhur për ekipin e Kosovës sërish. Fatkeqësisht për ne nuk është koha perfektë për të nisur një proces të tillë sepse jemi në një situatë jo stabile me disa prej futbollistëve që janë në lëvizje nga klubi në klub, pastaj disa të tjera që kanë probleme me lëndime apo edhe probleme të tjera prandaj nuk është koha më e mirë e mundshme por është koha kur ne duhet të japim një reagim dhe të provojmë të ndërtojmë një skuadër me mentalitet fitues siç ka qenë më herët”, tha tekniku zviceran.

Sa i përket kritikave që merr në lidhje me punën e tij në Kombëtaren e Kosovës, Challandes ka deklaruar se ato i shërbejnë vetëm për t’u përmirësuar dhe se është i gatshëm të jetojë dhe të punojë nën prsion.

“Unë jam trajner i ekipit kombëtar për më shumë se dy-tre vite prandaj është e qartë se duhet të pranoj kritika dhe duhet të jem i mësuar të jetoj me kritika sepse është pjesë e punës së trajnerit. Secili trajner ka shumë presion dhe për mua kjo është diçka pozitive, mbase mua me duhet presioni dhe me presion bëhem më i mirë dhe mund të jap edhe më shumë nga vetja kështu që jam absolutisht i gatshëm të jetojë me presion dhe të punoj me presion.?”, theksoi ai.

Mbi të ardhmen e tij, tekniku zviceran pranoi se ishte në listën e trajnerëve për të marr drejtimin e Kombëtares së Zvurës pas Euro 2020, por që është i lumtur që është në drejtimin e Kosovës.

“Kam qenë në listë me trajner si Arsene Wenger, Jouqim Low, Roberto Donadoni, Lucien Favre, trajner goxha të dëshmuar, prandaj por, unë kam qenë në atë listë por ka qenë listë e gjerë dhe për mua ka qenë ndër që të jem në listë me emra të tillë…Unë kam qenë në listë, ata kanë vendosur për Murat Jakimin. Unë vazhdoj të jem trajner i Kosovës, kam kontratë me Federatën e Futbollit të Kosovës, jam këtu më shumë se tri vite dhe jam shumë i lumtur që jam pjesë e Kosovës”, u shpreh Challandes.

Challandes e komentoi edhe vendimin e Leart Paqaradës për të mos luajtur për kombëtaren duke thënë se nuk është në rolin e tij që t’iu bëjë lutje lojtarëve për të ardhur dhe për të luajtur për Kosovën.

“Është vendim i tij, ai e ka marr këtë vendim, ne e kemi respektuar dhe nuk është roli im që t’u bëjë lutje asnjë futbollisti dhe t’iu them të lutem eja për të luajtur me ekipin kombëtar…Nëse ai konsideron që është momenti për të diskutuar ndërmjet nesh dhe paraqitët për të diskutuar me mua atëherë absolutisht unë nuk kam asnjë problem dhe mund të diskutoj më atë dhe mund të shohim se çfarë mund të na drejtoj një diskutim i tillë”, tha Challandes.

Krejt në fund, Challandes bëri të ditur se arsyeja pse përsëri nuk është ftuar Bernard Berisha është për shkak se ai po kërkon që t’i garantohet një pozitë në formacionin startues dhe se ai nuk mund t’ia ofrojë këtë.

“Ajo që mund të them për Bernard Berishën është që ai kërkon garancion për pozicionin e tij në ekip dhe kjo e dëshmon që mbase nëse flasim për këtë mentalitet që po provojmë ta instalojmë te ekipi, aktualisht nuk mund t’i garantojmë, jo vetëm atij por askujt pozicion të qartë në ekip dhe secili duhet të jetë këtu, të jetë i gatshëm në çfarë do roli për ekipin dhe kjo është arsyeja pse ai nuk është me ne aktualisht”, tha në fund Challandes.

Pas ndeshjes me Gjeorgjinë, Kosova do të ballafaqohet edhe me Greqinë dhe Spanjën më 5 dhe 8 shtator në stadiumin “Fadil Vokrri”.

Related Topics:kryesore Bernard Challandes

Up Next

Juventus në bisedime të avancuara për të nënshkruar me Mohamed Ihattaren nga PSV

Don't Miss

A do ta linte Kosovën për ta drejtuar Zvicrën? Përgjigjet Bernard Challandes

Sport

Sporti kosovar thyen rekorde: 24.4 milionë euro sponsorizime në vitin 2025

Published

3 hours ago

February 20, 2026

UBTNews

Sporti kosovar shënoi një vit të suksesshëm në aspektin financiar gjatë vitit 2025, me një rritje të ndjeshme të investimeve nga bizneset vendore, sipas raportit vjetor të sponsorizimeve të publikuar nga Ministria e Kulturës, Rinisë dhe Sportit (MKRS).

Sipas të dhënave, vlera totale e sponsorizimeve në sport në Kosovë ka arritur në 24,456,036.98 euro. Nga kjo shumë, 21.3 milionë euro janë dhënë klubeve sportive, ndërsa 2.73 milionë euro kanë përfunduar te federatat sportive,.raporton telegrafi.

Në krye të përfituesve institucionalë renditet Federata e Futbollit e Kosovës me 1,313,000 euro, e ndjekur nga klubet e basketbollit: KB Ylli me 1,242,000 euro, KB Trepça me 1,239,000 euro dhe KB Sigal Prishtina me 1,210,100 euro. Ndër përfituesit kryesorë janë edhe FC Prishtina, KF Ballkani dhe SC Gjilani, me shifra që variojnë nga 940 mijë deri mbi 860 mijë euro.

Sa i përket ndarjes sipas sporteve, futbolli mbetet dominues me mbi 9.14 milionë euro, i ndjekur nga basketbolli me 6.62 milionë euro, volejbolli me 1.40 milionë euro dhe hendbolli me rreth 947 mijë euro. Kjo tregon se sponsorët preferojnë sportet me audiencë më të gjerë dhe impakt më të madh në publik.

Në anën tjetër, lista e bizneseve më të mëdha sponsorizuese kryesohet nga Frutex me 727,000 euro, e ndjekur nga IPKO me 690,999 euro dhe Viva Fresh me 635,000 euro. Kontribute të rëndësishme kanë dhënë edhe banka dhe kompani të tjera vendore, duke investuar qindra mijëra euro në sportin kosovar.

Ky nivel i lartë investimi dëshmon se sponsorizimi është shndërruar në një mekanizëm kyç për funksionimin, profesionalizimin dhe zhvillimin e sportit në Kosovë. Raporti nënvizon gjithashtu nevojën për forcimin e kornizës ligjore dhe institucionale, në mënyrë që sistemi i sponsorizimeve të jetë më transparent, i drejtë dhe më efektiv për zhvillimin afatgjatë të sportit. /telegrafi/

Sport

Juventus prezanton fanellën e katërt për sezonin 2025-26

Published

6 hours ago

February 20, 2026

UBTNews

Klubi italian i Juventusit ka zbuluar fanellën e tij të katërt për sezonin 2025-26, një dizajn unik që kombinon traditën e pasur të klubit me elementë modernë të stilit sportiv. Shiritat ikonë të Juventusit evoluojnë në këtë kit të veçantë, duke krijuar një pamje që është njëkohësisht e re dhe e njohur, ku e shkuara dhe e tashmja lëvizin në të njëjtën drejtim.

Fanella është rezultat i një bashkëpunimi ekskluziv mes @adidasfootball, dizajnerit të njohur @giampaolosgura dhe vetë Juventusit. Kjo kolaborim synon të sjellë një produkt që reflekton identitetin e klubit, duke e bërë çdo fanellë një artikull unik dhe koleksionues për tifozët bardhezi.

Dizajni i fanellës përfshin detaje të hollësishme dhe inovative, duke u fokusuar jo vetëm te pamja, por edhe te funksionaliteti dhe komoditeti për lojtarët në fushë. E përditësuar me materialet më të fundit teknologjike, fanella premton qëndrueshmëri, frymëmarrje optimale dhe përshtatje të përsosur për aktivitetin sportiv intensiv.

Ky kit i ri nuk është vetëm një uniformë sportive, por edhe një mënyrë për tifozët e Juventusit të lidhen me historinë dhe trashëgiminë e klubit, duke u bërë pjesë e një simboli të paharrueshëm të identitetit bardhezi. Fanella është tashmë e disponueshme për blerje online dhe në dyqanet zyrtare të klubit, duke i dhënë mundësinë çdo tifozit të bëhet pjesë e një kapitulli të ri në historinë e Juventusit.

Sport

Kampionët e shahut që nga viti 2005

Published

6 hours ago

February 20, 2026

UBTNews

Shahu ka qenë gjithmonë një lojë strategjie, durimi dhe talenti, dhe kampionët e saj ndër vite kanë lënë gjurmë të pashlyeshme në histori. Që nga viti 2005, gara për titullin e kampionit botëror ka parë emra të njohur dhe të rinj që kanë dominuar skenën ndërkombëtare, duke treguar mjeshtëri të jashtëzakonshme dhe rivalitet të fortë. Ja lista e kampionëve që nga viti 2005:

2005 – Veselin Topalov
2006 – Vladimir Kramnik
2007 – Viswanathan Anand
2008 – Viswanathan Anand
2009 – Viswanathan Anand
2010 – Viswanathan Anand
2011 – Viswanathan Anand
2012 – Viswanathan Anand
2013 – Magnus Carlsen
2014 – Magnus Carlsen
2015 – Magnus Carlsen
2016 – Magnus Carlsen
2017 – Magnus Carlsen
2018 – Magnus Carlsen
2019 – Magnus Carlsen
2020 – Magnus Carlsen
2021 – Magnus Carlsen
2022 – Magnus Carlsen
2023 – Ding Liren
2024 – Gukesh Dommaraju
2025 – Gukesh Dommaraju (kampion në fuqi)

Sport

Drita humb 3:2 ndaj Celjes në ndeshjen e parë të plejofit të Ligës së Konferencës

Published

7 hours ago

February 20, 2026

UBTNews

Drita e Gjilanit e humbi me rezultat 3:2 ndeshjen e parë të plejofit të fazës nokaut të Ligës së Konferencës, duke barazuar përkohësisht në 2:2 por duke pësuar golin vendimtar në minutën e 94-të nga Matej Poplatnik. Ndeshja u zhvillua të enjten në stadiumin “Fadil Vokrri” në Prishtinë, me një numër të vogël shikuesish në tribuna.

Celje kaloi në epërsi në minutën e 19-të me golin e Armandas Kucys dhe shënoi edhe të dytin me ish-kapitenin e Kosovës U21, Milot Avdyli. Drita u rikthye në pjesën e dytë pas aktivizimit të Blerim Krasniqit dhe Liridon Balajt, të cilët realizuan nga një gol për të barazuar rezultatin në 2:2. Krasniqi shënoi në minutën e 59-të pas asistit të Balajt, ndërsa Balaj gjeti rrjetën në minutën e 75-të për të barazuar ndeshjen.

Para golave të Celjes, Drita kishte pasur dy raste të mira shënimi me Kristal Abazajn në minutën e gjashtë dhe Albert Dabiqajn në minutën e dhjetë, por nuk arriti të shfrytëzonte mundësitë.

Ndeshja e kthimit zhvillohet më 26 shkurt në Celje, ku Drita kërkon të kthejë avantazhin dhe të kalojë tutje në fazën e nokaut.